IQALUIT, Nunavut (Niqiliqivik 15, 2019) – Qulliq Alruyaqtuqtunik Ikumadjutiit (QEC) tuhaqtituyumayut ublumi Ministait angiqtaat tikkuaqtauyut Andrew Nakashuk, Keith Peterson, Martha Lenio-lu tapkununga Katimayikhainut. Imaaluttauq, Ministait angiqtaat tikkuaqtauyut Simeonie Akpalialuk ikhivautalingnguqtuq uvalu Keith Peterson ikhivautaliup tuglianguyuq katimayiinun. Tapkua ikhivautalik ikhivautaliuplu tuglia tikkuaqtaudjutait aullarutitit piniatut Qiqaiyarluarvianun 2020 aulapkaiyiilu tikkuaqtaudjutait aullarutitit piniatut pingahunik ukiunik.
“Quayagiyumayara Bert Rose, Ronnie Campbell, Nelson Pisco, uvalu Philip Clark nakuuyunik tunidjutikharnun katimayiinun katimaqattaublutik,” uqaqtuq Nanngariyauyuq Jeannie Ehaloak, Minista munariyalik QEC-mik. “Ikayuqtauqpiapaktun pivaliagani kuapulisiitkut hivituyumik upalungaiyautinik ilihimayungalu Simeonie Akpalialuk, atautikut, nutaanguyut aulayuitunlu katimayiini, piyakhanginnik katimayiitkut tautuktuuyaaqtauyukharniklu kuapuraisingitni.”
Kinguagut Bert Rose inirman ikhivautalik Qiqaiyarluarviami 2019, Simeonie Akpalialuk ikhivautaulakhimayuq. Ilauvakhimayuq katimayiinun taima tugliuvakhuni ikhivautarmi talvanga Qiqaiyarluarvia 2018-mi katimayiinunlu aulavakhimayuq talvanga Qiqaiyarluarvia 2017-mi. Ministat angiqtut katimaruirutaani katimayiiyiuvakhimayuq Juanie Pudluk tikkuatauhimayuq Tattiarnarvia 2018, iniqpaktuq Taarnirmun Aullaqtirvia 2019.
Tapkua nutaaguyut tikkuaqtauhimayut tadja piyut, QEC-kut Katimayiit piqaqtut ait-nguyut.
###
Tuhagaqtidjutikhanut Uqarvikhaq:
Catherine Whittaker
Atan'ngujaullaktuq, Kuapuriisitkunni Tuhaqtipkaivingmi
Qulliq Alrujaqtuqtunik Ikumadjutiit
(867) 979-7513
Kangiqhidjutikhanga
Qulliq Alruyaqtuqtunik Ikumadjutiit (QEC) nunaptingni kuapuraisinguyuq taima atuqtukharnik piqagianganik alruyaqtuqtunik nunalaanun Nunavunmi. QEC-kut nanminigiyaingit Nunavut Kavamangit aulatitihimayurlu havagviupluni allanik, ilituqhaiyukharniklu Ministamun munagiyunun QEC-kutnun. Tamna kuapuraisingit avaliituq auladjutiliqiyunik tuniqhaiyukharniklu alruyaqtuqtuutikharnik ikumadjutikharnik Nunavunmi, aulatitiyuq 25nik urhuqyuaqtuqtunik pauwaqarviingit 25-nik nunalaaniitunik.
Talvanga Qulliq Alruyaqtuqtunik Kuapuraisingit Maligaq, Ikhivautalik tuglialu ikhivautaliup katimayingit tikkuaqtauniaqtut Ministamit katimayiinnit. Tapkuat Katimayiit tikkuaqtauhimayut talvanga Ministamin hivitunikhanut ilauyaangat avatquhimaitumik pingahuni ukiuni, tamnalu katimayiit piqaqtukhauyut taima siksiuyunik katimayiinik avatquhimaitumiklu qullinik katimayikhanik.
Tikkuaqtauhimayut
Simeonie Akpalialuk
Simeonie Akpalialuk ublumimun nunaqaqhimayuq Iqalungni nunaqaqpakhimayuq talvani Nunatsiarmi, Ontario-mi, British Columbiamilu talvuuna ayuittiagiikhimayamingnik havaagivakhimayainik. Havakpakhimavaktuq tutqikhaipluni talvani Hamilatkuni Pangnirtuurmi, Nunavut Kavamatkuni talvani Pivalliayuliqiyitkut Ingilrayuliqiyitkullu havakpakhuni talvani nunalaani nanminiqaqtuniklu pivalliadjutikharnik. Hivutunirmik havakpakhimayainik allanik alruyaqtuqtunik taima akhurnaqtauyuq ilayukharnik talvani QECkutni katimayiinun. Mista Akpalialuk pihimayuq Nanminikharnik Titiqiqidjutikharnik ilitagidjutikharnik talvanga Nicola Valley Institute of Technologymin British Columbia-mi.
Keith Peterson
Mr. Keith Peterson ministauyiuvaktuq Nunavut Kavamangani uvalu Katimayiinnun Maligaliurvingmi (MLA) havaktigivaktait Iqaluktuuttiaq. Munariniqaqtpaktuq hapkuninga Maniliqinikkut, Maligaliqiyitkut, Munaqhiliqinikkutlu ministauvakhimayurlu QEC-kunnun. Mr. Peterson Maiyauvakhunnilu Iqaluktuuttiami malrunik ukiunik, havakpakhimayurlu qaffiuyut havaaqhat allatqinik kavamatkunni nanminiriyauyunilu katimayiini. Ayuittiaqhimayuq hivuliuqtigiagani kavamatkunni havagviit, aviktuqhimayuni kuapuriisit, katimayit ataniqtuqtuiyut nunallaanilu pidjutauyunut. Nunaqaqtuq Iqaluktuuttiani.
Andrew Nakashuk
Andrew Nakashuk ilauqattauvakhimayuq katimayiini, timiqutauyunik katimayiinutlu amigaituni ukiuni talvani Pangnirturmi Qiqiktaalungmilu. Tadja ikhivautalik talvani Nunavut Upalungaiyainikkut Kamisinat. Mr. Nakashuk hivituyunik ayuitaminik nunami havakpakhimayuq anguhiqiyiubluni iqalungnikkutlu, akhanut munaridjutikhaq, uqaqtuivakhimayunnilu. Iniqpakhimyuq ilihaidjutinik kiudjutikhanik avatiptinni qilamiurniaqtigun, qiniqhiayukharnik anaktaiyutlu ilihadjutinik, and allatqiinik ilihaidjutinik talvuuna Palihimatkunin RCMP. Mr. Nakashuk nunaqaqtuq Pangnirtuurmi.
Martha Lenio
Martha Lenio tunihivaktuq tapkununga nunaryuami aulaaranginnaqtun auladjutikhat QEC-gutip Katimayiuyut Katimayiit. Aulaaranginnaqtun auladjutikhat ayuittiaqhimayubluni tapkuninga World Wildlife Fund Canada, Dr. Lenio’s ilihimayuq hapkuninga of aulaaranginnaqtun auladjutikhat atuqtakhat talvani ukiuqtaqtumi avatikhamingnik talva QEC-ikayuqtait Qulini ukiuni hivituyunik ayuittiaqhimayuq hapkuninga hiqinirmit pauwaqtipkaidjut ilihimanikkut ilitaqhimayuq uvvanga Doctor of Philosophy talvani Photovoltaic Engineering talvanga University of New South Wales, uvalu Bachelor of Applied Science talvanga University of Waterloo. Dr. Lenio nunaqaqtuq Iqalungni.