IQALUIT, Nunavut (Qitiqauyaqvia 3, 2017) –Qulliq Alruyaqtutinik ıkumadjutiit (QEC) havaktiit katimaqatigiyait nunamingni atanguyat uvalu nunalaami ilauyut ublumi quviahuutigilugu ihuaqtumik iniqtiqhugu nutaaq Pangnirtuumi pauwaqaqvik. Pauwaqaqviluanga, kitu havaktauhimayuq uvani 1971mi, ikualavangman uvnai Qitiqautiyuq 2015mi.
“Quyagiyumayatka hapkua inuit Pangnituuqmiut ikayuutaitigut uvalu qilamiungitutik pauwaqaqviliuqtilugit himautighaanik pauwaqaqviup nunamin qunmun, "uqaqtuq Nanngagiyayuq Jonny Mike, Minista munaqhiyuq QECtkunik. “Quviahuktunga nunalaaq piqapiqtuq ihuaqtumik ikumadjutnik kitu ihuaqniaqtuq Pangnirtuungmiunun angiklivalianianun uvalu inuuhiqatiagutighait."
Hamna nutaaq pauwaqaqvik tamayalik hitamanik nutaanik ihuaqtunik ingniqutinik pihimayuq piyaaqnia aulapkaqlugu haffumunga 3.75 megawattsmik auladjutaa. Talvalu nutaanguqtiqhimayuq kamitikgutaata auladjutaa uvalu inmigut ququuqtaaqtumik, nutaaq pauwaqaqvik piqaqhunilu nutaanik qagitauyaliqutmik ikiliyuumilugu nipaa uvalu ikiliyuumilugu puyuit.
“Tunihiniq una havaaq ikaangniit uvalu manik avatqungitugu attauhiuyuq hivuliuyughaq uvani ukiumi. Quviahuktunga pigapta tikitugu una tikinahaqtavut," uqaqtuq Bruno Pereira, Angiyuqaq uvalu Ataniqpakyuaq hapkununga QECtkunun.
Pangnirtuup nutaaq pauwaqaqvia QECtkut pingahuuyuq angiyuq havaaq iniqtauyuq kingungani ukiumi, tamaita kitut pipkaiyut ilaublugit nutaanguqtaaqtuq auladjutikkut auladjut.