IQALUIT, Nunavut (May 26, 2020) – Qulliq Alruyaqtutinik Ikumadjutiit (QEC) tuhaqtitijut ublumi Ministait angiqtait tikkuaqtauniit ukuat Sheena Akoomalik, Okalik Eegeesiak, unalu Marvin Dion kuapuliisikkut Katimajinginnut. Nicole Jauvin tikkuaqtauffaaqtuq Katimajiinut Ministainit pingahuni-ukiuni hivituniqaqtumik.
Imaaluttauq, Ministait angiqtait tikkuaqtauniit Keith Peterson ikihivautalik unalu Andrew Nakashuk tuklia-ikhivautaliup katimajiita. Tamarmik katimajiujuk tikkuaqtaujut katimajinginut Niqiliqivik 2019 pingahuni-ukiuni hivituniqaqtumik. Andrew Nakashuk havaariffaaliqtaa tuklia-ikhivautaliup kinguagut Keith Peterson kivgaqtuivauhianik havaakhamik.
“Qujagijumajatka taimaaqtiqtut katimajiugaluat Simeonie Akpalialuk unalu Kimberly Fairman nakuukpiaktunik ikajuutainnik fkatimajiunirmingnut hivulliqtuidjutimingnullu kivgaqtuidjutimingnut QECtkut Katimajiujut Katimajiit,” uqaqtuq Nan'ngarijaujuq Jeannie Ehaloak, Minista Munarijalik QECtkunut. “Ukpiruhuktunga nutaat naingujut katimajiujut havaqatigiiktut pihimajut ajuiqhattiaqhimajut pitquhikkullu ajuittamingnik piqaqtut hivuliqtuidjutikhanut QECtkut hivumuuqpalliadjutikhanik ihuaqtumikikajuutikhanik tamainnut Nunavummiunut.”
Simeonie Akpalialuk, tikkuaqtaihimajuq katimajiinut Qiqaijaluarvia 2017mi, havaarijanginnik himmautaulakhimajuq ikhivautalik Qiqaijaluarvia 2019 kivgaqtuinirminik tuklia-ikhivautlaiup talvanga Qiqaijaluarvia 2018. Kimberly Fairman tikkuaqtaihimajuq Qiqaijaluarvia 2017 hivitunianik pingahuni ukiuni. Nutaat tikkuaqtauniit ikajuutauniaqtut kuapuliisitkut aullaranginnaqtumik uuktuutainnut amigaigjuuminahuaqhugit Nunavunmi Inuit imaalu avikturniinni kivgaqtuqtakhaminik amigaigjuuminahuarutikhaniklu angutit arnat aallatqiiktunik tapkunani Katimajiujut Katimajiit.
###
Tuhaqtidjutikhanut Uqarvikhaq:
Renee Boucher
Himmautaullaktuq Ataniq, Kuapuliisikkut Tuhaqtipkaijinni
Qulliq Auladjutikhanut Kuapurainga
(867) 979-7524
rboucher@qec.nu.ca
Kangiqhidjutikhanga
Qulliq Alruyaqtutinik Ikumadjutiit (QEC) avikturniptingni piqaqtitijut pauwatuutikhainnik nunallaanut Nunavunmi. QEC nanminirijat tamaat Nunavut Kavamatkunit aulatitihimajurlu havagviupluni allanik, ataniqaqhutik kiuniqaqtut Ministamun munarijaqaqtuq QEC-kutnun. Kuapuliisitkut avaliittuq auladjutikhanut tunihivakhutiklu pauwatuutikhainnik Nunavunmi, aulapkaivakhutiklu 25 uqhurjuaqtuqtunik pauwaliurutinik pauwaqarvingnik 25 nunallaani.
Talvanga Qulliq Alruyaqtuqtunik Kuapuliisitkut Maligaq, Ikhivautalik tuglialu ikhivautaliup katimajingit tikkuaqtauniaqtut Ministamit katimjyiinnit. Tapkuat Katimajiit tikkuaqtauhimajut talvanga Ministamin hivitunikhanut ilaujaangat avatquhimaittumik pingahuni ukiuni, tamnalu katimajiit piqaqtukhaujut taima siksiujunik katimajiinik avatquhimaitumiklu qulliujut katimajiit.
Sheena Akoomalik
Sheena Akoomalik havaaqaqpakhimajuq imaatut 15 ukiuni tapkunani Nunavut Kavamanga Nunalingni Kavamatkunillu Pivikhaqautikkut. Havakpakhimajuq talvani Uqhurjualiqijit Havagvianni, aallatqiiktunik, hivulirmik aturnianik uqhurjuat atuqtakhainik pauwaliurutikhat avikturnianni. Qanikkut, kivgaqtuiliqtuq niruaqtaupluni ilaujukhaq Nunallaani Ilinniaqtulirijitkut Katimajiit (DEAs) nunamini Mittimatalik.
Aittuqtauhimajuq akimagami qun'ngiarvingmi pinnguaqtiunirmik, Ms. Akoomalik piliuqtiuhimajuq atan'ngujallu ukuat Tununirmuit Theatre havaqatigiiktut qunngiaqtitijut pitquhikkut qunngiaqtitugit aquihimajunut nunarjuamit. Aallatqiiktunik kangiqhimajunik Inuit pitquhiinnik, ilitquhiannik uqauhianiklu, Ms Akoomalik ikajuutikhaqaqtuq nunatigut ihumagijaujukhanik ajuitaminik kuapuliisitkut Katimajiujut Katimajiit.
Okalik Eegeesiak
Okalik Eegeesiak qaujimattiaqtuq kangiqhimaplugillu Inuit Nunataarutaanut Angirunmik Kanadami nunarjuamillu. Qanikkut, kivgaqtuivaktuq Ikhivautalik ukuani Inuit Tamaat Nunajyuami Katimajiit imaalu, hivuagut, Angiyuqqaaq Qikiqtani Inuit Katudjuqatigiit. Havaarijamini, Ms. Eegeesiak havaaqaqpakhimajuq hapkunani Inuit Tapiriit Kanatami (ITK), Nunavut Tunngavik Incorporated (NTI), talvanillu Nunavut Kavamanga Havaktuliqijitkut havagvianni. Tadja nunaqaqtuq Iqalungni.
Kinguanillu tadjalu ilaudjutaa amihuni akiittumik ikajuutigivaktainnut timiqutit katimajiillu, tadja ilaujujq hapkunani Ukiuqtaqtumi Nutaqqanut Inulrammirnulu Tuun'ngavikhat, Inuit Tuhapkaidjutikhanut Atuqtaujut, imaalu kivgaqtuivakhimajuq Nunarjuami Ikhivautalik ukunani Pikialasorsuaq Katimajiinni. Malrungnik uqaqtaaktuq Inuk pittiarahuaqpakhuni inuuhiqaqtunik aallatqiiktunik, Ms. Eegeesiak tadja angijuqqaangujuq tapkunani Makibi Consulting Iqalungni.
Marvin Dion
Imaatut 40ukiuni havaaqaqtpakhimajurlu pauwatuutikhanut pauwaqarvingmi aulapkaijiupluni imaalu atan'ngujaupluni tamanigni Nunavunmi Nunatsiarmillu, Marvin Dion, kangiqhimattiaqhimajurlu qanuqtgut pauwaliurutainnik QECtkut Katimajiujut Katimajiit. Tadja, havaqaqtuq Atan'ngujaupluni talvani Sarliaq Holdings Kangiqlinirmi.
Mr. Dion kinguagut niruaqtauhimajuq Miijaunirmut Sallirmi imaalu kinguagut kivgaqtuihimajuq tuklianut miijamut. Ukiuni amihuni, ilauvakhimajurlu amigaittuni Keewatin ukunanilu Kivalliq ravikturniinni katimajiini ikajuqtiuvakhunillu amihunut nunamingni katimajunut.
Keith Peterson
Mr. Keith Peterson ministauyiuvaktuq Nunavut Kavamangani uvalu Katimayiinnun Maligaliurvingmi (MLA) havaktigivaktait Iqaluktuuttiaq. Munariniqaqtpaktuq hapkuninga Maniliqinikkut, Maligaliqiyitkut, Munaqhiliqinikkutlu ministauvakhimayurlu QEC-kunnun. Mr. Peterson Maiyauvakhunnilu Iqaluktuuttiami malrunik ukiunik, havakpakhimayurlu qaffiuyut havaaqhat allatqinik kavamatkunni nanminiriyauyunilu katimayiini. Ayuittiaqhimayuq hivuliuqtigiagani kavamatkunni havagviit, aviktuqhimayuni kuapuriisit, katimayit ataniqtuqtuiyut nunallaanilu pidjutauyunut. Nunaqaqtuq Iqaluktuuttiani.
Andrew Nakashuk
Andrew Nakashuk ilauvakhimajuq katimajiujunut, timiqutaujunut katimajiinnullu amihuni ukiuni Pangniqtumi, Qikiqtaalungmilu, tamainni Nunavunmi. Tadja ikhivautalik talvani Nunavut Upalungaijainikkut Katimajingit, katimapkaivakhuni nunallaani qaujihaidjutikhainnik upalungaijaiplunillu katimapkaidjutikhanik. Mr. Nakashuk hivituyunik ayuitaminik nunami havakpakhimayuq anguhiqiyiubluni iqalungnikkutlu, akhanut munaridjutikhaq, uqaqtuivakhimayunnilu. Iniqpakhimyuq ilihaidjutinik kiudjutikhanik avatiptinni qilamiurniaqtigun, qiniqhiayukharnik anaktaiyutlu ilihadjutinik, and allatqiinik ilihaidjutinik talvuuna Palihimatkunin RCMP. Mr. Nakashuk nunaqaqtuq Pangnirtuurmi.
Nicole Jauvin
Nicole Jauvin havaguijaqpiakhimajuq imaatut Tuklia Ministaujumut uumani Canadian Northern Economic Development Agency ukiungani 2011. Havakpakhimajurlu amigaittuni kavamatkunni havgviujunni, nunallaani imaalu communities and inullaanut maniliurutikhanik pivalliadjutikhanik Ukiuqtaqtumi aullaaqpakhimajurlu amigaittunut nunanginut Nunavunmi. Katimajiinnut ilauhimajuq ukuat Gwich’in Pivalliadjutikhanut Kuapuliisitkut nunani Inuvik, Research Institute Nutaqqat Aanniarvianni Kivataani Ontario, ukuallu Five Lakes Club in Quebec. Ms. Jauvin piqaqtuq iniqtiunmingnik naunaitkunmik maligaliqinikkut, LL.L. Magna cum Laude, naunaitkunmik Nunarjuani Ikajuqatigiingnikkut (International Cooperation), umingalu Bachelor of Arts Tuhapkainikkut talvanga University of Ottawa. Ilauvakhunillu taffumani Bar imaalu tadja nunaqaqtuq talvani Ottawa.