IQALUIT, Nunavut (October 20, 2023) – Qulliq Alrujaqtuqtunik Ikummadjutiit (QEC) uuktuliqtun aallanguqtirutikhamik uvunga 2022-23 GRA tunngavianin auladjutinun aktilaanginnun ilaliutinikkut akittuqjuummiqtun uqhuqjuani akiinnik. Uuktuutikhaq tunijauhimajuq Ministamun munarijumun QEC-kunni, piniarhimaniaqtuq pitquidjutikhanik ukunannga nunaptikni Igluin Auladjutitigun Akitutilaanginnut Katimajiinnin.
"Una tukhiqtauhimajuq ihuaqhaidjutikhaq pidjutiqaqtuq aularaanginnaqtunik akittuqjuummirutinik uvani nunaptikni uqhuqjuani akiinnik talvannga kingulliqpaamin QEC-kut tamainni Akitutilaanginni aturutaanin," uqaqtuq Joelie Kaernerk, Minista munarijuq QEC-kunnik.
QEC-kut tukhiqtuq ilaliutijumajaa qangannuaq uqhuqjuakkut akiinni akittuqjuummirutit uvunga auladjutini aktilaanginni taimaaqtillugulu una pitqujauhimajuq Uqhuqjuani Aularaanginnarutikkut Aktilaangani Maniliqtuuti (FSRF) ikajuuti. Una maliktaa uvani Igluin Auladjutitigun Akitutilaanginnut Ihivriunirmut Katimajiinnun (URRC) 2023-02 Unniutjutit talvani URRC-kut pitquijut QEC-kut uuktuqlutik aallanguqtirutimik uumunga 2022/23 GRA tunngavianin akitutilaanginnun aktilaanginun ilaupkariami akittuqjuummiqtuq uqhuqjuani akiinnik, taimaatun aallanguqtirutit uqhuqjuat akiit hivituniukpata.
“Pinia uumani qanuriliurutimi, taimaatun taimaaqtinikkut tadja atuqtaujuq uqhuqjuani aktilaangani ikajuuti ilaliutinikkullu talvunga tadja angiqtauhimajuq tunngavigijaujuq aktilaanga, angiklijuummiqtirniq taimaatun tadja ilaujaaqtuq uvani Nunavunmi Alrujaqtuqtukkut Ikajuutimi Pinahuarutimi (NESP),” uqaqtuq Bill Nippart, QEC-kunni Atanngujaullaktuq Angajuqqallaullaktuqlu.
Ukuak atauttikkut hulaqutit uvani taimaaqtinikkut uvani tadja atuqtaujumi uqhuqjuami utiqtitaujukhami ikajuutimi, una maniliurnikkut pitqujauhimajuq
angiklijuummiqtuq unalu NESP ilaudjutaa pidjutijuq akiinnik ikajuutinik havagvingnun inungnullu kavamaungittuni niuviqpaktuni tamaani Nunaptingni.
More information on QEC’s fuel rider application is available at www.qec.nu.ca.
###
Tuhaqtipkainikkut Uqarvigijakhaq:
BIbi Bilodeau
Tuhaqtipkainikkut Havaktia
Qulliq Alrujaktuqtunik Ikumadjutiit
bbilodeau@qec.nu.ca