Auladjuti hiqinirmin uunnaqtipkaivaktaa Nunaqyuap qaan’nga aadjikkiinggittumiklu pivakhuni, ikia hakugingnikhaa aadjikkiinggiplunilu nunani. Uunnaqniit kulvayuqtut niglaumaniitlu taununggakhutik, auladjutilu in’ngutaaqtittiplugu talvanga anuri pivaktuq.
Pauwaqariami anurikkut pautiinnit akitilangnganit naunaiqhungnguyuq, anuri kayumiktilaangalu qulvahivialu pautiinnga pauwaktuutigiyauyuq. Anuri aadjikkiingngungginmat, pauwakhaqlu pautiinnit. Qulvahikpat anuri kayumiktilaanga pauwakyuaqaqyuaqtittiyuqtuq, kihimi pautiit anuriit kayummatqianuinnaq piyuqtut.
Qiqaiyaqviani 2016mi, qauyihairutikharnik aulatitivakhimayut ihivriugianganik atuguminagiangat anurimit pauyuaqtuutikharnik ingniqutiqaqtunik tamanganik 25nguyut nunalaangitnun Nunavunmi. Naunairutiqaqtitivakhimayuq taima ikikliqhuni ilauyukharnik tallamanik nunalaanik taima anurimit alruyaqtutigianganik aulatititaaqtuq ingniqutingnun alruyaqtuqtugianganik. Taiguqyumigumaguvit uminga Atuguminaqtumik Anurimin Alruyaqtutikharnik Nunavunmi Nunalaangitni ilitugidjutikharnik, naqigiaqaqtutin hamani.
Tamainni aulavikhamik pidjutihimayut pauwaqariami pautiinnit talvamit urhuqyuaqtuqtunit pauwaqariami ikiqliyuummigutiniaqtuq atungnia urhuqyuanik imaalu ikiniaqhutiklu puyuqmik anialailaqutaitni nunaptingni.