Latest News

Qulliq Alruyaqtuqtunik Ikumadjutiit (QEC) ilitturipkaijumajut nunallaamiutat Kimmirunmi pauwaikaffungniaqtut Unaguiqhirvik,Qiqaijarluarvia 23, 8 mungaqqat ublaami 10 mun ublaami. Takulugit naunaiqtauhimajut qurjiqtamik ilaliutihimajumi nunaujami ataani.

Una pauwaiqhimallangniaqtun pijariaqaqtan qajangnaittumik iliuraijamingnik nutaamik igluqpangmi pauwaqarvikhanut atuqtakhanik.

QEC-kut qujagijait nunallaamiutat kangiqhihimadjutainnun mamianaarhunilu qujaginnaq ihuirutikpat hamna.

###

Tuhaqtipkainikkut Uqaqatikhat:

Renee Boucher

Qulliq Alruyaqtuqtunik Ikumadjutiit (QEC) itqaumatqujijait Nunanvunmiut tamna Akiliqtuijunut Munaqhidjutikhat aanniarutautitlugu tamna COVID-19 qalagjuarniq kiudjutikhanik.

Qulliq Auladjutiqhanut Kuapuraisinga (QEC) piliqtut uuktuutinik taaffuma miqhaatigut kuapuraisikkut ukiuq tamaat Laura Ulluriaq Gauthier Ilihaqtunut Maniqhaaqhainnik.

Ukiuq tamaat $5 tausintaalauyuq ilihaqtunut maniqhaaqhait uuktuutinut kiqliqhaa Imaruqtirvia 30, 2021 nguyuq.

Nunavunmiut ilihaqtut atiliuqhimayut hapkunani iliharyuummiirviinni ilinniarnikkut ilihaqtunut Apitilirvik 2021 mi iliharniani piinarialgit uuktuqlutik. Ilihaqtuq naunaiqhungnguyuq ihumagitigiplugit pihimayumik hakugingniitigut ilihangnikkut naunaitkutaani nakuunikkullu nunallaami ilaunirmitigut.

Qulliq Alrujaqtuqtunik Ikumadjutiit (QEC) ilitturipkarumajain Nunavunmiut uuminnga QEC-kut nutaanguqtirnikkut ihuaqhainikkullu havaktakhait aullaqtiliqtuq.

Qulliq Alruyaqtutinik ıkumadjutiit (QEC) ilitturipkarumajait inungnik Uqhuqtuumi pauwaiqhimallangniaqtun Hivulliunmi, Qiqaijarluarvia 3, 1-mit 4-mut. Humi piniaqtut naunaiqhimayut quryiqtamik nunauyami ataaniittumik.

Pauvvaiqhimadjutikhait taimaa nutannguqtiriniaqtut ihuaqhailutiklu nutannguqtirilutik alrujaqarviit auladjutit.

QEC-kut qujagijumajait nunaqaqtut kangiqhihimadjutainnik mamianaaqtugullu ihuangidjutaukpat una.

Tuhaqtipkainikkut Uqaqatikhat:

Renee Boucher

Atan’ngujaullaktuq, Kuapuratkunnut Tuhaqtipkaijini

Qulliq Auladjutiqhanut Kuapuraisinga (QEC) uuktuqtut utirutiqhamik akiliqtuiyuktunut urhuqyuanik 1.29 sians atauhirmun kilowanmut ikaangnirmun talvanga Qitiqqautiyuq 1 min Apittilirvik 30, 2021 mut.  Urhuryuatigut ikayuutaa aadlamik akiliqtuidjutauyuq utirutiqhamutluunniit akiliqtuiyuktunut pidjutilluagiplug ihumagiplugu aadlanggania urhuqyuap akiit talvanga alruyaqtuutikkut akiliuhianggitnik akilluariyaatlu urhuqyuatigut akiliqpagainnik QEC kut. 

QEC-kut naunairnahugitniaqtaat tatqirhiutimi akiliutikhainut Kinngaini pauwatuqpaktunut talvunga Qitiqqautijuq 1-mit 30-mut akiliutikhainut hivituniani. Miitaangit taidjutikhangit aulatitiniaqtun munariplugit inuuhiqattiarutighait QECtkut havaktiit nunaqaqtununlu kuapaliisit aulahimaaqtumik qayangnaitumik tunihinirit aghuungnaqtunik kivgaqtuutinik.

Qulliq Alrujaktuqtunik Ikumadjutiit (QEC) tadja piliktait uuktuutikhat Aujami Ilihaqtut Havaktipkaidjutikhait. Ilihaqtut ilihariaqhimajut angajughiit iliharviani, ilihariakpaavikmi iliharvikjuaniluuniit ukiaqhami 2021 piinnariaqaqtut uukturiami.

Ilihaqtut Aujami Havaktipkaidjutikhait katitpagait ilihaqtut havagviujunut ajuittiaqhimajunut ikajuriami pivalliadjutikhanut qauhimajainut, ajuiqhimajainut pittaaqtanginnullu pijakhaujumut nuutiliriami havaklutik havakpaktuni.

Qulliq Alruyaqtuqtunik Ikumadjutiit (QEC) ilitturipkaijumajut inungnik Iqalungni tamna nunangani QEC-kut Atuqtut Munaqhitikhangit havagviat umikhimaniaqtuq tuhaqtitaulraaqtinnatik. 

Kuapuliisikkut akhuuqpaktut tunihinahuaqhutik qajangbnaittumik ihuaqtuniklu ikumadjutikhanginnik tamainut Nunavummiunut imaatut ikajurahuaqhutik hiamitailinahuarutikhanik COVID-19 qalagjuarniq nunangani. QEC-kut akhuuqhimmarniaqtut ihuaqutikhanik ajuqhautaujunik COVID-19 qalagjuarniq hiamitirniatigun.

Qulliq Alrujaqtuqtunik Ikumadjutiit (QEC) akhuukhaijut inungnik tunihitquplugit kiudjutikhamingnik kuapuliisitkut pauwaqarvikhanik himmautikhainik havaakhanik Uqhuqtuuq\mi, Iqaluktuutiami, hamanilu Igloolingni imaalu jinulitakhanik himmautikhanik Iqalungni.

Kuapuriisitkut uuktuqhimajut Ministamun Munarijumun QEC-kunnik angirutikhaanun hakluninga angijunik havaakhanik. Nunavut Auladjutittigun Akitutilaanginnut Katimajiit, inmikkuuktut uqaudjijit katimajiit, ihivriurniaqtait inuit kiudjutainik tuniplutiklu uqaudjiukharnik uuktutikhamun taffumunga Minista Munarijalik QEC-kunni.