ᐅᓇ ᐊᓕᐊᓇᐃᑦᑎᐊᕈᓐᓇᖅᑐᖅ ᓴᓈᒃᓴᖅ ᐃᒡᓗᒋᔭᐅᔪᓕᕆᔨᒃᑯᑦ ᐊᖓᔪᖅᑳᒧᑦ ᐱᑐᐃᓐᓇᕆᐊᖃᖅᑐᒧᑦ ᑲᒪᔨᐅᓗᓂ ᑕᒪᐃᓐᓄᑦ ᐊᐅᓚᑕᐅᔭᕆᐊᓕᖕᓄᑦ ᐃᒡᓗᖁᑎᒋᔭᐅᔪᓂᒃ ᐱᓕᕆᐊᒃᓴᓂᒃ ᐱᖃᓯᐅᑎᕙᒡᓗᓂᒋᑦ ᓇᖕᒥᓂᕆᔭᐅᔪᑦ ᐊᒻᒪ ᐊᑐᖅᑐᐊᖅᑕᐅᔪᑦ ᓴᓇᔨᓄᑦ ᐃᒡᓗᖁᑎᒋᔭᐅᔪᑦ ᐊᒻᒪ ᑮᓇᐅᔭᓕᐅᕐᕕᐅᔪᓄᑦ ᑭᓱᓕᕆᕝᕕᖕᓄᑦ, ᐊᐅᓚᐅᑎᖃᕐᕕᖕᓂ ᐊᒻᒪ ᐆᒻᒪᖅᑯᑎᖃᕐᕕᖕᓂᒃ, ᐊᒻᒪ ᓄᓇᖁᑖᓂᒃ.
ᐅᖃᕐᕕᖃᖅᐸᒡᓗᓂ ᐊᖓᔪᖅᑳᑉ ᑐᒡᓕᐊᓄᑦ, ᑲᒪᔨᒋᔭᐅᕙᒡᓗᓂᓗ ᐱᓕᕆᔨᓄᑦ ᐃᒡᓗᒋᔭᐅᔪᓕᕆᔨᒃᑯᑦ ᐊᐅᓚᑦᑎᔨᑦ ᐃᖅᑲᓇᐃᔭᖅᑎᓄᑦ, ᐊᐅᓚᑦᑎᖃᑦᑕᕐᓂᐊᖅᐳᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᒡᓗᖁᑎᖏᓐᓄᑦ ᑮᓇᐅᔭᓕᐅᕈᑕᐅᓇᓱᐊᖅᐸᒃᑐᓂᒃ ᐱᐅᓯᖃᕐᓗᑎᑦ ᖃᐅᔨᒪᒋᐊᖅᐸᒡᓗᒋᑦ ᐊᑭᓪᓗᐊᖓᓂᒃ ᐱᓕᕆᐊᖑᖕᒪᖔᑕ, ᑕᑯᒃᓴᐅᑎᑦᑎᓗᓂ ᐅᒃᐱᕐᓇᑦᑎᐊᕐᓂᖓᓂᒃ ᐱᓇᓱᐊᑦᑎᐊᕐᓂᖓᓂᒡᓗ, ᐃᓚᓕᐅᔾᔨᕙᒡᓗᓂᓗ ᐊᑦᑕᕐᓇᖅᑕᐃᓕᓂᕐᒧᑦ ᐊᐅᓚᑦᑎᔾᔪᓯᕐᓂᒃ, ᐃᑲᔪᖅᓱᐃᕙᒡᓗᓂᓗ ᐱᔨᑦᑎᕋᐅᑎᑦ ᑐᕌᒐᕆᔭᖏᓐᓂᒃ ᑲᑐᔾᔨᖃᑎᒌᒡᕕᖕᓄᑦ. ᑖᓐᓇ ᐱᓇᓱᐊᓪᓚᕆᓂᐊᖅᑕᖓ, ᐱᔪᓐᓇᕐᓂᖃᑦᑎᐊᕐᓗᓂ ᓄᒃᑎᖅᑕᐅᖁᔨᕙᒡᓗᓂ, ᓴᓂᕐᕙᐃᕙᒡᓗᓂ ᐃᒡᓗᒃᓴᓂᒃ, ᑳᓐᑐᓛᓂᒃ ᕿᒥᕐᕈᕙᒡᓗᓂ, ᐃᒡᓗᓕᐊᖑᔪᒃᓴᓂᒃ ᐸᕐᓇᐃᕙᒡᓗᓂ, ᑕᐅᑦᑐᒃᓴᖏᓐᓂᒃ ᐋᖅᑭᒃᓱᐃᕙᒡᓗᓂ, ᐊᒻᒪ ᑮᓇᐅᔭᓕᕆᔾᔪᑎᒃᓴᖏᓐᓂᒃ ᖃᐅᔨᒪᔨᑕᐅᕙᒡᓗᓂ, ᐊᑐᖅᑐᐊᖅᑕᐅᔾᔪᑎᓂᒃ ᓄᖅᑲᖅᑎᑦᑎᕙᒡᓗᓂ, ᐱᕙᒌᔭᖅᐸᒡᓗᓂ ᐊᒻᒪ ᐊᐅᓚᑦᑎᕙᒡᓗᓂ $4.5-ᒥᓕᐊᓐ ᐊᐅᓚᑦᑎᔾᔪᑎᓄᑦ ᐋᖅᑭᐅᒪᔾᔪᑎᓄᓪᓗ ᑮᓇᐅᔭᑦ ᐊᑐᖅᑐᒃᓴᓂᒃ, ᐊᒻᒪᓗ ᑮᓇᐅᔭᓪᓚᕆᖕᓂᒃ ᑮᓇᐅᔭᓪᓚᕆᙳᖅᑎᑲᐅᑎᒋᔭᒃᓴᓂᒡᓘᓐᓃᑦ ᐱᓯᒪᕙᒡᓗᓂ ᐊᒻᒪ ᓄᖅᑲᖅᑎᑦᑎᕙᒡᓗᓂ.