ᑲᑎᖅᓱᐃᓂᖅ ᐊᒻᒪ ᐊᑐᖅᑕᐅᓂᖓ ᑭᓇᒻᒪᖔᖅ ᓇᓗᓇᐃᖅᓯᔾᔪᑏᑦ
ᑭᓇᐅᒻᒪᖔᖅ ᓇᓗᓇᐃᖅᓯᔾᔪᑏᑦ ᑐᑭᓕᒃ ᐃᒫᒃ ᑭᓇᐅᒻᒪᖔᖅ ᓇᓗᓇᐃᖅᓯᓯᒪᔪᑦ ᐅᕙᐅᓈᕈᑎᒋᔭᐅᔪᓐᓇᖅᑐᑦ ᐃᓄᒻᒧᑦ, ᐊᑎᖓᓗ, ᑎᑎᖅᑲᒃᑯᕕᖓᒍᑦ, ᐃᕐᖏᕐᓇᐅᑎᒃᑯᑦ, ᐊᑎᓕᐅᕈᓯᖓᒍᑦ, ᐊᒻᒪ ᐊᓯᖏᑦ ᑐᑭᓯᓇᕈᑏᑦ ᐃᓄᒻᒧᑦ ᑭᓇᐅᒻᒪᖔᖅ ᓇᓗᓇᐃᕈᑕᐅᔪᓐᓇᖅᑐᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᑎᖅᓱᐃᖃᑦᑕᓂᐊᖅᑐᑦ ᑭᓇᒻᒪᖔᖅ ᓇᓗᓇᐃᖅᓯᔾᔪᑎᐅᔪᓐᓇᖅᑐᓂᑦ ᐅᑯᑎᒎᓇ ᐃᒪᐃᓕᐅᖅᑎᓪᓗᑎᑦ:
- ᐃᕐᖐᕐᓇᐅᑎᒃᑯᑦ ᑐᓂᔭᐅᖃᑦᑕᕈᓐᓇᕐᓂᕋᕐᓗᑎᑦ ᐊᖏᕈᕕᑦ, ᐅᖄᓚᐅᑎᕋᓛᒃᑯᑦ ᑎᑎᕋᕐᕕᐅᔪᓐᓇᕐᓂᕋᕈᕕᑦ, ᐃᖅᑲᓇᔮᔅᓴᓄᑦ ᒪᑐᐃᖓᑎᑕᐅᔪᓄᑦ ᐱᓇᓱᐊᕐᓂᕈᕕᑦ ᐊᒻᒪ ᐊᓯᖏᒍᑦ ᑐᓴᐅᒪᖃᑦᑕᐅᑎᔾᔪᑎᐅᔪᓐᓇᖅᑐᒃᑯᑦ.
- ᐃᑭᐊᖅᑭᕕᑦᑎᒍᑦ ᑕᑯᓂᐊᕈᕕᑦ ᐅᕙᓗ ᐊᑎᓕᐅᕈᕕᑦ ᐱᖃᑕᐅᔪᒪᓗᑎᑦ.
- ᐱᖃᑕᐅᓐᓂᕈᕕᑦ ᓇᓚᐅᑦᑖᑎᑦᑎᑦᑎᓪᓗᑕ ᐅᕙᓗ ᐊᑐᐃᓐᓇᐅᑎᑕᑦᑎᓐᓂᑦ ᑭᓱᑐᐃᓐᓇᕐᓂᑦ ᐱᑖᖃᑕᐅᒍᒪᓐᓂᕈᕕᑦ.
- ᐊᐱᖅᓱᖃᑦᑕᑎᓪᓗᑕ ᑭᐅᖃᑕᐅᓐᓂᕈᕕᑦ ᐅᕙᓗ ᐊᓯᖏᑎᒍᑦ ᖃᐅᔨᓴᕐᓂᖃᖅᑎᓪᓗᑕ ᐱᔨᑦᑎᖅᑕᑎᓐᓂᑦ.
- ᖃᐅᔨᒋᐊᕐᕕᒋᓚᐅᖅᓯᒪᓐᓂᕈᑦᑎᒍᑦ ᐅᕙᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᓇᓪᓕᐊᓐᓄᑐᐃᓐᓇ ᐱᔨᑦᑎᕋᖅᑎᑦᑕ ᐊᓪᓚᕝᕕᖓᓐᓄᑦ ᐅᕙᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑭᒡᒐᖅᑐᐃᔨᖏᓐᓄᑦ ᓇᓪᓕᐊᓐᓄᑐᐃᓐᓇ ᐱᔪᓐᓇᖅᑎᑕᐅᔪᓄᑦ ᐅᖃᐅᓯᔅᓴᖃᕐᕕᖃᕐᓂᕈᕕᑦ ᐅᕙᓗ ᓈᒻᒪᔅᓴᖏᔾᔪᑎᓐᓂᑦ ᑐᓴᖅᑕᐅᑎᑦᑎᓚᐅᖅᓯᒪᓐᓂᕈᕕᑦ.
ᑭᓇᐅᒻᒪᖔᖅ ᓇᓗᓇᐃᖅᓯᔾᔪᑏᑦ ᓴᐳᔾᔭᐅᓂᖏᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᒪᑐᐃᓐᓇᔾᔮᖏᑦᑐᑦ ᑐᓴᐅᒪᔭᐅᔭᕆᐊᖃᓐᖏᓂᕐᒥᑦ ᐃᕕᑦ ᒥᔅᓵᓄᑦ ᐱᒻᒪᕆᐅᑎᒃᑲᑦᑎᒍ. ᑕᒪᓐᓇ ᒪᓕᓪᓗᒍ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐋᖅᑭᔅᓱᐃᓯᒪᔪᑦ ᓴᐳᔾᔨᓯᒪᔪᓐᓇᓂᕐᒥᑦ ᑭᓇᐅᒻᒪᖔᖅ ᓇᓗᓇᐃᖅᓯᔾᔪᑏᑦ ᐱᓪᓗᒋᑦ ᑎᒍᒥᐊᖅᑕᑎᓐᓂᑦ ᐊᒻᒪ ᐊᐅᓚᑕᑦᑎᓐᓂᑦ ᑕᒪᓐᓇᓗ ᐋᖅᑭᐅᒪᐃᑏᓐᓇᕋᓱᐊᕐᓗᒍ ᑎᑎᕋᕐᕕᑦᑎᒍᑦ, ᖃᕆᓴᐅᔭᒃᑯᑦ ᐊᒻᒪ ᐱᖁᑎᑦᑎᒍᑦ ᐅᐊᑦᑎᓗᖏᑦ ᓴᐳᔾᔭᐅᓯᒪᖁᓪᓗᒋᑦ ᐊᖏᖅᑕᐅᓯᒪᓐᖏᑦᑐᑦ ᑕᑯᓇᓱᐊᖅᑐᒥᓂᐅᑉᐸᑕ, ᐊᑐᖅᑕᐅᒐᓱᐊᕐᓂᖃᑕ, ᐋᖅᑭᒋᐊᖅᑕᐅᒐᓱᐊᕐᓂᖃᑕ ᐊᒻᒪ ᓴᖅᑭᖅᑎᑦᑎᔪᖃᕋᓱᑦᑐᒥᓂᐅᑉᐸᑦ ᑭᓇᐅᒻᒪᖔᖅ ᓇᓗᓇᐃᖅᓯᔾᔪᑕᐅᔪᓐᓇᖅᑐᓂᑦ ᐅᕙᒍᑦ ᐱᓯᒪᔭᖏᓐᓂᑦ ᐊᐅᓚᑕᖏᓐᓂᓪᓗ. ᐅᒡᒍᓇᖅᑑᒐᓗᐊᖅ, ᑲᑎᖅᓱᖅᑕᐅᓯᒪᔪᑦ ᐅᕙᓗ ᑐᓂᔭᐅᕙᑦᑐᑦ ᐅᕙᑦᑎᓐᓄᑦ ᑐᑭᓯᓇᕈᑏᑦ ᐃᑭᐊᕿᕕᒃᑯᑎᒍᑦ ᖃᕆᓴᐅᔭᒃᑯᑦ ᐅᕙᓗ ᑭᒃᑯᑐᐃᓐᓇᕐᓄᑦ ᑕᑯᔭᔅᓴᐅᑎᑕᐅᔪᓄᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᓴᐳᔾᔭᐅᓯᒪᓂᖏᑦ ᑕᐃᒫᓪᓚᑦᑖᖑᔪᓐᓇᓐᖏᑦᑐᑦ 100%ᖑᓗᓂ ᐊᖏᖅᑕᐅᓯᒪᓐᖏᑦᑐᓄᑦ ᑕᑯᔭᐅᔪᓐᓇᖏᑦᑎᓐᓇᓱᓪᓗᒋᑦ. ᑕᐃᒪᐃᑎᓪᓗᒍ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᓴᐳᒻᒥᑦᑎᓯᒪᓂᕋᓪᓚᕆᒍᓐᓇᖏᑦᑐᑦ ᑐᑭᓯᔾᔪᑎᔅᓴᓂᑦ ᑕᒪᒃᑯᓂᖓ.
ᓴᖅᑭᖅᑎᑕᐅᓂᖏᑦ ᑭᓇᐅᒻᒪᖔᖅ ᓇᓗᓇᐃᖅᓯᔾᔪᑏᑦ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᓴᖅᑭᑎᑦᑎᔮᖏᑦᑐᑦ, ᑕᐅᖅᓰᕈᑎᖃᕐᓗᑎᓪᓘᓐᓃᑦ, ᐊᑐᖅᑐᐊᖅᑕᐅᑎᑦᑎᓗᑎᑦ, ᓂᐅᕐᕈᑎᖃᕐᓗᑎᑦ ᐅᕙᓗ ᑐᓂᓯᓗᑎᑦ ᑭᓇᐅᓂᕐᓂᑦ ᓇᓗᓇᐃᖅᓯᔾᔪᑕᐅᔪᓐᓇᖅᑐᓂᑦ ᓇᒧᑐᐃᓐᓇᖅ ᐱᖓᔪᐊᓐᓄᑦ ᐊᖏᖅᓯᒪᓐᖏᑐᐊᕈᕕᑦ, ᐅᑯᑎᒎᓇ ᑭᓯᐊᓂ ᐋᖅᑭᑦᑕᐅᓯᒪᔪᓂᑦ.
ᐃᑭᐊᕐᕆᕕᑦᑎᓐᓄᑦ ᑕᑯᓂᐊᕐᓂᖅ
ᑕᐃᒫᖑᕙᒻᒪᑦ, ᑕᑯᓂᐊᕈᓐᓇᖃᑦᑕᓂᐊᖅᑐᑎᑦ ᐃᑭᐊᕿᕕᑎᓐᓄᑦ ᖃᐅᔨᒃᑲᐃᖏᓪᓗᑎᑦ ᐅᕙᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐱᓕᕆᔨᒥᑦ ᓇᓪᓕᐊᓐᓂ ᐅᖃᐅᔾᔨᖏᓪᓗᑦ, ᐊᒻᒪ ᑭᓇᐅᒻᒪᖔᖅᐱᑦ ᓇᓗᓇᐃᖅᓯᔾᔪᑎᔅᓴᓂᑦ ᓴᖅᑭᑎᑦᑎᖏᓪᓗᑎᓪᓘᓐᓃᑦ ᑐᓂᓯᖏᑦᑎᐊᕐᓗᑎᓪᓘᓐᓃᑦ. ᑕᐃᒪᐃᓕᖓᒐᓗᐊᖅᑎᓪᓗᒍ, ᐃᑭᐊᖅᑭᕕᒃᑦᑎᓐᓄᑦ ᒪᑐᐃᖅᓯᔪᑦ ᑕᒪᕐᒥᒃ ᓇᒃᑭᖔᕐᒪᖔᑕ ᑐᕌᕈᑎᖏᓐᓂᑦ ᑕᒪᐃᓐᓂᑦ ᑐᖅᑯᖅᓯᖃᑦᑕᓂᖅᑐᑦ ᐊᒻᒪ ᐊᓯᖏᑎᒍᑦ ᑐᑭᓯᔾᔪᑎᔅᓴᓄᑦ ᒪᑯᐊ ᐃᑭᖅᑭᕕᒻᒥᑦ ᑐᓯᕋᖅᐸᑦᑐᑦ, ᖃᓄᐃᑦᑑᓂᖏᑦ ᐃᑭᐊᕿᕕᒃᑰᕈᑎᖓ, ᖃᓄᐃᑦᑐᒥᑦ ᖃᕆᓴᐅᔭᖃᕐᒪᖔᖅ ᐊᒻᒪ ᖃᓄᑎᒋ ᑕᕙᓃᓂᖓ ᐃᑭᐊᕿᕕᑦᑎᓐᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑖᒃᑯᓂᖓ ᐊᑐᖅᐸᑦᑐᑦ ᑐᑭᓯᔾᔪᑎᔅᓴᓂᑦ ᐃᑭᐊᕿᕕᑎᓐᓅᖃᑦᑕᖅᑐᑦ ᖃᐅᔨᒪᓇᓱᐊᖃᑦᑕᖅᑐᑦ ᐱᐅᓯᕚᓪᓕᕈᑎᔅᓴᓄᑦ ᑐᕌᒐᖃᖅᑐᑎᑦ ᐃᑭᐊᕿᕕᖓᓐᓂᒃ.
ᑭᓯᐊᓂ, ᐃᓚᖏᓐᓂᑦ ᐊᑐᐃᓐᓇᐅᑎᑕᕋᓗᐊᖅᑎᓐᓂᑦ ᐃᑭᐊᕿᕕᑦᑎᒍᑦ ᐊᑎᓕᐅᖁᔭᐅᖄᑐᐃᓐᓇᕆᐊᖃᖅᑐᑎᑦ ᐊᑏᓪᓗ ᑐᓂᓗᒍ, ᑐᕌᕈᑏᑦ, ᐅᖄᓚᐅᑏᑦ, ᐃᕐᖐᕐᓇᐅᑎᒃᑰᕈᑏᑦ, ᐊᒻᒪ ᐃᓯᕈᓐᓇᐅᑎᒥᑦ ᐃᕕᑐᐊᖅ ᖃᐅᔨᒪᒋᐊᓕᖓᓂᒃ. ᐊᑎᓕᐅᖅᑎᓪᓗᑎᑦ ᑐᓂᔭᑎᑦ ᑭᓇᐅᓂᓐᓂ ᓇᓗᓇᐃᖅᓯᔪᑎᑎᑦ ᐊᑐᖅᑕᐅᔪᖅ ᐃᕕᑦ ᑐᔅᓯᕌᕆᔭᖓᓐᓂᑦ ᐱᓕᕆᐊᖃᕈᓐᓇᖁᓪᓗᑕ. ᐊᒻᒪ ᑐᓂᓯᒃᑲᖁᔨᑐᐃᓐᓇᕆᐊᖃᖅᑐᒍᑦ ᑐᑭᓯᒋᐊᒃᑲᓐᓂᕈᑎᔅᓴᒥᑦ ᐃᕕᑦ ᒥᔅᓵᓄᑦ ᑭᓯᐊᓂ ᐃᓱᒪᖅᓱᑐᑎᑦ ᐱᔪᒪᓐᖏᒃᑯᕕᑦ, ᐅᕙᓗ ᐃᓚᐅᖁᔭᐅᓗᑎᑦ ᖃᐅᔨᓴᖅᑎᑐᓪᓗᑕ ᐊᐱᖅᓱᖃᑦᑕᓂᒃᑯᑦ. ᐃᓚᐅᓐᓂᕈᕕᑦ, ᑖᓐᓇ ᐱᔪᒪᒃᑲᓐᓂᕈᑎᒋᔭᕗᑦ ᐃᕕᑦ ᒥᔅᓵᓄᑦ ᑐᑭᓯᒋᐊᒃᑲᓐᓂᕈᑎᔅᓴᖅ ᐊᒻᒪ ᑭᒡᒍᓯᖅᑎᑦ ᑐᑭᓯᑦᑎᐊᕐᔪᑎᒋᒃᑲᓐᓂᕈᓐᓇᕋᑦᑎᒍ ᐊᒻᒪ ᑭᖒᒪᒋᔭᖏᓐᓂᑦ ᐱᔨᑦᑎᕈᑎᕗᑦ ᐱᐅᓯᕚᓪᓕᖅᑎᒋᐊᒃᑲᓐᓂᖃᑦᑕᕐᓗᒋᑦ, ᐅᕙᓗ ᐊᑐᐃᓐᓇᐅᑎᑕᕗᑦ ᐱᑖᕆᔭᔅᓴᐃᑦ.
ᓇᓚᐅᑦᑖᖅᑎᑦᑎᑎᓪᓗᑕ ᐃᓚᐅᓐᓂᕈᕕᑦ ᓵᓚᔅᓴᐅᓯᐊᔅᓴᑎᓐᓄᑦ ᐅᕙᓗ ᐱᑖᖃᑕᐅᔪᒻᒪᕆᕕᑦ ᐊᑐᐃᓐᓇᐅᑎᑕᑦᑎᓐᓂᑦ, ᐃᕕᑦ ᐊᑎᖓᓐᓂᒃ, ᑐᕌᕈᑎᓐᓂᑦ, ᐅᖄᓚᐅᑎᓐᓂᑦ, ᐃᕐᖐᕐᓇᐅᑎᓐᓂᑦ ᐊᒻᒪ ᐊᓯᖏᑦ ᑐᓂᔭᑎᑦ ᑲᑎᕐᓱᕐᓂᐊᖅᑕᕗᑦ. ᑖᒃᑯᐊ ᐊᑐᖅᐸᑦᑕᕗᑦ ᐃᓚᓕᐅᑎᑎᑕᐅᖁᓪᓗᑎᑦ ᓵᓚᔅᓴᐅᓯᐊᕋᓱᐊᖅᑐᓄᑦ ᐅᕙᓗ ᐱᑖᖃᑕᐅᖁᓪᓗᑎᑦ. ᑕᐃᔅᓱᒨᓇ ᓇᓚᐅᑦᑖᑎᑦᑎᓂᕐᒧᑦ ᓵᓚᔅᓴᕋᓱᐊᖃᑕᐅᓕᖅᑎᓪᓗᑎᑦ ᐅᕙᓗ ᐱᑖᖃᑕᐅᔪᒪᓐᓂᕈᕕᑦ, ᐊᖏᖅᓯᒪᓂᕋᕐᓃᑦ ᑕᕘᓇ ᓯᕗᓂᑦᑎᓐᓄᑦ ᐊᑐᖅᑎᑐᐃᓐᓇᕆᐊᖃᕐᒥᔭᕗᑦ ᑐᓴᖅᑎᑦᑎᔪᑎᔅᓴᖃᓕᕐᓂᕈᑦᑕ. ᓇᓚᐅᑦᑖᑎᑦᑎᓕᕐᒥᒍᑦᑕ ᐅᕙᓗ ᐊᑐᐃᓐᓇᖃᓕᕐᓂᕐᒥᒍᑦᑕ ᐱᑖᕆᔭᔅᓴᓂᑦ ᑲᑐᔾᔨᖃᑎᖃᕐᓗᑕ ᐊᓯᑦᑎᓐᓂᑦ ᑐᓂᓯᓯᒪᔪᓂᑦ, ᑭᓇᐅᓂᕐᓂᑦ ᓇᓗᓇᐃᖅᓯᔾᔪᑎᐅᔪᓐᓇᖅᑐᑦ ᑲᑐᔾᔭᐅᑐᐃᓐᓇᕆᐊᓖᑦ ᑖᒃᑯᓄᖓ ᑲᑐᔾᔨᖃᑎᒋᔭᑦᑎᓐᓄᑦ, ᑕᐃᔅᓱᒨᓇᑐᐊᖑᒐᓗᐊᖅ ᑕᐃᒪᐃᓕᐅᖅᑎᑦᑎᑎᓪᓗᑕ ᐃᕕᑦ ᒥᔅᓵᓄᑦ ᓇᓗᓇᐃᖅᓯᔾᔪᑎᑕᐅᔪᓐᓇᐅᖅᑐᑦ ᑭᓇᐅᓂᓐᓂᑦ. ᐊᐅᓚᑦᑎᖏᔨᐅᓐᖏᑦᑐᒍᑦ ᐊᑐᖅᑕᐅᓂᖏᓐᓂᒃ, ᓴᖅᑭᑎᑦᑎᓂᕐᒥᑦ ᐅᕙᓗ ᓴᐳᔾᔭᐅᓯᒪᓂᖓᓐᓂᒃ ᐃᕕᑦ ᑭᓇᐅᓂᓐᓂᑦ ᓇᓗᓇᐃᖅᓯᔾᔪᑕᐅᔪᓐᓇᖅᑐᓂᑦ ᑲᑐᔾᔨᖃᑎᒋᔭᑦᑎᓐᓂᑦ, ᐊᒻᒪ ᐱᖁᔨᕗᒍ ᐃᓕᓐᓂᒃ ᑕᐃᒃᑯᐊ ᑲᑐᔾᔨᖃᑎᒋᔭᑦᑕᑦ ᑐᓴᐅᒪᔭᐅᔭᕆᐊᖃᓐᖏᓐᓂᐅᑉ ᒥᔅᓵᓄᑦ ᐋᖅᑭᓱᖅᓯᒪᔭᖏᓐᓂᒃ ᖃᐅᔨᒃᑲᐃᔾᔪᑎᓂᑦ ᐅᕙᓗ ᑎᑎᖅᑲᖏᓐᓂᒃ ᕿᒥᕐᕈᔨᓪᓗᑕ.
ᑖᒃᑯᐊ ᑐᑭᓯᔾᔪᑎᔅᓴᐃᑦ ᐊᑐᖅᐸᑦᑕᕗᑦ ᐃᑲᔪᕈᑎᒋᓪᓗᒋᑦ ᑐᑭᓯᐅᒪᑦᑎᐊᕈᓐᓇᖁᓪᓗᑕ ᐱᔨᑦᑎᖅᑕᑎᓐᓂᑦ, ᐱᖁᑎᕗᑦ ᐊᑐᖅᑕᐅᕙᑦᑐᑦ ᐱᐅᓯᕚᓪᓕᕈᑎᔅᓴᖏᓐᓄᑦ ᐱᔨᑦᑎᕈᑎᕗᓪᓗ ᐊᑐᐃᓐᓇᐅᑎᑕᕗᑦ, ᐱᑖᕆᔭᔅᓴᐃᑦ ᐊᒻᒪ ᖃᓄᐃᓕᐅᖅᑎᑦᑎᓃᑦ, ᐊᒻᒪ/ᐅᕙᓗ ᐃᑲᔪᕈᓐᓇᖁᓪᓗᑕ ᓂᐅᕕᕐᕕᓐᓂᑦ ᓂᕈᐊᕋᓱᐊᕐᓂᕐᒥᑦ ᐱᐅᓯᕚᓪᓕᕈᑎᔅᓴᖓᓐᓄᑦ ᐱᔨᑦᑎᕈᑎᔭᑦᑕ, ᐱᖁᑎᑦᑕ ᐊᒻᒪ ᐱᔨᑦᑎᓂᑦᑕ, ᖃᓄᐃᓕᐅᖅᑎᑦᑎᓃᑦ ᐊᒻᒪ ᐱᑖᕆᔭᔅᓴᐅᑎᑕᐅᔪᑦ.
ᐃᓄᓐᓄᑦ ᑐᓴᒐᔅᓴᕐᓂᐊᕈᑎ
ᐃᑭᐊᕿᕕᑦᑕ ᐃᓗᓕᖏᓐᓂᑦ ᕿᒥᕐᕈᔭᐅᖁᔨᓯᒪᑐᐃᓐᓇᕆᐊᖃᕐᒥᔪᒍᑦ, ᐅᕙᓗ ᐱᖓᔪᐊᒍᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᐃᑭᐊᕿᕕᖏᑎᒍᑦ, ᐋᖅᑭᓪᓗᒋᑦ ᐃᑭᐊᕿᕕᑦᑎᓐᓄᑦ ᐃᓚᒋᔭᐅᔪᓐᓇᕈᑎᖏᑦ ᐅᕙᓗ ᐱᓕᕆᐊᔅᓴᖏᑦ. ᖃᐅᔨᒪᖁᔨᕗᒍᑦ ᐃᑭᐊᕿᕕᑎᓐᓄᑦ ᑕᑯᓂᐊᖅᑐᐊᕈᕕᑦ ᐱᖓᔪᐊᒍᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᐃᑭᐊᕿᕕᖏᑎᒍᑦ, ᐋᖅᑭᒐᖏᑎᒍᑦ ᐊᒻᒪ ᐱᓕᕆᐊᔅᓴᖏᑎᒍᑦ, ᑖᒃᑯᑎᒎᓇ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᖃᐅᔨᔪᓐᓇᖅᓯᔪᓐᓇᖅᑐᑦ ᑐᑭᓯᔾᒧᑎᔅᓴᓂᑦ ᐃᕕᑦ ᐱᖁᑎᖓᒍᑦ ᐊᑐᖅᑕᓐᓂᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ, ᓲᕐᓗ ᐊᑏᑦ, ᐊᑐᕈᓐᓇᐅᑏᑦ ᐊᑏᑦ, ᐃᕐᖐᕐᓇᐅᑎᒃᑯᑦ ᑐᕌᕈᑏᑦ, ᐊᔾᔨᓐᖑᐊᑦ ᐊᕐᓇᐅᒍᕕᑦ ᐊᖑᑕᐅᒍᕕᓪᓗ, ᐃᓗᓕᖏᑦ ᑕᒪᒃᑯᐊ ᐊᐅᓚᑦᑎᔾᔪᑎᓄᑦ ᐃᑭᐊᕿᕕᒃᑯᑎᒍᑦ ᐋᖅᑭᒐᖏᑎᒍᑦ ᐅᕙᓗ ᐱᓕᕆᐊᔅᓴᖏᑎᒍᑦ. ᓱᓕᒃᑲᓐᓂᖅ, ᑐᓂᓯᓐᓂᕈᕕᑦ ᑐᑭᓯᔾᔪᑎᔅᓴᑲᓐᓂᕐᓂᑦ ᐃᕕᑦ ᐊᑐᖅᑕᖓᒍᑦ ᑐᓴᐅᒪᖃᑦᑕᐅᑎᔾᔪᑎᑦᑎᒍᑦ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑖᒃᑯᐊ ᐊᑐᑐᐃᓐᓇᕆᐊᖃᕐᒥᔭᖏᑦ ᐃᓕᓐᓄᑦ ᑐᕌᖓᓕᖅᑎᓪᓗᒍ ᐃᑭᐊᕿᕕᐅᑉ ᐋᖅᑭᔅᓯᒪᓂᖓ ᐊᒻᒪ ᐱᖓᔪᐊᒍᑦ ᑐᓴᐅᒪᖃᑦᑕᐅᑎᔾᔪᑎᒃᑯᑦ ᐃᑭᐊᕿᕕᖓᒍᑦ ᐋᖅᑭᒐᖏᓐᓂᑦ ᐊᒻᒪ ᐱᓕᕆᐊᔅᓴᖏᓐᓂᒃ, ᐱᔪᒥᓇᖅᓴᐃᒍᑎᖏᓐᓂᒃ ᐱᖁᑎᖏᓐᓂᒃ ᐊᒻᒪ ᐱᔨᑦᑎᕈᑎᓂᑦ ᐃᓕᓐᓄᑦ ᐱᒋᔭᐅᔪᒥᓇᕆᔭᐅᔪᓂᑦ.
ᐊᓯᔾᔨᖅᑕᐅᓂᖏᑦ ᑐᓴᐅᒪᔭᐅᔭᕆᐊᖃᓐᖏᑦᑐᓂᑦ ᖃᐅᔨᒃᑲᐃᔾᔪᑎ
ᑐᓴᐅᒪᔭᐅᔭᕆᐊᖃᖏᓐᓂᐅᑉ ᒥᔅᓵᓄᑦ ᖃᐅᔨᒃᑲᐃᔾᔪᑎ ᓄᑖᕈᕆᐊᖅᑕᐅᑐᐃᓐᓇᕆᐊᖃᕐᒥᒻᒪᑦ ᖃᐅᔨᒃᑲᐃᓯᒪᔮᖅᓯᒪᓐᖏᓪᓗᑎᑦ. ᐃᕝᕕᑦ ᐱᓂᐊᒐᔅᓴᕆᒐᕕᐅᒃ ᐊᑐᖅᑎᓪᓗᑎᑦ ᑖᔅᓱᒥᖓ ᐃᑭᐊᕿᕕᑦᑎᓐᓂᑦ ᖃᐅᔨᒋᖃᑦᑕᕐᓗᑎᑦ ᓄᑖᕈᕆᐊᖅᑕᐅᓯᒪᔪᖃᕐᒪᖔᖅ ᑐᓴᐅᒪᔭᐅᔭᕆᐊᓐᖏᑦᑐᑦ ᒥᔅᓵᓄᑦ ᓴᖅᑭᔮᖅᑎᑕᐅᒐᖅᑐᑎᓪᓗ ᐃᑭᐊᕿᕕᑦᑎᓐᓂᑦ. ᐃᓇᑦᑎᕗᒍᑦ ᐃᓱᒫᓗᔅᓵᕆᔾᔪᑎᒋᓪᓗᒍ ᑖᒃᑯᓂᖓ ᑐᓴᐅᒪᔭᐅᔭᕆᐊᖃᖏᑦᑐᑦ ᑎᑎᖅᑲᖏᓐᓂᒃ ᖃᐅᔨᒋᐊᖃᑦᑕᖁᔨᓪᓗᑕ ᐋᖅᑭᑕᐅᔪᓂ ᑕᕙᓐᖓᑦ ᑭᓇᒻᒪᖔᖅ ᓇᓗᓇᐃᖅᓯᔾᔪᑕᐅᔪᓐᓇᖅᑐᑦ ᒥᔅᓵᓄᑦ ᑎᑎᖅᑲᓂᑦ.
ᖁᓪᓕᖅ ᐆᒻᒪᖁᑎᓕᕆᔨᒃᑯᓐᓄᑦ ᖃᐅᔨᒋᐊᕐᕕᖃᕐᓂᖅ
ᖃᐅᔨᒋᐊᕐᕕᖃᕈᓐᓇᖅᑐᑎᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᓐᓄᑦ ᒪᑯᐊ ᐱᓪᓗᒋᑦ:
- ᐊᐱᖅᑯᑎᔅᓴᖃᕈᕕᑦ ᐅᕙᓗ ᐅᖃᐅᓯᔅᓴᖃᕈᕕᑦ ᑐᓴᐅᒪᔭᐅᔭᕆᐊᖃᓐᖏᓐᓂᐅᑉ ᒥᔅᓵᓄᑦ ᖃᐅᔨᒃᑲᐃᔾᔪᑎᒥ,
- ᐃᓯᕈᒪᒍᕕᑦ, ᓄᑖᕈᖅᑎᑦᑎᒋᐊᕈᒪᓐᓂᕈᕕᑦ, ᐊᒻᒪᓗ/ᐅᕙᓗ ᑕᕐᒪᖅᓯᒪᔪᖃᕐᓂᖅᑲᑦ ᐃᕕᑦ ᑭᓇᐅᓂᕐᓂᒃ ᓇᓗᓇᐃᖅᓯᔾᔪᑎᓐᓂᑦ, ᐅᕙᓗ
- ᐊᐱᖅᑯᑎᔅᓴᖃᑐᐃᓐᓇᕐᓂᕈᕕᓪᓘᓐᓃᑦ ᐅᕙᓗ ᓈᒻᒪᔅᓴᓂᓐᖏᒃᑯᕕᑦ ᑭᓇᐅᒻᒪᖔᖅᐱᑦ ᓇᓗᓇᐃᖅᓯᔾᔪᑏᑦ ᐊᑐᖅᑕᐅᖏᓐᓂᒃ ᖁᓪᓕ ᐆᒻᒪᖅᑯᑎᓕᕆᔨᒃᑯᓐᓄᑦ.