ᐱᓕᕆᐊᒃᓴᑦ
QEC-ᑯᑦ ᖁᐊᓵᕐᓇᖅᑐᒦᖁᔨᖏᓐᓂᕐᒧᑦ, ᑕᑎᒋᔭᐅᔪᓐᓇᕐᓂᕐᒧᑦ ᐊᒻᒪᓗ ᐊᑲᐅᔪᒃᑯᑦ ᐆᒻᒪᖅᑯᑎᖃᖅᑎᑦᑎᔨᐅᕗᑦ ᐊᒻᒪᓗ ᐊᑯᓂᐅᔪᒨᖓᔪᓂᒃ ᐊᑭᑐᓗᐊᖏᑦᑐᓂᒃ ᐆᒪᖅᑯᑎᖃᖅᑎᑦᑎᔨᐅᒋᕗᑦ ᓄᓇᕗᒻᒥᐅᓂᒃ.
ᑕᐅᑐᙳᐊᖅᑕᑦ
ᖁᓪᓕᖅ ᐆᒻᒪᖅᑯᓯᕆᔨᒃᑯᑦ ᑕᐅᑐᙳᐊᖅᑕᖏᑦ ᐱᑎᑦᑎᔪᓐᓇᕐᓂᖅ ᓄᓇᓕᐅᔪᓂᒃ ᓄᓇᕘᒥ ᖁᐊᖅᓵᕐᓇᖅᑐᒦᖁᔨᙱᓐᓂᕐᒧᑦ, ᑕᑎᒋᔭᐅᓗᑎᒃ, ᑲᔪᓯᑦᑎᐊᕐᓗᑎᒃ ᐱᕙᓪᓕᐊᑎᑕᐅᑦᑎᐊᖅᑐᒃᑯᓪᓗ ᐆᒻᒪᖅᑯᑎᖃᖅᑎᑦᑎᓗᑎᒃ ᐊᒻᒪᓗ ᐱᔨᑦᑎᑎᐊᕐᓗᑎᒃ. ᑐᙵᕕᒋᔪᒪᓪᓗᒋᑦ ᑕᐅᑐᙳᐊᖅᑕᕗᑦ ᑐᙵᕕᖃᕆᐊᖃᕐᒪᑕ ᐱᔪᓐᓇᐅᑎᖃᕐᓂᒃᑯᑦ ᐊᒻᒪᓗ ᑕᑎᒋᔭᐅᔪᓐᓇᕐᓗᑎᒃ ᐱᓕᕆᔨᖏᑦ, ᑭᒡᒐᖅᑐᐃᕙᒃᑐᑦ ᓄᓇᕘᒥ ᐅᓄᕐᓂᐅᔪᓂᒃ, ᐊᒻᒪᓗ ᓵᖓᓗᑎᒃ ᐃᓄᐃᑦ ᐃᓕᖅᑯᓯᖏᑦᑕ ᑐᙵᕕᖏᓐᓂᒃ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᓯᕗᒧᑦ ᐊᑉᓗᖅᑕ-ᒥᒃ, ᐱᓕᕆᐊᒃᓴᓄᑦ ᑎᑎᖅᑲᑦ ᑎᓴᒪᒋᓕᖅᑖᓂ ᒪᓕᒐᓕᐅᕐᕕᖕᒥ ᑲᑎᒪᓂᕐᒥ ᓄᓇᕗᑦ ᒐᕙᒪᒃᑯᓐᓂ. ᐊᐅᓚᒐᑦᑕ ᑎᒥᐅᓪᓗᑕ ᒪᓕᑦᑎᐊᕋᓱᐊᖏᓐᓇᖅᖢᑕ, ᑕᑎᒋᔭᐅᑦᑎᐊᕐᓗᑕ ᐊᒻᒪᓗ ᓱᓕᑦᑎᐊᖅᑐᒃᑰᕐᓗᑕ.
ᐅᒃᐱᕆᔭᖏᑦ
ᐅᒃᐱᕆᔭᖏᑦ ᐃᓚᓕᐅᔾᔭᐅᓯᒪᔪᑦ ᐱᓕᕆᐊᒃᓴᓂ ᐅᖃᐅᓯᐅᓯᒪᔪᓂ ᐅᑯᐊᖑᓪᓗᑎᒃ:
ᖁᐊᖅᓵᕐᓇᖅᑐᒦᑕᐃᓕᒪᓂᖅ ᐃᒪᐃᑦᑑᕗᖅ ᐊᒻᒪᓗ ᑲᔪᓯᑎᑕᐅᓂᐊᖅᖢᓂ ᑯᐊᐳᕇᒃᓴᐅᔫᑉ ᓯᕗᓪᓕᐅᑎᓯᒪᓗᓂᐅᒃ. ᑖᓐᓇ ᓱᓕᔪᖅ ᑐᓴᖅᑕᐅᑎᑕᐅᔾᔪᑕᐅᕙᒃᖢᓂ ᑭᒃᑯᓐᓄᑦ ᐊᒻᒪᓗ ᐊᑐᖅᑕᐅᓪᓗᓂ ᐊᑐᐊᒐᕐᓂ ᒪᓕᒃᑕᐅᔭᕆᐊᖃᖅᐸᒃᑐᓂᓗ ᑯᐊᐳᕇᓴᐅᔫᑦ ᐃᖅᑲᓇᐃᔭᖅᑎᖏᓐᓂᑦ ᑐᑭᓯᔭᐅᓯᒪᑦᑎᐊᕐᓗᓂ ᐊᒻᒪᓗ ᒪᓕᒃᑕᐅᖏᓐᓇᐅᔭᕐᓗᓂ.
ᑕᑎᒋᔭᐅᓂᖅ ᑐᒡᓕᕆᓪᓗᓂᐅᒃ ᖁᐊᖅᓵᕐᓇᖅᑐᒦᖁᔨᙱᓐᓂᐅᑉ. ᓵᙵᖕᒪᑕ ᑯᐊᐳᕇᓴᐅᔪᖅ ᖃᐅᑕᒫᒃᑯᑦ ᐊᐅᓚᑦᑎᓂᐅᔪᓄᑦ ᖁᐊᖅᓵᕐᓇᖅᑐᒦᑎᑦᑎᑦᑕᐃᓕᓪᓗᑎᒃ ᐊᒻᒪᓗ ᑕᑎᒋᔭᐅᔪᓐᓇᕐᓂᕐᒧᑦ ᐱᔨᑦᑎᖅᑕᕐᒥᖕᓄᑦ ᐃᓄᖕᓄᑦ.
ᑲᔪᓯᑦᑎᐊᕐᓂᖅ ᐊᑐᖅᑕᐅᖕᒪᑦ ᑕᒪᐃᓐᓂ ᑯᐊᐳᕇᓴᐅᔫᒧᑦ ᐊᐅᓚᑎᓂᕐᒥ ᐊᒻᒪᓗ ᐊᒡᓚᒡᕕᖕᒥ ᖃᓄᐃᓕᐅᕐᓂᕐᓄᑦ. ᑲᔪᓯᑦᑎᐊᕐᓂᖅ ᓇᓗᓇᐃᖅᓯᖕᒪᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᒻᒪᕆᐅᒍᓱᖕᓂᖏᓐᓄᑦ ᐱᓕᕆᐊᕆᔪᒫᕐᓂᐊᖅᓯᒪᔭᖏᓐᓂ ᓴᖅᑭᖅᑕᐅᓯᒪᔪᓂᑦ ᐃᑲᔫᑎᖃᕐᓂᐊᖅᑐᓂᑦ ᓄᓇᕗᒻᒥᐅᑕᕐᓄᑦ, ᐊᒻᒪᓗ ᐊᑐᕐᓗᑎᒃ ᐃᑲᔫᑎᖃᕈᓐᓇᖅᑐᓂᒃ ᑐᑭᓯᓇᑦᑎᐊᖅᑐᒃᑯᑦ ᑲᒪᓗᑎᒃ ᓈᒪᑦᑎᐊᖅᑐᒃᑯᑦ ᐅᒃᐱᕆᔭᖏᓐᓂᒡᓗ ᒪᓕᑦᑎᐊᕐᓗᑎᒃ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ, ᐊᖏᖅᓯᒪᓂᖃᖅᑐᒍᑦ ᑲᔪᓯᑎᑦᓯᓂᕐᒥᑦ ᑐᙵᕕᖃᕐᓂᕐᒥᑦ ᐊᔾᔨᒌᑎᑦᓯᓂᕐᒥᑦ ᐃᑉᐱᒍᓱᑦᓯᐊᕐᓂᕐᒥᓪᓗ ᐃᖅᑲᓇᐃᔭᖅᑎᖁᑎᑦᑎᓐᓂᑦ ᐆᒻᒪᖅᑯᑎᑖᖅᐸᑦᑐᓄᓪᓗ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᓕᑕᖅᓯᓯᒪᔪᖅ ᑲᒪᒋᔭᖃᕆᐊᖃᕐᓂᕐᒥᑦ ᐊᔾᔨᐅᖏᑦᑐᒥᑦ, ᐃᑉᐱᒍᓱᑦᓯᐊᖅᑐᒥᑦ ᐃᖅᑲᓇᐃᔭᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᓕᒫᑦ ᖁᕕᐊᒋᔭᖃᖅᑎᓪᓗᒋᑦ ᐊᕙᑎᒥᑦ ᐱᒃᑯᒋᔭᖃᕐᓂᕐᒥᑦ ᓇᒻᒥᓂᕐᓗ-ᐃᑉᐱᒋᑦᓯᐊᕐᓂᕐᒥᑦ ᑭᒃᑯᑐᐃᓐᓇᐃᓪᓗ ᐱᒻᒪᕆᐅᒋᔭᐅᔪᑦ ᐋᓐᓂᓇᖅᑐᓂᓪᓗ ᐅᖃᐅᓯᖃᕐᕕᐅᒐᓂ, ᓱᓕᔪᓂᑦ ᐃᓕᖅᑯᓯᕆᔭᐅᔪᐃᓪᓘᓐᓃᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᑦᑎᓂᕐᒥᖕᓂ ᖃᐅᔨᒪᔪᑎᖃᖃᑦᑕᕐᒥᔫᑦ ᐃᓄᐃᑦ ᐃᓕᖅᑯᓯᖏᑦᑕ ᑐᙵᕕᖏᓐᓂᒃ ᐊᒻᒪᓗ ᒪᓕᒃᐸᒃᖢᑎᒃ ᐃᓄᐃᑦ ᐱᓇᓱᐊᖅᓯᒪᔭᖏᑦᑎᒍᑦ ᐋᖅᑭᒃᑕᐅᓯᒪᓪᓗᑎᒃ ᓄᓇᕗᑦ ᒐᕙᒪᒃᑯᓐᓂ ᓯᕗᒧᑦ ᐊᑉᓗᖅᑕ-ᒥ.
ᐃᓄᐃᑦ ᐱᖅᑯᓯᖏᓐᓂᒃ
ᑕᓪᓕᒪᒋᔭᐅᔪᖅ ᒪᓕᒐᓕᐅᕐᕕᖕᒥ ᑎᓕᔭᐅᓯᒪᔾᔪᑎᒋᔭᖏᑦ: ᑐᕌᖅᑕᕗᑦ − ᑕᓪᓕᒪᓂᒃ ᓯᕗᓪᓕᖅᐸᐅᔾᔨᓯᒪᓪᓗᐊᑕᖅᑐᑦ. ᐊᑕᐅᓯᓪᓗᐊᑕᖅ, ᐊᑐᐃᓐᓇᐅᑎᑦᑎᓂᐅᔪᖅ ᐃᓕᓐᓂᐊᕐᓂᕐᒥᒃ ᐱᓕᒻᒪᒃᓴᕐᓂᕐᒥᒡᓗ ᐱᕙᒌᔭᕐᓂᕐᒧᑦ ᓄᑕᖅᑲᓄᑦ, ᒪᒃᑯᒃᑐᓄᑦ ᐃᓐᓇᕐᓗᓄᓪᓗ ᐃᑲᔫᑎᖃᑦᑎᐊᕐᓂᐊᖅᑐᓄᑦ ᐃᓅᖃᑎᒌᓄᑦ ᐊᒻᒪ ᐊᑑᑎᖃᑦᑎᐊᖅᑐᓄᑦ ᐃᖅᑲᓇᐃᔮᒃᓴᓄᑦ. ᑕᐃᒪᐃᓐᓂᖓᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᑲᔪᖅᓱᐃᖏᓐᓇᕐᓂᐊᖅᑐᖅ ᐃᓄᐃᑦ ᐃᖅᑲᓇᐃᔮᒃᓴᖏᓐᓂᒃ ᐱᓕᒻᒪᒃᓴᕐᓂᖏᓐᓂᒡᓗ.
ᑐᑭᒧᐊᒍᑏᑦ ᑐᙵᕖᑦ ᖁᓪᓕᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓐᓂᒃ ᑕᐅᑐᖅᑰᖅᑕᑎᒃ ᐱᓕᕆᔪᓐᓇᖅᓯᓗᒋᑦ ᐊᔾᔨᒋᔭᐅᓗᑎᒡᓗ ᐃᓄᐃᑦ ᐱᒻᒪᕆᐅᒋᔭᖏᓐᓄᑦ ᓄᓇᕗᒥᐅᓂᒃ ᓯᕗᒻᒧᐊᒍᑕᐅᓯᒪᔪᑦ ᑲᔪᓯᔾᔪᑕᐅᓂᐊᖅᖢᓂᓗ ᑐᑭᒧᐊᒍᑕᐅᓗᓂ ᓄᓇᕗᑦ ᒐᕙᒪᒃᑯᓐᓄᑦ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓐᓄᑦ ᓯᕗᓂᒃᓴᒧᑦ:
| ᐃᓅᖃᑎᒌᑦᑎᐊᕐᓂᖅ: | ᐃᓅᖃᑎᑦ ᐃᒃᐱᒋᑦᑎᐊᕐᓗᒋᑦ, ᐱᖃᑎᒌᖕᓃᑦ ᑲᒪᔾᔪᓰᓪᓗ ᐃᓅᖃᑎᒧᑦ. |
|---|---|
| ᑐᙵᓇᕐᓂᖅ: | ᑐᙵᓇᕐᓗᓂ ᐃᓅᖃᑎᒧᑦ, ᑐᙵᓇᕐᓗᓂ ᐃᓚᐃᓐᓇᖅᓯᐅᙱᓪᓗᓂ. |
| ᐱᔨᑦᓯᕐᓂᖅ: | ᐱᔨᑦᑎᕋᕐᓗᒋᑦ ᐱᖃᖅᑎᓪᓗᒋᓪᓗ ᖃᑕᙳᑎᒌᑦ ᐊᒻᒪ/ᐅᕝᕙᓘᓐᓃᑦ ᓄᓇᖅᑲᑎᒌᑦ. ᐊᖏᖃᑎᒌᖕᓂᒃᑯᓪᓗ. |
| ᐋᔩᖃᑎᒌᖕᓂᖅ: | ᐃᓱᒪᓕᐅᕆᓂᖅ ᐅᖃᖃᑎᒌᖕᓂᒃᑯᑦ ᐊᖏᖃᑎᒌᖕᓂᒃᑯᓪᓗ. |
| ᐱᓕᒻᒪᒃᓴᕐᓂᖅ/ᐱᔭᕆᐅᖅᓴᕐᓂᖅ: | ᐱᕙᓪᓕᐊᑎᑦᑎᓂᖅ ᐊᔪᖅᑕᐅᙱᑦᑐᓂᒃ ᖁᙱᐊᖃᑦᑕᕐᓂᒃᑯᑦ, ᐃᓕᓴᖅᑕᐅᓂᒃᑯᑦ, ᐊᔪᕈᓐᓃᖅᓴᖃᑦᑕᕐᓂᒃᑯᑦ, ᐱᓇᔪᖃᑦᑕᕐᓂᒃᑯᓪᓗ. |
| ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ: | ᐱᓕᕆᖃᑎᒌᖕᓂᖅ ᐱᔾᔪᑎᑦᑎᐊᕙᖕᒧᑦ. |
| ᖃᓄᖅᑑᕐᓂᖅ: | ᖃᓄᖅᑑᕈᓐᓇᑦᑎᐊᕐᓗᓂ ᖃᐅᔨᓇᓱᑦᑎᐊᖅᐸᒡᓗᓂᓗ. |
| ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ: | ᓄᓇ ᐃᒃᐱᒋᑦᑎᐊᕐᓗᒍ ᑲᒪᒋᑦᑎᐊᕐᓗᒍᓗ, ᓂᕐᔪᑏᑦ ᐊᒻᒪ ᐊᕙᑎᖓ. |