ᑭᖑᕙᖅᖢᑎᑦ ᐊᑭᓖᓚᐅᖏᑦᑐᑦ

ᐅᖄᓚᕕᐅᔪᓐᓇᖅᑐᖅ: 1-866-710-4200

ᑭᖑᕙᖅᖢᑎᑦ ᐊᑭᓖᓚᐅᖏᑦᑐᑦ

ᐅᓪᓗᐊᓂ ᐊᑭᓕᕆᐊᖃᖅᑎᓪᓗᒍ ᐊᑭᓕᕐᓂᖏᒃᑯᕕᑉ ᑕᖅᑭᒨᖓᔪᒧᑦ, ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐊᑭᓕᒃᓴᑖᖅᑎᑦᑎᒐᔭᖅᑐᑦ ᑭᖑᕙᕐᓂᕐᓄᑦ ᐊᑭᓕᒐᒃᓴᒥᑦ 1.5%-ᒥᑦ ᐃᓚᔭᐅᓗᓂ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑕᒃᓰᔭᕈᑏᑦ ᐱᖁᑎᓄᑦ ᐱᔨᑦᑎᕋᕈᑎᓄᑦ ᐊᑭᓕᒃᓴᓄᑦ. ᐅᓪᓗᓂ 7−ᓂᒃ ᐊᑭᓕᕆᐊᖃᖅᑕᑦ ᐃᑯᒻᒪᖅᑯᑎᓄᑦ ᐊᑭᓕᒃᓴᑦ ᐊᑭᓕᕆᐊᖃᓕᖅᑎᓪᓗᒍ ᐊᑭᓕᒐᒃᓴᑖᖁᓇᑎᑦ. ᐊᑭᓕᕐᓂᖏᒃᑯᕕᐅᑉ ᐅᓪᓗᓂ 7−ᓂᒃ ᐊᑭᓕᕆᐊᖃᓕᖅᑎᓪᓗᒍ ᓇᓗᓇᐃᖅᓯᖄᕋᔭᖅᑐᑦ ᐃᑲᕋᓂ 48−ᓂᑦ ᖃᒥᑦᑎᓛᕐᓂᖏᓐᓄᑦ ᐅᕝᕙᓘᓐᓃᑦ ᐱᔨᑦᑎᐅᑎᖓᑦ ᑭᒡᓕᖃᖅᑎᑕᐅᓗᓂ ᑎᑎᖅᑲᑎᒍᑦ.  

ᑐᓴᒃᑲᓐᓂᕈᒪᓐᓂᕈᕕᑦ ᑭᖑᕙᖅᖢᑎᑦ ᐊᑭᓖᓚᐅᖏᓐᓂᕐᒧᑦ, ᐅᓇ ᓇᕿᓪᓗᒍ ᐅᖃᓕᒫᕈᒪᒍᕕᒋᑦ ᑭᒡᓕᕗᑦ ᐱᔾᔪᑎᕗᓪᓗ ᐅᕝᕙᓘᓐᓃᑦ ᑭᒡᒐᖅᑐᐃᔨᕗᑦ ᐅᖄᓚᕕᔪᓐᓇᖅᑕᑦ ᐃᖅᑲᓇᐃᔭᕐᕕᑦᑎᓐᓂᑦ 1-866-710-420−ᒧᑦ.

ᐊᑭᓖᔪᒪᖏᑦᑐᑦ

ᐃᑯᒻᒪᖅᑯᑎᖃᖃᑦᑕᖅᑐᖅ ᐊᑭᓖᔪᒪᓐᓂᖏᒃᑯᓂ, ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐊᑭᓖᒐᒃᓴᖅᑖᖅᑎᑦᑎᒐᔭᖅᑐᑦ $20−ᒥᑦ ᐊᑭᓕᒃᓴᓄᑦ. ᐊᑭᓖᓂᖏᒃᑯᑦ ᓯᒃᑭᖏᑦ ᐅᑎᖅᑎᑕᐅᖃᑦᑕᖅᐳᑦ ᑮᓇᐅᔭᒃᕕᖏᓐᓄᑦ ᐱᔾᔪᑎᑐᐃᓐᓇᕐᒧᑦ. ᓲᕐᓗ, ᐊᑭᓖᖏᑦᑐᕕᓂᖅ ᑮᓇᐅᔭᖃᖏᓐᓂᖓᓄ ᐱᔾᔪᑎᐅᔪᓐᓇᖅᐳᖅ, ᒪᑐᐃᓯᒪᔪᑦ ᑮᓇᐅᔭᒃᑯᕕᑦ ᐅᕝᕙᓘᓐᓃᑦ ᐅᓪᓗᐊ ᐃᓱᓕᑦᑐᕕᓂᐅᑎᓪᓗᒍ ᐅᕝᕙᓘᓐᓃᑦ ᐊᑎᓕᐅᖅᓯᒪᖏᓪᓗᓂ ᓯᒃᑮᑦ. ᐃᑯᒻᒪᖅᑯᑎᖃᖃᑦᑕᖅᑐᒧᑦ ᐱᖓᓱᐃᖅᓱᕐᓗᑎᑦ ᐊᑭᓖᓂᖏᒃᑯᕕᑦ, ᓇᓗᓇᐃᖅᑕᐅᒃᑲᓐᓂᕋᔭᖅᑐᑎᑦ ᐊᑭᓖᑲᓐᓂᖁᔭᐅᓗᑎᑦ ᑮᓇᐅᔭᕐᒥᑦ, ᑮᓇᐅᔭᑎᒍᑦ ᐊᑭᓕᒃᓴᖃᐅᑎᐊᓄᑦ, ᐊᑭᓕᒃᓴᓂᔾᔪᑎᒥᑦ ᐊᐅᒃᑕᔪᒥᑦ, ᑮᓇᐅᔭᖅᑎᒍᑦ ᐊᐅᓪᓚᖅᑎᑦᑎᓂᒃᑯᑦ ᐅᕝᕙᓘᓐᓃᑦ ᐃᓕᓴᕆᔭᐅᓯᒪᔪᒥᑦ ᓯᒃᑭᒥᑦ. 

ᑐᓴᒃᑲᓐᓂᕈᒪᓐᓂᕈᕕᑦ ᐊᑭᓖᔪᒪᖏᑦᑐᓂᒃ, ᐅᓇ ᓇᕿᓪᓗᒍ ᐅᖃᓕᒫᕋᓱᒡᓗᒍ ᑭᒡᓕᕗᑦ ᐱᔾᔪᑎᐅᕗᓪᓗ ᐅᕝᕙᓘᓐᓃᑦ ᑭᒡᒐᖅᑐᐃᔨᕗᑦ ᐃᖅᑲᓇᐃᔭᕐᕕᑦᑎᓐᓄᑦ ᐅᖄᓚᕕᔪᓐᓇᖅᑕᑦ 1-866-710-4200−ᒧᑦ.

ᑭᐱᔭᐅᓂᖅ  

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐃᑯᒻᒪᖅᑯᑎᖃᖅᑐᓂᑦ ᖃᒥᑦᑎᑲᐅᖅᑐᖃᑦᑕᖏᓪᓚᑦ ᑐᓴᐅᒪᑎᑦᑎᖄᖃᑦᑕᖅᐳᑦ ᐃᑲᕋᓂ 48−ᓂᑦ ᖃᒥᑦᑎᓚᐅᖏᓐᓂᕐᒥᓂᑦ. ᐃᑲᕋᓂᑦ 48-ᓂᑦ ᓇᓗᓇᐃᖅᑕᐅᒍᕕᑦ ᖃᒥᑕᐅᓂᐊᕐᓂᕐᓄᑦ, ᑭᒡᒐᖅᑐᐃᔨᕗᑦ ᐃᖅᑲᓇᐃᔭᕐᕕᑦᑎᓐᓂᑦ ᐅᖄᓚᕕᒋᑲᐅᑎᒋᓗᒍ 1-866-710-4200−ᒧᑦ. ᑭᖑᕙᖅᖢᑎᑦ ᐊᑭᓕᓚᐅᖏᓐᓂᕐᓄᑦ ᑭᐱᔭᐅᓐᓂᕈᕕᑦ, ᐊᑭᓕᒐᒃᓴᖅᑖᒃᑲᓐᓂᕋᔭᖅᐳᑎᑦ $25−ᒥᑦ ᑭᐱᔭᐅᓂᕐᒧᑦ ᐊᑭᓕᒐᒃᒥᑦ.

ᑐᓴᒃᑲᓐᓂᕈᒪᓐᓂᕈᕕᑦ ᑭᐱᔭᐅᖃᑦᑕᕐᓂᕐᒧᑦ, ᐅᓇ ᓇᕿᓪᓗᒍ ᐅᖃᓕᒫᕈᒪᓐᓂᕈᕕᑦ ᑭᒡᓕᕗᑦ ᐱᔾᔪᑎᕗᓪᓗ ᐅᕝᕙᓘᓐᓃᑦ ᑭᒡᒐᖅᑐᐃᔨᑎᓪᓗᑦ ᐅᖃᖃᑎᖃᕈᒪᓐᓂᕈᕕᑦ ᐃᖅᑲᓇᐃᔭᕐᕕᑦᑎᓐᓂᑦ 1-866-710-4200-ᒧᑦ.  

ᐅᖄᓚᐅᑎᒃᑯᑦ ᒪᙵᑕᐃᔨᓄᑦ ᑐᓴᐅᒪᔾᔪᑎ

ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᓐᓄᑦ ᐃᑯᒻᒪᖅᑯᑎᖃᖃᑦᑕᖅᑐᑦ ᐅᖄᓚᐅᑎᒃᑯᑦ ᒪᙵᑕᐅᓇᓱᖃᑦᑕᖅᐳᑦ. ᑭᒡᒐᖅᑐᐃᔨᐅᙳᐊᖅᖢᑎᑦ ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᓐᓃᖔᕐᓂᕋᖅᖢᑎᒃ ᐊᑭᓖᑲᐅᑎᒋᖁᔨᓪᓗᑎᑦ ᐃᑯᒻᒪᖅᑯᑎᖏᓐᓄᑦ ᑭᐱᔭᐅᖁᓇᑎᑦ.

ᐊᑭᓕᒃᓴᑦ ᖃᖏᐅᔾᔨᓗᐊᓕᖅᐸᑦ, ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᑭᒡᒐᖅᑐᐃᔨᖓᓄᑦ ᐅᖄᓚᔭᕆᐊᖃᖅᐳᑎᑦ ᐃᓕᖕᓄᑦ ᖃᐅᔨᒋᐊᕐᓗᓂᓗ ᑎᑎᖅᑲᒥᑦ ᓇᓗᓇᐃᖅᓯᓗᓂᓗ. ᐃᑯᒻᒪᖅᑯᑎᖃᖃᑦᑕᖅᑐᑦ ᑲᙲᓇᖅᑐᒥᑦ ᐅᖄᓚᕕᒋᔭᐅᖃᑦᑕᓪᓗᐊᖅᐹᑦ, ᐃᓕᕝᕕᒋᑐᐃᓐᓇᕐᓗᒍ ᐅᖄᓚᐅᑦ ᐅᖄᓚᓗᑎᒡᓗ ᐃᖅᑲᓇᐃᔭᕐᕕᖕᒧᑦ 1-866-710-4200−ᒧᑦ. ᑭᒡᒐᖅᑐᐃᔨ ᓇᓗᓇᐃᖅᓯᒐᔭᖅᑐᖅ ᐅᖄᓚᒍᑕᐅᓚᐅᖅᑐᖅ ᓈᒻᒪᖕᒪᖔᑦ ᐋᒃᑲᓘᓐᓃᑦ.