ᖁᓪᓕ ᐆᒻᒪᖁᑎᓕᕆᔨᒃᑯᑦ ᑐᐊᕕᕐᓇᖅᑐᖃᖅᐸᑦ ᐅᖄᓚᕕᐅᔪᓐᓇᖅᑐᖅ: 1-867-222-3807
ᐅᓪᓗᓕᒫᖅ ᐅᓐᓄᐊᓕᒫ ᐊᑐᐃᓐᓇᐅᔪᖅ ᑐᐊᕕᕐᓇᖅᑐᖃᓕᕐᓂᖅᐸᑦ ᐅᖄᓚᕕᐅᔪᓐᓇᖅᑐᖅ 1-867-222-3807. ᐱᔨᑦᑎᕋᑦᑕᐅᔪᓕᒫᑦ ᐊᐅᓚᐅᑎᖏᑦ ᖃᒥᙵᑉᐸᑕ ᐅᖃᐅᓯᐅᑲᐅᑎᔭᕆᐊᓕᒃ ᑐᐊᕕᕐᓇᖅᑐᖃᖅᐸᑦ ᐅᖄᓚᕕᐅᔪᓐᓇᖅᑐᒧᑦ ᑭᐅᑲᐅᑎᒋᒐᔭᕋᑦᑕ ᐱᓕᕆᐊᕆᑲᐅᑎᒋᓗᒍᓗ. ᑐᓴᖅᑎᑕᐅᖃᑦᑕᕐᒥᔪᒍᑦ ᐱᔨᑦᑎᕋᑦᑕᑦᑎᓐᓂᑦ ᑐᐊᕕᕐᓇᖅᑐᒨᖓᔪᓂᑦ ᐊᐅᓚᐅᑎᑦ ᖃᓄᐃᓂᖏᓐᓂᑦ ᐅᖃᐅᔭᐅᔭᕌᖓᑦᑕ. ᐊᐅᓚᐅᑎᓄᑦ ᐆᒻᒪᖁᑎᓅᖓᔪᓂᑦ ᑐᐊᕕᕐᓇᖅᑐᖃᖅᐸᑦ ᐃᓚᒋᓗᒍ ᑕᒪᐅᓇᑐᐃᓐᓇᖅ ᓄᖅᑲᕐᓂᖅᐸᑕ, ᓴᕕᒐᐅᔭᐃᑦ ᐊᑐᕈᓐᓃᕐᓂᖅᐸᑕ ᐅᕝᕙᓗᓃᑦ ᓇᐸᔪᐊᓗᒥᒃ ᓱᕋᑦᑐᖃᕐᓂᖅᐸᑦ. ᐱᔨᑦᑎᕋᑦᑕᑦᑎᓐᓄᑦ ᐅᖃᐅᔭᐅᑲᐅᑎᒋᒍᑦᑕ ᖃᓄᐃᓂᖓᓂᑦ, ᓴᓇᑲᐅᑎᒋᔪᓐᓇᕋᔭᖅᑕᕗᑦ ᐋᖅᑭᒋᐊᓕᒃ.
ᐅᖄᓚᕕᐅᒍᑦᑕ, ᐱᓕᕆᔨᕗᑦ ᐅᐸᓗᖓᐃᑲᐅᑎᒋᒐᔭᖅᑐᑦ ᐊᒻᒪᓗ ᐊᑲᐅᖏᓕᐅᕈᑎᔪᖅ ᑲᒪᒋᔭᐅᑲᐅᑎᒋᓗᓂ. ᖃᐅᔨᒪᓂᐊᖅᐳᑎᑦ ᐅᖄᓚᒍᕕᑦ ᐊᐱᖅᓱᖅᑕᐅᒐᔭᕋᕕᑦ ᑐᓴᕐᕕᐅᓇᓱᓪᓗᑎᑦ ᖃᓄᐃᓐᓂᓕᒫᖏᓐᓂᑦ ᓇᒦᒪᖔᓪᓗ ᑐᐊᕕᕐᓇᖅᑐᒃᑯᑦ ᖃᒥᔾᔪᑎᒋᔪᖅ. ᐊᐱᖅᓱᕋᔭᕐᒥᔪᒍᑦ ᐅᖄᓚᐅᑎᕕᑦ ᓇᐃᓴᐅᑎᖓᓂᑦ ᐸᐃᖅᑯᑎᒃᓴᖃᕐᓂᕈᑦᑕ ᑐᓴᕆᐊᒃᑲᓐᓂᕐᕕᐅᒐᔭᕋᕕᑦ ᐊᐱᖅᓱᖅᑕᐅᓗᑎᑦ.
Inuktitut