ᓇᒻᒥᓂᖃᕐᓂᖅ ᖃᕋᓴᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᑐᑭᓯᒋᐊᕐᕕᒻᒥᑦ
ᑖᓐᓇ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᐅᔪᖅ ᓇᒻᒥᓂᕆᔭᐅᔪᖅ ᐊᐅᓚᑕᐅᓪᓗᓂᓗ ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑯᐊᐳᕇᓴᓐ (QEC) ᐊᖏᔪᖅᑳᖃᕐᕕᖃᖅᑐᑦ ᖃᒪᓂᑦᑐᐊᒥ, ᓄᓇᕗᑦ. ᑎᑎᖅᑲᓂᐊᕐᕕᒃᑯᑦ ᑐᕌᕈᑎᖓ ᑎᑎᖅᑲᖃᐅᑖ 420, ᖃᒪᓂᑦᑐᐊᖅ, NU, X0C 0A0. QEC ᓂᐅᕐᕈᑎᖃᖃᑦᑕᖅᑐᑦ ᓄᓇᕗᒻᒥ ᐆᒪᖅᑯᑎᓕᕆᔨᒃᑯᑦ ᐊᒻᒪ ᐊᐅᓚᑦᑎᓪᓗᑎ ᐊᐅᓚᐅᑎᓂᑦ ᐆᒻᒪᖅᑯᑎᓕᐅᕈᑎᓂᑦ 25−ᓂ ᓄᓇᓕᓕᒫᓂᑦ ᓄᓇᕗᒻᒥ.
ᐊᖏᖅᑕᐅᓂᖏᑦ ᐅᖃᖅᓯᒪᓂᖏᑦ ᖃᓄᐃᓐᓂᕆᒋᐊᓕᖏᓪᓗ ᐊᑐᖅᑕᐅᓂᖓᓄᑦ
ᐊᑐᖅᑕᐅᓚᐅᖅᑎᓐᓇᒍ ᖃᕋᓴᐅᔭᒃᑰᕈᑎᐅᔪᖅ, ᐃᓕᓐᓄᑦ ᐱᐅᓇᔭᖅᑐᑦ ᕿᒥᕐᕈᓗᒋᑦ QEC−ᑯᑦ ᐅᖃᖅᓯᒪᓂᖏᑦ ᖃᓄᐃᓐᓂᕆᒋᐊᓕᖏᓪᓗ ᐊᑐᖅᑕᐅᓂᖓᓄᑦ ᓇᓗᓇᐃᔭᖅᓯᒪᔪᑦ ᐅᕙᓂ. ᐊᑐᖅᑕᓕᒫᑎᑦ ᑕᕝᕙᓂ ᖃᕋᓴᐅᔭᒃᑰᕈᑎᒥᑦ ᒪᓕᓐᓂᖃᖅᑐᑦ ᐅᖃᖅᓯᒪᓂᖏᓐᓄᑦ ᖃᓄᐃᓐᓂᕆᒋᐊᖃᖅᑕᖏᓐᓄᓪᓗ. ᖃᐅᔨᒃᑲᑕᐅᒃᑲᓂᖅᑯᑎᑦ ᑖᒃᑯᐊ ᐅᖃᖅᓯᒪᓂᖏᑦ ᖃᓄᐃᓐᓂᕆᒋᐊᓕᖏᓪᓗ ᐊᑐᖅᑕᐅᔪᑦ ᐊᓯᔾᔨᖅᑕᐅᔪᓐᓇᖅᑐᑦ ᐋᖅᑭᒋᐊᖅᑕᐅᓗᑎᓘᓐᓃᑦ QEC−ᑯᓐᓄᑦ ᖃᖓᑐᐃᓐᓇᒃᑯᑦ ᖃᐅᔨᒃᑲᐃᒍᑎᖃᖏᓪᓗᑎᑦ. ᐊᑐᕐᓂᕆᔭᐃᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᐅᔪᒥᑦ ᐊᓯᔾᔨᕐᓂᖃᓚᐅᖅᑎᓪᓗᒋᑦ ᑐᑭᓯᔭᐅᔭᕆᐊᓕᒃ ᐊᖏᕐᓂᕆᔭᕐᓄᑦ ᓄᑖᓂᑦ ᐅᖃᖅᓯᒪᓂᖏᓐᓂᑦ ᖃᓄᐃᓐᓂᕆᒋᐊᖃᖅᑕᖏᓐᓂᑦ. ᓇᒻᒥᓂᖅ ᑲᒪᒋᔭᕆᐊᖃᖅᑕᐃᑦ ᐊᑐᖅᑐᒍ ᑖᔅᓱᒥᖓ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥᑦ ᕿᒥᕐᕈᑦᑎᐊᖃᑦᑕᕐᓗᑎᑦ ᑖᒃᑯᓂᖓ ᐅᖃᖅᓯᒪᓂᖏᓐᓂᑦ ᖃᓄᐃᓐᓂᕆᒋᐊᖃᖅᑕᖏᓐᓂᓪᓗ ᐊᑐᖅᑕᐅᓂᖓᓄᑦ. ᐊᖏᖃᑎᖃᖏᒃᑯᕕᑦ QEC−ᑯᑦ ᐅᖃᖅᓯᒪᓂᖏᓐᓂᑦ ᖃᓄᐃᓐᓂᕆᒋᐊᖃᖅᑕᖏᓐᓂᓪᓗ ᐊᑐᖅᑕᐅᓂᖓᓄᑦ, ᐊᑐᕈᓐᓇᖏᑕᐃᑦ ᖃᐅᔨᒋᐊᕐᕕᒋᔪᓐᓇᖏᑕᐃᓪᓘᓐᓃᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ.
ᐊᑐᖅᑕᐅᓂᖓ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ ᐊᑐᕈᓐᓇᖅᑎᑕᐅᖏᑦᑐᓄᑦ ᐱᔾᔪᑎᖃᖅᑐᓂᑦ
ᐊᑐᕈᓐᓇᖏᑕᐃᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ ᑭᓱᑐᐃᓐᓇᕐᓄ ᐱᔾᔪᑎᖃᕐᓗᓂ ᒪᓕᒐᕐᒥᑦ ᓯᖁᒥᔅᓯᔪᒥᑦ ᐱᔪᓐᓇᖅᑎᑕᐅᖏᑦᑐᓂᓪᓘᓐᓃᑦ ᐅᖃᖅᓯᒪᓂᖏᓐᓄᑦ ᖃᓄᐃᓐᓂᕆᒋᐊᖃᖅᑕᖏᓐᓄᓪᓗ ᐊᒻᒪ ᐊᑐᕈᓐᓇᖅᑐᓕᒫᑦ ᓄᓇᓕᒻᒥ, ᐊᕕᑦᑐᖅᓯᒪᔪᓂᑦ, ᑲᓇᑕᒥ, ᓯᓚᕐᔪᐊᒥ ᐅᕝᕙᓘᓐᓃᑦ ᑲᓇᑕᐅᑉ ᓯᓚᑖᓂᑦ ᒪᓕᒐᕐᓂᑦ ᒪᓕᑦᑕᐅᔭᕆᐊᓕᓐᓂᓘᓐᓃᑦ ᐊᐅᓚᑦᑎᔪᑦ ᐃᑐᕐᓄᖓᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ..
ᑮᓇᐅᔭᓕᐅᕋᓱᓐᓂᕐᒧᑦ ᐊᑐᖅᑕᐅᒋᐊᖃᖏᑦᑐᖅ
ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ ᐊᒻᒪ ᐃᓗᓕᖏᑦ ᑐᕌᖓᑎᑕᐅᔪᑦ ᐃᓄᒻᒧᑦ ᑮᓇᐅᔭᓕᐅᕋᓱᓐᓂᒨᖏᑦᑐᖅ ᐊᑐᖅᑕᐅᓗᓂ. ᐱᕕᐅᓂᖓ ᖃᓄᐃᑦᑐᑐᐃᓐᓇᕐᓂᑦ ᐃᓗᓕᖏᓐᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ ᐅᕝᕙᓘᓐᓃᑦ ᑭᓱᑐᐃᓐᓇᐃᑦ ᑭᓪᓕᖃᖅᑎᑕᐅᔭᕆᐊᓖᑦ ᐊᑕᐅᓯᑉᒥᒃ ᐊᔾᔨᖓᓂ ᐊᑕᐅᓯᕐᒧᑦ ᖃᕋᓴᐅᔭᕐᒧᑦ ᐃᒻᒥᓄᑦ, ᑮᓇᐅᔭᓕᐅᕋᓱᓐᓂᒨᖏᑦᑐᖅ ᐊᑐᕐᓗᒍ. ᐱᔪᓐᓇᖅᑎᑕᐅᓂᖅ ᐊᔾᔨᖓᓂ ᐱᓗᓂ ᓇᓗᓇᐃᖅᓯᖏᑦᑐᖅ ᐊᐅᓪᓛᑎᑦᑎᓂᕐᒥᑦ ᐊᑎᖓᓂ ᓇᒻᒥᓂᖁᑎᒋᔭᐅᔪᓂᑦ ᐱᔪᓐᓇᐅᑎᓂᑦ, ᓇᓗᓇᐃᒃᑯᑕᖏᑦ ᓂᐅᕐᕈᑎᒋᕙᑦᑕᖏᓪᓘᓐᓃᑦ ᓇᒻᒥᓂᕆᔭᐅᔪᑦ QEC−ᑯᓐᓄᑦ, ᐊᒻᒪ ᒪᓕᓐᓂᖃᖅᑐᖅ ᐅᑯᓄᖓ ᑭᓪᓕᖃᖅᑎᑕᐅᔪᓄᑦ. ᐃᒪᐃᒍᓐᓇᖏᑦᑐᑎᑦ, ᓇᒻᒥᓂᖅ, ᐱᔪᓐᓇᑎᑦᑎᓗᑎᓪᓘᓐᓃᑦ ᐊᓯᐊᓂ ᑎᒥᐅᔪᒥᑦ ᐅᕝᕙᓘᓐᓃᑦ ᐃᒪᐃᑦᑎᑦᑎᓗᓂ:
- ᐋᑦᑭᒋᐊᖅᑕᐅᓗᑎᑦ ᐃᓗᓕᖏᑦ ᐊᑐᖅᑕᐅᓗᑎᓪᓘᓐᓃᑦ ᑮᓇᐅᔭᓕᐅᕋᓱᓐᓂᐅᔪᓄᑦ ᐱᔾᔪᑎᖃᖅᑐᓄᑦ, ᑭᒃᑯᑐᐃᓐᓇᓄᓪᓘᓐᓃᑦ ᑕᑯᔅᓴᐅᑎᑕᐅᓂᖓ, ᑕᑯᕋᓐᓈᑎᑦᑎᓂᕐᒥᑦ, ᓂᐅᕕᐊᔅᓴᓂᑦ ᐊᑐᑐᐊᖅᑕᐅᔪᓂᓪᓘᓐᓃᑦ;
- ᐲᖅᑕᐅᓗᑎ ᐊᓯᔾᔨᖅᑕᐅᓗᑎᓪᓘᓐᓃᑦ ᖃᓄᐃᑦᑐᑐᐃᓐᓇᐃᑦ ᐊᔪᕆᑦᑕᐅᒋᐊᖃᖏᑦᑐᓄᑦ ᐱᔪᓐᓇᐅᑏᑦ, ᓂᐅᕈᑎᖃᕈᑎᖏᑦ, ᖃᐅᔨᒃᑲᐅᑎᐅᔪᓪᓘᓐᓃᑦ ᐃᓗᓕᖏᓐᓂᑦ; (c) ᐊᐅᓪᒫᖅᑕᐅᓗᑎᑦ ᐊᓯᐊᓄᑦ ᐃᓄᒻᒧᑦ;
- ᐊᑎᖃᖃᑎᒋᓕᕐᓗᒍ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ;
- ᐊᔾᔨᓐᖑᐊᕈᖅᑎᑕᐅᓗᓂ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ; ᐅᕝᕙᓘᓐᓃᑦ
- ᐱᔭᐅᓚᐅᖅᑎᓐᓇᒋᑦ ᑎᑎᕋᖅᓯᒪᔪᒃᑯᑦ ᐱᔪᓐᓇᐅᑦ ᐱᓐᓇᐅᑎᖃᖅᑎᑕᐅᔪᒧᑦ ᑭᒡᒐᖅᑐᐃᔪᒧᑦ QEC−ᑯᓐᓂᑦ.
ᑐᓂᔭᐅᔪᑦ QEC−ᑯᓐᓄᑦ ᐱᖁᑎᒋᔭᐅᓕᖅᑐᑦ
ᐅᖃᐅᓯᔅᓴᓕᒫᑦ, ᑐᑭᓯᒋᐊᕈᑏᑦ, ᐅᖃᐅᔾᔨᒋᐊᕈᑏᑦ, ᐃᓱᒪᒋᔭᐅᔪᑦ, ᐊᓯᖏᓪᓗ ᑐᓂᔭᐅᔪᑦ ᓴᖅᑭᖅᑎᑕᐅᔪᑦ, ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃᑰᕈᑦ, ᐱᖁᑎᒋᔭᐅᓕᕐᓗᓂ ᐊᒻᒪ ᐱᖁᑎᒋᔭᐅᖏᓐᓇᓕᕐᓗᓂ QEC−ᑯᓐᓄᑦ. ᑕᐃᒪᐃᑦᑐᑦ ᓴᖅᑭᖅᑕᐅᔪᑦ, ᑐᓂᔭᐅᔪᑦ ᑐᓂᔭᐅᔪᒪᔪᓪᓘᓐᓃᑦ ᓇᓗᓇᐃᖅᑕᐅᒋᐊᓕᒃ ᒪᓕᒐᖅᑎᒍᑦ QEC−ᑯᑦ ᐱᔪᓐᓇᐅᖏᑦ, ᐊᑎᖏᑦ ᐊᒻᒪ ᐱᔪᒪᓂᕆᔭᖏᑦ ᐊᔪᕆᑦᑕᐅᒋᐊᖃᖏᑦᑐᓕᒫᓂᑦ ᐊᒻᒪ ᐊᓯᖏᑦ ᐱᖁᑎᐅᔪᑦ ᑐᓂᔭᐅᔪᓂᑦ. ᒪᓕᑦᑐᒍᓕ, QEC−ᑯᑦ ᓇᒻᒥᓂᖃᓂᐊᖅᑐᑦ ᐱᔪᓐᓇᐅᑎᓕᒫᓂᑦ ᐊᑎᖏᑦ ᐊᒻᒪ ᐱᔪᒪᓂᕆᔭᖏᑦ ᐊᒻᒪ ᑭᓪᓕᖃᖅᑎᑕᐅᔭᕆᐊᖃᖏᑦᑐᖅ ᖃᓄᑐᐃᓐᓇᖅ ᐊᑐᖅᑕᐅᓂᖓᓄᑦ, ᑮᓇᐅᔭᓕᐅᕋᓱᓐᓂᒃᑯᑦ ᐊᓯᖏᑎᒍᓪᓘᓐᓃᑦ, ᖃᓄᐃᑦᑐᑐᐃᓐᓇᕐᓂᑦ ᑐᓂᔭᐅᔪᓂᑦ ᖃᕋᓴᐅᔭᒃᑯᓘᓐᓃᑦ. ᐃᓚᒋᐊᕐᓗᒍ, QEC ᐱᓕᕆᐊᔅᓴᖃᕆᐊᖃᖏᑦᑐᑦ ᒪᑭᒪᑎᑦᑎᓂᕐᒥᑦ ᖃᓄᐃᑦᑐᑐᐃᓐᓇᕐᓂᑦ ᑐᓂᔭᐅᔪᓂᑦ ᓇᒻᒥᓂᖃᖃᑕᐅᓂᕐᒧᓘᓐᓃᑦ ᖃᓄᐃᑦᑐᑐᐃᓐᓇᕐᓂᑦ ᑐᓂᔭᐅᔪᓂᑦ ᑭᐅᔾᔪᑎᐅᔪᓪᓘᓐᓃᑦ ᐊᑐᖃᑦᑕᖅᑐᓄᑦ ᑐᓂᔭᐅᔪᓄᑦ. ᑕᐃᒪᐃᓐᓂᖓᓄᑦ, ᐃᓕᓐᓂᑦ ᓇ[ᓯᐅᔾᔨᖁᔨᖏᑦᑐᒍᑦ ᑭᓱᑐᐃᓐᓇᕐᓂᑦ ᑐᓂᔭᐅᔪᓂᑦ ᐱᓕᕆᐊᖑᖁᖏᑕᕐᓄ QEC−ᑯᓐᓄᑦ.
ᐊᖏᖅᑐᑎ ᑐᓂᔭᑎᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒧᑦ ᓯᖁᒥᑦᑎᔮᖏᑦᑐᑦ ᖃᓄᐃᑦᑐᑐᐃᓐᓇᕐᓂᑦ ᐱᔪᓐᓇᐅᑎᓂᑦ ᖃᓄᐃᑦᑐᑐᐃᓐᓇᕐᓄᑦ ᐊᓯᖏᓐᓄᑦ ᑎᒥᐅᔪᓄᑦ, ᐱᖃᓯᐅᑎᓪᓗᑎ ᐊᔪᕆᖅᑕᐅᒋᐊᖃᖏᓐᓂᖏᑦ, ᓂᐅᕈᑎᒋᕙᑦᑕᖏᑦ, ᑲᓐᖑᓇᖅᑎᑦᑎᓂᕐᒧᑦ ᐊᓯᖏᓪᓘᓐᓃᑦ ᐅᕝᕙᓘᓐᓃᑦ ᐱᖁᑎᖃᓂᕐᒧᑦ ᐱᔪᓇᐅᑏᑦᒃ. ᐊᖏᕐᒥᔪᑎᑦᑕᐅᖅ ᑭᓱᑐᐃᓐᓇᐃᑦ ᑐᓂᔭᑎᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒧᑦ, ᐃᓗᓕᖃᔾᔮᖏᑦᑐᑦ ᖃᓄᐃᓕᔭᐅᔪᓐᓇᖅᑐᒥᑦ ᐅᕝᕙᓘᓐᓃᑦ ᒪᓕᒐᖅᑎᒍᑦ ᒪᓕᖏᑦᑐᓂᑦ, ᐅᕝᕙᓘᓐᓃᑦ ᑕᑯᒥᓇᖏᑦᑐᑦ. ᐃᕝᕕᑦ, ᐊᒻᒪ ᐱᓯᒪᐃᓐᓇᕐᓗᒍ, ᐃᓄᑑᓪᓗᑎ ᐱᖁᑎᒋᔭᐃᑦ ᐃᓗᓕᖏᓐᓄᑦ ᐃᕝᕕ ᑐᓂᔭᖏᓐᓄᑦ. ᐃᓚᒋᐊᕐᓗᒍ, QEC ᑎᒍᒥᐊᖅᑐᑦ ᐱᔪᓐᓇᐅᑎᓂᑦ ᐲᖅᓯᔪᓐᓇᕐᓗᑎ ᐅᕝᕙᓘᓐᓃᑦ ᐃᒋᑕᐅᓗᑎ ᑕᑯᔅᓴᐅᑲᒻᒪᑎᑦᑎᔪᓂᑦ ᑐᓂᔭᐅᔪᓂᑦ ᕿᓚᒥᐅᔪᒃᑯᑦ ᖃᐅᔨᔭᐅᑎᓪᓗᒍ ᑕᑯᒥᓇᖏᑦᑐᑦ ᑐᓂᔭᐅᔪᑦ.
ᐃᓄᒻᓄᑦ ᖃᓄᐃᓘᖃᑦᑕᕐᓂᖓᓄᑦ ᐃᓕᓴᕆᔭᐅᔾᔪᑎᐅᔪᓐᓇᖅᑐᑦ ᑐᑭᓯᒋᐊᕈᑏᑦ ᑐᓂᔭᑎᑦ ᓄᐊᑕᐅᓂᐊᖅᑐᑦ, ᐊᑐᖅᑕᐅᓗᑎ ᐊᒻᒪ ᓴᖅᑭᖅᑎᑕᐅᓗᑎ ᒪᓕᓐᓂᖃᕐᓗᓂ ᑲᖑᓇᖅᑎᑦᑎᓂᕐᒧᑦ ᖃᐅᔨᒃᑲᐅᒻᒥᑦ.
ᑲᓱᕐᕕᖏᑦ ᐊᓯᖏᓐᓄᑦ ᑎᒥᐅᔪᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕖᑦ ᐊᒻᒪ ᐱᔨᑦᑎᖅᑕᐅᔪᑦ
ᖃᕋᓴᐅᔭᒃᑯᑦ ᑐᑭᓯᒋᐊᕐᕖᑦ ᑲᓱᕐᕕᖃᖅᑐᑦ ᐊᓯᖏᓐᓄᑦ ᓇᒻᒥᓂᕆᔭᐅᖏᑦᑐᑦ, ᐊᐅᓚᑕᐅᖏᑦᑐᑦ ᐊᐅᓚᓂᖃᖅᑎᑕᐅᖏᑐᓪᓘᓐᓃᑦ QEC−ᑯᓐᓄᑦ . ᑕᐃᒪᐃᓐᓂᖓᓄᑦ ᓇᓗᓇᐃᖅᓯᖏᑦᑐᑦ, ᑭᒡᒐᖅᑐᐃᖏᑦᑐᑦ ᐃᓱᒪᒋ.ᖃᕐᓗᑎᓪᓘᓐᓃᑦ ᐱᓕᕆᐊᖃᕆᐊᖃᓂᕐᒥᑦ ᖃᓄᐃᓕᔭᐅᔪᓐᓇᕐᓂᐅᔪᓄᑦ ᑕᒻᒪᖅᓯᒪᖏᓐᓂᖓᓄ ᐱ.ᕇᖅᓯᒪᓂᖓᓄᓘᓐᓃᑦ ᑐᑭᓯᒋᐊᕈᑏᑦ, ᐊᓯᖏᓪᓘᓐᓃᑦ ᐱᔭᐅᓯᒪᔪᑦ ᖃᕋᓴᐅᔭᒃᑯᑦ ᐃᓗᐊᓂᓘᓐᓃᑦ ᑲᓱᕐᕕᐅᔪᓂᑦ ᐊᓯᖏᓐᓂᓘᓐᓃᑦ ᐃᓗᐊᓃᑦᑐᓂ ᐊᓯᐊᓅᕈᑎᓄᑦ. QEC−ᑯᑦ ᑐᕌᖓᑎᑦᑎᖏᑦᑐᑦ ᑲᓱᕐᕕᐅᔪᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᐅᔪᓂ ᖃᐅᔨᒋᐊᕐᕕᐅᔪᓐᓇᕐᓗᑎ ᐃᑲᔪᖅᑐᐃᓂᕐᒧᓘᓐᓂᑦ ᐊᓯᐊᓅᕈᑎᐅᔪᑦ ᐃᓗᐊᓂ, ᐊᒻᒪ ᑖᒃᑯᐊ ᐱᑕᖃᖅᑎᑕᐅᔪᑦ ᐊᑲᕐᕆᔮᕋᓱᑐᐃᓐᓇᓂᕐᒧᑦ. ᐱᓕᕆᔭᕆᐊᖃᖅᑕᐃᑦ ᐊᒻᒪ ᑲᔪᖏᓴᖅᑕᐅᕗᑎᑦ, ᖃᐅᔨᒪᓕᖅᐹᓕᕐᓗᒋᑦ ᓇᓗᓇᐃᖅᓯᒪᔪᑦ ᐅᖃᖅᓯᒪᓂᖏᓐᓄᑦ ᖃᓄᐃᓐᓂᕆᒋᐊᖃᖅᑕᖏᓐᓄᓪᓗ, ᒪᓕᒐᖅᑎᒍᑦ ᐊᒻᒪ ᑲᓐᖑᓇᖅᑎᑦᑎᓂᕐᒧᑦ ᑐᑭᓯᒋᐊᕈᑏᑦ ᐃᓗᐊᓃᑦᑐᓂ ᐊᓯᐊᓄ ᑎᒥᐅᔪᓄᑦ ᑲᓱᖅᕕᐅᔪᓄᓪᓘᓐᓃᑦ ᐊᔾᔨᒌᖏᒍᓐᓇᕐᖓᑕ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒥᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒧᑦ.
ᐊᑐᖅᑕᐅᓂᖏ ᑯᑭ (cookie)
ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ, ᖃᖓᑐᐃᓐᓇᒃᑯᑦ, ᐊᑐᖃᑦᑕᖅᑐᖅ ᐃᕐᖏᓐᓈᕈᒻᒥᑦ ᖃᐅᔨᒪᔭᐅᔪᖅ ‘cookie.’ ᑲᑭᐅᔪᑦ ᒥᑭᔪᑦ ᑎᑎᕋᖅᓯᒪᔪᑦ ᖃᕋᓴᐅᔭᒧᑦ ᐃᕐᖐᓐᓈᕈᑎᒧᑦ ᐊᑐᖅᑐᒧᑦ ᑐᑭᓯᒋᐊᕈᑏᑦ ᐊᑭᓖᖃᑦᑕᐅᑎᑎᓪᓗᒋᑦ. ᑲᑭᐅᔪᑦ ᐃᓗᓕᑐᐊᖃᖅᑐᑦ ᑐᑭᓯᒋᐊᕈᑎᓂᑦ ᖃᕋᓴᐅᔭᖅ “ᖃᐅᔨᒪᓚᐅᖅᑕᖓ” ᓯᓄᓪᓕᖅᐹᒥ ᐊᒻᒪ ᐅᖃᓕᒫᕋᔅᓴᑐᐃᓐᓇᐅᓪᓗᑎ.
ᑭᓲᕙ ᑯᑭ (cookie)?
ᑲᑭᐅᔪᑦ ᐃᓚᒋᔭᕿᐊᖃᓪᓚᕆᑦᑕᖏᑦ ᖃᓄᖅ ᐃᕐᖐᓐᓈᕈᑦ ᐱᔪᓐᓇᕐᓂᒪᖔᑦ ᐊᒻᒪ ᖃᕋᓴᐅᔭᕐᓂᑦ ᐃᓕᓴᕆᑎᑦᑎᔪᑦ ᐃ−ᕕᑦ ᖃᕋᓴᐅᔭᖓᓂᑦ ᐅᑎᕐᕕᒋᒐᐃᒐᕕᐅᒃ. ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒨᓚᐅᖅᓯᒪᒍᕕᑦ ᐃᓗᓕᖃᑦᑕᐅᑎᒋᔪᑦ ᐃᓕᓐᓄᑦ ᐃᓯᕈᑎᓂ ᓇᖅᑭᑦᑎᓚᐅᖅᑎᓐᓇᑎᑦ, ᓲᕐᓗ ᖃᐅᔨᒪᔾᔪᑎᐅᔪᑦ, ᑕᒪᓐᓇ ᑕᐃᒪᐃᑕᐅᒍᓐᓇᖅᑐᖅ ᑯᑭᓄᑦ. ᑯᑭᐅᔪᑦ ᓄᖑᖃᑦᑕᖅᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒦᒍᓐᓃᕋᐃᒐᕕᑦ. ᐃᓚᖏᑦ ᐃᕐᖐᓐᓈᕈᑏᑦ ᐋᖅᑭᔅᓯᒪᔪᑦ ᐊᖏᖅᓯᓗᑎ ᑲᑭᓂᑦ ᐊᒻᒪ ᐋᖅᑭᓴᑕᐅᒃᑲᓐᓂᕈᓐᓇᖅᑐᑦ ᐋᒡᒐᑕᐃᓐᓇᕆᓗᒋᑦ ᑯᑭᓕᒫᑦ ᓇᓗᓇᐃᖅᓯᓗᓂᓘᓐᓃᑦ ᑯᑭ ᐊᐅᓪᓚᖅᑎᑕᐅᓂᖓᓄᑦ. ᓂᕈᐊᕐᓂᕈᕕᑦ ᐱᔪᓐᓇᐃᓕᑎᓪᓗᒍ ᑲᑭᓂ ᐊᑦᑐᐊᓂᓕᓐᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒥ, ᐊᑕᖏᖅᑐᓂᑦ ᐱᔪᓐᓇᔮᖏᑕᑎᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ ᖃᓄᐃᓘᕈᓐᓇᐅᑎᖏᑦ, ᑭᓯᐊᓂ ᕿᒥᕐᕈᒍᓐᓇᖅᑕᐃᑦ ᐊᔪᕈᑎᖃᖏᓪᓗᑎᑦ.
ᐊᑐᑐᖅ ᖃᐅᔨᒪᑦᑎᐊᕆᐊᓕ
QEC ᐃᓗᓕᖏᓐᓂ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒥ ᐅᑉᐱᕈᓱᓐᓂᒃᑰᖅᑐᖅ ᐊᒻᒪ ᓇᓗᓇᐃᖅᓯᒪᔪᖅᑕᖃᕋᑎ, ᖃᓄᐃᓐᓂᕆᒋᐊᓕᖏᑦ ᑭᒡᒐᖅᑐᐃᓂᐅᔪᓪᓘᓐᓃᑦ ᖃᓄᐃᑦᑐᑐᐃᓐᓇᕐᓂᑦ, ᓇᓗᓇᐃᖅᑕᐅᔪᓂᑦ, ᐊᑕᖏᖅᑐᓕᒫᒥ ᐱᔪᓐᓇᖅᑎᑕᐅᔪᒥ ᒪᓕᑦᑎᒋ ᐊᑐᖅᑎᑕᐅᔪᑦ ᒪᓕᒐᐃᑦ. QEC ᐅᔾᔨᕈᓱᑦᑎᐊᓂᐊᖅᑐᑦ ᑐᑭᓯᒋᐊᕈᑎᐅᔪᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒥ ᐅᓪᓗᒥᒨᖓᓗᑎ, ᑕᒻᒪᖅᓯᒪᖏᓪᓗᑎ ᐊᒻᒪ ᔭᒐᐃᓐᓇᑎ ᓱᕋᖅᑐᖃᓇᓂᓘᓐᓃᑦ ᐊᑐᕐᓂᕆᔭᕐᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ, QEC ᐱᒋᖏᑕᖏᑦ ᖃᓄᐃᑦᑐᑐᐃᓐᓇᐃᑦ ᐊᑕᖏᖅᑐᒋᓪᓘᓐᓃᑦ ᑭᒡᒐᖅᑐᐃᓂᐅᔪᓂᑦ, ᐊᑯᓂᐅᓂᖏᓐᓄᑦ ᓇᓗᓇᐃᕈᑎᐅᔪᓂᑦ ᐊᒻᒪ ᖃᓄᐃᓐᓂᕆᒋᐊᖃᖅᑕᖏᑦ ᐱᔾᔪᑎᖃᖅᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒥᑦ ᐊᒻᒪ ᐃᓗᓕᖏᓐᓂ, ᓇᓗᓇᐃᖅᑕᐅᔪᓂ, ᐃᖅᑯᓘᔾᔭᐅᔪᓂᑦ ᐱᔭᐅᔭᕆᐊᖃᖅᑐᓂᓪᓘᓐᓃᑦ, ᐱᖃᓯᐅᑎᓪᓗᑎ; ᓇᓗᓇᐃᖅᑕᐅᓂᖏᑦ ᐊᑎᖏᑦ, ᑕᒻᒪᖅᓯᒪᖏᓐᓂᖏ, ᐱᔭᕇᖅᓯᒪᓂᖓ, ᐱᐅᓂᖓ ᐊᒻᒪ ᓈᒻᒪᓐᓂᖓ ᓇᓗᓇᐃᖅᓯᒪᔪᒧᑦ ᐱᔾᔪᑕᐅᔪᒧᑦ.
ᐃᓚᒋᐊᕐᓗᒍ, QECᓇᓗᓇᐃᖅᓯᖏᑦᑐᑦ ᐊᑐᕐᓂᕆᔭᐃᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒥ, ᐊᐅᓚᓂᖓᓄᓗᓪᓘᓐᓃᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ, ᐃᓗᓕᖏᓪᓘᓐᓂᑦ, ᐱᔨᑦᑎᕋᐅᔪᓪᓘᓐᓃᑦ ᐊᑦᑐᐊᓂᓖᑦ, ᐸᕕᓴᑕᐅᔮᖏᑦᑐᑦ ᐊᒻᒪ ᑕᒪᕐᓂᖃᖏᓪᓗᑎ; ᐋᖅᑭᑲᒻᒪᔅᓯᒪᔪᑦ ᐋᖅᑭᑦᑕᐅᓂᐊᖅᑐᑦ; ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ ᖃᕋᓴᐅᔭᖏᓪᓗᓐᓃᑦ ᖃᓄᐃᓕᒍᑎᐊᖏᓪᓗᑎ ᐊᓯᖏᓐᓂᓘᓐᓃᑦ ᐊᑦᑕᓇᖅᑐᓂᑦ. ᐃᓚᒋᐊᕐᓗᒍ, ᐃᓚᖏᑦ ᑐᑭᓯᒋᐊᕈᑏᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᐊᓯᖏᓐᓃᖔᖅᑐᓂ QEC−ᑯᓐᓂ ᐊᒻᒪ QEC ᖃᓄᖏᓕᔭᐅᔪᓐᓇᖏᑦᑐᑦ ᐱᓕᕆᐊᖃᕆᐊᖃᕐᓗᑎᓪᓘᓐᓃᑦ ᑕᒻᒪᖅᓯᒪᖏᓐᓂᖏᓐᓄᑦ ᑐᑭᓯᒋᐊᕈᑏᑦ. QEC−ᑯᑦ ᖃᓄᐃᓕᔭᐅᒋᐊᖃᖏᑦᑐᑦ ᓱᕋᑦᑐᓄᑦ, ᐊᔾᔨᐅᖏᑦᑐᒥᓪᓗ, ᑕᕝᕗᖓᑦᑕᐅᑎᒋ ᓱᕋᑦᑎᔾᔪᑎᒋᔭᐅᔪᓄᓪᓘᓐᓃᑦ, ᐊᑐᖅᑕᐅᓂᖓᓄᑦ ᑐᓐᖓᕕᐅᓂᖓᓄᓪᓘᓐᓃᑦ, ᐃᓗᐊᓃᑦᑐᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒃ.
ᓄᖑᑎᖅᐸᓪᓕᐊᓐᓇᒋ ᖁᓛᓃᑦᑐᑦ, QEC ᖃᓄᐃᓕᔭᐅᒋᐊᖃᖏᑦᑐᑦ ᐅᑯᓄᖓ:
- ᐸᕕᓴᐃᓗᑎᑦ, ᐊᐅᓚᓂᖃᑲᒻᒪᑦᑐᓂᑦ, ᓄᖅᑲᖓᓂᖓ ᐊᓯᖏᓪᓘᓐᓃᑦ ᓱᕋᒍᑕᐅᔪᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒥ ᐱᔨᑦᑎᕋᐅᑎᒥᓪᓘᓐᓃᑦ, ᖃᕋᓴᐅᔭᕗᑦ, ᑐᑭᓯᒋᐊᕈᑏᑦ ᖃᓄᐃᑦᑐᑐᐃᓐᓇᐃᓘᓐᓃᑦ ᐃᓚᒍᑕᖏᑦ, ᑭᓱᑐᐃᓐᓇᕐᒧᑦ ᐱᔾᔪᑎᖃᖅᑐᓂᑦ;
- ᑭᓱᑐᐃᓐᓇᐃᑦ ᔭᒐᑦᑐᑦ ᓱᕋᑦᑐᓘᓐᓃᑦ ᓴᖅᑭᖅᑐᑦ ᓂᐅᕕᕐᓂᐅᔪᒥᑦ, ᐃᓂᔅᓴᓕᐅᓂᐅᑉᔪᒥᑦ, ᑮᓇᐅᔭᓕᐅᕋᓱᓐᓂᕐᒥᑦ ᐃᕝᕕoᓐᓃᑦ ᖃᓄᐃᓘᖅᑕᑎᑦ ᑐᑭᓯᒋᐊᕈᑎᖃᖅᑎᑕᐅᔪᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᒃᕕᒻᒥ;
- ᑭᓱᑐᐃᓐᓇᐃᑦ ᔭᒐᑦᑐᑦ ᓱᕋᑦᑐᓘᓐᓃᑦ ᐱᔾᔪᑎᖃᖅᑐᓂᑦ ᐱᔨᑦᑎᖅᑕᓄᑦ ᑐᑭᓯᒋᐊᕈᑎᖏᓐᓂᑦ ᐊᒻᒪ ᐊᓯᖏᓐᓂ ᑐᑭᓯᒋᐊᕈᑎᓂᑦ ᑕᕝᕗᖓᑦᑕᐅᑎᒋ ᑕᕝᕗᖓᑦᑕᐅᑎᒋᖏᑐᕐᓘᓐᓃᑦ ᑕᐃᒪᐃᑦᑎᑕᐅᔪᑦ ᐊᐅᓚᓂᖃᑲᒻᒪᓐᓂᖓᓄᑦ ᖃᕋᓴᐅᔭᕗᑦ, ᐊᓯᖏᓐᓂ ᑎᒥᐅᔪᓂᑦ, ᐆᒻᒪᖅᑯᑎᑦ ᖃᒥᓐᓂᖏᓐᓄᑦ, ᐱᔭᐅᔭᕿᐊᖃᕋᑎ ᐱᔭᐅᑎᓪᓗᒋᑦ ᑎᓪᓕᒑᖑᑎᓪᓗᒋᓪᓘᓐᓃᑦ ᑐᑭᓯᒋᐊᕈᑏᑦ, ᖃᕋᓴᐅᔭᓄᑦ ᖃᓄᐃᓕᒍᑎᐅᔪᓄᑦ ᓱᕋᖅᑎᕆᔪᓂᓪᓘᓐᓃᑦ ᖃᕋᓴᐅᔭᑦᑎᓐᓂᑦᐊᓯᖏᓐᓄᓘᓐᓃᑦ ᑎᒥᐅᔪᓄᑦ, ᐊᐅᓚᓂᖃᑕᒻᒪᑦᑐᑦ ᖃᕋᓴᐅᔭᓕᕆᔾᔪᑏᑦ ᐃᑉᐱᒋᔭᐅᑦᑎᐊᖏᓐᓂᖏᓐᓄᓘᓐᓃᑦ ᐅᕙᑦᑎᓐᓄᑦ;
- ᑭᓱᑐᐃᓐᓇᑦ ᐸᕝᕕᓴᐃᓂᐅᔪᑦ, ᐊᐅᓚᓂᖃᑲᒻᒪᑦᑐᑦ, ᖃᒥᓐᖓᓂᖓ ᐊᓯᖏᓪᓘᓐᓃᑦ ᐱᔪᓐᓇᐃᓪᓗᒍᑕᐅᔪᑦ ᐱᔨᑦᑎᖅᑕᐅᔪᓄᓪᓘᓐᓃᑦ ᐊᓯᖏᓐᓄᑦ ᑎᒥᐅᔪᓄᖅ, ᐱᖃᓯᐅᑎᓪᓗᑎ, ᑭᓪᓕᒋᓐᓇᒋᓪᓗ;
- ᐊᓯᖏᓐᓄᑦ ᑎᒥᐅᔪᓄᑦ ᐊᑐᖅᑕᐅᔪᑦ ᓲᕐᓗ ᐃᓄᓐᓄᑦ ᑐᓴᐅᒪᔾᔪᑎᓕᕆᔾᔪᑎᖃᖅᑎᑦᑎᔪᑦ, ᖃᕋᓴᐅᔭᒃᑰᕈᑎᖃᖅᑎᑦᑎᔪᑦ, ᐆᒻᒪᖅᑯᑎᖃᖅᑎᑦᑎᔩᑦ, ᓄᓇᓕᒻᒥ ᐱᔪᓐᓇᐅᑎᓖᑦ ᐊᒻᒪ ᓇᓗᓇᐃᒃᑯᑕᓖᑦ ᐱᔪᓐᓇᐅᑎᓖᑦ; ᐅᕝᕙᓘᓐᓃᑦ
- ᑭᓱᑐᐃᓐᓇᐃᑦ ᑕᕝᕗᖓᑦᑕᐅᑎᒋ ᐊᐅᓚᖏᑕᑦᑎᓐᓂᑦ.
ᐊᔾᔨᓐᖑᐊᓕᕆᓂᖅ
ᐊᔾᔨᓐᖑᐊᓂᓕᕆᓂᓕᒫᑦ ᐊᒻᒪ ᐊᔾᔨᓐᖑᐊᑦ ᐊᑐᖅᑕᐅᔪᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃᑯᑦ ᐱᔭᐅᓚᐅᖅᑐᑦ QEC−ᑯᓐᓄᑦ ᐅᑉᐱᕆᔭᐅᓂᒃᑯᑦ ᐊᒻᒪ ᐱᔭᐅᔭᕆᐊᖃᖅᑐᓕᒫᑦ ᐊᑐᕈᓐᓇᐅᑎᓄᑦ ᐱᔭᐃᓐᓇᐅᓯᒪᓪᓗᑎ ᐊᑐᖅᑕᐅᓂᖏᓐᓄᑦ. ᑭᓯᐊᓂᓕ, ᐅᑉᐱᕈᓱᒃᑯᕕᑦ ᐱᒧᓐᓇᖅᑎᑕᐅᖏᑦᑐᒧᑦ ᐊᑐᖅᑕᐅᓂᖓᓄᑦ ᐊᔾᔨᓐᖑᐊᖅ ᓇᒻᒥᓂᕆᔭᐃᑦ ᐅᕙᑦᑎᓐᓂᑦ ᖃᐅᔨᒋᐊᕆᑦ. ᐃᒪᒋᐊᕐᓗᒍ, ᐊᔾᔨᖃᐸᓗᑦᑐᑦ ᖃᓄᐃᑦᑐᑐᐃᓐᓪᓇᕐᓂ ᐊᔾᔨᓐᖑᐊᓂ ᓈᒻᒪᓈᕆᓯᒪᑐᐃᓐᓇᖅᑐᑦ.
ᐊᑦᑕᓇᕈᑕᐅᔪᓐᓇᖅᑐᒋᔭᐅᔪᑦ
ᐃᕝᕕᑦ ᐊᑐᕐᓂᖓᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥ, ᓇᓗᓇᐃᖅᓯᔪᑎᑦ ᐊᖏᖅᑐᒍᓗ ᑕᐃᒪᓐᓴ ᐊᑐᕐᓂᐅᔪᖅ ᐃᓱᒪᖅᓲᑏᑦ ᐊᑦᑕᓇᕈᑎᑕᖃᕋᓗᐊᕈᓂ, ᓇᒻᒥᓂᖅ ᑲᒪᒋᔭᕿᐊᖃᓕᖅᑐᒋᑦ ᐊᑭᓕᒫᖏᓐᓄᑦ ᐊᑦᑐᐊᓂᓖᑦ ᐱᑕᖃᕆᐊᖃᖅᑐᓄᑦ ᐱᔨᑦᑎᓂᕐᒧᑦ ᓴᓇᔭᐅᔪᓄᓪᓘᓐᓃᑦ ᓱᓇᒃᑯᑖᓂᑦ ᐊᑐᖅᑕᓐᓂᑦ ᐊᑦᑐᐊᓂᖃᖅᑐᒧᑦ ᐊᑐᕐᓂᕆᔭᕐᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥᑦ ᐊᒻᒪ QEC−ᑯᑦ ᖃᓄᐃᓕᔭᐅᔭᕆᐊᖃᖏᑦᑐᑦ ᑭᓱᑐᐃᓐᓇᕐᓄᑦ ᓱᕋᑦᑐᓄᑦ, ᑕᕝᕗᖓᑦᑕᐅᑎᒋ ᑕᕝᕗᖓᑦᑕᐅᑎᒋᐅᖏᑐᕐᓘᓐᓃᑦ, ᐊᑦᑐᐊᓂᓖᑦ ᓴᖅᑭᐸᓪᓕᐊᔪᓂᓪᓘᓐᓃᑦ ᐃᕝᕕᑦ ᐊᑐᕐᓂᖓᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ.
ᑐᓐᖓᕕᒋᔭᔅᓴᐅᓂᖏᑦ ᑐᑭᓯᒋᐊᕈᑏᑦ
QEC ᓈᒻᒪᑦᑐᒥ ᐱᓇᓱᖃᑦᑕᖅᑐᑦ ᐱᓗᑎᑦ ᑐᑭᓯᒋᐊᕈᑎᓂᑦ ᐊᓯᖏᓐᓂᑦ ᐅᑉᐱᕆᔭᖏᓐᓂᑦ ᑐᓐᖓᕕᒋᔭᔅᓴᐅᓪᓗᑎ, ᑭᓯᐊᓂᓕ, QEC ᑭᒡᒐᖅᑐᐃᓂᖃᖏᑦᑐᑦ ᑐᑭᓯᒋᐊᕈᑎᓂᑦ ᐃᓱᒪᒋᔭᐅᔪᓂᓪᓘᓐᓃᑦ ᐃᓗᐊᓃᑦᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥ ᐱᑕᖃᖅᑎᑕᐅᔪᑦ ᐃᒻᒥᒧᑦ ᐊᑐᖅᑕᐅᓗᑎ ᐊᒻᒪ ᑐᑭᓯᒋᐊᕈᑎᔅᓴᑐᐃᓐᓇᐅᓗᑎ ᐊᒻᒪ ᐊᓯᔾᔨᕈᓐᓇᖅᑐᑦ ᖃᐅᔨᒃᑲᐅᑎᖃᖏᓪᓗᑎ. ᐃᓗᐊᓃᑦᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥᑦ ᑭᒡᒐᖅᑐᐃᖏᑦᑐᑦ ᑮᓇᐅᔭᓕᕆᓂᕐᒧᑦ, ᑮᓇᐅᔭᓕᐅᕋᓱᓐᓂᕐᒧᑦ, ᒪᓕᒐᖅᑎᒍᑦ, ᑖᒃᓯᓄᑦ ᐊᓯᖏᓐᓄᓘᓐᓃᑦ, ᐅᕝᕙᓘᓐᓃᑦ ᑐᓐᖓᑯᐅᔭᕆᐊᖃᖏᑦᑐᑦ ᑮᓇᐅᔭᓕᐅᕋᓱᓐᓂᕐᒧᑦ ᐊᓯᖏᓐᓪᓗ ᐃᓱᒪᓕᐅᕈᑕᐅᔪᓂᑦ. ᐱᔭᕆᐊᖃᖅᑐᑎᑦ ᐊᑦᑐᐊᓂᓕᓐᓂ ᐊᒻᒪ ᓇᓗᓇᐃᖅᓯᒪᔪᓂᑦ ᐊᔪᖏᓐᓂᓕᒻᒧᑦ ᐅᖃᐅᔾᔭᐅᒋᐊᓂᕐᒧᑦ ᑮᓇᐅᔭᓕᕆᓂᕐᒧᑦ ᐃᓱᒪᓕᐅᓚᐅᕐᖄᑎᓐᓇᒋ.
ᐊᑦᑕᓇᐃᖅᓯᒪᓂᖓ
ᐊᖏᖅᑐᑎᑦ ᓴᐳᒻᒥᓗᒍ, ᐊᑦᑕᓇᐃᖅᓯᒪᓗᒍ ᐊᒻᒪ ᑎᒍᒥᐊᕐᓗᒍ QEC, ᐃᖅᑲᓴᐃᔭᖅᑎᖏᑦ, ᑲᑎᒪᔨᖏᑦ ᐊᒻᒪ ᐊᑦᑐᐊᓂᓖᑦ ᑎᒥᐅᔪᑦ ᐊᑦᑕᓇᖅᑐᒦᑎᖏᓪᓗᒋᑦ ᑭᓱᑐᐃᓐᓇᕐᓄᑦ ᖃᓄᐃᓕᔭᐅᔪᓐᓇᖅᑐᓄᑦ, ᐊᑭᖏᓐᓄᑦ ᐊᒻᒪ ᑮᓇᐅᔭᖅᑐᕈᑎᓄᑦ, ᐱᖃᓯᐅᑎᓪᓗᑎ ᒪᓕᒐᓕᕆᔨᒧᑦ ᐊᑭᓕᕆᐊᓖᑦ, ᐊᑦᑐᐊᓂᓖᑦ ᓴᓯᖁᒥᑦᑎᔪᓂᑦᓴᐅᖃᖅᓯᒪᓂᖏᓐᓂᑦ ᖃᓄᐃᓐᓂᕆᒋᐊᖃᖅᑕᖏᓐᓂᓪᓗ ᐃᕝᕕᑦ ᐊᑐᕐᓂᖓᓄᑦ.
ᐊᐅᓚᑦᑎᔪᑦ ᒪᓕᒐᐃᑦ ᐊᒻᒪ ᒐᕙᒪᖃᕐᕕᐅᔪᑦ
ᐊᑐᕐᓂᕆᔭᐃᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥᑦ ᐊᐅᓚᑕᐅᔭᕿᐊᓕᒃ ᐊᒻᒪ ᓴᓇᔭᐅᓪᓗᓂ ᒪᓕᓐᓂᖃᖅᑐᓂᑕᒪᓕᒐᖏᓐᓂ ᓄᓇᕗᒻᒥ ᐊᒻᒪ ᒪᓕᒐᖏᓐᓂᑦ ᑲᓇᑕᒥ ᐊᑐᖅᑕᐅᔪᑦ ᑕᕝᕙᓂ. ᐃᕝᕕᑦ ᓇᓗᓇᐃᖅᓯᕗᑎᑦ ᐊᖏᖅᑐᑎᑦ ᐊᑕᐅᓯᕐᒧᑦ ᐊᒻᒪ ᐊᕕᑦᑐᖅᓯᒪᔪᒧᑦ ᐊᒻᒪ ᐊᑐᖅᑕᐅᓂᖏᑦ ᐃᖅᑲᖅᑐᐃᕖᑦ ᓄᓇᕗᒻᒥ, ᒪᓕᒐᖅᑎᒍᑦ ᐱᕙᓪᓕᐊᓂᐅᔪᓂᑦ ᓴᖅᑭᐸᓪᓕᐊᔪᑦ ᑕᕝᕙᖓᑦ ᐊᑐᓂᓕᓐᓄᓘᓐᓃᑦ ᐃᕝᕕᑦ ᐊᑐᕐᓂᖓᓄᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ.