ᖁᓪᓕᒃᑯᑦ ᐊᖏᖅᓯᒪᔪᑦ ᐃᑲᔪᖅᑐᐃᓂᖕᒥᑦ ᓄᓇᕗᒻᒥᐅᓂᑦ ᐃᓚᐅᑦᑎᐊᖕᓂᒃᑯᑦ ᓄᓇᓕᖕᓂᑦ ᖃᓄᐃᓕᐅᖕᓂᐅᔪᓂᑦ ᑮᓇᐅᔭᑎᒍᓪᓗ ᐃᑲᔪᖕᓂᒃᑯᑦ.
ᐆᒻᒪᖁᑎᖃᖅᑎᑦᑎᔨᐅᓪᓗᑕ ᐊᒻᒪ ᖃᐅᒻᒪᖃᖅᑎᑦᑎᔨᐅᓪᓗᑕᓗ ᓄᓇᕗᒻᒥᑦ, ᖁᓪᓕᖅ ᐆᒻᒪᖃᑎᓕᕆᔨᒃᑯᑦ ᑯᐊᐳᕇᓴᒃᑯᖏᑦ ᐱᓇᓱᐊᒐᖓᑕ ᐃᓚᒋᒻᒪᒍ ᓄᓇᕗᒻᒥᑦᐅᓄᑦ ᐃᑲᔪᕈᒪᓪᓗᒋᑦ ᑲᓲᑎᓯᒪᑎᑎᒍᒪᓪᓗᑎᑦ ᐱᕈᖅᐸᓪᓕᐊᖁᓪᓗᒋᑦ ᐃᓚᓐᓇᕇᓂᖏᑦ ᓄᓇᕗᒻᒥᑦ ᓄᓇᓕᓐᓂᑦ ᐱᓕᕆᐊᕆᔭᐅᔪᑦ ᐃᑲᔪᕐᓗᒋᑦ ᑮᓇᐅᔭᖅᑎᑦᑎᓂᒃᑯᑦ ᐊᒻᒪ ᐊᐃᑦᑑᓯᐊᖅᑎᑦᑎᓂᒃᑯᑦ ᓄᓇᓕᓐᓄᑦ ᐊᒻᒪ ᑮᓇᐅᔭᓕᕋᓱᐊᓐᖏᑦᑐᑦ ᑲᑐᔾᔨᖃᑎᒌᑦ ᐱᓕᕆᐊᖏᓐᓄᑦ. ᐅᐱᒍᓱᓐᓂᖃᖅᑐᒍᑦ ᐃᖅᑲᓇᐃᔭᖅᑎᑦᑎᓐᓂᑦ ᐃᓚᓕᐅᑎᓇᓱᐊᖏᓐᓇᐸᒻᒪᑕ ᐊᒻᒪ ᐊᖏᖅᓯᒪᓪᓗᑎᑦ ᓄᓇᓕᓐᓂᑦ ᖃᓄᐃᓕᓐᓂᐅᕙᑦᑐᓂ ᐊᔾᔨᖐᓐᖏᑦᑐᓂᑦ ᐱᖃᑕᐅᓪᓗᑎᑦ ᐱᓕᕆᔾᔪᓯᕆᕗᑦ ᐊᑐᖅᑐᒍ ᐃᓄᓐᓂᑦ ᐃᓚᓕᐅᔾᔨᑦᑎᐊᓂᒃᑯᑦ ᐊᒻᒪ ᑲᒪᑦᑎᐊᓂᒃᑯᑦ ᑐᕌᒐᖃᕋᑦᑕ.
ᓚᐅᕋ ᐅᓪᓗᕆᐊᖅ ᒍᓘᑎᐊᐃ ᑮᓇᐅᔭᑦ ᑐᓐᓂᖅᑯᑕᐅᕙᑦᑐᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑎᒍᑦ ᓚᐅᕋ ᐅᓪᓗᕆᐊᖅ ᒍᓘᑎᐊᐃ ᑮᓇᐅᔭᑦ ᑐᓐᓂᖅᑯᑕᐅᕙᑦᑐᑦ ᑐᓂᔭᐅᖃᑦᑕᖅᑐᑦ ᓄᓇᕗᒻᒥᐅᓄᑦ ᐃᓕᓐᓂᐊᖅᑎᓄᑦ ᐱᓇᓱᐊᕈᒪᓂᐊᖅᑎᐊᖅᑐᓄᑦ ᐃᓕᓐᓂᐊᕆᐊᒃᑲᓂᕐᓂᒥᑦ ᓯᓚᑦᑐᓴᕐᕕᓐᓂᑦ. ᓚᐅᕋ ᐅᓪᓗᕆᐊᖅ ᒍᓘᑎᐊᐃ ᓯᕗᒧᑦ ᑕᑯᓐᓇᒐᖃᓚᐅᖅᑐᖅ ᐱᒻᒪᕆᐅᓂᖓᓂᒃ ᑕᒫᓂ ᓄᓇᑦᑎᓐᓂᑦ ᐊᐅᓚᑦᑎᓂᕐᒥᑦ ᐆᒻᒪᖅᑯᑎᖃᖅᑎᑦᑎᔪᓐᓇᓂᕐᒥᑦ ᓄᓇᕗᒻᒥᐅᓂᑦ. ᐊᕐᕌᒍᑕᒫᑦ ᑐᓐᓂᖅᑯᑕᐅᖃᑦᑕᖅᑐᑦ ᑮᓇᐅᔭᑦ $5,000 ᓴᖅᑭᔮᖅᑎᑦᔪᑦ ᒍᓘᑎᐊᐃ ᓯᕗᒧᑦ ᑕᑯᓐᓇᒐᖏᓐᓂᒃ, ᐱᔭᕇᖅᓯᒪᓂᖏᓐᓂᒃ, ᐊᒻᒪ ᓄᓇᓖᑦ ᑲᓲᒪᖃᑎᒌᑦᑎᐊᕐᓂᖏᓐᓂᒃ.
ᑐᑭᓯᒋᐊᒃᑲᓐᓂᕈᓐᓂᕈᕕᑦ ᓚᐅᕋ ᐅᓪᓗᕆᐊᖅ ᒍᓘᑎᐊᐃ ᑮᓇᐅᔭᑦ ᑐᓐᓂᖅᑯᑕᐅᕙᑦᑐᑦ ᒥᔅᓵᓄᑦ ᐅᕙᓘᓐᓃᑦ ᐱᓇᓱᐊᕈᑎᒻᒥᑦ, ᐅᓇ ᓇᕿᓪᓗᒍ.
ᐱᔭᕆᐅᖅᓴᓂᖅ ᑲᓇᑕ ᓄᓇᕗᑦ
ᖁᓪᓕᖅ ᑯᐊᐳᕇᓴᒃᑯᑦ ᐅᐱᒍᓱᔾᔪᑎᖃᕐᖓᑕ ᐃᑲᔪᖃᑦᑕᕐᓂᕆᓯᒪᔭᖏᒻᓐᓂᒃ ᐊᒻᒪ ᑮᓇᐅᔭᖃᖅᑎᑦᑎᔨᐅᓂᒃᑯᑦ ᐱᔭᕆᐅᖅᓴᓂᖅ ᑲᓇᑕᒥᑦ ᑕᑯᔅᓴᐅᑎᑦᑎᓂᖃᖅᑎᓪᓗᒋᑦ ᓄᓇᕗᒻᒥᑦ ᐱᒋᐊᕐᕕᓯᒪᓪᓗᑎᒍ 2007ᒥᑦ. ᐱᔭᕆᐅᖅᓴᓂᖅ ᓄᓇᕗᒻᒥᑦ ᓴᖅᑭᔮᖅᑎᑕᐅᑎᓪᓗᖏᑦ ᓴᓇᓂᒃᑯᑦ ᐊᒻᒪ ᖃᕋᓴᐅᔭᒃᑰᖅᑐᓂᑦ ᓴᓇᓂᒃᑯᑦ ᓄᓇᕗᒻᒥᑦ ᐃᖅᑲᓇᐃᔮᔅᓴᕆᔭᐅᔪᓐᓇᓪᓚᕆᒻᒪᑕ ᒪᒃᑯᑦᑐᖁᑎᑦᑎᓐᓄᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐃᓕᓐᓂᐊᕐᓂᓕᕆᓂᕐᒥᑦ ᐊᒻᒪ ᐊᔪᕈᓐᓃᖅᓴᑎᑦᑎᓂᕐᒥᑦ ᐱᓇᓱᐊᕈᑎᖃᖅᐸᒻᒪᑕ, ᐊᒻᒪ ᓯᕗᒧᑦ ᑕᑯᓐᓇᒐᕆᓪᓗᒍ ᐃᖅᑲᓇᐃᔭᕐᕕᓐᓂᑦ ᐊᔪᕈᓐᓃᖅᓴᓯᒪᑦᑎᐊᓂᕐᒥᑦ ᐊᒻᒪ ᐱᓇᓱᐊᕈᓐᓇᑦᑎᐊᓂᕐᒥᑦ, ᑭᒡᒐᖅᑐᐃᔨᐅᓂᕐᒥᑦ ᓄᓇᕗᒻᒥᐅᓂᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᑲᓇᑕᒥ ᐊᔪᓐᖏᓐᓃᑦ ᓄᓇᕗᒻᒥᑦ, ᐅᓇ ᓇᕿᓪᓗᒍ.