ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ (QEC) ᐱᓕᕆᓪᓗᐊᑕᕐᓂᐊᖅᑐᑦ ᐃᑲᔪᖅᑐᐃᓂᕐᒧᑦ ᓄᓇᕗᒻᒥᐅᓂ ᐃᓚᐅᖃᑕᐅᓗᑎᒃ ᓄᓇᓕᖕᓄᑦ ᐱᓕᕆᐊᖑᔪᓂ ᐊᒻᒪ ᐃᑲᔪᕐᓗᓂ ᐱᓕᕆᐊᖑᕙᓪᓕᐊᔪᒪᔪᓂᑦ ᓴᙱᒃᑎᒋᐊᖅᑎᑦᑎᓂᕐᒧᑦ ᐱᓕᕆᖃᑎᒌᑦ ᓄᓇᕗᒻᒥᐅᓂᑦ. ᓄᓇᕗᒻᒥ ᐆᒻᒪᖅᑯᑎᖃᖅᑎᑦᑎᔨᑐᐊᙳᓪᓗᑕ, ᐊᐅᓚᑦᑎᔪᒪᓪᓗᑕ ᐃᓅᖃᑎᒌᖕᓄᑦ ᑲᒪᒋᔭᖃᑦᑎᐊᕐᓂᒃᑯᑦ, ᐊᒃᑐᐊᖃᑎᒌᒃᑎᑦᑎᓕᕐᓂᖅ ᓄᓇᓕᖕᓂᑦ, ᑮᓇᐅᔭᓕᐅᕋᓱᐊᙱᑦᑐᑦ ᑮᓇᐅᔭᑎᒍᑦ ᐊᒻᒪᓗ ᑐᓐᓂᖁᑕᐅᑐᐃᓐᓇᖅᓯᒪᔪᓂᑦ.
ᓘᕋ ᐅᓪᓗᕆᐊᖅ ᒐᐅᑎᐅ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᖅ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᓘᕋ ᐅᓪᓗᕆᐊᖅ ᒐᐅᑎᐅ ᐃᓕᓐᓂᐊᕈᑎᒃᓴᓄᑦ ᐃᑲᔫᓯᐊᖅ ᐃᑲᔪᖅᑐᐃᕗᖅ ᒪᕐᕉᖕᓂᒃ ᐊᔪᙱᓛᖏᓐᓄᑦ ᓄᓇᕗᒻᒥᐅᓂᑦ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᐊᒻᒪᓗ ᑐᓐᓂᖅᑯᓯᐊᖑᕙᒃᖢᓂ ᐊᕐᕌᒍᑕᒫᑦ. ᐊᑐᓂ $5000−ᓂᒃ ᐃᓕᓐᓂᐊᕈᑎᒃᓴᓄᑦ ᐃᑲᔫᑎ ᓘᕋ ᐅᓪᓗᕆᐊᖅ ᒐᐅᑎᐅ, ᑕᐅᑐᙳᐊᖅᑕᐅᔪᖅ ᓇᓗᓇᐃᖅᓯᓚᐅᖅᑐᖅ ᐱᒻᒪᕆᐅᔪᓂᑦ ᓄᓇᓕᖕᓂᑦ ᐊᐅᓚᑕᐅᔪᑦ ᐆᒻᒪᖁᑎᓕᕆᓂᕐᒧᑦ ᓄᓇᕗᒻᒧᑦ. ᐊᑕᐅᓯᖅ ᒪᕐᕉᖕᓂᑦ ᐃᓕᓐᓂᐊᕈᑎᒃᓴᒧᑦ ᑐᓐᓂᖅᑯᓯᐊᖅ ᓂᕈᐊᖅᑕᐅᔪᒧᑦ ᓴᓇᔪᓕᕆᓂᐅᓂᕐᒧᑦ ᐃᓕᓐᓂᐊᖅᑎᒧᑦ, ᐃᑲᔪᖅᓱᐃᔪᑦ ᐃᖅᑲᓇᐃᔮᖃᐃᓐᓇᕐᓂᕐᒧᑦ ᐱᒻᒪᕆᐅᔪᒥᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐊᐅᓚᑦᑎᔾᔪᑎᓄᑦ.
ᑐᒃᓯᕋᐅᑎᐅᔪᖅ ᒪᕐᕉᖕᓄᑦ $5000 ᐃᓕᓐᓂᐊᕈᑎᒃᓴᓄᑦ ᒪᑐᐃᕐᓂᐊᖅᑐᖅ ᐊᕐᕌᒍᑕᒫᖅ ᒪᐃᖑᓕᖅᐸᑦ ᒪᑐᓂᐊᖅᖢᓂ ᔫᓂ 30−ᒥ.
ᓄᓇᓕᖕᓂᑦ ᐱᓕᕆᐊᒃᓴᑦ
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᐅᐱᒍᓱᒃᑐᑦ ᐃᓚᐅᖃᑕᐅᔪᓂ ᐊᔾᔨᒌᙱᑦᑐᓂᑦ ᓄᓇᓕᖕᓂᑦ ᐱᓕᕆᐊᒃᓴᓄᑦ ᓄᓇᕗᒻᒥ, ᐃᓚᖃᖅᑐᖅ:
• ᓄᓇᓕᖕᓂᑦ ᓴᓂᕐᓂᖅ
• ᐱᔪᓐᓇᐅᑎᖃᕐᓂᖅ ᑲᓇᑕᒥ ᓄᓇᕗᑦ ᓄᓇᕗᒻᒥᑦ ᓵᓚᒃᓴᕋᓱᖕᓂᖅ
• ᐃᖃᓗᐃᑦ Slo Pitch
• ᑕᕐᕆᔭᕐᕕᖕᒥᑦ ᑕᕐᕆᔭᕐᓂᖅ
• ᐃᓕᓐᓂᐊᖅᑎᓄᑦ ᐳᓚᕋᕐᓂᖅ
• ᓄᓇᓕᖕᓂᑦ ᐃᖅᑲᓇᐃᔮᖅ ᓴᖅᑭᔮᖅᑎᑕᐅᔪᑦ
ᓄᓇᓕᖕᓂᑦ ᐱᓕᕆᐊᖃᕈᒪᒍᕕᑦ ᐅᕝᕙᓘᓐᓃᑦ ᖃᓄᐃᓕᐅᖅᑎᑦᑎᔪᒪᒍᕕᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂ ᐅᕝᕙᓘᓐᓃᑦ ᐃᑲᔪᖅᓱᕐᓗᒋᑦ, ᖃᐅᔨᒋᐊᕈᓐᓇᖅᐳᑎᑦ communications@qec.nu.ca−ᒧ.