ᐆᓂᔅᑦ ᑕᒡᓚᔅ, ᐊᖓᔪᖅᑳᖅ/ᐊᐅᓚᑦᑎᔨᒻᒪᕆᒃ
ᐆᓂᔅᑦ ᓄᓇᑖᖃᑕᐅᓯᒪᔪᖅ ᓅᕙ ᓯᑰᓴᒥᑦ, ᐱᕈᖅᓴᓚᐅᖅᑐᖅ ᐃᓕᓐᓂᐊᓚᐅᖅᓯᒪᓪᓗᓂᓗ ᐱᖅᑯᓯᑐᖃᕐᒥᑦ ᐊᒻᒪ ᓄᓇᕘᒦᙶᖅᑐᒥᑦ ᒥᒃ’ᒫᖅ ᐃᓄᖏᓐᓂᑦ. ᐱᔭᕇᖅᓯᓚᐅᖅᑐᖅ ᐃᓕᓴᕆᔭᐅᔾᔪᓯᐊᕐᒥᑦ ᖃᐅᔨᓴᖅᑐᓕᕆᓂᕐᒥᑦ ᓴᐃᓐᑦ ᒥᐊᕆ ᓯᓚᑦᑐᓴᕐᕕᒡᔪᐊᖓᓂ, ᐃᓕᓴᕆᔭᐅᔾᔪᑎᑖᖅᓯᒪᔪᖅ ᑲᓇᑕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᔨᒻᒪᕆᐅᓪᓗᓂ ᐃᓕᓐᓂᐊᖅᖢᓂᓗ ᒥ’ᒃᒫᒃᑯᑦ ᐃᓕᖅᑯᓯᖏᓐᓂ ᐅᒃᐱᕆᔭᐅᔪᒥ ᐃᓐᓇᕐᒥᑦ ᐱᖃᓐᓇᕆᔭᒥᓂᒡᓗ.
ᐊᕐᕌᒍᑦ 20 ᐅᖓᑖᓄᑦ ᐱᓕᕆᖃᑦᑕᖅᓯᒪᓪᓗᓂ ᐊᒥᐊᓕᒐᐃᑦ ᐅᐊᖕᓇᖓᓂ ᐆᒻᒪᖅᑯᑎᓕᕆᓂᕐᒥ, ᐆᕐᓂᔅᑦ ᑐᓂᓯᒪᑦᑎᐊᖅᑐᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓚᐅᑎᑦᑎᔪᓂᒃᓗ ᐱᓕᕆᖃᑎᒌᖕᓂᕐᒥᒃ ᖃᐅᔨᒪᔭᐅᓪᓗᓂᓗ ᓴᙱᓂᖃᓕᖅᑎᑦᑎᓂᕐᒥᒃ ᐱᓕᕆᖃᑎᒌᓂᒃ, ᐱᔪᒪᓕᖅᑎᑦᑎᓪᓗᓂ ᐅᒃᐱᕆᔭᐅᓂᕐᒥᒃ, ᐊᑐᖅᑎᑦᑎᓂᕐᓗ ᑐᑭᖃᑦᑎᐊᖅᑐᓂᒃ ᐊᓯᔾᔨᕈᑎᓂᒃ ᐱᐅᓯᒋᐊᖁᓪᓗᒍ ᐃᖅᑲᓇᐃᔭᕐᕕᖕᒥ ᐃᓕᖅᑯᓯᖅ. ᐆᕐᓂᔅ ᐱᒻᒪᕆᐅᒍᓱᖕᓂᖅ ᖃᑕᙳᑎᖏᓐᓂ, ᐊᒥᖅᑳᖃᑎᒋᓪᓗᒍ ᐱᖃᑎᖓ ᓈᓐᓯ, ᒪᕐᕉᒃ ᕿᑐᕐᖓᖏᑦ, ᓚᓐᑕᓐ ᐊᒻᒪ ᒍᕆᓴᓐ ᐊᒻᒪ ᒪᕐᕉᒃ ᖃᐅᔨᓴᕐᕖᒃ, Bones ᐊᒻᒪ Jersey.
ᑐᕋᐃᓯ ᐸᐃ ᒥᒃᓵᓄᑦ ,
ᑮᓇᐅᔭᓕᕆᔨ/ᐊᖓᔪᖅᑳᑉ ᑐᒡᓕᐊ, ᑮᓇᐅᔭᓕᕆᔨᒃᑯᑦ
ᑐᕋᐃᓯ ᐊᕐᕌᒍᒥᑦ ᐃᓗᐊᓂ ᑮᓇᐅᔭᓕᕆᔨᒻᒪᕆᐅᕗᖅ ᐊᕐᕌᒍᓄᑦ 15−ᓂᒃ ᐅᖓᑖᓄᑦ ᐱᓕᕆᓯᒪᓂᑰᓪᓗᓂ ᑮᓇᐅᔭᓕᕆᓂᕐᒧᑦ ᐊᒻᒪ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ. ᐱᓯᒪᔪᖅ ᐱᔭᕇᕈᓯᐊᖅ ᓯᕗᓪᓕᖅ ᑮᓇᐅᔭᓕᕆᓂᕐᒧᑦ ᓯᓚᑦᑐᖅᓴᕐᕕᒡᔪᐊᖅ ᒫᓂᑑᐸᒥᑦ ᐊᒻᒪ ᐃᓕᓴᕆᔭᐅᔾᔪᑎᒥᒃ ᓯᓚᑦᑐᖅᓴᕐᕕᒡᔪᐊᒥᑦ ᐱᔭᕇᕈᓯᐊᖅ ᖁᑦᑎᖕᓂᖅᓴᒥᑦ ᑯᐃᓐᔅ ᓯᓚᑦᑐᖅᓴᕐᕕᒡᔪᐊᒥᑦ, ᐃᓚᖃᖅᖢᓂ ᓇᓗᓇᐃᔭᖅᑕᐅᓯᒪᔪᖅ ᐱᓕᕆᔨᒻᒪᕆᖕᒧᑦ ᑮᓇᐅᔭᓕᐱᔨᓄᑦ, ᑲᓇᑕᒥ ᑭᒡᒐᖅᑐᐃᔪᖅ.
ᐃᖅᑲᓇᐃᔭᖅᑎᓪᓗᒍ, ᑐᕋᐃᓯ ᐱᓕᕆᐊᖃᖃᑦᑕᖅᓯᒪᔪᖅ ᑲᑐᔾᔨᖃᑎᒌᓄᑦ ᐃᓚᖃᖅᑐᖅ ᓄᓇᑦᓯᐊᕗᑦ ᒐᕙᒪᖓᓂ (GNWT), Procom, ᐊᒻᒪᓗ Deloitte−ᒥ, ᒫᓐᓇᓕᓵᒥᑦ ᐃᖅᑲᓇᐃᔮᖃᓚᐅᖅᖢᓂ ᑐᑭᒧᐊᖅᑎᑦᑎᔨ ᑮᓇᐅᔭᓕᕆᓂᕐᒧᑦ ᓄᓇᑦᓯᐊᕗᑦ ᒐᕙᒪᖓᓂ. ᖃᐅᔨᒪᔪᒻᒪᕆᐅᓂᖓ ᐊᔾᔨᒌᙱᑦᑐᓄᑦ ᐱᓕᕆᕝᕕᐅᔪᓄᑦ ᐊᒻᒪᓗ ᔭᓗᓇᐃᕝᒥᐅᑕᐅᓪᓗᓂ ᐊᕐᕌᒍᓄᑦ ᐊᕐᕕᓂᓕᖕᓂᑦ. ᐱᓕᕆᓪᓗᐊᑕᕐᓂᐊᖅᑐᖅ ᐱᓕᕆᔨᒻᒪᕇᑦ ᖁᕕᐊᖏᔭᖃᖅᖢᓂ ᐱᓕᕆᑦᑎᐊᕐᓂᕐᒧᑦ, ᑐᕋᐃᓯ ᖁᕕᐊᒋᔭᖃᖅᑐᖅ ᓴᖅᑭᑎᑦᑎᓂᕐᒧᑦ ᖃᓄᖅᑑᕈᑎᒃᓴᓄᑦ ᑮᓇᐅᔭᓕᕆᓂᕐᒧᑦ ᑐᑭᓯᐅᒪᓂᖃᕐᓂᕐᒧᑦ ᑲᑐᔾᔨᖃᑎᒌᓄᑦ ᐊᔾᔨᒌᒃᑎᑦᑎᓂᕐᒥᓗ ᐱᓕᕆᖃᑎᒌᓄᑦ ᑲᑐᔾᔨᖃᑎᒌᖕᓂᕐᒥᑦ. ᐃᖅᑲᓇᐃᔭᕐᕕᐅ ᓯᓚᑖᓂ, ᖁᕕᐊᒋᔭᖃᖅᑐᖅ ᓯᓚᒥᑦ, ᐃᓚᖃᖅᖢᓂ ᐱᓱᔪᒃᖢᓂ ᖁᕕᐊᒋᓪᓗᒍ ᓯᓚᕐᔪᐊᖅ ᐱᐅᓂᖓ ᐊᕙᑎᐊᓂ.
ᐱᐅᓪ ᓂᐹᑦ, ᐊᖓᔪᖅᑳᑉ ᑐᒡᓕᐊ ᐊᐅᓚᑦᑎᓂᕐᒧᑦ/ᐊᐅᓚᐅᓯᕆᓂᕐᒧᑦ
ᐱᐅᓪ ᐱᓕᕆᓕᒪᓂᖃᑦᑎᐊᖅᑐᖅ ᐆᒪᖅᑯᑎᓕᕆᓂᕐᒥᒃ ᑲᓇᑕᐅᑉ ᑲᓇᓐᓇᖓᓂᑦ ᓄᓇᕗᒻᒧᑦ. ᐊᕕᒃᑐᖅᓯᒪᔪᓂ ᐊᐅᓚᑦᑎᔨᐅᓚᐅᖅᑐᖅ ᓂᐅᕙᓐᓛᓐ ᐊᒻᒪ ᓛᐸᑐᐊᒥ ᐆᒻᒪᖅᑯᑎᓕᕆᔨᒃᑯᑦ 1999-ᒥᑦ 2014-ᒧᑦ ᐊᒻᒪ ᐊᖓᔪᖅᑳᒧ ᑐᒡᓕᕆᔭᐅᓪᓗᓂ ᐊᐅᓚᐅᓯᕆᓂᖕᒧᑦ ᐊᐅᓚᑦᑎᓂᖕᒧᓪᓗ ᓴᐃᓐᑦ ᔮᓐ ᐆᒻᒪᖅᑯᑎᓕᕆᔨᒃᑯᖏᓐᓄᑦ. ᐊᖓᔪᖅᑳᖑᓚᐅᖅᑐᖅ ᕆᓄᕈ ᐆᒻᒪᖅᑯᑎᓕᕆᔨᒃᑯᓐᓄᑦ, ᓄᓇᓕᓐᓂ ᑐᓂᐅᖅᑲᐃᔨᐅᓪᓗᓂ ᐋᓐᑎᐅᕆᐅᒥ. ᐱᐅᓪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ (BBA) Memorial ᓯᓚᑦᑐᖅᓴᕐᕕᒡᔪᐊᕐᒥ.
ᔭᐃᒥᓯ ᐋᕆᐊᒃ, ᐊᐅᓚᑦᑎᕕᖕᒥᑦ ᐊᖓᔪᖄᖅ ᑐᒡᓕᐊ
ᔭᐃᒥᓯ ᒪᕐᕈᖕᓂᑦ ᐅᖃᐅᓯᓕᒃ ᐃᓅᓪᓗᓂ ᓯᕗᓕᖅᑎᒋᔭᐅᕗᖅ 25−ᓄᑦ ᐊᕐᕌᒍᓗᑦ ᐱᓕᕆᓯᒪᓂᑰᓪᓗᓂ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂ. ᒫᓐᓇᓕᓵᖅ ᔭᐃᒥᓯ ᐱᓕᕆᖃᑕᐅᓯᒪᕗᖅ ᒥᓂᔅᑕᓄᑦ ᒐᕙᒪᓕᕆᓂᕐᒧᑦ ᐅᖃᔾᔨᒋᐊᖅᑎᒧᑦ, ᐱᓕᕆᖃᑦᑕᖅᖢᓂ ᓯᕗᓕᖅᑎᒥᑦ ᓄᓇᕗᒻᒧᑦ. ᐊᓯᖏᑦ ᐱᓕᕆᐊᕆᓯᒪᔭᖏᑦ ᐃᓚᖃᖅᐳᖅ ᐋᔩᖃᑎᒌᓄᑦ ᐃᑲᔪᖅᑎᐅᓯᒪᓂᑰᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᑐᑭᒧᐊᖅᑎᑦᑎᔨᒻᒪᕆᒃ ᑭᒡᒐᖅᑐᐃᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᐱᓕᕆᖃᑕᐅᓯᒪᓂᑰᓪᓗᓂ ᒐᕙᒪᒃᑯᑦ ᑲᒪᒋᕙᒃᑕᖏᓐᓄᑦ ᐱᒋᐊᖅᑎᑦᑎᔨᐅᓪᓗᓂ/ᖃᐅᔨᒃᑲᐃᔨ JAS ᖃᐅᔨᒋᐊᕐᕕᒃᑯᓐᓂᑦ, ᐊᐅᓚᑦᑎᔨᒻᒪᕆᒃ ᓄᓇᕗᑦ ᑐᙵᕕᒃ ᑎᒥᖓᓂ. ᐃᔭᕇᖅᓯᓯᒪᔪᖅ ᐱᔭᕇᕈᓯᐊᕐᒥᑦ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᑦ ᐅᐊᓕᓂᕐᒥᑦ ᓯᓚᑦᑐᖅᓴᕐᕕᒡᔪᐊᒥᑦ Ivey−ᒥ ᓇᖕᒥᓂᖃᖅᑎᐅᓂᕐᒧᑦ ᐃᓕᓐᓂᐊᕐᕕᖕᒥᑦ, ᐊᒻᒪᓗ 'ᐃᓕᓴᕆᔭᐅᔾᔪᑎᑖᖅᑎᑕᐅᓯᒪᔪᖅ ᐊᔭᐅᖅᑐᐃᓂᕐᒧᑦ ᐊᒻᒪ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑲᔪᓯᔪᓐᓇᑦᑎᐊᖅᑐᒥᑦ ᓄᓇᓕᖕᓂᑦ' ᕼᐊᐅᕗᑦ ᓯᓚᑦᑐᖅᓴᕐᕕᒡᔪᐊᒥᑦ.
ᐊᓕᒃᔅ ᒍᐃᐅᐴᓪᑦ, ᑐᑭᒧᐊᒃᑎᑦᑎᔨ ᐱᓕᕆᐊᖑᔪᓄᑦ
ᐊᓕᒃᔅ ᒍᐃᐅᐴᓪᑦ ᑐᑭᒧᐊᒃᑎᑦᑎᔨᐅᔪᖅ ᐊᐅᓚᔾᔪᑎᓄᑦ ᑲᒪᒋᔭᖃᖅᖢᓂᓗ ᐱᖁᑎᓂᒃ ᐋᖅᑭᐅᒪᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᑐᓂᐅᖅᑲᐃᔾᔪᑎᓕᒫᓂᒃ, ᐃᒡᓗᕐᔪᐊᓂᒃ ᐊᒻᒪ ᐃᒡᓗᓂᒃ, ᐊᒻᒪ ᐊᐅᓚᐅᑎᓂᒃ ᐱᖁᑎᖏᓐᓂᒃ ᓄᓇᕗᒻᒥ. 2006-ᒥ, ᐊᓕᒃᔅ ᐊᓂᒍᐃᓚᐅᖅᐳᖅ ᓚᐃᒃᕼᐊᑦ ᓯᓚᑦᑐᖅᓴᕐᕕᒡᔪᐊᕐᒥ ᐊᐅᓚᐅᓯᕆᓂᕐᒧᑦ ᐱᓕᕆᐊᒥᒃ ᐊᒻᒪ ᐃᓕᓐᓂᐊᖅᑕᒥᓂᒃ ᐱᐊᓂᒃᓯᓯᒪᓪᓗᓂ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᐱᖁᑎᓂᒃ ᐊᐅᓚᑦᑎᓂᕐᒥᒃ ᐊᒻᒪ ᓯᕗᓕᖅᑎᐅᓂᕐᒥᒃ. ᓴᓇᔭᐅᓂᐊᖅᑐᓄᑦ ᐋᖅᑭᒃᓱᐃᔨᒻᒪᕆᑦ ᐊᒻᒪ ᐊᐅᓚᐅᓯᕆᔨᑦ ᐊᑎᓕᐅᖅᑕᐅᓯᒪᓂᐊᖅᐳᑦ ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᑲᑐᔾᔨᖃᑎᒌᑦ ᐊᐅᓚᐅᓯᕆᔨᓄᑦ ᐊᒻᒪ ᓄᓇᒥ ᖃᐅᔨᓴᖅᑎᓄᑦ (NAPEG) ᐊᒻᒪ PMP® Certified. ᐊᓕᒃᔅ ᒫᓐᓇ ᑲᑎᒪᔨᐅᖃᑕᐅᕗᖅ ᐊᒥᐊᓕᒐᐃᑦ ᐅᐊᖕᓇᖓᓂᑦ ᐆᒻᒪᖅᑯᑎᓕᕆᔨᒃᑯᓐᓂᑦ (NAOGUA) ᐃᓚᒋᔭᐅᓪᓗᓂᓗ ᐆᒻᒪᖅᑯᑎᓄᑦ ᑲᓇᑕᒥ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᒪᑭᒪᔾᔪᑎᓄᓪᓗ ᓴᐳᔾᔨᓂᖕᒧᑦ ᑲᑎᒪᔨᕋᓛᖏᓐᓄᑦ. ᓄᖅᑲᖓᑎᓪᓗᒍ, ᐊᓕᒃᔅ ᖁᕕᐊᒋᔭᖃᖅᑐᖅ ᐱᓱᔪᖕᓂᖅ ᖃᒧᑕᐅᔭᒃᑯᓪᓗ, ᐊᑭᓕᖅᓱᖅᑕᐅᙱᖦᖢᓂᓗ ᐃᑲᔪᖅᐸᒃᑐᑦ ᒥᑭᑦᑐᓄᑦ ᕼᐋᑭᕐᓂᕐᒧᑦ ᐊᕿᓂᕐᒧᓪᓗ ᐱᓕᕆᐊᒃᓴᓄᑦ.
ᑕᐅᕕᒃ ᕼᐊᕉᓐ, ᑐᑭᒧᐊᒃᑎᑦᑎᔨ ᓴᓇᐅᒪᔪᓕᕆᔨᒃᑯᓐᓄᑦ
ᒥᔅᑕ ᑕᐅᕕᒃ ᕼᐊᕉᓐ ᐊᐅᓚᑦᑎᔨᐅᔪᖅ ᐊᐅᓚᐅᓯᕆᓂᕐᒧᑦ. 20 ᐅᖓᑖᓄᑦ ᐊᕐᕌᒍᓄᑦ ᐱᕙᓪᓕᐊᓯᒪᑦᑎᐊᖅᑐᖅ ᐊᔾᔨᒌᖏᑦᑐᓂ ᖁᑦᑎᖕᓂᓕᕇᓂᑦ ᐱᓕᕆᔾᔪᑎᓄᑦ ᐊᐅᓚᑦᑎᓂᕐᒧᓪᓗ ᐃᖅᑲᓇᐃᔮᓂᑦ. ᐱᓕᕆᖃᑦᑕᖅᓯᒪᕐᔪᐊᖅᐳᖅ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ ᐊᒻᒪ ᐱᓕᕆᐊᒃᓴᓂᒃ ᐋᖅᑭᒃᓱᐃᔨᓂᒃ ᐊᔾᔨᒌᙱᑦᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐱᓕᕆᐊᒃᓴᓂᒃ. ᐊᔾᔨᐅᖏᑦᑐᒃᑯᑦ ᐱᓕᕆᐊᒃᓴᓂᒃ ᐊᐅᓚᑦᑎᓂᕐᒥᒃ, ᐊᑭᑐᔫᑎᓂᒃ ᐸᕐᓇᐃᓂᖅ, ᐱᓕᕆᐊᒃᓴᖅ ᑲᔪᓯᑎᑕᐅᓂᖓ ᐊᒻᒪ ᐊᑐᒃᑲᓐᓂᕈᓐᓇᖅᑐᑦ ᐊᑐᓕᖅᑎᑕᐅᔪᑦ ᐆᒻᒪᖅᑯᑎᓕᕆᔨᒃᑯᓐᓂ, ᒥᔅᑕ ᕼᐊᕉᓐ ᐃᓚᒋᔭᐅᓕᓚᐅᖅᓯᒪᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ 2012-ᖑᑎᓪᓗᒍ. ᐃᓚᒋᔭᐅᖕᒥᔪᖅ ᐊᔾᔨᒌᖏᑦᑐᓄᑦ ᒐᕙᒪᑐᖃᒃᑯᓐᓄᑦ ᓄᓇᕗᒻᒥᓗ ᐱᓕᕆᕝᕕᖕᓄᑦ ᑭᒡᒐᖅᑐᐃᓪᓗᓂᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ ᐊᔾᔨᒌᖏᑦᑐᓂᒃ ᐱᓕᕆᔾᔪᑎᓄᑦ ᑲᑎᒪᓂᕐᓂ. ᐋᓐᑎᐅᕆᐅᒥᐅᑕᐅᒋᐊᓐᖓᖅᓯᒪᔪᖅ ᐊᒻᒪᓗ ᒫᓐᓇ ᐃᖃᓗᓐᓂᒥᐅᑕᐅᓕᖅᑐᖅ, ᓄᓇᕗᒻᒥ.
ᑏᓇ ᒫᓐᑏᔭ, ᑐᑭᒧᐊᒃᑎᑦᑎᔨ ᐊᐅᓚᑦᑎᕕᖓᓄᑦ
ᑏᓇ ᒫᓐᑏᔭ, ᐊᓈᓇᒋᔭᐅᔪᖅ ᒪᕐᕉᖕᓄᑦ ᐊᖑᑏᖕᓄᑦ. ᓅᓚᐅᖅᓯᒪᔪᖅ ᔨᒻᐹᑉᕗᐃᒥᑦ ᑲᓇᑕᒧᑦ 2001-ᒥ ᒫᓐᓇᓗ ᐅᑭᐅᖅᑕᖅᑐᒥᐅᑕᐅᓕᖅᖢᓂ. ᐊᔾᔨᒌᙱᕈᓘᔭᖅᑐᑦ ᓄᓇᕐᔪᐊᕐᒥ ᖃᐅᔨᖃᑦᑕᖅᓯᒪᔭᖏᑦ, ᑕᒪᐃᓐᓂᒃ ᐱᓕᕆᔨᒻᒪᕆᐅᓪᓗᑎᒃ ᐊᒻᒪ ᓇᖕᒥᓂᖅ, ᐊᒃᓱᕉᑎᖃᖃᑦᑕᖅᓯᒪᕗᑦ ᐊᔾᔨᒌᙱᕈᓘᔭᖅᑐᓄᑦ ᐊᒻᒪ ᐃᓚᓕᐅᔾᔭᐅᔪᓄᑦ. ᓯᕗᓕᖅᑎᓄᑦ MBA−ᒧᑦ, ᑏᓇ ᐱᓕᕆᐊᖃᖃᑦᑕᖅᓯᒪᕐᔪᐊᖅᐳᖅ ᖃᓄᐃᓕᐅᖅᓯᓂᐊᕐᓂᕐᒧᑦ ᐸᖕᓇᐃᓂᖕᒥᑦ, ᓂᐅᕐᕈᑎᖃᖅᐸᖕᓂᕐᒥᒃ, ᓇᓗᓇᐃᒃᑯᑦᑎᖅᓯᓂᕐᒥᒃ, ᑭᒃᑯᑐᐃᓐᓇᓂᒡᓗ ᐱᓕᕆᖃᑎᖃᖅᐸᖕᓂᕐᒥᒃ, 15 ᐊᕐᕌᒍᐃᑦ ᐅᖓᑖᓄᑦ ᐃᓛᒃᑰᖅᑐᓂ 14−ᓄᓪᓗ ᐊᕐᕌᒍᓄᑦ ᑭᒃᑯᑐᐃᓐᓇᓄᑦ ᐱᓕᕆᕝᕕᒋᔭᐅᕙᒃᑐᓂ. ᑐᑭᒧᐊᒃᑎᑦᑎᔨᐅᓪᓗᓂ ᐊᐅᓚᑦᑎᕕᖓᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ, ᓯᕗᓕᖅᑎᐅᔪᖅ ᑎᒥᐅᔫᑉ ᑐᓴᐅᒪᖃᑦᑕᐅᑎᕝᕕᖓᓂ, ᑭᒃᑯᑐᐃᓐᓇᓂᒃ ᑐᓴᐅᒪᑎᑦᑎᓂᕐᒥᒃ, ᐊᑐᐊᒐᓕᐅᖅᐸᓪᓕᐊᓂᕐᒥᒃ, ᐊᒻᒪ ᒐᕙᒪᒃᑯᑦ ᐱᓕᕆᖃᑎᒌᒃᐸᖕᓂᖏᓐᓂᒃ, ᑕᑯᒃᓴᐅᑎᑦᑎᓪᓗᓂ ᐱᓕᕆᑦᑎᐊᕈᒪᓂᕐᒥᓂᒃ ᖃᓄᖅᑑᕈᑎᓄᑦ ᓯᕗᓕᖅᑎᐅᓂᕐᒥᒃ ᐊᒻᒪ ᐃᓕᖅᑯᓯᖃᖃᑎᒌᙱᑦᑐᓂᒃ.
ᕼᐊᔨᕋ ᓴᔾᔭᑦ ("Haj-ra"), ᑐᑭᒧᐊᒃᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
ᐅᑭᐅᑦ ᖁᓕᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓗᓂ ᐊᔾᔨᒌᙱᑦᑐᓂᒃ ᐊᐅᓚᑕᐅᔪᓂᒃ ᐱᓕᕆᕝᕕᖕᓂ, ᕼᐊᔨᕋ ᓴᔾᔭᑦ, ᑐᙵᕕᒋᓪᓗᒍ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᒪᓂ'ᑐᐊᕐᒥ ᑐᑦᑕᕐᕕᒃ, ᓯᕗᓕᖅᑎᒋᔭᐅᕗᖅ ᐃᖅᑲᓇᐃᔭᖅᑐᓕᕆᔨᒃᑯᑦ ᐅᐸᓗᖓᐃᔭᐅᑎᖓᓂᒃ ᑐᑭᒧᐊᒃᑎᑦᑎᔨᐅᓪᓗᓂ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ. ᓯᕗᓕᖅᑎᐅᓂᖓ ᐊᖏᓂᓕᒃ ᓇᐅᒃᑯᓕᒫᖅ ᐃᖅᑲᓇᐃᔭᖅᑐᓕᕆᓂᕐᒧᑦ, ᑐᕌᒐᖃᕐᓂᕐᒥᑦ ᓯᕗᓪᓕᐅᔾᔨᓂᕐᒥᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒥᑦ, ᐃᖅᑲᓇᐃᔭᖅᑏᑦ ᐱᒻᒪᕆᐅᓂᖏᓐᓂᑦ ᐱᕚᓪᓕᑎᑦᓯᓂᕐᒥᑦ ᐃᑲᔪᖅᑐᕐᓂᕐᒥᓪᓗ ᐱᓕᕆᔨᒻᒪᕆᕈᖅᓴᓂᕐᒥᑦ ᐃᖅᑲᓇᐃᔭᖅᑎᓄᑦ. ᕼᐊᔨᕋ ᑎᓕᐅᕆᔪᖅ ᐊᐅᓚᑦᓯᓂᕐᒧᑦ ᐱᐅᓚᕆᓂᕐᒥᑦ ᓇᓗᓇᐃᖅᓯᓂᕐᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᔪᓐᓇᕐᓂᖃᑦᓯᐊᖅᑐᓂᑦ ᐊᖏᖅᓯᒪᓂᖃᕐᓂᕐᒥᓪᓗ ᐃᖅᑲᓇᐃᔭᖅᑎᖃᕐᓂᕐᒥᑦ ᓇᓕᒧᑎᑦᓯᓂᕐᒥᑦ ᑯᐊᐳᕇᓴᐅᑉ ᐱᓕᕆᐊᑦᓴᖏᓐᓂᑦ ᐊᑐᐃᓐᓇᐅᑎᑦᓯᓂᕐᒥᑦ ᑕᑎᒋᔭᑦᓴᐅᔪᓂᑦ ᑲᔪᓯᓂᖃᑦᓯᐊᖅᑐᓂᓪᓗ ᐆᒻᒪᖅᑯᑎᓂᑦ ᐆᒻᒪᖅᑯᑎᓂᓪᓗ ᐋᖅᑭᒋᐊᕈᑎᓂᑦ ᓄᓇᕗᒻᒥᐅᓄᑦ.
ᓇᓗᓇᐃᒃᑯᑕᖃᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ, ᑲᓇᑕᒥ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᒪᓕᒐᐃᑦ, ᐊᒻᒪᓗᑦᑕᐅᖅ ᐃᓕᓐᓂᐊᕌᓂᖕᓂᑰᓗᓂ ᐃᓕᓐᓂᐊᕌᓂᒍᓯᐊᖅ ᐱᓕᕆᕝᕕᖕᒥ ᑲᑐᔾᔨᖃᑎᒌᓄᓪᓗ ᐃᓱᒪᓕᕆᓂᕐᒥ, ᕼᐊᔨᕋ ᑲᑎᑎᑦᑎᔪᖅ ᑐᑭᓯᐅᒪᑦᑎᐊᕐᓂᕐᒥᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᐅᓛᒃᑯᑦ ᐊᑐᕋᓲᑎᓂᒃ ᐱᓕᕆᓪᓚᑦᑖᕐᓗᑎᒃ ᐃᖅᑲᓇᐃᔭᓕᖅᑎᑦᑎᓂᕐᒧᑦ, ᑲᑐᔾᔨᖃᑎᒌᑦ ᐋᖅᑭᒃᓯᒪᓂᖏᓐᓂ, ᐊᒻᒪ ᐃᖅᑲᓇᐃᔭᖅᑐᓂᒃ ᐱᕙᓪᓕᐊᑎᑦᑎᓂᕐᓂ. ᐋᖅᑭᒃᓱᐃᙱᖦᖢᓂ ᐃᖅᑲᓇᐃᔭᖅᑐᓕᕆᔨᒃᑯᑦ ᐅᐸᓗᖓᐃᔭᐅᑎᖏᓐᓂᒃ, ᕼᐊᔨᕋ ᖁᕕᐊᒋᔭᖃᖅᑐᖅ ᕿᒥᕐᕈᓂᕐᒥᒃ ᓄᑖᓂᒃ ᐱᔪᒪᓂᕆᔭᐅᔪᓂᒃ−ᐅᖃᓕᒫᑦᑎᐊᕋᓗᐊᕈᓂ ᐅᖃᓕᒫᒐᑦᑎᐊᕙᖕᒥᒃ, ᐱᓱᔪᖕᓂᖅ ᓯᓚᒥ, ᓄᑖᓂᒃ ᓂᕿᓂᒃ ᐆᒃᑐᕐᓗᓂ, ᐅᕝᕙᓘᓐᓃᑦ ᐱᖃᓐᓇᕆᔭᕐᓂᒃ ᖃᑕᙳᑎᖏᓐᓂᒡᓗ ᖁᕕᐊᓇᖅᑐᒥᒃ ᑕᑕᑎᖅᓯᒪᓗᒍ ᐱᙳᐊᕐᓂᕐᒧᑦ ᐅᓐᓄᒃᑯᑦ.
ᓄᐱᓐᑐᕋ "ᓂᒃ" ᐊᔾᒥᕋ, ᐃᓗᐊᓂ ᑕᒻᒪᖅᓯᒪᔪᖅᓯᐅᖅᑎ
ᓂᒃ, ᐱᓕᕆᕝᕕᖕᒥ ᑕᒻᒪᖅᓯᒪᔪᖅᓯᐅᖅᑎᐅᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ ᐱᓕᕆᖃᑦᑕᖅᓯᒪᕐᔪᐊᖅᖢᓂ ᐱᓕᕆᕝᕕᖕᒥᓂ ᐊᒻᒪ ᖃᕆᓴᐅᔭᓕᕆᔾᔪᑎᓂᒃ ᑕᒻᒪᖅᓯᒪᔪᖅᓯᐅᕐᓂᕐᒥᒃ, ᐱᓕᕆᕝᕕᖕᒥ ᐊᐅᓚᑦᑎᔾᔪᑎᓂᒃ ᑮᓇᐅᔭᓂᒃ ᐅᓂᒃᑳᓕᐅᕐᓂᕐᒥᒃ (ICFR), ᐊᒻᒪ ᐱᓕᕆᕝᕕᖕᒥ ᐊᑦᑕᕐᓇᖅᑐᓂᒃ ᐊᐅᓚᑦᑎᓂᕐᒥᒃ (ERM). ᐃᓕᓐᓂᐊᖅᑎᑕᐅᓪᓗᓂ Big Four-ᑯᓐᓄᑦ ᓲᕐᓗ KPMG-ᑯᓐᓄᑦ ᐊᒻᒪᓗ PwC-ᑯᓐᓄᑦ, ᐱᓕᕆᖃᑎᖃᖃᑦᑕᖅᓯᒪᔪᖅ ᑎᒥᐅᔪᓂᒃ ᓲᕐᓗ NTPC-ᑯᓐᓂᑦ, SUEZ North America-ᒥ, TATA Consultancy Services, ᐊᒻᒪᓗ Nokia. ᓂᒃ ᑲᔪᓯᓂᖃᑦᑎᐊᖅᖢᓂ ᑲᔪᓯᑎᑦᑎᓯᒪᕗᖅ ᐱᓪᓗᐊᑕᕐᓂᒃ ᐱᓕᕆᐊᒃᓴᓂᒃ ᖃᔅᓯᑲᓪᓚᖕᓄᑦ ᐱᓕᕆᕝᕕᒋᔭᐅᔪᓄᑦ ᓲᕐᓗ ᐃᒡᓗᒥ ᐊᑐᖅᑕᐅᕙᒃᑐᓄᑦ, ᓴᓇᔭᐅᕙᒃᑐᓄᑦ, ᐅᖄᓚᐅᑎᓄᑦ, ᖃᕆᑕᐅᔭᓄᓪᓗ.
ᒪᐃᑯᓪ ᕌᕝᑐ, ᒪᓕᒐᓕᕆᓂᕐᒧᑦ ᑲᑎᒪᔩᑦ
ᒪᐃᑯ ᕌᕝᑐ ᒪᓕᒐᓕᕆᔨᐅᕗᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᐃᓕᓐᓂᐊᑦᑎᐊᖅᓯᒪᔪᖅ ᓵᔅᑳᑦᓱᐊᓐᒥ ᓯᓚᑦᑐᖅᓴᕐᕕᔾᔪᐊᕐᒥ, ᒪᓕᒐᓕᕆᓂᕐᒧᑦ ᓘᒃᑖᖅᑖᖅᓯᒪᓪᓗᓂ; ᐃᓚᒋᔭᐅᓪᓗᓂᓗ ᓄᓇᕗᒻᒥ ᒪᓕᒐᓕᕆᔨᓄᑦ. ᒪᐃᑯᓪ ᐸᐃᑉᐹᖅᑖᖅᓯᒪᖕᒥᔪᖅ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᐃᓚᒋᔭᐅᔾᔪᑎᖃᖅᖢᓂ ᐋᓐᑎᐅᕆᐅᒥ, ᓄᓇᑦᓯᐊᒥ, ᐊᒻᒪ ᓄᓇᕗᒻᒥ. ᒪᐃᑯ ᐊᔾᔨᒌᙱᑦᑐᓂᒃ ᐊᖓᔪᖅᑲᐅᑎᐅᖃᑕᐅᖃᑦᑕᖅᓯᒪᔪᖅ ᓯᕗᓕᖅᑎᒃᑯᓐᓂ ᒐᕙᒪᒃᑯᓐᓂ ᐊᒻᒪᓗ ᒪᓕᒐᓕᐅᕐᕕᖕᒥ ᑕᐃᒪᙵᑦ 1999-ᖑᓚᐅᖅᑎᓪᓗᒍ.
ᓄᓇᕗᒻᒥ ᓄᓇᖃᖅᓯᒪᔪᖅ ᐃᖅᑲᓇᐃᔭᖃᑦᑕᖅᓯᒪᓪᓗᓂᓗ 1997-ᒥᓂᑦ (ᓄᓇᑦᓯᐊᕐᒥᑦ 1999-ᖑᓚᐅᖅᑎᓐᓇᒍ). ᐃᖅᑲᓇᐃᔭᙱᒃᑳᖓᒥ, ᐊᓕᐊᓇᐃᒍᓱᒃᑐᖅ ᐃᓚᒥᓂᒃ ᐱᖃᑎᖃᕆᐊᒃᓴᖅ, ᕿᑐᕐᖓᒥᓂᒃ, ᐱᖃᓐᓇᕆᔭᒥᓂᒡᓗ, ᒪᐃᑯ ᖁᕕᐊᒋᔭᖃᖅᐳᖅ ᐅᑭᐅᖅᑕᖅᑐᒥ ᓯᓚᑦᑎᐊᕙᐅᓂᖓᓂᒃ ᐊᒻᒪ ᓯᓚᒥ ᐱᓕᕆᑲᑕᒃᖢᓂ ᐱᓱᑲᑕᒃᖢᓂ, ᐱᓱᔪᒃᖢᓂ, ᓯᑭᑑᒃᑯᑦ, ᐃᖃᓪᓕᐊᖅᖢᓂ, ᐊᒻᒪ ᓯᐊᕐᕆᔭᐅᑎᑯᑖᒃᑰᖅᖢᓂ.