ᓄᖅᑲᖅᑎᑦᓯᓂᖅ

ᐅᖄᓚᕕᐅᔪᓐᓇᖅᑐᖅ: 1-866-710-4200

ᓅᓐᓂᐊᕈᕕᑦ ᓄᓇᕗᑦ ᓯᓚᑖᓄᑦ ᓄᖅᑲᖅᑎᑦᓯᒍᒪᒍᕕᓪᓗ ᐆᒻᒪᖅᑯᑎᓐᓂᑦ ᖁᓪᓕᒃᑯᓐᓄᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂᑦ (QEC), ᐊᑭᖃᖏᑦᑐᒥᑦ ᑭᐱᔭᐅᒍᓐᓇᖅᑐᑎᑦ. ᑎᓕᐅᕆᕗᒍᑦ ᐱᔨᑦᓯᕋᖅᑕᐅᔪᓂᑦ ᖃᐅᔨᒃᑲᐃᖁᔨᑦᓱᑕ ᐱᔨᑦᓯᕋᖅᑎᑦᑕ ᐱᓕᕆᕝᕕᖓᓂᑦ ᐱᓇᓱᐊᕈᓯᓕᒫᒥᑦ ᐅᓪᓗᖓᓂᑦ ᐲᖅᑕᐅᑎᒍᒪᓚᐅᖏᓂᕐᓂᑦ.

ᖃᓄᖅ ᓄᖅᑲᖅᑎᑦᓯᓂᕐᒥᑦ ᐆᒻᒪᖅᑯᑎᓐᓂᑦ

1. ᒥᓇᕈᓐᓇᖅᑕᐃᑦ ᑎᓕᓯᔾᔪᑎ ᑕᑕᑎᕆᐊᓕᒃ, ᐅᕘᓇ ᓇᕿᓪᓗᒍ. ᒥᓇᕈᓐᓇᖏᒃᑯᕕᑦ ᑎᓕᓯᔾᔪᑎᒥᑦ ᑕᑕᑎᕆᐊᓕᒻᒥᑦ, ᖃᐅᔨᒃᑲᐅᑎᓗᒍ ᐱᔨᑦᓯᕋᖅᑎᑦᑎᓐᓂᑦ ᐱᓕᕆᕝᕕᑎᓐᓂᑦ ᐅᕗᖓ 1-866-710-4200 ᐅᕝᕙᓘᓐᓃᑦ  customercare@qec.nu.ca ᑎᑎᖅᑲᓂᐊᕐᕕᒃᑯᑦ ᐊᐅᓪᓚᖅᑎᑕᐅᓂᐊᖅᑐᖅ, ᐃᕐᖐᓐᓇᒃᑰᕈᑎᒃᑯᑦ, ᓱᑲᑦᑐᑦᑯᓪᓘᓐᓃᑦ ᐃᓕᓐᓄᑦ. ᑎᓕᓯᔾᔪᑏᑦ ᑕᑕᑎᕆᐊᓖᑦ ᐊᐃᔭᐅᒍᓐᓇᖅᑐᑦ ᐱᔨᑦᓯᕋᖅᑎᑦᑕ ᐊᓪᓚᕝᕕᖏᓐᓂᑦ. ᐱᔨᑦᓯᕋᖅᑎᑦᑕ ᐊᓪᓚᕝᕕᖓᑕᑦ ᐊᖅᑯᑎᑎᒍᑦ ᑐᕌᕈᑎᖓ, ᐅᕘᓇ ᓇᕿᓪᓗᒍ.
2. ᑐᓂᓯᒋᑦ ᐱᔭᕇᖅᓯᒪᔪᒥᑦ ᐊᑎᓕᐅᖅᓯᒪᔪᒥᓪᓗ ᑎᓕᓯᔾᔪᑎᒥᑦ ᑕᑕᑎᕆᐊᓕᒻᒥᑦ ᐱᔨᑦᓯᕋᖅᑎᑕ ᐊᓪᓚᕝᕕᖓᑕ ᐱᓕᕆᕝᕕᖓᓄᑦ ᑎᑎᖅᑲᓂᐊᕐᕕᒃᑯᑦ, ᐅᐸᓪᓗᑎᑦ, ᐃᕐᖐᓐᓇᒃᑰᕈᑎᒃᑯᓪᓘᓐᓃᑦ ᐅᕗᖓ  customercare@qec.nu.ca. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᖅᑯᑎᑎᒍᑦ ᑎᑎᖅᑲᓂᐊᕐᕕᒃᑯᓪᓗ ᑐᕌᕈᑎᖓ, ᐅᕘᓇ ᓇᕿᓪᓗᒍ.
3. ᐆᒻᒪᖅᑯᑎᕕᑦ ᒦᑕᖓ ᖃᐅᔨᓴᖅᑕᐅᓇᔭᖅᑐᖅ ᐲᖅᑕᐅᓗᓂᓗ ᐅᓪᓗᕐᒥᑦ ᓇᓗᓇᐃᖅᑕᐅᓯᒪᔪᒥᑦ ᑕᑕᑎᖅᓯᒪᔭᑉᐱᑦ. ᑭᖑᓪᓕᖅᐹᖅ ᐊᑭᓕᕆᐊᓖᑦ ᖃᐅᔨᓴᖅᑕᐅᓂᐊᖅᑐᖅ ᑎᑎᖅᑲᓂᐊᕐᕕᒃᑯᓪᓗ ᐊᐅᓪᓚᖅᑎᑕᐅᓗᓂ ᓄᑖᒧᑦ ᑐᕌᕈᑎᓐᓄᑦ. ᐊᑭᖃᖏᑦᑐᖅ ᐲᖅᑕᐅᑎᑦᓯᓂᕐᒧᑦ ᐱᔨᑦᓯᕋᖅᑕᐅᓂᕐᓄᑦ, ᑭᓯᐊᓂ ᐊᑭᓕᕆᐊᓖᑦ ᐊᑭᓖᓗᐊᕈᑎᒥᓂᓪᓘᓐᓃᑦ ᑭᖑᓪᓕᖅᐹᒦᓐᓂᐊᖅᑐᑦ ᐊᑭᓕᕆᐊᓕᒻᒥᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᓄᖅᑲᑎᑦᓯᓂᕐᒥᑦ ᐲᖅᑕᐅᑎᑦᓯᓂᕐᒥᓪᓘᓐᓃᑦ ᐱᔨᑦᓯᕋᖅᑕᐅᓂᕐᓂᑦ, ᐅᕘᓇ ᓇᕿᓪᓗᒍ ᐅᖃᓕᒫᕐᓂᐊᕐᓗᒋᑦ ᑭᓪᓕᖏᓐᓂᒃ ᖃᓄᐃᑦᑑᓂᖏᓪᓗ. ᐊᐱᖅᑯᑎᑦᓴᖃᕈᕕᑦ ᓅᑎᑦᓯᓂᕐᒧᑦ ᐆᒻᒪᖅᑯᑎᓐᓂᑦ, ᑎᓕᐅᕆᕗᒍᑦ ᐃᓕᓐᓂᑦ ᐅᖄᓚᖁᔨᑦᓱᑕ ᐅᖄᓚᕕᐅᔪᓐᓇᖅᑐᒧᑦ ᐅᕗᖓ 1-866-710-4200 ᐃᕐᖐᓐᓇᒃᑰᕈᑎᒃᑯᓪᓘᓐᓃᑦ  customercare@qec.nu.ca.