ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑖ ᑐᓂᓯᒪᑦᑎᐊᖅᑐᑦ ᒥᒃᖠᒋᐊᖅᑎᑦᑎᓂᕐᒥ ᐊᑑᑎᒋᒐᔪᒃᑕᖏᓐᓂ ᐅᖅᓱᐊᓗᖕᓂ ᐆᒻᒪᖅᑯᑎᓄᑦ ᐊᑐᓗᐊᖅᑕᐃᓕᓂᕐᒧᑦ ᓄᓇᕗᒻᒥ. ᐋᖅᑭᒃᓯᓯᒪᔪᒍᑦ ᐅᓄᖅᑐᓂᒃ ᐊᑐᓕᖅᑎᑦᑎᔾᔪᑎᓂᒃ ᐃᑲᔪᕐᑕᐅᓗᑕ ᓯᕗᒻᒧᑦ ᐆᒻᒪᖅᑯᑎᓄᑦ ᐊᑐᓗᐊᖅᑕᐃᓕᓂᕐᓂ ᐊᑑᑎᖃᑦᑎᐊᖅᑐᓂᒃ ᐊᑭᖏᓐᓂᒃᓗ ᐊᑑᑎᖃᑦᑎᐊᖅᑐᓂ ᐱᓕᕆᔾᔪᑎᓂᒃ.
ᐱᐅᖅᓱᐊᕐᓂᖅ ᐆᒻᒪᖅᑯᒻᒥᒃ
ᐱᐅᖅᓱᐊᕐᓂᖅ ᐆᒻᒪᖅᑯᑎᓂᒃ ᑐᑭᖃᕐᒪᑦ ᐊᑐᓗᐊᙱᓐᓂᖅᓴᐅᓇᓱᒡᓂᕐᒥᑦ ᐆᒻᒪᖁᑎᒥᒃ ᐅᓪᓗᒥ ᐱᐅᓂᖅᓴᐅᓕᖁᓪᓗᒍ ᓄᓇᕗᑦ ᒫᓐᓇᒧᑦ ᐊᒻᒪᓗ ᖃᐅᒃᐸᒧᑦ. ᐱᐅᖅᓱᐊᕐᓂᖅ ᐆᒻᒪᖅᑯᒻᒥᑦ ᑲᑐᔾᔨᓪᓗᑎᒃ ᐱᓕᕆᐊᖑᒪᑕ ᐅᑯᓇᙵᑦ ᖁᓪᓕᖅ ᐆᒻᒪᖁᑎᓕᕆᔨᒃᑯᓂᑦ, ᓄᓇᕗᑦ ᐃᒡᓗᓕᕆᔨᕐᔪᐊᒃᑯᓐᓂᑦ, ᓯᓪᓚ ᐊᓯᔨᕐᐸᓕᐊᓂᖓᓄᑦ ᐊᐅᓚᑎᔨ, ᐊᒻᒪᓗ ᐃᓕᑦᓰ!
ᑕᑯᒋᐊᕈᒪᒍᕕᑦ ᐆᒻᒪᖅᑯᑎᓂᒃ ᐊᑐᑦᑎᐊᕐᓂᕐᒧᑦ ᓄᓇᕗᒻᒥ Facebook−ᖓᓂ ᐊᒻᒪ ᖃᐅᔨᒋᐊᒃᑲᓐᓂᕈᒪᒍᕕᑦ ᐆᒻᒪᖅᑯᑎᒥᒃ ᐊᑐᓗᐊᖅᑕᐃᓕᒪᓂᕐᒥᒃ, ᑮᓇᐅᔭᖅᑐᙱᓐᓂᖅᓴᐅᔪᓐᓇᕐᓂᕐᒥᒃ, ᐊᒻᒪ ᐊᕙᑎᑦᑎᓐᓂᒃ ᓴᐳᔾᔨᖃᑕᐅᔪᓐᓇᕐᓂᕐᒥᒃ, ᐅᓇ ᓇᕿᓪᓗᒍ.
ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᑦ (Smart Grid) ᐊᐅᓚᔪᓐᓇᐅᑎᑦ
ᐊᐃᕆᓕᒥ 2016, ᐱᔭᕇᖅᓯᓪᓗᑕ ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᑦ ᐱᓕᕆᐊᒃᓴᒥ ᐋᖅᑭᒃᓯᓗᓂ ᐊᑯᓂᐅᔪᒃᑯᑦ ᐊᐅᓚᐃᓐᓇᖅᑎᒐᒃᓴᒥᒃ ᐆᒻᒪᖅᑯᑎᒥᒃ ᐊᑑᑎᖃᑦᑎᐊᕐᓂᕐᓂ ᓄᓇᕘᑉ ᓄᓇᓕᐸᐅᔭᖓᓂ. ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᑦ ᒫᓐᓇᒨᖓᔪᕐᓘᓐᓃᑦ ᖃᐅᔨᓴᐅᑎᙳᐊᑦ ᐊᐅᓚᔪᓐᓇᐅᑎᖏᑦ ᓄᑖᖑᓪᓗᓂ ᐅᐊᔭᓕᑎᒍᑦ ᑐᓴᐅᒪᔪᓕᕆᓂᖅ ᑲᓲᒪᖃᑦᑕᐅᑎᔾᔪᑎ ᐱᕕᖃᖅᑎᑦᑎᓪᓗᓂ ᓱᓕᔪᒥᒃ ᖃᓄᑎᒋᐅᓂᖓᓂᒃ ᐊᑐᖅᑎᑦ ᐆᒻᒪᖅᑯᑎᓄᑦ ᐱᕙᓪᓕᐊᔭᖏᓐᓂ, ᖃᐅᔨᓴᖅᐸᒃᖢᓂ ᐆᒻᒪᖅᑯᑎᑦ ᐃᖏᕐᕋᓂᖏᓐᓂ ᐋᖅᑭᒋᐊᖅᓯᕙᒃᖢᓂᓗ ᐊᓯᔾᔨᖅᑐᓄᑦ ᐆᒻᒪᖅᑯᑎᓄᑦ ᐱᖁᑎᖏᓐᓄᑦ ᐱᖁᔭᐅᔪᓄᓪᓗ. ᐃᖃᓗᐃᑦ ᐱᓕᕆᐊᖃᖅᑐᖅ 30 ᐳᓴᓐᑎᓄᑦ ᐊᑐᖅᑎᑦᑎᓐᓅᖓᔪᓄᑦ, ᑖᓐᓇᓗ ᖃᕋᓴᐅᔭᒃᑰᕈᑎ ᐃᑲᔪᕋᔭᖅᑐᖅ ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑖᑕ ᓯᕗᓂᒃᓴᖓᓂᒃ ᐸᕐᓇᐅᑎᒥᒃ ᐊᐅᓚᑦᑎᓗᑎᒃ ᐱᔭᕆᐊᖃᖅᑐᓂᑦ ᐆᒻᒪᖅᑯᑎᓄᑦ ᐃᓱᓕᓕᖅᐸᓪᓕᐊᔪᓄᑦ ᐃᑲᔪᕋᔭᕐᖢᓂᑎᒍᑦ ᐊᐅᓚᓪᓗᑕ ᐊᑑᑎᖃᑦᑎᐊᖅᑐᒥᒃ.
ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᑦ, ᐃᓗᓕᖃᕐᖢᓂ ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᓐᓂᒃ ᐱᓕᕆᐊᒥ, ᐊᔪᙱᑎᑦᑎᔪᖅ ᐅᕙᑦᑎᓐᓂᒃ ᑕᒻᒪᖓᙱᑦᑐᒥᒃ ᐅᖃᓕᒫᕐᓗᒍ ᐊᑐᖅᑎᑦᑕ ᖃᐅᔨᓴᐅᑎᙳᐊᖏᓐᓂ, ᐱᐅᓯᒋᐊᕐᓗᒍᓗ ᑭᒡᒍᑎᑦᑕ ᖃᖓᐅᓂᖓ ᖃᒥᑦᑐᓄᑦ ᐱᓪᓗᒍ ᖃᕋᓴᐅᔭᒃᑰᖅᑑᑉ ᐱᔪᓐᓇᕐᓂᖓᓄᑦ ᓇᓂᓯᓗᓂ ᖃᖓᐅᓂᖓᓂᒃ ᓇᓃᓐᓂᖓᓂᒃᓗ ᖃᒥᑦᑐᑦ. ᐃᓕᓐᓂᐊᒃᑲᓂᕈᒪᓐᓂᕈᕕᑦ ᐅᐊᓯᙳᐊᕋᓛᑦᑎᓐᓂᑦ, ᐃᓕᓐᓂᐊᒃᑲᓂᕈᒪᓐᓂᕈᕕᑦ ᐅᐊᓯᙳᐊᕋᓛᑦᑎᓐᓂᑦ, ᓇᕿᓪᓗᒍ ᐅᓇ.
ᐃᓚᒃᑲᓐᓂᖓᓂ, ᖃᕋᓴᐅᔭᒃᑰᖅᑎᑕᐅᔪᑦ ᖃᐅᔨᓴᐅᑎᙳᐊᖏᑦ ᐊᐅᓚᔪᓐᓇᐅᑎᑦ ᐃᑲᔪᕋᔭᕐᒥᔪᖅ ᐸᕐᓇᐅᑎᑦᑎᓐᓂᒃ ᐃᓚᓕᐅᑎᓗᒋᑦ ᓄᑖᖑᕆᐊᕈᓐᓇᖅᑐᑦ ᐆᒻᒪᖅᑯᑎᓄᑦ ᐊᑐᖃᑦᑕᖅᑐᑦ ᐊᑐᓗᐊᙱᓪᓗᓂ ᐱᑕᕐᑳᓂᒃᑐᖁᑎᕗᑦ ᐅᖅᓱᐊᓗᖕᓄᑦ ᐊᐅᓚᑎᑦᑎᔾᔪᑎᑦ.
ᐆᒻᒪᖅᑯᑎᑐᙱᓐᓂᖅᓴᑦ ᐊᖅᑯᑎᑦ ᓴᓂᕋᖏᓐᓂ ᐃᑯᒪᑦ
ᖁᓪᓕᖅ ᐊᐅᓚᔪᓐᓇᐅᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᓄᑦ ᐊᑑᑎᖃᑦᑎᐊᖅᑐᓂᒃ ᐆᒻᒪᖅᑯᑎᑐᙱᓐᓂᖅᓴᓂᒃ (LED light emitting diode) ᐊᖅᑯᑎᑦ ᓴᓂᕋᖏᓐᓂ ᐃᑯᒪᓂᒃ ᐃᖃᓗᖕᓂ, ᐃᖃᓗᒃᑐᑦᑎᐊᒥ, ᖁᕐᓗᒃᑑᕐᒥ, ᑲᖏᖅᖠᓂᕐᒥᓪᓗ. ᓯᕗᓪᓕᐅᓪᓗᓂ ᐆᒻᒪᖅᑯᑎᓄᑦ ᐊᑐᓗᐊᖅᑕᐃᓕᒪᔾᔪᑎᐅᔪᖅ ᐱᓕᕆᐊᒃᓴᖅ ᑕᐃᒪᐃᑦᑑᓪᓗᓂ ᓄᓇᕗᒻᒥ ᐱᑎᑦᑎᕙᒃᖢᓂᓗ ᐅᓄᖅᑐᓂᒃ ᐊᕙᑎᒨᖓᔪᓂᒃ, ᒪᑭᐅᒪᐃᓐᓇᕈᑎᒃᓴᓂᒃ ᐃᓅᖃᑎᒌᓄᓪᓗ ᐱᕚᓪᓕᕈᑎᒃᓴᓂᒃ. ᐆᒻᒪᖅᑯᑎᑐᙱᓐᓂᖅᓴᓂᒃ ᐊᖅᑯᑎᑦ ᓴᓂᕋᖏᓐᓂ ᐃᑯᒪᑦ ᐱᖃᖅᑐᑦ ᐊᑯᓂᐅᔪᒃᑯᑦ ᐱᕚᓪᓕᕈᑎᒃᓴᓂᒃ ᓲᕐᓗ ᒥᒃᖠᒋᐊᕐᓗᓂ ᐆᒻᒪᖅᑯᑎᓄᑦ ᐊᑐᕐᓃᑦ ᐃᒪᓐᓇᒻᒪᕆᖕᒧᑦ 30%, ᐊᑐᓗᐊᙱᓐᓃᑦ ᐊᐅᓚᑕᒃᓴᓄᑦ ᓴᓇᔭᕆᐊᓕᖏᓐᓄᓪᓗ ᐊᑭᖏᓐᓂ ᐊᑐᕈᓐᓇᕐᓂᖏᓐᓄᑦ ᐊᑯᓂᐅᑎᒋᓂᖓᒍᑦ ᑕᓪᓕᒪᐃᓪᓗᐊᕐᓂᖅᓴᒥᒃ ᐊᑐᖅᑕᐅᒐᔪᒃᑐᒥᒃ ᐊᖅᑯᑎᑦ ᓴᓂᕋᖏᓐᓂ ᐃᑯᒪᓂᑦ, ᐱᐅᓯᒋᐊᕐᓗᒍᓗ ᐃᑯᒪᓄᑦ ᐊᑐᕐᓂᖃᕐᓂᖓ ᐊᖅᑯᑎᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᓕᖓᓂᖏᓐᓄᑦ.