ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᖃᖅᑐᖅ ᐅᖅᓱᐊᓗᖕᒥᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᓂᒃ ᑮᓇᐅᔭᓂᒃ. ᐱᔾᔪᑎᖓ ᐅᖅᓱᐊᓗᖕᒥᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᓂᒃ ᑮᓇᐅᔭᓂᒃ ᐊᑭᖏᑦ ᐊᔾᔨᒌᙱᓐᓂᖏᓐᓂ ᓴᖅᑭᖃᑦᑕᖅᑐᓂᑦ ᖃᐅᔨᒪᔾᔪᑎᒃᓴᓂᒃ ᐊᑭᖏᓐᓂᑦ ᐊᑭᖏᓐᓂᓪᓗ ᐊᑐᖅᑕᐅᖃᑦᑕᖅᑐᑦ ᐅᖅᓱᐊᓗᐃᑦ ᐋᖅᑭᒃᑕᐅᖃᑦᑕᖅᑐᑦ ᒫᓐᓇᐅᔪᖅ ᐆᒻᒪᖅᑯᑏᑦ ᐊᑭᖏᑦ ᓄᓇᕗᒻᒥ.
ᐆᒻᒪᖅᑯᑎᓕᕆᔨᒃᑯᑦ ᐱᓇᓱᐊᕆᐊᖃᖅᑐᑦ ᒥᓂᔅᑕᒧᑦ ᑲᒪᒋᔭᖃᖅᑐᒧᑦ ᐆᒻᒪᖅᑯᑎᓕᕆᔨᒃᑯᑦ ᐅᖅᓱᐊᓘᑉ ᓱᕐᕋᔾᔭᐃᒃᑯᑎᖓᓄᑦ ᖃᖓᑐᐃᓐᓇᑦᑎᐊᖅ ᐅᖅᓱᐊᓗᖕᒥᑦ ᓱᕐᕋᔾᔭᐃᒃᑯᑎᒧᑦ ᐊᑭᖏᓐᓄᑦ ᑮᓇᐅᔭᐃᑦ ᓂᕆᐅᒋᔭᐅᔪᑦ ᖄᖏᐅᑎᓂᐊᕋᓱᒋᔭᐅᒃᐸᑕ ᑭᒡᓕᒋᔭᖓᓂ ᐃᓚᒋᐊᒃᑲᓐᓂᕐᓗᑎᒃ ᒥᑭᓪᓕᒋᐊᕐᓗᑎᓪᓘᓐᓃᑦ $1−ᒥᓕᐊᓂᒃ ᑕᖅᑮᑦ ᐱᖓᓲᔪᖅᑐᑦ (6) ᐊᑐᖅᑎᓪᓗᒋᑦ.
ᐊᑭᓕᖅᓱᐃᔨᑦ ᐅᖃᓗᖁᔭᐅᔪᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᐊᑐᖅᑎᓄᑦ ᐅᖃᓗᒡᕕᖕᒧᑦ ᐅᖃᓘᑎᖓ ᓈᓴᐅᑎᖃᖅᑐᖅ 1-866-710-4200 ᐃᕐᖐᓐᓈᕈᑎᒃᑯᓪᓘᓐᓃᑦ customercare@qec.nu.ca ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᓂᒃᓘᓐᓃᑦ ᐊᑭᓕᒃᓴᖃᕐᕕᖕᓄᑦ ᑕᖅᑭᑕᒫᖅᓯᐅᑦ ᐊᑭᓕᒐᒃᓴᓄᓪᓘᓐᓃᑦ.
ᐅᖅᓱᐊᓗᖕᒧᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎ
ᐅᖅᓱᐊᓘᑉ ᐊᑭᖏᓐᓄᑦ - ᓱᕐᕋᔾᔭᐃᒃᑯᑎᒧᑦ ᑐᒃᓯᕋᐅᑦ 2024
ᐅᖅᓱᐊᓘᑉ ᐊᑭᖏᓐᓄᑦ - ᓱᕐᕋᔾᔭᐃᒃᑯᑎᒧᑦ ᑐᒃᓯᕋᐅᑦ 2023
ᐅᖅᓱᐊᓗᖕᒧᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᒧᑦ ᑐᒃᓯᕋᐅᑦ
ᐊᐱᖅᑯᑕᐅᒐᔪᒃᑐᑦ
ᑭᓲᖕᒪᑦ ᐅᕐᓲᑉ ᐊᑭᖓᓄᑦ ᓱᕐᕋᔾᔭᐃᒃᑯᑖ?
ᐊᑭᓕᒐᒃᓴᒃᑲᓐᓂᐅᕗᖅ ᐅᕝᕙᓘᓐᓃᑦ ᐊᑭᓕᒃᓴᖅᑖᕈᑕᐅᒃᑲᓐᓂᖅᖢᓂ ᐊᑭᖓ/ᑎᑦᑕᑯᓗᐃᑦ ᐃᑲᕐᕋᑦ ᑐᕌᖓᑎᑕᐅᓪᓗᓂ ᐅᖅᓱᐊᓘᑉ ᐊᑭᖓ ᐊᓯᔾᔨᖅᑐᕕᓂᐅᓐᓂᖅᐸᑦ ᓈᒻᒪᒃᓯᒋᐊᕈᑎᐅᓪᓗᓂ.
ᑭᓲᖕᒪᑦ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎᒧᑦ ᑮᓇᐅᔭᖃᕐᕕᒃ?
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᖃᖅᑐᖅ ᐃᖏᕐᕋᑎᑕᐅᓂᖓᓂᒃ ᐅᖅᓱᐊᓗᖕᒥᑦ ᐊᑭᖏᓐᓄᑦ ᓱᕐᕋᔾᔭᐃᒃᑯᑎᓂᒃ ᑮᓇᐅᔭᓂᒃ. ᓱᕐᕋᔾᔭᐃᒃᑯᑎᒧᑦ ᑮᓇᐅᔭᖃᕐᕕᒃ ᑐᕌᒐᖃᖅᑐᖅ ᐊᔾᔨᒌᙱᓐᓂᐅᔪᓂᒃ ᖃᐅᔨᒪᔭᖃᕐᓂᕐᒥᒃ ᖃᐅᒻᒪᖁᑏᑦ ᐊᑭᓕᖅᓲᑎᖏᓐᓂᒃ ᐊᑐᖅᑎᓄᑦ ᐊᑭᓕᖅᓱᖅᑕᐅᕙᒃᑐᓂᒃ ᓴᓂᐊᓂᓗ ᖁᓪᓕᒃᑯᑦ ᐊᑭᓕᖅᓱᓲᕆᔭᖓ ᐅᖅᓱᐊᓗᖕᓄᑦ.
ᑭᓲᖕᒪᑦ ᐅᕐᓲᑉ ᐊᑭᖏᓐᓂᑦ ᓱᕐᕋᔾᔭᐃᒃᑯᑎᒧᑦ ᑐᒃᓯᕋᐅᑦ?
ᐅᕐᓲᑉ ᐊᑭᖓᓄᑦ ᓱᕐᕋᔾᔭᐃᒃᑯᑎᒧᑦ ᑐᒃᓯᕋᐅᑦ ᑐᒃᓯᕋᐅᑕᐅᓲᖅ ᐊᑭᓕᖁᔭᐅᔾᔪᑎᒥᒃ ᐊᑮᑦᑐᖅᑖᕈᑎᖔᕐᒥᒡᓘᓃᑦ ᖃᐅᒻᒪᖁᑏᑦ ᐊᑭᖏᑦ ᒪᓕᒃᑕᐅᓪᓗᑎᒃ ᑕᕝᕙᓃᑐᑦ ᑮᓇᐅᔭᖃᕐᕕᖕᒥ. ᐅᖅᓲᑉ ᐊᑭᖏᓐᓂᒃ ᓱᕐᕋᔾᔭᐃᒃᑯᑎᑖᕋᓲᑎ ᑐᒃᓯᕋᐅᑦ ᑐᓂᔭᐅᓲᖑᓪᓗᓂ ᒥᓂᔅᑕᒧᑦ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖃᖓᒃᑯᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓂᓯᔭᕆᐊᖃᖅᐸᑦ ᐅᕐᓲᑉ ᐊᑭᖏᓐᓂᒃ ᓱᕐᕋᔾᔭᐃᒃᑯᑎᒧᑦ ᐊᑭᖏᓐᓄᑦ ᑐᒃᓯᕋᐅᑎᒥᒃ?
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓚᐅᑦᑖᖃᑦᑕᖅᑐᑦ ᖃᔅᓯᐅᓪᓗᐊᖅᑐᓂᒃ ᑕᖅᑭᑦ ᐊᕐᕕᓂᓕᑦ ᓈᑐᐊᕌᖓᑕ. ᖃᔅᓯᐅᓂᖓ ᐅᖓᑖᓅᖅᐸᑦ ᑮᓇᐅᔭᖃᕐᕕᖕᒦᑐᖅ $1 ᒥᓕᐊᓐ ᐊᒥᐊᒃᑰᒐᓗᐊᕈᓂ ᐊᑮᑦᑑᖔᕋᓗᐊᕈᓂᓘᓃᑦ, ᐊᑭᖏᓐᓄᑦ ᓱᕐᕋᔾᔭᐃᒃᑯᑎ ᐊᑭᓖᔭᕆᐊᖃᓕᓲᖅ ᐅᕝᕙᓘᓃᑦ ᐅᑎᖅᑎᕝᕕᐅᓗᓂ ᑕᐃᒃᑯᐊ ᓇᓚᐅᑦᑖᕈᑕᐅᓚᐅᖅᓯᒪᔪᑦ 0−ᒥᒃ ᓇᐃᓴᖅᓯᒪᓕᒃᑲᓐᓂᕐᓂᐊᕐᒪᑦ.
ᐅᖅᓱᐊᓗᒻᒧᑦ ᐊᑭᖏᑦ ᓱᕐᕋᔭᐃᒃᑯᑎᒧᑦ ᑐᔅᓯᕋᐅᑎᓕᐅᕐᓗᓂ ᖃᓄᐃᓕᐅᕆᐊᖃᐸᑦ?
ᐊᑐᐊᒐᖏᑦ ᐅᖅᓱᐊᓗᒻᒧᑦ ᐊᑭᖏᑦ ᓱᕐᕋᔭᐃᒃᑯᑎᒧᑦ ᑐᔅᓯᕋᐅᑎᒧᑦ ᐅᑯᐊᖑᔪᑦ:
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓂᓯᖃᑦᑕᖅᑐᑦ ᑐᒃᓯᕋᐅᑎᒥᒃ ᒥᓂᔅᑕᒧᑦ ᑲᒪᒋᔭᓕᖕᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ ᐊᖏᖅᑕᐅᖁᔨᓪᓗᑎᒃ ᐊᑭᑦᑐᕆᐊᕈᑎᒥᒃ ᐅᕝᕙᓘᓃᑦ ᐅᑎᖅᑎᑕᐅᔾᔪᑎᒥᒃ;
ᒥᓂᔅᑕ ᑲᒪᒋᔭᓕᒃ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᒃ ᐅᖅᓱᐊᓗᖕᒧᑦ ᐊᑭᖏᑦ ᓱᕐᕋᔭᐃᒃᑯᑎᒧᑦ ᑐᒃᓯᕋᐅᑎᓕᐊᖑᓯᒪᔪᑦ ᑐᓂᕙᖕᒥᔭᖏᑦ ᐆᒻᒪᖅᑯᑏᑦ ᐊᑭᖏᓐᓂᑦ ᕿᒥᕐᔩᑦ ᑲᑎᒪᔨᖏᓐᓄᑦ (URRC) ᕿᒥᕐᕈᔭᐅᖁᓪᓗᒋᑦ ᐊᒻᒪ ᐊᑐᓕᖁᔭᒥᓂᒃ ᓇᓗᓇᐃᕐᓗᑎᒃ;
- ᕿᒥᕐᕈᑎᓪᓗᒋᑦ ᑐᒃᓯᕋᐅᒻᒥᒃ, ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᑐᓴᖃᑦᑕᕐᓂᐊᕐᒥᔪᑦ ᐃᓄᐃᑦ ᐃᓱᒪᒋᔭᖏᓐᓂᒃ;
- ᕿᒥᕐᕈᓂᖅ ᐱᔭᕇᖅᐸᑦ, ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕈᕐᔩᑦ ᑲᑎᒪᔨᖏᑦ ᑕᐃᒪ ᐅᓂᒃᑳᓕᕋᔭᖅᐳᑦ ᐊᑐᓕᖁᔭᒥᖕᓂᒃ ᑐᒃᓯᕋᐅᑕᐅᑉ ᒥᒃᓵᓄᑦ ᑖᓱᒧᖓ ᒥᓂᔅᑕᒧᑦ ᖁᓪᓕᒃᑯᓐᓂ ᑲᒪᒋᔭᖃᖅᑐᒧᑦ; ᐊᒻᒪ
ᒥᓂᔅᑕ, ᑐᓴᕐᕕᖃᓚᐅᖅᑎᓪᓗᒍ ᒥᓂᔅᑕᐃᑦ ᑲᑎᒪᔨᖏᓐᓂᒃ, ᖃᓄᐃᓕᐅᖁᔭᖏᓐᓂᒃ ᖁᓪᓕᒃᑯᓐᓄᑦ ᑎᓕᓯᓇᔭᖅᑐᖅ.
ᐊᑭᓕᖅᓱᐃᓲᑦ ᐊᑐᖅᑐᐊᖅᑏᑦ ᐃᓪᓗᓕᕆᔨᒃᑯᓐᓂ ᑕᒪᑐᒥᖓ ᐊᑭᓕᐅᑎᒥᒃ ᐅᑎᖅᑎᑕᐅᔾᔪᑎᒥᒡᓘᓃᑦ ᐱᖃᑕᐅᖃᑦᑕᕐᓂᐊᖅᐸᑦ?
ᐅᖅᓲᑉ ᐊᑭᖏᓐᓄᑦ ᓱᕐᕋᔾᔭᐃᒃᑯᑎ ᐃᒡᓗᓕᕆᔨᒃᑯᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓃᑐᓄᑦ ᐊᑐᙱᑦᑐᖅ. ᐊᑐᖅᑐᖅᐊᖅᑐᓕᒫᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖏᓐᓂᑦ ᐊᑖᓃᑦᑐᑦ ᐊᑐᖅᑎᒧᑦ ᐊᑭᓕᐅᑏᑦ ᐆᒻᒪᖅᑯᑎᓄᑦ ᐱᓕᕆᐊᖓᑎᒍᑦ ᐊᑭᓖᖏᓐᓇᕐᓂᐊᖅᑐᑦ 6-ᓴᓐᔅ-ᑎᒍᑦ ᐃᑲᕐᕋᖅ ᐊᑕᐅᓯᖅ ᑕᖅᑭᑕᒫᑦ ᐆᒻᒪᖅᑯᑎᑐᕈᑎᒋᖃᑦᑕᖅᑕᖏᓐᓂᑦ.
ᐅᖅᓱᐊᓘᑉ ᐊᑭᖏᓐᓄᑦ ᓱᕐᕋᔾᔭᐃᒃᑯᑎ ᐃᑲᔫᑎᑎᒍᑦ ᐱᓕᕆᐊᖑᒋᕙ ᓄᓇᕗᑦ ᐅᒻᒪᖅᑯᑎᓄᑦ ᐃᑲᔫᓯᐊᓄᑦ ᐱᓕᕆᐊᒃᓴᑎᒍᑦ?
ᐅᕐᓲᑉ ᐊᑭᖓᓄᑦ ᓱᕐᕋᔾᔭᐃᒃᑯᑎ ᐃᑲᔫᓯᐊᖅᐸᙱᑦᑐᑦ. ᐊᑭᓕᖅᓱᐃᖃᑦᑕᖅᑐᑦ ᑕᕝᕘᓇ ᓄᓇᕗᒻᒥ ᐆᒻᒪᖅᑯᑎᓄᑦ ᐃᑲᔫᓯᐊᑎᒍᑦ ᐊᑭᓖᔭᕆᐊᓕᖏᓐᓂᒃ ᖃᔅᓯᐅᓂᖓ ᓇᓗᓇᐃᖅᓯᒪᓲᖅ ᐅᕝᕙᓘᓃᑦ ᐃᒻᒥᑯᑦ ᐊᑭᓕᖅᓲᑕᐅᕙᒃᐳᖅ ᑕᖅᑭᑕᒫᖅᓯᐅᑎᑎᒍᑦ.