Latest News

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑐᓂᓯᓯᒪᓕᖅᑐᑦ ᐆᒻᒪᖅᑯᑎᑦ ᐊᑭᖏᓐᓂᒃ ᐊᑭᑦᑐᕆᐊᖁᔨᓂᕐᒧᑦ ᑐᒃᓯᕋᐅᒻᒥᒃ ᑐᒃᓯᕋᖅᖢᑎᒃ ᐆᒻᒪᖅᑯᑎᑦ ᐊᑭᖏᓐᓂᒃ ᐊᓯᔾᔩᖁᔨᔪᓂᒃ, ᐊᐃᕆᓕ 1, 2025-ᒥ ᐱᒋᐊᕐᓗᓂ. ᐱᓇᔫᑎ ᑐᓐᓂᖅᑯᑕᐅᓚᐅᖅᐳᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ, ᖃᐅᔨᓇᓱᒋᐊᖃᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᖃᓄᐃᓕᐅᖁᔭᐅᖕᒪᖔᑕ.

ᑐᒃᓯᕋᐅᑦ ᕿᓂᖅᐳᖅ ᖃᔅᓯᑐᖅᑎᑕᐅᔪᓂᒃ ᐅᓄᖅᓯᒋᐊᖅᑕᐅᔪᓂᒃ ᐊᖑᒻᒪᑎᔪᒪᓂᕐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᑮᓇᐅᔭᓄᑦ ᐱᔭᐅᕙᓪᓕᐊᔭᕆᐊᓕᖕᓄᑦ 2025–2026−ᒧᑦ. ᐊᔾᔨᒌᙱᓐᓂᖏᓐᓄᑦ ᐊᑭᓕᖅᓱᐃᕙᒃᑐᑦ ᓇᓗᓇᐃᖅᑕᐅᓂᖏᑦ ᐊᒻᒪ ᐃᑲᔫᓯᐊᑦ ᐊᑐᐃᓐᓇᐅᔪᑦ ᓄᓇᕗᒻᒥᐅᓄᑦ, ᐃᓛᒃᑯᑦ ᐆᒻᒪᖅᑯᑎᓄᑦ ᐊᑭᓕᒐᒃᓴᐃᑦ ᐊᒃᑐᐃᓂᖏᑦ ᐊᔾᔨᒌᔾᔮᙱᑦᑐᑦ.

ᐱᓇᔫᑎᐅᑉ ᐃᓗᓕᓪᓗᐊᑕᖏᑦ ᐅᑯᐊᖑᕗᑦ:
• ᑕᖅᑭᑕᒫᑦ ᐱᔨᑦᑎᕋᕐᓂᕐᒧᑦ ᐊᑭᓕᒐᒃᓴᓄᑦ ᐋᖅᑭᒋᐊᖅᑕᐅᔪᑦ:
o ᐊᖏᕐᕋᖃᖅᑎᐅᔪᖅ ᓂᐅᕕᖅᐸᒃᑐᖅ: ᐅᓄᖅᓯᒋᐊᖅᓯᒪᔪᑦ $18−ᒥᑦ $36-ᒧᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᑐᓴᖅᑎᑦᑎᔪᒪᕗᑦ ᑭᒃᑯᑐᐃᓐᓇᓂᒃ ᐊᑭᓕᖅᓱᐃᔨᓄᑦ ᑲᒪᒋᔭᐅᕙᒃᑐᑦ ᑎᑎᕋᕐᕕᖓ ᐃᖃᓗᖕᓂ ᒪᑐᓯᓚᐅᑲᓛᕐᒪᑦ ᓅᕕᐱᕆ 26-ᒥ ᑎᓯᐱᕆ 2, 2024−ᒧᑦ ᐃᖅᑲᓇᐃᔭᖅᑎᑦ ᓂᑭᑦᑖᖃᑦᑕᕐᓂᖏᓐᓄᑦ.

ᐊᑭᓕᖅᓱᐃᔨᓄᑦ ᐱᔨᑦᑎᕋᐅᑎᑦ ᐅᖃᓗᒡᕕᐅᔪᓐᓇᖅᑐᑦ ᐊᑭᓕᖅᓱᐃᔨᓄᑦ ᐅᖃᓗᒡᕕᒃᑯᑦ ᖃᒪᓂ'ᑐᐊᕐᒥ:  867-793-4200 
ᐅᕝᕙᓘᓐᓃᑦ 1-866-710-4200 ᐃᕐᖐᓐᓇᒃᑰᕈᑎᒃᑯᓪᓗ: customercare@qec.nu.ca. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᑭᓕᖅᓱᐃᔨᓂᑦ ᑐᓴᖁᔨᕗᑦ ᑲᓇᑕᒥ ᑎᑎᖅᑲᕐᓂᐊᕐᕕᓕᕆᔨᑦ ᓄᖅᑲᖓᐃᓐᓇᕐᓂᖏᓐᓄᑦ ᑕᖅᑭᑕᒫᖅ ᐆᒻᒪᖅᑯᑎᓄᑦ ᐊᑭᓕᒐᒃᓴᖅᑖᕆᔭᐅᕙᒃᑐᑦ ᑭᖑᕙᕆᐊᖅᑕᐅᑐᐃᓐᓇᕆᐊᖃᖅᐳᑦ. ᐊᑭᓕᖅᓱᐃᔨᑦ ᐱᔪᓐᓇᑦᑎᐊᖁᓪᓗᒋᑦ ᐊᑭᓕᒃᓴᖏᓐᓂᒃ ᑭᖑᕙᙱᓪᓗᑎᒃ ᐊᒻᒪ ᐊᑲᐅᙱᓪᓕᐅᕈᑎᖃᙱᓪᓗᑎᒃ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐅᑯᓂᖓ ᖃᓄᖅᑑᖁᔨᕗᑦ:

1. ᐊᑎᓕᐅᕆᑦ ᖃᕆᓴᐅᔭᒃᑯᑦ ᐊᑭᓕᒐᒃᓴᒧᑦ | ᐊᒥᐊᒃᑯᖏᑦ ᐱᓗᒋᑦ | ᐅᖄᓚᐅᑎᒃᑯᑦ ᐊᑭᓖᓗᑎᑦ

• ᖃᐅᔨᒋᐊᕐᕕᒋᓗᒍ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᑭᓕᖅᑐᐃᖃᑦᑕᖅᑐᓄᑦ ᐅᖄᓚᕕᖓ

ᖃᒪᓂ'ᑐᐊᕐᒥᑦ ᐅᕗᖓ 867-793-4200 ᐅᕝᕙᓘᓐᓃᑦ ᐊᑭᖃᙱᑦᑐᒃᑯᑦ 1-866-710-4200.

• ᐃᕐᖐᓐᓈᖅᑕᐅᒃᑯᓪᓘᓐᓃᑦ ᑎᑎᕋᕈᓐᓇᖅᑐᑎᑦ ᐅᕗᖓ customercare@qec.nu.ca.

2. ᐊᑭᓖᓗᑎᑦ ᖃᕆᓴᐅᔭᒃᑯᑦ ᑮᓇᐅᔭᒃᑯᕕᒃᑎᒍᑦ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 19, 2024)—ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓯᕗᒻᒧᐊᒃᐸᓪᓕᐊᕗᑦ ᐱᓕᕆᐊᖃᓪᓚᕆᒍᒪᓂᕐᒥᓄᑦ ᓴᙱᒃᑎᒋᐊᖅᑎᑦᑎᔪᒪᓪᓗᑎᒃ ᓄᑖᙳᕆᐊᖅᑎᑦᑎᔪᒪᓪᓗᑎᒡᓗ ᐆᒻᒪᖅᑯᒻᒧᑦ ᓇᑉᐸᖅᑎᖅᑕᐅᓯᒪᔪᓂᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᑐᓂᓯᓪᓗᑎᒃ ᓴᓇᓂᕐᒧᑦ ᐊᖏᖃᑎᒌᒍᑕᐅᔪᓂᒃ ᐆᒻᒪᖅᑯᑎᖃᕐᕕᖕᓂᒃ ᐃᓇᖏᖅᓯᓂᕐᒧᑦ ᐱᓕᕆᐊᖑᔪᓂᒃ ADCO Power−ᑯᓐᓄᑦ ᐃᖃᓗᒃᑑᑦᑎᐊᒥᐅᓄᑦ ᐱᓕᑕᖅ ᓇᖕᒥᓂᕆᔭᖏᓐᓄᑦ ᐃᒡᓗᓕᖕᒥᓗ. ᐱᕙᓪᓕᐊᓂᖓ ᑖᒃᑯᐊ ᐱᓕᕆᐊᒃᓴᑦ ᓇᓗᓇᐃᖅᓯᕗᑦ ᐱᔭᕆᐊᖃᖅᑐᒥᒃ ᐊᓪᓗᕆᐊᕈᑎᒥᒃ ᐱᖁᓪᓗᒍ ᑕᑎᒋᔭᒃᓴᐅᔪᒥᒃ ᐆᒻᒪᖅᑯᑎᒥᒃ ᓄᓇᓕᑦᑎᓐᓄᑦ, ᐃᓚᓕᐅᔾᔨᓂᖅ ᐱᐅᓯᒋᐊᖅᓯᒪᔪᓂᒃ ᖃᕆᑕᐅᔭᓕᕆᔾᔪᑎᓂᒃ ᐱᐅᓯᒋᐊᕐᓗᒍ ᐊᑦᑕᕐᓇᖅᑕᐃᓕᒪᓂᖅ, ᐃᑲᔪᖅᓱᕐᓗᒋᓪᓗ ᐃᓚᓕᐅᔾᔨᓂᖅ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓂᒃ ᓯᕗᓂᑦᑎᓐᓂ.

ᐃᖃᓗᐃᑦ, ᓄᓇᕗᑦ (ᐅᑐᐱᕆ 18, 2024) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ (QEC) ᐱᓇᔪᓚᐅᖅᐳᑦ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎᒥᑦ 1.35−¢/kWh−ᒥᑦ ᐅᑐᐱᕆ 1, 2024−ᒥᑦ, ᒫᑦᓯ 31, 2025−ᒧᑦ. ᐱᓇᔫᑎ ᑐᓐᓂᖅᑯᑕᐅᓚᐅᖅᐳᖅ ᔮᓐ ᒪᐃᓐᒧᑦ, ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓄᑦ, ᐊᑐᓕᖁᔭᐅᔪᓂᒃ ᖃᐅᔨᓇᓱᒋᐊᖃᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ.

"ᐊᑲᐅᑦᑎᐊᖅᐳᖅ ᑕᑯᓪᓗᓂ ᐅᖅᓱᐊᓗᖕᒧᑦ ᓱᕐᕋᔾᔭᐃᒃᑯᑎ ᐊᑐᖅᑕᐅᓚᐅᖅᑐᖅ ᓯᑎᐱᕆ 30−ᒧᑦ ᑎᑭᖦᖢᒍ ᑲᑕᒋᐊᖅᓯᒪᖕᒪᑦ 3.70−¢−ᒥᑦ/kWh 2024−ᒥᑦ 1.35−¢−ᒧᑦ/kWh," ᒥᓂᔅᑕ ᒪᐃᓐ ᐅᖃᖅᐳᖅ. "ᐅᑭᐅᙳᖅᐸᓪᓕᐊᓕᖅᑎᓪᓗᒍ, ᑖᓐᓇ ᒥᒃᖠᒋᐊᖅᑐᖅ ᐃᑲᔪᕐᓂᐊᖅᐳᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᑭᓕᖅᓱᐃᕙᒃᑐᓄᑦ."

ᓯᑎᐱᕆ 24, ᑲᖏᖅᖠᓂᖅ, ᓄᓇᕗᑦ − ᓄᑭᒃ ᑯᐊᐳᕇᓴᓐ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᓕᐊᓇᐃᒍᓱᒃᐴᒃ ᑐᓴᖅᑎᑦᑎᔪᓐᓇᕐᒪᑕ ᐊᑎᓕᐅᖅᑕᐅᓂᖓᓂᒃ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ (MOU) ᑲᒻᐸᓂᐅᔫᒃ ᐱᓕᕆᖃᑎᒌᖕᓂᐊᖅᖢᑎᒃ ᓯᕗᒻᒧᐊᒃᑎᑦᑎᓗᑎᒃ ᐸᕐᓇᐅᑎᓂᒃ ᐊᒻᒪ ᓴᖅᑭᑕᐅᕙᓪᓕᐊᔪᓂᒃ ᑕᑎᒋᔭᒃᓴᐅᔪᓂᒃ, ᓱᕈᖅᑎᕆᓗᐊᙱᑦᑐᓂᒃ ᐆᒻᒪᖅᑯᑎᑐᓗᐊᕐᓇᙱᑦᑐᓂᒃ ᑭᕙᓪᓕᕐᒥ ᓄᓇᕗᒻᒥ. ᐅᓇ ᐊᖏᕈᑎ ᑭᒡᒐᖅᑐᐃᕗᖅ ᐱᒻᒪᕆᐊᒃᑯᑦ ᓄᓇᓕᖕᓂᑦ ᓯᕗᓕᖅᑎᑦ ᑲᑎᑉᐸᓪᓕᐊᓂᖏᓐᓂᒃ ᓴᙱᓂᖅᓴᒥᒃ ᓯᕗᓂᒃᓴᓕᐅᕈᒪᓪᓗᑎᒃ ᑭᕙᓪᓕᕐᒧᑦ.

ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 3, 2024) – ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᓇᔪᓚᐅᖅᐳᑦ ᐅᖅᓱᐊᓗᖕᒧᑦ ᐊᑭᓕᖅᓱᖅᑕᐅᓂᕐᒧᑦ 3.70 ᓴᓐᔅ-ᒧᑦ ᐊᑕᐅᓯᕐᒧᑦ ᑭᓗᕚᑦ ᐃᑲᕐᕋᒧᑦ ᐊᐃᕆᓕ 1-ᒥᑦ ᓯᑎᐱᕆ 30, 2024-ᒧᑦ. ᐱᓇᔫᑦ ᑐᓐᓂᖅᑯᑕᐅᓚᐅᖅᐳᖅ ᒪᓕᒐᓕᐅᖅᑎ ᔮᓐ ᒪᐃᓐᒧᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕ ᑲᒪᒋᔭᓕᒃ, ᐱᖁᔨᕗᖔᓕᐊᕆᔭᐅᔪᓂᒃ ᕿᓂᕐᓂᐊᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ.

"ᑐᒃᓯᕋᐅᑕᐅᔪᖅ ᐅᖅᓱᐊᓗᖕᒧᑦ ᐊᑭᖏᓐᓄᑦ ᐊᒃᑐᐊᓂᖃᖅᐳᖅ ᐊᑭᑦᑐᕆᐊᖅᑐᓄᑦ ᓄᓇᕘᒥ ᐅᖅᓱᐊᓗᖕᒧᑦ ᐊᑭᖏᓐᓄᑦ ᔭᓄᐊᕆᒥ ᐅᖃᐅᓯᐅᓚᐅᖅᑐᖅ," ᐅᖃᓚᐅᖅᐳᖅ ᒪᐃᓐ.

ᐅᖅᓱᐊᓗᖕᒧᑦ ᐊᑭᖓ ᐊᑭᓕᒃᑲᓐᓂᕆᐊᖃᓲᖑᕗᖅ ᐅᕝᕙᓘᓐᓃᑦ ᐊᑭᓕᖅᓱᖅᑕᐅᔪᓄᑦ ᐅᑎᖅᑎᒐᒃᓴᐅᓲᖑᕗᖅ ᐊᑭᓕᖅᓱᐃᔨᑦ ᐊᑭᓕᒐᒃᓴᖏᓐᓂᒃ ᑕᑯᒃᓴᐅᑎᑦᑎᔭᕆᐊᖃᖅᑐᖅ ᐊᔾᔨᒌᙱᓐᓂᖓᓂ ᐅᖅᓱᐊᓘᑉ ᐊᑭᖓ ᐆᒻᒪᖅᑯᑎᑐᕈᓯᑦ ᐊᑭᖏᓐᓂᒃ ᐊᑭᓪᓚᑦᑖᖓᓗ ᐊᑭᓕᖅᓱᖅᑕᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᖏᖅᖠᓂᕐᒥᐅᓂᒃ ᐅᖃᐅᔾᔨᔪᒪᕗᑦ ᐆᒻᒪᖅᑯᑎᒥᒃ ᐊᑐᓗᐊᖅᑕᐃᓕᒪᖁᓪᓗᒋᑦ ᐱᓇᓱᐊᕈᓰᖕᓂ ᒪᕐᕉᖕᓂᒃ. ᑐᐊᕕᕐᓇᖅᑐᒃᑯᑦ ᐊᐅᓚᐅᑎᖏᑦ ᓴᓇᔭᐅᕗᑦ ᑲᖏᖅᖠᓂᕐᒥᐅᓄᓪᓗ ᐃᑲᔪᖅᑕᐅᔪᒪᕗᒍᑦ ᐆᒻᒪᖅᑯᑎᖃᕈᓐᓇᑦᑎᐊᖁᓪᓗᒋᑦ ᓴᓇᔭᐅᑎᓪᓗᒋᑦ.

ᐅᑯᐊ ᐆᒻᒪᖁᑎᒥᒃ ᐱᐅᖅᓱᐊᕈᑕᐅᔪᓐᓇᖅᑐᑦ ᐅᖅᑰᓯᒋᐊᕈᑎᑦ 20 degrees C−ᒥ ᐆᓇᕐᓂᖃᖅᑎᑉᐸᒡᓗᒍ ᐊᒻᒪ ᐅᑯᐊᑐᐊᖅ ᐃᒡᓗᒥᐅᑕᐃᑦ ᑲᑉᐳᔾᔭᖅᑐᒨᖅᑐᑦ ᐊᑐᖅᐸᒡᓗᒋᑦ (ᐃᒐ, ᐊᓐᓄᕌᓄᑦ ᐅᐊᓴᕐᕕᒃ ᐊᒻᒪ ᐸᓂᖅᓰᕕᒃ) 7−ᒥᙶᓕᕌᖓᑦ ᐅᓐᓄᒃᑯᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᖏᖅᖠᓂᕐᒥᐅᑕᓂᒃ ᖁᔭᓕᕗᑦ ᑐᑭᓯᐅᒪᑦᑎᐊᕐᒪᑕ ᒪᒥᐊᑉᐳᓪᓗ ᐊᑲᐅᙱᓕᐅᕈᑎᖃᖅᑎᑦᑎᓐᓂᕈᑎᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓇᑖᓕᐊ ᑯᕈᑦᑯᕙ
ᐊᐅᓚᑦᑎᔨ, ᐆᒻᒪᖅᑯᑎᓕᕆᔨᒃᑯᑦ ᑐᓴᒐᒃᓴᓕᕆᔨᖏᓐᓄᑦ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ
(867) 979-7524
nkorochkova@qec.nu.ca

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖃᐅᔨᒃᑲᐃᒍᒪᔪᑦ ᐃᖃᓗᒻᒥᐅᓂᑦ ᐊᖏᔪᒥᑦ ᐊᐅᓚᐅᑎᒥᑦ ᐅᓯᔭᐅᒋᐊᖃᕐᓂᖓᓄᑦ ᐃᖃᓗᐃᑦ ᐃᑎᔪᒥᑦ ᑐᓚᑦᑕᕐᕕᒻᒥᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐆᒻᒪᖅᑯᑎᖃᕐᕕᒻᒧᑦ.

ᐊᑦᑕᕐᓇᙱᑦᑐᒃᑯᑦ ᐊᐅᓚᐅᑎᑦ ᐃᖏᕐᕋᓯᔾᔭᐅᓛᖅᑐᑦ ᐊᐃᑉᐹ, ᐅᑐᐱᕆ 25, 9:00pm -ᕿᑎᖅᑰ 26, 6:00am, ᓄᓇᓖᑦ ᖃᐅᔨᓴᐅᑎᖓ ᒪᓕᒡᓗᒍ.

ᑕᒪᓐᓇ ᓇᒧᙵᐅᕙᓪᓕᐊᓂᕆᔭᐅᔪᖅ ᐊᔭᖅᑭᑎᑦᑎᓂᐊᖅᐳᖅ ᓇᒧᙵᐅᕙᓪᓕᐊᓂᕆᔭᐅᕙᒃᑐᓂᒃ ᓇᓗᓇᐃᖅᑕᐅᓯᒪᔪᓂ ᐃᓂᓂ ᐊᖅᑯᑎᐅᑉ ᓄᓇᙳᐊᖓᓂ ᐊᑖᓂ. ᓄᓇᓯᐅᑎᑦ ᐊᓯᐊᒍᖔᖅ ᐊᖅᑯᑎᒃᑰᕆᐊᖃᑐᐃᓐᓇᕆᐊᓖᑦ ᒫᓐᓇᐅᔪᖅ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᕗᑦ ᓄᓇᓕᖕᒥᐅᓂᑦ ᑐᑭᓯᐅᒪᑦᑎᐊᕐᓂᖏᓐᓄᑦ ᒪᒥᐊᑉᐳᓪᓗ ᐊᑲᐅᙱᓪᓕᐅᖅᑎᑦᑎᓐᓂᕈᑎᒃ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐱᐱ ᐱᓗᑑ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca

ᓄᓇᓕᖕᓂ ᓂᕈᐊᕐᓂᓕᕆᕙᓪᓕᐊᑎᓪᓗᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᑎᑦᑎᔪᒪᕗᑦ ᓄᓇᕗᒻᒥᐅᓂᒃ ᐊᑭᓐᓇᕐᒥᐅᑕᓂᒃ ᐃᓕᔭᐅᖃᑦᑕᖁᔨᙱᖦᖢᑎᒃ ᖃᐅᔨᒃᑲᐃᔾᔪᑎᓂᒡᓘᓐᓃᑦ ᓇᑉᐸᖅᑯᑎᓄᑦ. ᐊᑭᓐᓇᕐᒥᐅᑕᑦ ᓇᑉᐸᖅᑯᑎᓃᑦᑐᑦ ᒪᔪᕋᕐᕕᐅᔪᓐᓇᐃᓪᓕᔾᔪᑕᐅᔪᓐᓇᖅᑐᑦ, ᐊᒻᒪ ᐊᑦᑕᑎᖏᑦ ᓇᑉᐸᖅᑯᕐᒦᑎᑕᐅᓲᑦ ᐊᑦᑕᕐᓇᕈᑕᐅᕗᑦ ᐱᓕᕆᔾᔪᑎᓕᕆᔨᓄᑦ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐱᕆᒋᕗᑦ ᓄᓇᕗᒻᒥᐅᓂᒃ ᐅᔾᔨᖅᓱᐃᓐᓇᖁᔨᓪᓗᑎᒃ ᓇᑉᐸᖅᑯᑎᓂᒃ ᐅᑭᐅᓕᒫᖅ. ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ: