ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᓇᖕᒥᓂᖅ ᐊᐅᓚᔪᓐᓇᐅᑎᓕᖕᓄᑦ ᐱᓕᕆᐊᖅ ᐊᖏᕐᕋᖅᓯᒪᔪᓂᒃ ᐊᑭᓕᖅᓱᐃᕙᒃᑐᓂᒃ ᐊᒻᒪ ᐊᑕᐅᓯᕐᒥᒃ ᕼᐋᒪᓚᒃᑯᓐᓂ ᓈᓴᐅᑎᓕᖕᒥᑦ ᐊᑐᓂ ᓄᓇᓕᖕᓂ ᓇᖕᒥᓂᖅ ᐆᒻᒪᖅᑯᑎᖃᖅᑎᑦᑎᔪᓐᓇᖅᐳᑦ ᐊᑐᒃᑲᓐᓂᕈᓐᓇᖅᑐᓂᒃ ᐊᒻᒪ ᐃᓚᓕᐅᔾᔭᐅᓗᑎᒃ ᐆᒻᒪᖅᑯᑎᓕᕆᔨᒃᑯᑦ ᐅᐊᔭᖏᓐᓄᑦ.
ᓇᖕᒥᓂᖅ ᐊᐅᓚᔪᓐᓇᐅᑎᓕᖕᓄᑦ ᐊᑭᓕᖅᓱᐃᕙᒃᑐᑦ ᐆᒻᒪᖅᑯᑎᒧᑦ ᐊᑭᒃᖠᒋᐊᕈᑎᓂᒃ ᐱᔪᓐᓇᖅᐳᑦ ᐆᒻᒪᖅᑯᑎᖃᖅᑎᑕᐅᔪᑦ ᐊᒥᐊᒃᑯᖏᓐᓂᒃ ᐊᓯᔾᔨᖅᐸᓪᓕᐊᔪᓐᓇᖅᑐᒥᒃ ᐆᒻᒪᖅᑯᑎᓕᐅᕈᑎᓂᑦ ᐅᐊᔭᖃᕐᕕᑦᑎᓐᓄᑦ. ᐊᑐᖅᑐᐊᖅᑎᓂᒃ ᐊᑐᙱᓐᓂᖅᓴᐅᑎᑦᑎᔪᓐᓇᖅᐳᖅ ᐆᒻᒪᖅᑯᑎᒋᔭᕆᐊᓕᖏᓐᓂᒃ ᐅᕙᑦᑎᓐᓂᙶᖅᑐᒥᑦ. ᑖᓐᓇ ᐱᓕᕆᐊᖑᔪᖅ ᐃᑲᔫᑕᐅᒋᕗᖅ ᒥᒃᖠᒋᐊᕈᑕᐅᓪᓗᓂ ᓄᓇᕗᒻᒥ ᐅᖅᓱᐊᓗᖕᒥᒃ ᐊᑐᐃᓐᓇᕆᐊᖃᖅᑐᓂᒃ ᐊᒻᒪ ᐃᓯᐊᖅᑭᑎᑦᑎᙱᓐᓂᖅᓴᐅᓪᓗᓂ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦ ᐆᒻᒪᖅᑯᑎᖃᖅᑎᐅᔪᓂᑦ ᓂᐅᕕᖁᔨᓇᑎᑦ ᐃᒻᒥᒃᑰᖅᑐᒥᑦ ᐊᐅᓚᔪᓐᓇᐅᑎᑦ ᐊᑐᓗᐊᙱᓂᖅᓴᒥᑦ ᐆᒻᒪᖅᑯᑎᒥᑦ ᐱᓇᓱᐊᕈᑎᖏᑦ ᕿᒻᒥᕈᔭᐅᓚᐅᖅᑎᓐᓇᒋᑦ ᐊᒻᒪ ᓈᒻᒥᒋᔭᐅᒃᐸᑕ ᐊᖏᖅᑕᐅᓯᒪᓕᖅᑎᓪᓗᒋᑦ ᑭᓯᐊᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓄᑦ. ᐊᑐᓂᑦ ᐆᒻᒪᖅᑯᑏᑦ ᐋᖅᑭᓱᖅᑕᐅᔪᑦ 15 Kw−ᒥᑦ ᐆᒻᒪᖅᑯᑎᖃᖅᑎᑦᑎᔪᓐᓇᖅᑐᑦ ᐅᖓᑖᓅᕆᐊᖃᙱᑦᑐᖅ.
ᖃᐅᔨᒋᐊᒃᑲᓐᓂᕈᒪᒍᕕᑦ ᓇᖕᒥᓂᖅ ᐊᐅᓚᔪᓐᓇᐅᑎᓕᖕᓄᑦ ᐱᓕᕆᐊᒥᑦ, ᑎᑎᕋᖅᓯᒪᔪᑦ ᐊᑖᓃᑦᑐᑦ ᐅᖃᓕᒫᕐᓗᒋᑦ. ᐊᐱᖅᑯᑎᒃᓴᖃᕈᕕᑦ ᐃᓱᒫᓘᑎᖃᕈᕕᓪᓘᓐᓃᑦ ᓇᖕᒥᓂᖅ ᐊᐅᓚᔪᓐᓇᐅᑎᓕᖕᓄᑦ ᐊᑭᓕᖅᓱᐃᕙᒃᑐᑦ ᒥᒃᓵᓄᑦ, ᖃᐅᔨᒋᐊᖁᔭᐅᕗᑎᑦ ᐊᑭᓕᖅᓱᐃᔨᓂᑦ ᐃᑲᔪᖅᑐᐃᔨᑦ ᐱᓕᕆᕝᕕᖓᓄᑦ ᐅᕗᖓ 1-866-710-4200 ᐅᕝᕙᓘᓐᓃᑦ customercare@qec.nu.ca.
ᐊᐱᖅᑯᑕᐅᒐᔪᒃᑐᑦ
ᐅᖃᓕᒫᕈᒪᒍᒃᑎᒃ ᑐᑭᓯᐅᒪᔾᔪᑏᑦ ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᑦ ᒥᒃᓵᓄᑦ, ᐅᓇ ᓇᕿᓪᓗᒍ.
ᖃᓄᐃᓕᐅᕆᐊᖃᕐᓂᕐᒧᑦ ᐱᕙᓪᓕᐊᓗᓂ ᒪᓕᒃᑕᐅᔪᒃᓴᐃᑦ
ᐅᖃᓕᒫᕐᓗᒋᑦ ᖃᓄᐃᓕᐅᖁᔨᓂᕐᒧᑦ ᒪᓕᒃᑕᐅᔪᒃᓴᐃᑦ ᖃᓄᖅ ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᒥᒃ ᐊᑐᖃᑕᐅᓕᕈᖕᓇᕐᒪᖔᖅᐱᑦ, ᐅᓇ ᓇᕿᓪᓗᒍ.
ᐃᑭᑦᑕᖅᑐᑦ ᓴᕕᒐᐅᔭᖏᓐᓄᑦ ᐱᔨᑦᑎᖅᑕᐅᓂᕐᒧᑦ ᑐᒃᓯᕋᐅᑎ
ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᒥᒃ ᐊᑐᖅᑎᐅᔪᒃᓴᓗᒃᑖᑦ ᑕᑕᑎᕆᔭᕆᐊᖃᖅᑐᑦ ᐃᑭᒃᑕᖅᑐᑦ ᓴᕕᒐᐅᔭᖏᓐᓄᑦ ᐱᔨᑦᑎᖅᑕᐅᓂᕐᒧᑦ ᑐᒃᓯᕋᐅᑎᒥᒃ. ᐱᓂᐊᕐᓗᒍ ᑕᑕᑎᕆᐊᓕᒃ, ᐅᓇ ᓇᕿᓪᓗᒍ.
ᐱᓕᕆᐊᖑᔭᕆᐊᓕᖕᓄᑦ ᑐᒃᓯᕋᕐᓗᓂ ᑕᑕᑎᕆᐊᓕᒃ
ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᒥᒃ ᐊᑐᖅᑎᐅᔪᒃᓴᓗᒃᑖᑦ ᑕᑕᑎᕆᔭᕆᐊᖃᖅᑐᑦ ᐱᓕᕆᐊᖑᔭᕆᐊᓕᖕᓄᑦ ᑐᒃᓯᕋᕐᓗᓂ ᑕᑕᑎᕆᐊᓕᖕᒥᑦ. ᐱᓂᐊᕐᓗᒍ ᑕᑕᑎᕆᐊᓕᒃ, ᐅᓇ ᓇᕿᓪᓗᒍ.
ᐱᓕᕆᐊᖑᔭᕆᐊᓕᒃ ᑲᑎᓐᓂᖃᖃᑕᐅᓂᐊᕐᓗᓂ ᐱᔭᕆᐊᓖᑦ
ᐊᑐᖅᑕᐅᒃᑲᓐᓂᕈᖕᓇᖅᑐᑦ ᐆᒻᒪᖅᑯᑎᓄᑦ ᐋᖅᑭᐅᒪᔪᑦ ᐃᓕᔭᐅᔪᑦ ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᒧᑦ ᑐᕌᖓᔪᕐᓄᑦ ᒪᓕᒋᐊᖃᖅᑐᑦ ᖁᓪᓕᒃᑯᑦ ᐱᓕᕆᐊᖑᔭᕆᐊᓕᒃ ᑲᑎᓐᓂᖃᖃᑕᐅᓂᐊᕐᓗᓂ ᐱᔭᕆᐊᓕᖏᓐᓄᑦ. ᐅᖃᓕᒫᕐᓂᐊᕐᓗᒋᑦ ᐱᔭᕆᐊᓖᑦ, ᐅᓇ ᓇᕿᓪᓗᒍ.
ᐊᑐᖅᑎᐅᔪᑦ ᐱᔨᑦᑎᕋᖅᑕᐅᓂᖏᓐᓄᑦ ᐊᖏᖃᑎᒌᒍᑎ
ᓯᕿᙳᔭᐅᔭᒃᑯᑦ ᐆᒻᒪᖅᑯᑎᑐᕈᑕᐅᔪᒥᒃ ᐊᑐᖅᑎᐅᔪᑦ ᑕᑕᑎᕆᔭᕆᐊᖃᖅᑐᑦ ᐊᑐᖅᑎᐅᔪᑦ ᐱᔨᑦᑎᕋᖅᑕᐅᓂᖏᓐᓄᑦ ᐊᖏᖃᑎᒌᒍᑎᒥᒃ. ᕿᒥᕐᕈᔪᒪᒍᖕᓂ ᐊᖏᖃᑎᒌᒍᑎ, ᐅᓇ ᓇᕿᓪᓗᒍ.
ᑐᑭᐅᔪᑦ ᐊᒻᒪᓗ ᖃᓄᐃᖓᔭᕆᐊᖃᕐᓂᐅᔪᑦ ᐱᔨᑦᑎᕋᐅᑎᐅᑉ
ᐅᖃᓕᒫᒃᑲᓐᓂᕈᒪᒍᕕᑦ ᑐᑭᐅᔪᑦ ᐊᒻᒪᓗ ᖃᓄᐃᖓᔭᕆᐊᖃᕐᓂᐅᔪᑦ ᐱᔨᑦᑎᕋᐅᑎᐅᑉ ᒥᒃᓵᓄᑦ, ᐅᓇ ᓇᕿᓪᓗᒍ.
ᖃᐅᔨᓴᐅᑎᙳᐊᖃᖅᑎᑦᑎᓂᕐᒧᑦ ᐊᑐᐊᒐᖅ
ᐊᔾᔨᖓᓂ ᒥᓇᕆᓗᒍ ᖃᐅᔨᓴᐅᑎᙳᐊᖃᒃᑎᑦᑎᓂᕐᒧᑦ ᐊᑐᐊᒐᖅ, ᐅᕗᖓ ᓇᕿᑦᑎᓗᑎᑦ.