ᖁᓪᓕ ᐆᒻᒪᖁᑎᓕᕆᔨᒃᑯᑦ ᑐᐊᕕᕐᓇᖅᑐᖃᖅᐸᑦ ᐅᖄᓚᕕᐅᔪᓐᓇᖅᑐᖅ: 1-867-222-3807
ᐊᔾᔨᐅᙱᓛᒦᖦᖢᓂ ᓄᓇᒥᑦ ᓲᕐᓗ ᓄᓇᕗᒻᒥᑦ, ᓄᓇᓖᑦ 25 ᑕᒫᓃᖦᖢᑎᒃ 1,932,255 ᑭᑉᐹᕆᒃᑐᑎᒍᑦ ᑭᓛᒥᑐᓂᑦ, ᓂᒡᓚᓱᒍᓐᓇᖅᖢᓂ ᐊᑖᓂ -50 ᓯᐅᓪᓯᐊᔅ ᐊᓄᕆᔪᓐᓇᖅᖢᓂᓗ ᐅᖓᑖᓄᑦ 150 ᑭᓛᒥᑕᑦ ᐃᑲᕐᕋᒥᑦ, ᓄᑭᓪᓚᐅᓯᐅᖕᓂᖅ ᓄᑭᓪᓚᐅᑎᖃᖅᑎᑦᑎᓂᕐᓗ ᓂᐅᕕᖅᐸᒃᑐᖁᑎᑦᑎᓐᓄᑦ ᐊᒃᓱᕈᓐᓇᓚᐅᓲᖑᔪᖅ. ᑭᓯᐊᓂᓕ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖏᕐᕋᐃᓐᓇᖃᑦᑕᖅᐳᑦ ᐊᒃᓱᕈᓐᓇᕋᓗᐊᑎᓪᓗᒍ ᓯᓚᕗᑦ ᐱᓪᓗᒍ.
ᐅᓗᕆᐊᓇᙱᑦᑐᓂᑦ ᓈᒻᒪᒃᑐᓂᓪᓗ ᓄᑭᓪᓚᐅᑎᖃᖅᑎᑦᑎᓂᖅ ᓯᕗᓪᓕᖅᐹᒋᔭᐅᕗᖅ ᖁᓪᓕᒃᑯᓐᓄᑦ ᐱᒃᑯᒋᓪᓗᑕᓗ ᓱᖁᓯᕈᓐᓇᙱᓐᓂᕗᑦ ᓂᐅᕕᖅᐸᒃᑐᖁᑎᑦᑎᓐᓄᑦ. ᐃᓛᓐᓂᒃᑯᑦ ᖃᒥᑦᑕᕆᐊᖃᓚᐅᓱᖓᓲᖑᕗᑦ ᐱᖁᑎᕗᑦ ᐋᖅᑭᒃᓱᐃᓂᐊᕐᓗᑕ ᓄᑖᙳᖅᑎᑦᑎᕆᓂᐊᕐᑎᓪᓗᑕᓗ ᓄᑭᓪᓚᐅᓯᕆᔾᔪᑎᑦᑎᓐᓂᑦ ᐊᑦᑕᖕᓇᙱᑦᑐᒦᖁᓪᓗᒋᑦ ᐃᖅᑲᓇᐃᔭᖅᑎᕗᑦ ᐃᓄᓕᒫᓪᓗ. ᐃᓛᓐᓂᒃᑯᑦ ᖃᒥᖔᕆᐊᖃᓚᐅᓱᖓᓲᖑᕗᑦ ᐆᒻᒪᖅᑯᑎᑦ. ᑕᐃᒪᐃᑎᓪᓗᑕ, ᐱᕙᒌᔭᖅᓯᒪᙱᑦᑐᑎᒍᑦ ᖃᒥᙱᓐᓂᕐᓴᐅᔪᓐᓇᖅᑐᑦ ᓂᐅᕕᖅᐸᒃᑐᖁᑎᒍᑦ ᓯᕗᓂᑦᑎᓐᓂᑦ.
ᐃᓛᓐᓂᒃᑯᑦ, ᖃᒥᖃᑦᑕᖅᐳᑦ ᓂᕆᐅᓇᙱᑦᑐᑎᒍᑦ ᐃᒫᒃ:
- ᓯᓚᓗᓗᐊᖅᑎᓪᓗᒍ ᓲᕐᓗ ᐱᖅᓯᖅᑎᓪᓗᒍ, ᐊᓄᕆᑎᓪᓗᒍ, ᒪᖁᒃᖢᓂ ᖁᐊᖅᐸᓪᓕᐊᔪᓂᑦ, ᓂᓚᒃᑐᓄᓪᓘᓐᓃᑦ
- ᓄᓇᓯᐅᑎᓄᑦ ᑐᓗᖅᑕᐅᒍᑎᒃ ᓇᐹᖅᑐᑦ ᓄᑭᓪᓚᐅᓯᕆᔾᔪᑎᓪᓘᓐᓃᑦ
- ᐆᒪᔪᑦ ᑲᓴᒃᓯᑎᓪᓗᒋᑦ ᐅᐊᔭᓂᑦ (ᓲᕐᓗ ᑐᓗᒃᑲᑦ)
- ᐊᐅᓚᐅᑎᖃᕐᕕᖕᒥᑦ ᓈᒻᒪᒋᓕᐅᕈᑎᔪᑦ ᓄᑭᓪᓚᐅᑎᓪᓘᓐᓃᑦ ᐱᐅᙱᓴᒃᑎᓪᓗᒋᑦ
ᖃᒥᑎᓪᓗᒍᓕ, ᖁᓪᓕᒃᑯᑦ ᐱᓕᕆᑦᑎᐊᖃᑦᑕᖅᐳᑦ ᖃᒥᙵᔪᓐᓃᖅᑎᑦᑎᓇᓱᐊᑲᐅᖅᑐᖅᖢᑎᒃ ᐊᑦᑕᖕᓇᙱᑦᑐᒃᑰᖅᖢᑎᒡᓗ. ᖃᖓᓕᒫᖅ, ᐃᖏᕐᕋᓂᖃᖃᑦᑕᖅᐳᒍᑦ ᖁᓛᓂᑦ 99.8. ᐊᔪᙱᓐᓂᕆᔭᕗᑦ ᖃᐅᔨᓴᖅᑕᐅᕙᒃᐳᑦ ᓇᐃᓴᖅᑕᐅᓪᓗᑎᒃ ᐱᕙᒌᔭᖅᓯᒪᔪᒃᑯᑦ ᖃᒥᓐᓃᑦ ᓂᕆᐅᓇᙱᑦᑐᑎᒍᓪᓗ ᖃᒥᓐᓃᑦ ᐊᑐᓲᑦ ᐊᕐᕌᒍᒥᑦ, ᖃᓄᑎᒋᓗ ᐊᑯᓂᐅᑎᒋᔪᖅ ᖃᒥᙵᕙᖕᓂᖏᑎᒍᑦ.
ᑐᑭᓯᐅᒪᔪᒍᑦ ᐱᒻᒪᕆᐅᓂᖓᓂ ᑐᓴᐅᒪᖃᑎᒌᑦᑎᐊᖕᓂᖅ ᖃᒥᒃᑳᖓᑦ. ᐊᑐᖃᑦᑕᖅᐸᕗᑦ ᑭᒃᑯᓕᒫᓄᑦ ᑐᓴᒐᒃᓴᓕᐅᕈᑏᑦ, ᖃᕆᑕᐅᔭᒃᑯᑦ ᑐᓴᐅᒪᔾᔪᑏᑦ, ᓈᓚᐅᑎᓂᒡᓗ ᑐᓴᖅᑎᑦᑎᓇᓱᐊᖅᖢᑕ ᓂᐅᕕᖅᐸᒃᑐᖁᑎᑦᑎᓐᓂᑦ ᑐᓴᐅᒪᑎᑉᐸᒌᕋᓱᒃᐸᒃᖢᑎᒍᓪᓗ ᖃᒥᑐᐃᓐᓇᕆᐊᓕᖕᓂᑦ. ᑐᑭᓯᒋᐊᒃᑲᓐᓂᕆᑦ ᒫᓐᓇ ᖃᒥᓐᓂᖕᒧᑦ ᑐᓴᒐᒃᓴᓂᑦ.
ᐊᒃᑐᖅᑕᐅᓗᐊᙱᑦᑐᓐᓇᖅᐳᑎᑦ ᖃᒥᓐᓂᖕᓄᑦ ᐱᕙᒌᔭᖅᓯᒪᕙᒌᖕᓂᒃᑯᑦ. ᑐᑭᓯᒋᐊᒃᑲᓐᓂᕆᑦ ᖃᓄᖅ ᐱᕙᒌᔭᕈᓐᓇᖕᒪᖔᑦ ᖃᒥᓐᓂᒃᓴᒧᑦ.
ᐅᖃᐅᓯᖃᖕᓂᐊᕐᓗᑎᑦ ᐆᒻᒪᖅᑯᑎᓄᑦ ᓈᒻᒪᙱᓕᐅᕈᑎᔪᓄᑦ, ᖃᒥᑦᑐᓄᓪᓘᓐᓃᑦ ᑐᐊᕕᖕᓇᖅᑐᒧᓪᓘᓐᓃᑦ, ᐅᖄᓚᒋᑦ 1-867-222-3807 ᐅᕙᓗᓐᓂ ᐅᕘᓇᓘᓐᓃᑦ ᓇᕿᓪᓗᒍ ᑐᑭᓯᒋᐊᒃᑲᓐᓂᕈᒪᒍᕕᑦ.