ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ (CIPP) ᐱᓕᕆᐊᑦᓴᖅ ᓴᓇᔭᐅᓯᒪᔪᖅ ᑮᓇᐅᔭᓕᐅᖅᑏᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓖᑦ ᐱᔨᑦᓯᕋᖅᑕᐅᔪᑦ (ᒐᕙᒪᓕᕆᔩᑦ, ᕼᐋᒻᒪᓚᐃᑦ, ᓇᖕᒥᓂᖃᖅᑏᑦ) ᐆᒻᒪᖅᑯᑎᓕᐅᖃᑦᑕᖁᔭᐅᓗᑎᒃ ᐊᑐᕐᓗᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᕆᔾᔪᑎᓂᑦ ᐊᒻᒪ ᓂᐅᕐᕈᑎᒋᕙᓪᓗᒋᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᓐᓄᑦ. ᓲᕐᓗ, ᓄᓇᓕᓐᓂ ᐊᓐᓂᑭᑦᑐᓛᕐᕖᑦ ᐅᕝᕙᓘᓐᓃᑦ ᑯᐊᐸᐃᑦ ᓂᐅᕕᕐᕖᑦ ᐋᖅᑭᑦᓱᐃᔪᓐᓇᖅᑐᑦ ᓯᕿᓂᕐᒥᑦ ᐆᒻᒪᖅᑯᑎᑖᕈᑎᓂᑦ ᓵᓗᕿᓂᑦ ᐊᒻᒪ ᓴᓗᒪᔪᒥᑦ ᐆᒻᒪᖅᑯᑎᓕᐅᖅᐸᓪᓗᑎᒃ ᓄᓇᓕᒻᒥᓄᑦ.
ᐱᖃᓯᐅᔾᔭᐅᕙᓪᓗᑎᒃ ᓄᑕᐅᓕᒋᐊᕈᓐᓇᖅᑐᑦ ᐆᒻᒪᖅᑯᑏᑦ ᐆᒻᒪᖅᑯᑎᖃᐅᑎᐅᕙᑦᑐᓄᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᐱᕙᓪᓕᐊᑎᑦᑎᔪᓐᓇᓕᕋᔭᖅᑐᑦ ᓴᓗᒪᔪᒥᑦ ᐆᒻᒪᖅᑯᑎᓕᐅᕐᓂᕐᒥᑦ ᓄᓇᕗᒻᒥ. ᑲᑎᕐᓱᐃᓗᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᕆᔾᔪᑎᓂᑦ ᓄᓇᕗᑦ ᐆᒻᒪᖅᑯᑎᓕᕆᔾᔪᑎᖏᓐᓄᑦ ᐃᑲᔫᑎᖃᕋᔭᖅᑐᑦ ᒥᑭᓪᓕᒋᐊᖅᑎᑦᑎᓗᑎᒃ ᓄᓇᕗᒻᒥ ᑕᑎᒋᕙᑦᑕᖓᓂᑦ ᑏᓱᓪᒥᑦ ᐅᕐᓱᐊᓗᑦᓴᔭᒥᑦ, ᐱᔪᓐᓇᓕᕐᓗᑎᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᒥᑭᓪᓕᒋᐊᖅᑎᑦᑎᓂᕐᒥᑦ ᐸᐅᕐᒥᑦ ᑕᒪᐅᖓᑐᐃᓐᓈᐸᑦᑐᓂᑦ ᐊᒻᒪ ᐊᑐᖅᑎᑦᑎᕙᓕᕐᓗᑎᒃ ᐆᒻᒪᖅᑯᑎᓂᑦ ᓇᖕᒥᓂᓕᐊᒥᓂᕐᓂᒃ. ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᖅ ᐱᖃᑕᐅᔪᓂᑦ ᑮᓇᐅᔭᓕᐅᕈᓐᓇᕋᔭᕐᓗᑎᒃ ᐃᑲᔪᕐᓱᐃᓯᓐᓈᕐᓗᑎᒃ ᑲᓇᑕᐅᑉ ᐳᔪᕐᒥᑦ ᐅᓗᕆᐊᓇᖅᑐᒥᑦ ᑕᒪᐅᖓᑐᐃᓐᓈᕋᔭᖅᑐᓂᑦ ᒥᑭᓪᓕᑎᒋᐊᕈᑎᒋᓇᓱᐊᖅᑕᖏᓐᓂᑦ ᐊᒻᒪ ᓄᓇᕗᑦ ᐊᑐᕋᓱᐊᕈᑎᒋᔪᒪᔭᖏᓐᓂᑦ ᐆᒻᒪᖅᑯᑎᓕᐅᕈᑎᒍᑦ ᐃᖕᒥᓂᒃ ᐱᓇᓱᐊᖅᐸᓂᕐᒥᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᑐᑦᓯᕋᐅᑎᓕᐊᓂᑦ ᐱᖃᑕᐅᒍᒪᑐᐃᓐᓇᕆᐊᓕᓐᓂᑦ ᑮᓇᐅᔭᓕᐅᖅᑎᓄᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓄᑦ ᐆᒻᒪᖅᑯᑎᓕᐅᖅᑎᓄᑦ ᐱᓕᕆᐊᑦᓴᒧᑦ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᐊᑐᖁᔨᑦᑎᐊᖅᑐᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐱᖃᑕᐅᑐᐃᓐᓇᕆᐊᓕᓐᓂᑦ ᓂᐅᕕᖁᔭᐅᒐᑎᒃ ᓄᑕᐅᓕᒋᐊᕈᓐᓇᖅᑐᓂᑦ ᐆᒻᒪᖅᑯᑎᓕᐅᕆᔾᔪᑎᑦᓴᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖏᑦ ᖃᐅᔨᓴᓚᐅᖏᓐᓂᖏᓐᓂ ᐱᓕᕆᔾᔪᑎᒥᑦ.
ᑐᑭᓯᒋᐊᒃᑲᓐᓂᕈᒪᒍᔅᓯ ᐱᓕᕆᐊᑉ ᒥᒃᓵᓄᑦ, ᐅᕗᖓ ᖃᐅᔨᒋᐊᕈᓐᓇᖅᐳᓯ: renewableenergy@qec.nu.ca
ᖃᐅᑕᒫᑦ ᐊᐱᖅᑯᑎᐅᒐᔪᑦᑐᑦ ᐊᐱᖅᑯᑏᑦ
ᐅᖃᓕᒫᕐᕕᑦᓴᖅ ᑐᑭᓯᒋᐊᕈᑎᖏᓐᓂᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒥᑦ, ᐅᓇ ᓇᕿᒋᐊᓕᒃ.
ᑎᑎᕋᕐᕕᑦᓴᐃᑦ ᑕᑕᑎᕆᐊᓖᑦ
ᐃᕐᖐᓐᓈᖅᑕᐅᒃᑯᑦ renewableenergy@qec.nu.ca ᑕᕐᕋᖏᓐᓂᒃ CIPP−ᒧᑦ ᐱᓕᕆᐊᒃᓴᒧᑦ ᑎᑎᕋᕆᐊᓕᖕᓂᒃ.
ᑐᑦᓯᕋᐅᑎᓄᑦ ᐊᑐᐊᒐᖅ
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᓄᖅ ᑐᑦᓯᕋᐅᑎᓕᐅᕐᓂᐊᕐᓗᓂ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ, ᐅᓇ ᓇᕿᒋᐊᓕᒃ.
ᐆᒻᒪᖅᑯᑎᓂᑦ ᓂᐅᕐᕈᑎᖃᕐᓂᕐᒥᑦ ᐊᖏᕈᑎ
ᐃᓘᓐᓇᑎᒃ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐱᖃᑕᐅᔪᑦ ᖃᐅᔨᓴᕆᐊᓖᑦ ᐊᒻᒪ ᐊᑎᓕᐅᕐᓗᑎᒃ ᑳᓐᑐᕌᒥᑦ ᐱᓕᕆᔾᔪᑎᒥᑦ ᓇᓗᓇᐃᔭᐃᓯᒪᔪᒥᑦ ᑮᓇᐅᔭᓕᐅᕈᑎᓄᑦ ᑕᐃᒎᕐᓯᕐᓂᒃ, ᒪᓕᒐᑎᒍᑦ ᐊᑐᕆᐊᓕᓐᓂᑦ ᐊᒻᒪ ᓂᐅᕐᕈᑎᓄᑦ ᐱᔪᓐᓇᐅᑎᓂᑦ. ᖃᐅᔨᓴᕈᒪᒍᕕᐅᒃ ᐆᒻᒪᖅᑯᑎᓂᑦ ᓂᐅᕐᕈᑎᖃᕐᓂᕐᒥᑦ ᐊᖏᕈᑎ, ᐅᓇ ᓇᕿᒋᐊᓕᒃ.
ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐊᑐᐊᒐᖅ
ᓂᐱᑎᒍᒪᒍᕕᐅᒃ ᐊᔾᔨᖏᑦ ᑎᑎᖅᑲᐃᑦ ᑮᓇᐅᔭᓕᐅᖅᑎᓂᑦ ᐊᒻᒪ ᐃᓄᒋᐊᓄᑦ ᐱᓕᕆᕝᕕᓐᓂᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᐱᓕᕆᐊᑦᓴᒧᑦ ᐊᑐᐊᒐᖅ, ᐅᓇ ᓇᕿᒋᐊᓕᒃ.