ᐆᓇᖅᑐᑦ ᓄᓇᐅᑉ ᐃᑭᐊᖓᓂ ᐊᐅᓚᔪᓐᓇᐅᑎᑦ ᓄᓇᕗᒻᒥ
ᐆᓇᖅᑐᑦ ᓄᓇᐅᑉ ᐃᑭᐊᖓᓂᙶᖅᑐᑦ ᐆᒻᒪᖅᑯᑎᑦ ᐊᑐᒃᑲᓐᓂᕈᓐᓇᖅᑐᑦ ᐆᒻᒪᖅᑯᑎᑦ ᐆᓇᖅᑐᑦ ᓄᓇᕐᔪᐊᑉ ᖄᖓᓃᙶᖅᑐᑦ ᐆᒻᒪᖅᑯᑎᖃᕈᑕᐅᓪᓗᑎᒃ ᐅᕝᕙᓘᓐᓃᑦ ᐅᖅᑰᓴᐅᑎᖃᖅᑎᑦᑎᓪᓗᑎᒃ. ᑕᑎᒋᔭᒃᓴᐅᔪᖅ, ᓴᓗᒪᔪᖅ, ᐊᒻᒪ ᑲᔪᓯᑎᑕᐅᔪᓐᓇᖅᖢᓂ ᐊᑐᖅᑕᐅᖔᕈᓐᓇᖅᑐᖅ ᐅᖅᓱᐊᓗᒃᓴᓄᑦ, ᐊᑐᐃᓐᓇᐅᑎᑦᑎᓪᓗᓂ ᐊᑯᓂᐅᔪᒃᑯᑦ ᐆᒻᒪᖅᑯᑎᑐᓗᐊᕐᓇᙱᑦᑐᓂᒃ ᐊᒻᒪ ᒥᒃᖠᒋᐊᕈᑕᐅᔪᓐᓇᖅᖢᓂ ᓯᓚᒧᑦ ᐅᖅᑰᓯᕙᓪᓕᐊᓐᓇᖅᑐᓄᑦ ᐳᔪᕐᓗᖕᓄᑦ ᐃᓯᐊᕿᔪᓄᑦ.
ᐆᓇᖅᑐᑦ ᓄᓇᐅᑉ ᐃᓗᐊᓂᑦ ᐆᒻᒪᖅᑯᓯᐅᖕᓂᖅ ᓴᖅᑭᑕᐅᑦᑎᐊᓚᐅᕋᓗᐊᖅᑎᓪᓗᒍ ᐊᓯᖏᓐᓂᑦ ᑲᓇᑕᒥᑦ ᓄᓇᕐᔪᐊᒥᓪᓗ, ᓄᓇᕗᒻᒥᑦ ᐱᑕᖃᕈᓐᓇᖕᓂᖓ ᓱᓕ ᖃᐅᔨᔭᐅᓯᒪᙱᑦᑐᖅ. ᖃᐅᔨᓴᕐᙵᐅᑎᑦ ᓇᓗᓇᐃᕈᑕᐅᕗᑦ ᐃᓚᖏᑦ ᐊᕕᒃᑐᖅᓯᒪᔪᑦ ᓄᓇᕗᒻᒥᑦ ᐊᑐᕈᓐᓇᖅᑐᓂᑦ ᐆᓇᖅᑐᓂᑦ ᓄᓇᐅᑉ ᐃᓗᐊᓂᑦ, ᑭᓯᐊᓂᓕ ᕿᓂᒃᑲᓐᓂᕆᐊᖃᖅᐳᑦ ᖃᐅᔨᓴᕐᓗᑎᒡᓗ ᖃᐅᔨᓇᓱᒡᓗᑎᒃ ᐊᔪᕐᓇᙱᒻᒪᖔᑦ ᐆᒻᒪᖅᑯᑎᓕᐅᖕᓂᖕᒥᑦ.
ᒫᓐᓇ ᖃᓄᐃᓕᖓᓕᕐᓂᖓ
- ᐆᓇᖅᑐᑦ ᓄᓇᐅᑉ ᐃᓗᐊᓂᑦ ᖃᐅᔨᓴᖕᓃᑦ ᖃᒪᓂ'ᑐᐊᒥᑦ, ᐃᖃᓗᒃᑑᑦᑎᐊᒥᑦ, ᖃᐅᓱᐃᑦᑐᒥᓪᓗ ᐱᒋᐊᓚᐅᖅᑐᑦ ᔮᓄᐊᕆ 2020−ᒥᑦ ᐱᐊᓂᒃᑕᐅᓪᓗᓂᓗ ᒫᑦᓯ 2024−ᒥᑦ.
- CanNor-ᑯᑦ ᐊᖏᖅᓯᓚᐅᖅᐳᑦ ᑮᓇᐅᔭᖃᖅᑎᑦᑎᓪᓗᑎᒡᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑮᓇᐅᔭᖏᓐᓂᒃ ᓄᓇᕗᒻᒥ ᐊᔪᖏᑦᑎᐊᕋᔭᕐᓂᖓᓄᑦ ᖃᐅᔨᓴᖅᑕᐅᔾᔪᑎᒧᑦ IIB-ᒧᑦ ᑖᓐᓇᓗ ᐱᓕᕆᐊᒃᓴᖅ ᐱᐊᓂᒃᑕᐅᓯᒪᓕᖅᖢᓂ.
- ᑐᕌᒐᕆᔭᐅᔪᑦ ᐱᓕᕆᔾᔪᓯᖅ IIB ᐱᓕᕆᐊᕐᒧᑦ ᐅᑯᓇᓃᓚᐅᖅᐳᑦ:
- ᐊᑐᓕᖁᔨᔾᔪᑎᓕᐅᕐᓗᓂ ᐸᕐᓇᒃᑕᐅᓯᒪᔪᒧᑦ ᐱᓕᕆᐊᒃᓴᖅ 3−ᒧᑦ ᓄᓇᕗᒻᒥ ᐆᓇᖅᑐᑦ ᓄᓇᐅᑉ ᐃᓗᐊᓂᑦ ᖃᐅᔨᓴᕈᑎᒥᑦ, ᓇᓗᓇᐃᔭᐃᓗᑎᒃ ᓄᓇᓕᖕᒥᐅᓂᑦ ᖁᑦᑎᓛᒥᑦ ᐆᓇᖅᑐᒥᑦ ᐆᓇᖅᑐᒥᑦ ᑲᔪᓯᑦᑎᐊᕐᓗᓂ ᐃᑰᑕᕐᓗᑎᒡᓗ ᕿᒥᕐᕈᓂᐊᕐᓗᑎᒃ ᐱᑐᐃᓐᓇᕆᐊᓕᖕᓂᑦ.
- ᖃᐅᔨᓴᖅᑕᐅᖁᔨᓗᓂ ᐆᓇᖅᑐᑦ ᓄᓇᐅᑉ ᐃᓗᐊᓂᑦ ᑐᖅᑯᖅᓯᓯᒪᓂᕐᒥᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᖕᓂᑦ ᐊᑐᒐᒃᓴᐅᔪᓐᓃᖅᑐᓂᑦ ᐆᓇᖅᑐᓂᑦ ᐊᑐᖅᑕᐅᔪᓐᓇᕐᒪᖔᑦ ᐊᖏᒡᓕᒋᐊᖅᓯᒪᔪᒥ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐅᖅᑰᓴᐅᑎᓕᕆᔾᔪᑎᖏᓐᓂ.
ᑭᖑᓪᓕᕐᒥ ᐱᓕᕆᐊᒃᓴᑦ
ᓱᓕ ᐱᑕᖃᑐᐃᓐᓇᕆᐊᓕᒃ ᐆᓇᖅᑐᒥᑦ ᐆᓇᖅᑐᒥᑦ ᐆᒻᒪᖅᑯᑎᒥᑦ ᓄᓇᕗᒻᒥᑦ, ᑭᓯᐊᓂᓕ, ᓴᖅᑭᑦᑎᓗᑎᒃ ᐊᖏᔪᒥᑦ ᐱᕈᖅᓴᐃᔭᕆᐊᖃᕋᔭᖅᑐᑦ ᓄᓇᓕᕆᓂᖕᒧᑦ ᖃᐅᔨᓴᖕᓂᖕᓂᑦ, ᐃᑰᑕᖕᓂᖕᓂᑦ ᒪᑭᒪᐅᑎᓂᒡᓗ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᖃᐅᔨᓴᖅᐸᓪᓕᐊᖏᓐᓇᖅᐳᑦ ᐱᐅᓯᒋᐊᕈᑎᒃᓴᓂᒃ ᐆᓇᖅᑐᑦ ᓄᓇᐅᑉ ᐃᓗᐊᓂᑦ ᖃᐅᔨᓴᕈᑎᓂᒃ ᖃᐅᔨᓇᓱᒃᖢᑎᒡᓗ ᐱᕕᒃᓴᐅᔪᓐᓇᖅᑐᓂᒃ ᖃᐅᔨᓴᕐᓂᐊᕐᓗᒋᑦ ᐊᔪᕐᓇᙱᑐᐃᓐᓇᕆᐊᓖᑦ ᓄᓇᕘᒥ.