ᐱᓕᕆᐊᒃᓴᖅ ᐱᔪᓐᓇᐅᑎᐅᕗᖅ ᐱᒋᐊᖅᑎᑦᑎᔪᓂ ᓯᓚᑖᓂᖔᖅᑐᓂ ᑎᑭᐅᒪᔪᓂ IPP ᐱᓕᕆᐊᒃᓴᖓᑕ ᐱᓕᕆᔾᔪᑎᓄᑦ ᐱᔭᕆᐊᓖᑦ ᐊᒻᒪᓗ ᑲᔪᓯᓂᖃᑦᑎᐊᖅᑐᑦ ᐱᔪᓐᓇᐅᑎᑕᖅᑎᑦᑎᓂᕐᒧᑦ ᐃᓚᐅᖃᑕᐅᔪᓂ IPP ᐱᓕᕆᐊᒃᓴᖓᓂ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᐅᒪᑕᖏᓐᓂ ᐅᒻᒪᖁᑎᑕᖅᑎᑦᑎᓂᕐᒧᑦ ᐊᑐᒃᑲᓐᓂᕈᓐᓇᖅᑐᓂ ᐅᒻᒪᖁᓯᐅᕈᑎᓂ ᐊᒻᒪᓗ ᓂᐅᕈᑎᒋᓗᒋᑦ ᖁᓪᓕᖅ ᐅᒻᒪᖁᑎᓕᕆᔨᒃᑯᓐᓄᑦ. ᐃᓚᓕᐅᔾᔨᓗᑎᒃ ᐊᑐᒃᑲᓐᓂᕈᓐᓇᖅᑐᓂᒃ ᐆᒻᒪᖅᑯᑎᓕᕆᔾᔪᑎᓂᒃ ᐊᕕᒃᑐᖅᓯᒪᔪᑦ ᐆᒻᒪᖅᑯᑎᖃᕐᕕᖏᓐᓂ ᓄᓇᕗᒻᒥ ᐊᑐᑦᑎᐊᒃᑲᓐᓂᕈᓐᓇᖅᓯᓂᐊᖅᐳᑦ ᐅᖅᓱᐊᓗᖕᒥᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᓯᐊᕿᑎᑦᑎᙱᓐᓂᖅᓴᐅᓕᕐᓗᑎᒃ ᐊᒻᒪ ᓴᖅᑭᔮᖅᑎᑦᑎᒃᑲᓐᓂᓕᕐᓗᑎᒃ ᐆᒻᒪᖅᑯᑎᒥᒃ ᓇᖕᒥᓂᖅᓱᕈᓐᓇᕐᓂᕐᒥᒃ.
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐱᒋᐊᕐᓂᐊᖅᑐᖅ ᐱᓕᕆᐊᒃᓴᓄᑦ ᕿᒥᕐᕈᓂᕐᒥᑦ ᑐᒃᓯᕋᖅᑐᓂ ᓇᓗᓇᐃᔭᐃᓗᑎᒃ ᑎᑭᒪᒐᓗᐊᕐᒪᖔᑕ ᐱᓕᕆᐊᒃᓴᐅᑉ ᐱᓕᕆᔾᔪᑎᓄᑦ ᐱᔭᐅᔭᕆᐊᓖᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐆᒻᒪᖅᑯᑎᖃᖅᑎᐅᔪᓂᑦ ᓂᐅᕕᖁᔨᓇᑎᑦ ᐃᒻᒥᒃᑰᖅᑐᒥᑦ ᐊᐅᓚᔪᓐᓇᐅᑎᑦ ᐊᑐᓗᐊᙱᓂᖅᓴᒥᑦ ᐆᒻᒪᖅᑯᑎᒥᑦ ᐱᓇᓱᐊᕈᑎᖏᑦ ᕿᒻᒥᕈᔭᐅᓚᐅᖅᑎᓐᓇᒋᑦ.
ᑐᑭᓯᒋᐊᒃᑲᓐᓂᕈᒪᒍᔅᓯ ᐱᓕᕆᐊᒥᒃ, ᐅᕗᖓ ᐅᖃᓗᔪᓐᓇᖅᐳᓯ: renewableenergy@qec.nu.ca
Inuktitut