ᖁᓪᓕᖅ ᐃᑯᒻᒪᖅᑯᑎᓕᕆᔨᒃᑯᑦ ᐅᖄᓚᐅᑕ: 1-866-710-4200
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐆᒻᒪᖅᑯᑎᖃᖅᑎᑦᑎᕙᒃᐳᑦ 25−ᓄᑦ ᓄᓇᓕᖕᓄᑦ ᓄᓇᕗᒻᒥᑦ ᐊᔾᔨᒌᙱᑦᑑᑎᓄᑦ ᐊᑭᓕᕐᓱᐃᕙᒃᑐᓄᑦ. ᐊᑭᓕᖅᓱᐃᔨᑦ ᐊᑭᓖᓲᖑᕗᑦ ᐊᔾᔨᒌᙱᑦᑐᓂᒃ ᐊᑭᖏᓐᓂᒃ ᒪᓕᒡᓗᒋᑦ ᖃᓄᐃᑦᑑᓂᖏᑦ ᐊᑭᓕᖅᓱᐃᔨᑦ.
ᐊᑖᓃᑦᑐᑦ ᐊᑐᓚᐅᖅᑐᑦ ᐅᑐᐱᕆ 1, 2023−ᒥᑦ.
ᒐᕙᒪᒃᑯᓐᓂᕐᒥᐅᑕᐅᙱᑦᑐᑦ ᐊᖏᕐᕋᕆᔭᐅᔪᑦ (ᐊᖏᕐᕋᕆᔭᐅᕙᒃᑐᑦ) ᐊᑐᖅᑎᐅᕙᒃᑐᑦ – 67.33−ᓴ/kWh
ᒐᕙᒪᒃᑯᓐᓂᙶᙱᑦᑐᑦ ᐊᖏᕐᕋᓕᖕᓄᑦ ᐊᑭᖏᑦ ᐊᑐᖅᐳᑦ ᐊᖏᕐᕋᖃᖅᑐᓄᑦ ᐊᑭᓕᖅᓱᐃᔨᓄᑦ ᐃᒡᓗᓕᕆᔨᒃᑯᑦ ᐃᒡᓗᖁᑎᖓᓃᙱᑦᑐᓄᑦ. ᑖᒃᑯᐊ ᐊᑭᓕᕐᓱᐃᕙᒃᑐᑦ ᐃᑲᔫᓯᐊᕈᓐᓇᖕᓂᐊᖅᑐᑦ 700 kWh−ᓂᑦ ᐅᓪᓗᓄᑦ 30−ᓄᑦ ᐊᐃᕆᓕ 1−ᒥᑦ ᓯᑎᐱᕆ 30−ᒧᑦ 1000 kWh−ᓗ ᐅᓪᓗᓄᑦ 30−ᓄᑦ ᐅᑐᐱᕆ 1−ᒥᑦ ᒫᑦᓯ 31−ᒧᑦ. ᖃᓄᑐᐃᓐᓇᖅ ᐊᑐᖅᐸᒃᑐᑦ ᖄᖏᐅᑎᔪᑦ ᐃᑲᔫᑎᓄᑦ ᐅᑎᖅᑎᒐᒃᓴᐅᔪᓐᓃᕐᕕᖓᓂ ᐊᑭᓕᒐᒃᓴᖅᑖᖅᑎᑕᐅᓲᖑᕗᑦ ᓄᓇᓕᖕᓂ ᒐᕙᒪᒃᑯᓐᓂᙶᙱᑦᑐᓂᒃ ᐊᑭᒋᑎᑕᐅᔪᓂᒃ ᐊᑕᖏᕐᓗᒍ ᐊᑭᖓᓄᑦ.
ᖃᐅᔨᒪᒋᑦ: ᐊᑭᓕᖅᑐᐃᖃᑦᑕᖅᑐᑦ ᐱᔪᓐᓇᑐᐃᓐᓇᖅᑐᑦ ᑖᑦᓱᒪᖓᑦ ᐃᑲᔫᑎᒥᑦ ᐊᑕᐅᓯᕐᒧᑦ ᐊᖏᕐᕋᒧᑦ. ᐊᑕᐅᓯᐅᙱᑦᑐᒥᑦ ᐆᒻᒪᖅᑯᑎᖃᕈᓐᓇᐅᑎᖃᕈᕕᑦ, ᐊᑕᐅᓯᑐᐊᖅ ᐃᑲᔫᓯᐊᕋᔭᖅᑐᖅ.
ᒐᕙᒪᒃᑯᓐᓂᐅᙱᑦᑐᖅ ᑮᓇᐅᔭᓕᐅᕋᓱᒃᑏᑦ – 55.54 ᓴᓐᔅ/kWh
ᒐᕙᒪᐅᙱᑦᑐᑦ ᑮᓇᐅᔭᓕᐅᕋᓱᐊᖕᓂᖕᒧᑦ ᐊᑭᖏᑦ ᐊᑐᖅᐳᑦ ᒐᕙᒪᐅᙱᑦᑐᓄᑦ ᑮᓇᐅᔾᔭᒃᓴᕋᓱᖕᓂᖕᒧᑦ ᓇᖕᒥᓂᖁᑎᖃᖅᑐᓄᓪᓘᓐᓃᑦ. ᑕᒪᓐᓇ ᐃᓚᖃᕐᒥᔪᖅ ᓇᓪᓕᐊᓂᑐᐃᓐᓇᖅ ᐊᐅᓚᐅᑎᖃᕐᕕᐅᔪᓂᑦ ᐃᓪᓗᕈᓯᕐᓂᑦ ᐊᒥᓱᓄᑦ ᐃᓪᓗᓄᑦ ᐅᕝᕙᓘᓐᓃᑦ ᐃᓪᓗᓄᑦ ᐊᒻᒪᓗ ᐱᔨᑦᑎᕋᑲᐃᓐᓇᓂᕐᒧᑦ ᑲᓱᖅᑕᐅᑲᐃᓐᓇᖃᑦᑕᖅᑐᓂᑦ ᐃᓪᓗᓕᐅᖅᑎᓪᓗᒋᑦ ᐃᓪᓗᒥᑦ ᐃᓪᓗᒥᓪᓘᓐᓃᑦ. ᐊᑭᓕᖅᓱᐃᕙᒃᑐᑦ ᐊᑭᓕᒐᒃᓴᖅᑖᖅᑎᑕᐅᖃᑦᑕᖅᐳᑦ ᐆᒻᒪᖅᑯᑎᒥᒃ ᐊᑐᓪᓚᑦᑖᕐᓂᖓᓄᑦ ᑕᖅᑭᒧᑦ, ᐊᒻᒪᓗ ᑐᙵᕕᖓᓄᑦ/ᑐᒃᓯᕋᐅᑕᐅᔪᒧᑦ ᐊᑭᓕᒐᒃᓴᒧᑦ.
ᖃᐅᔨᒪᒋᑦ: ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᒻᒥᓂᖅ ᐃᓱᒪᖅᓲᑎᖃᕐᓗᑎᒃ, ᑎᒥᐅᔪᖅ ᐋᖅᑭᑦᓯᒍᓐᓇᖅᑐᖅ ᑐᑦᓯᕋᐅᑎᒥᑦ ᐃᓘᓐᓇᖏᓐᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔨᑦᓯᕋᕐᓂᕐᒥᑦ.
ᒐᕙᒪᒃᑯᓐᓂ ᐃᒡᓗᖃᖅᑎᐅᔪᑦ (ᐊᖏᕐᕋᕆᔭᐅᔪᑦ) ᐊᑭᓕᖅᓱᐃᕙᒃᑐᑦ – 102.21 cents/kWh
ᒐᕙᒪᒃᑯᓐᓂ ᐃᒡᓗᒋᔭᐅᔪᓄᑦ ᐊᑭᖏᑦ ᐊᑐᖅᐳᑦ ᐊᖏᕐᕋᖃᖅᑐᓄᑦ ᐊᑭᓕᖅᓱᐃᔨᓄᑦ ᒐᕙᒪᒃᑯᑦ ᓇᖕᒥᓂᕆᔭᖓᓂ ᐃᒡᓗᓕᕆᔨᒃᑯᑦ ᐃᒡᓗᖁᑎᖓᓂ. ᐊᑐᖅᑐᐊᖅᑎ ᐊᑭᓕᒐᒃᓴᖅᑖᖅᑎᑕᐅᑲᐅᑎᒋᕙᒃᐳᖅ 6-ᓴᒥᑦ/kWh-ᒧᑦ ᒐᕙᒪᒃᑯᓪᓗ ᐊᑭᓕᒐᒃᓴᖅᑖᖅᑎᑕᐅᕙᒃᖢᑎᒃ ᐊᒥᐊᒃᑯᖏᓐᓂᑦ ᐊᑭᓕᒃᓴᓂᑦ (ᐃᓚᓕᐅᔾᔨᓯᒪᓪᓗᓂ ᐊᑭᓕᒐᒃᓴᓪᓗᐊᑕᒥᑦ ᖃᐅᔨᓴᐅᑎᙳᐊᒧᓪᓗ ᐊᑐᕐᑕᒥᑦ ᒐᕙᒪᒃᑯᑦ ᐃᒡᓗᖏᑕ ᐊᑭᖏᓐᓂᑦ). ᐃᓪᓗᓕᕆᔨᒃᑯᑦ ᐃᓪᓗᖁᑎᖏᑦ ᐃᓄᖃᙱᒐᐃᒻᒪᑕ ᒐᕙᒪᒃᑯᑦ ᐊᑭᓕᕋᔅᓴᓕᐅᖅᐸᑉᐳᑦ ᐊᑭᓕᒫᖏᓐᓂᑦ.
ᒐᕙᒪᒃᑯᓐᓂ ᐊᑭᓕᖅᓱᐃᕙᒃᑐᑦ – 95.18 ᓴᓐᔅ/kWh
ᒐᕙᒪᒃᑯᑦ ᐱᓕᕆᕝᕕᖃᖅᑐᓄᑦ ᐊᑭᖏᑦ ᐊᑐᖅᐳᑦ ᐱᓕᕆᕝᕕᖃᖅᑐᓄᑦ ᒐᕙᒪᒃᑯᑦ ᑮᓇᐅᔭᖁᑎᖏᓐᓄᑦ ᐅᕝᕙᓘᓐᓃᑦ ᒐᕙᒪᒃᑯᑦ ᑎᑎᕋᕐᕕᖏᓐᓄᑦ. ᐊᑭᓕᖅᓱᐃᕙᒃᑐᑦ ᐊᑭᓕᒐᒃᓴᖅᑖᖅᑎᑕᐅᖃᑦᑕᖅᐳᑦ ᐆᒻᒪᖅᑯᑎᒥᒃ ᐊᑐᓪᓚᑦᑖᕐᓂᖓᓄᑦ ᑕᖅᑭᒧᑦ, ᐊᒻᒪᓗ ᑐᙵᕕᖓᓄᑦ/ᑐᒃᓯᕋᐅᑕᐅᔪᒧᑦ ᐊᑭᓕᒐᒃᓴᒧᑦ.
ᖃᐅᔨᒪᒋᑦ: ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓇᒻᒥᓂᖅ ᐃᓱᒪᖅᓲᑎᖃᕐᓗᑎᒃ, ᑎᒥᐅᔪᖅ ᐋᖅᑭᑦᓯᒍᓐᓇᖅᑐᖅ ᑐᑦᓯᕋᐅᑎᒥᑦ ᐃᓘᓐᓇᖏᓐᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᔨᑦᓯᕋᕐᓂᕐᒥᑦ.
ᓄᓇᓕᖕᓂ ᑖᒃᓯᓂᒃ−ᑐᙵᕕᓕᒃ ᓂᐅᕕᖅᐸᒃᑐᖅ (ᐊᖏᕐᕋᓕᖕᓄᑦ/ᐊᖏᕐᕋᓕᖕᓄᑦ - 67.33 cents/kWh & ᑮᓇᐅᔭᓕᐅᕋᓱᒡᕕᖕᓄᑦ - 55.54 ᓴᓐᓯ/kWh)
ᕼᐋᒻᒪᓚᒃᑯᓐᓂ ᑖᒃᓯᓂᒃ ᑐᙵᕕᖃᖅᑐᑦ ᐊᑭᓕᖅᓱᐃᔨᓄᑦ ᐊᑭᖏᑦ ᐊᑐᓲᖑᕗᑦ ᕼᐋᒻᒪᓚᒃᑯᓐᓄᑦ ᐱᓯᒪᔪᓄᑦ ᐊᐅᓚᑦᑎᔾᔪᑎᓄᑦ ᐊᑭᓕᖅᓱᕆᐊᓕᖕᓂᒃ ᐊᖅᑯᑎᒋᔭᐅᓪᓗᑎᒃ ᓄᓇᓕᖕᓂ ᑖᒃᓯᓕᕆᔾᔪᑎᓄᑦ ᑮᓇᐅᔭᖅᑖᕆᔭᐅᕙᓪᓕᐊᔪᓄᑦ. ᐊᑭᓕᖅᓱᐃᕙᒃᑐᑦ ᐊᑭᓕᒐᒃᓴᖅᑖᖅᑎᑕᐅᖃᑦᑕᖅᐳᑦ ᖃᐅᔨᓴᐅᑎᙳᐊᑦ ᐊᑐᖅᑕᐅᓂᖏᓐᓄᑦ ᑕᖅᑭᒧᑦ, ᐊᒻᒪᓗ ᐊᑭᓪᓗᐊᑕᖓᓄᑦ. ᕼᐋᒻᒪᓚᐅᔪᑦ ᐋᖅᑭᒋᐊᖅᑕᐅᒃᑲᓐᓂᖅᑐᑦ ᕼᐋᒻᒪᓚᒃᑯᓐᓄᑦ ᑖᒃᓰᔭᖅᑎᒧᑦ ᐊᖏᖅᑕᐅᔭᕆᐊᓖᑦ ᒪᓕᒐᑎᒍᑦ ᑐᒃᓯᕋᐅᑎᒃᑯᑦ ᒥᓂᔅᑕᒧᑦ ᑲᒪᒋᔭᓕᖕᒧᑦ ᖁᓪᓕᒃᑯᓐᓂᑦ.
ᐊᖅᑯᑎᒥᑦ ᖃᐅᒪᓂᖓ
ᐊᖅᑯᑎᑦ ᖃᐅᒻᒪᖅᑯᑎᖏᑦ ᖃᐅᔨᓴᐅᑎᙳᐊᖃᙱᑦᑐᑦ ᑕᖅᑭᑕᒫᓪᓗ ᐊᑭᓕᒐᒃᓵᕐᔪᖕᒥᑦ ᐊᖅᑯᑎᒥᑦ ᐃᑯᒪᒧᑦ. ᐊᑭᖏᑦ ᐊᔾᔨᒌᖃᑦᑕᙱᑦᑐᑦ ᓄᓇᓕᖕᓂ ᐊᒻᒪ ᐊᖅᑯᑎᒃᑯᑦ ᖃᐅᒻᒪᖅᑯᑎᑦ ᖃᓄᐃᑦᑑᓂᖏᑦᑎᒍᑦ.
ᐊᖅᑯᑎᒃᑯᑦ ᖃᐅᒻᒪᖅᑯᑎᑦ ᐊᑭᖏᑦ ᑕᑯᔪᒪᓪᓗᒋᑦ, ᐅᓇ ᓇᕿᓪᓗᒍ.