ᓯᕗᓕᖅᑎᐅᖃᑎᒌᑦ

ᑮᑦ ᐲᑕᓴᓐ ᒥᓂᔅᑕᐅᓚᐅᖅᓯᒪᔪᖅ ᓄᓇᕗᑦ ᒐᕙᒪᖓᓂ ᒪᓕᒐᓕᐅᖅᑎᐅᖃᑕᐅᓪᓗᓂᓗ ᐃᖃᓗᒃᑑᑦᑎᐊᒥ ᑭᒡᒐᖅᑐᐃᓪᓗᓂ. ᑮᓇᐅᔭᓕᕆᔨᒃᑯᑦ, ᒪᓕᒐᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᐱᓕᕆᐊᒃᓴᖏᓐᓂᒃ ᑎᒍᒥᐊᖅᑎᐅᓚᐅᖅᑐᖅ ᐊᒻᒪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᐅᓪᓗᓂ. ᑮᑦ ᐲᑕᓴᓐ ᒪᐃᔭᐅᓚᐅᖅᓯᒪᔪᖅ ᐃᖃᓗᒃᑑᑦᑎᐊᒥ ᒪᕐᕈᐃᖅᓱᖅᖢᓂ, ᐊᔾᔨᒌᙱᑦᑐᓂᓪᓗ ᐃᖅᑲᓇᐃᔮᖃᖃᑦᑕᖅᓯᒪᓪᓗᓂ ᐊᓯᖏᓐᓂᒃ ᒐᕙᒪᒃᑯᓐᓂ ᐊᒻᒪ ᐃᒻᒥᒃᑰᖅᑐᓄᑦ ᑲᑎᒪᔨᐅᖃᑦᑕᖅᓯᒪᓪᓗᓂ. ᐱᓕᕆᖃᑦᑕᖅᓯᒪᓪᓚᕆᒃᑐᖅ ᒐᕙᒪᒃᑯᑦ ᐱᓕᕆᕝᕕᖏᓐᓂ ᓯᕗᓕᖅᑎᐅᓪᓗᓂ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᑎᒥᖁᑎᖏᓐᓂᒃ, ᑲᑎᒪᔨᑦ ᐊᐅᓚᑦᑎᕝᕕᖏᓐᓂ ᐊᒻᒪ ᓄᓇᓕᖕᓂ ᐱᓕᕆᖃᑎᒌᓂᑦ. ᐃᖃᓗᒃᑑᑦᑎᐊᒥ ᐊᖏᕐᕋᖃᖅᑐᖅ.

ᐋᓐᓄᓘ ᓇᑲᓱᒃ ᑲᑎᒪᔨᐅᖃᑕᐅᖃᑦᑕᖅᓯᒪᔪᖅ, ᑲᑐᔾᔨᖃᑎᒌᓄᑦ ᐊᒻᒪ ᑲᑎᒪᔨᓄᑦ ᐅᑭᐅᒐᓴᖕᓄᑦ ᐸᖕᓂᖅᑑᒥ, ᕿᑭᖅᑖᓗᖕᒥ, ᓄᓇᕘᓕᒫᒥᓗ. ᒫᓐᓇ ᑲᑎᒪᑎᑦᑎᔨᐅᔪᖅ ᓄᓇᕗᑦ ᐸᕐᓇᐃᔨᖏᑕ ᑲᑎᒪᔨᖏᓐᓄᑦ, ᓄᓇᓕᖕᓂ ᑐᓴᐅᒪᑎᑦᑎᕙᒃᖢᓂ, ᐸᕐᓇᐃᕙᒃᖢᓂᓗ ᑲᑎᒪᓂᒃᓴᓂᒃ. ᐋᓐᓄᓘ ᓇᑲᓱᒃ ᐱᓕᕆᖃᑦᑕᖅᓯᒪᔪᖅ ᓄᓇᒥ ᐆᒪᔪᕐᓂᐊᖅᑎᐅᓪᓗᓂ ᐊᒻᒪ ᐃᖃᓗᓕᕆᔨᐅᓪᓗᓂ, ᓇᓄᓕᕆᔨᐅᓪᓗᓂ ᐊᒻᒪ ᑐᑭᓯᒋᐊᖅᑎᑦᑎᔨᒋᔭᐅᓪᓗᓂ. ᐃᓕᓐᓂᐊᕌᓂᒃᓯᒪᔪᖅ ᐊᕙᑎᑦᑎᓐᓂ ᑐᐊᕕᕐᓇᖅᑐᓄᑦ ᖃᓄᐃᓕᐅᕆᐊᖃᕐᓂᕐᒥᒃ, ᐱᖏᖕᓇᖅᑐᓕᕆᔨᓂᑦ ᐊᐅᓚᑦᑎᓂᕐᒧᑦ ᐃᓕᓐᓂᐊᖅᓯᒪᓪᓗᓂ, ᐊᔾᔨᒌᙱᑦᑐᓂᓪᓗ ᐃᓕᓐᓂᐊᒐᒃᓴᓂᑦ ᐸᓖᓯᒃᑯᑎᒍᑦ. ᐋᓐᓄᓘ ᐸᖕᓂᖅᑑᒥᐅᑕᐅᔪᖅ.

ᔮᓂ ᒪᐃᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐸᖕᓂᖅᑑᒧᑦ ᐊᕐᕌᒍᓪᓗ 30 ᐅᖓᑖᓂ ᐱᓕᕆᖃᑦᑕᖅᓯᒪᓪᓗᓂ ᓇᖕᒥᓂᓕᖕᒥᑦ, ᒐᕙᒪᒃᑯᓐᓂ, ᐊᒻᒪ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᓂᑦ ᓄᓇᕘᓕᒫᒥ. ᔮᓂ ᒪᐃᒃ ᐃᓚᒋᔭᐅᓪᓚᕆᓚᐅᖅᓯᒪᔪᖅ ᐃᓄᐃᑦ ᓄᓇᖓᓂ ᓂᕈᐊᖅᑎᓪᓗᒋᑦ ᐋᔩᖃᑎᒌᒃᑐᓂᑦ ᕿᑭᖅᑖᓘᑉ ᓂᒋᐊᓄᑦ ᓄᓇᓕᖏᓐᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒃᑎᓪᓗᒋᑦ. ᐅᑭᐅᖅᑕᖅᑐᒥ ᖃᐅᒻᒪᖅᑯᑎᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᓚᐅᖅᓯᒪᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ, ᐊᒻᒪ ᖃᖓᑦᑎᐊᓵᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᖢᓂ, ᔮᓂ ᒪᐃᒃ ᑐᑭᓯᐅᒪᑦᑎᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᓂᕆᔭᖓᓂᒃ ᐊᐅᓚᑦᑎᔾᔪᑎᖏᓐᓂᒡᓗ. ᒫᓐᓇ ᐊᖑᓇᓱᒃᑐᓕᕆᔨᒃᑯᓐᓄᑦ ᑲᑎᒪᔨᐅᔪᖅ ᐸᖕᓂᖅᑑᒥ. ᔮᓂ ᒪᐃᒃ ᐸᖕᓂᖅᑑᒥᐅᑕᐅᔪᖅ.

ᑭᓕᐅᕋᓐᔅ ᓯᓈᑦ ᐅᑭᐅᑦ 26 ᐅᖓᑖᓂ ᐅᑭᐅᖅᑕᖅᑐᒥ ᐱᓕᕆᖃᑦᑕᖅᓯᒪᓕᖅᑐᖅ. ᒫᓐᓇ ᐊᖓᔪᖅᑳᕆᔭᐅᔪᖅ ᐊᐅᓚᑦᑎᔨᒻᒪᕆᐅᓪᓗᓂᓗ ᓄᓇᕗᒻᒥ ᐃᒡᓗᓕᐅᖅᑎᑦ ᑮᓇᐅᔭᓕᐅᕋᓱᒃᑎᓂᑦ. ᐅᓄᖅᑐᓂᒃ ᐱᓕᕆᐊᒃᓴᖃᖅᖢᓂ ᓄᓇᕗᒻᒥ ᐃᒡᓗᓕᐅᖅᑎᒃᑯᓐᓂ ᐊᕐᕌᒍᒐᓴᖕᓂ, ᑲᔪᓯᑎᑦᑎᖃᑕᐅᖃᑦᑕᖅᓯᒪᔪᖅ ᑲᑐᔾᔨᖃᑎᒌᑦᑎᐊᖅᑐᓂᒃ ᓄᓇᕘᓕᒫᒥ ᑐᕌᒐᖃᓪᓗᐊᑕᖅᖢᑎᒃ ᐋᓐᓂᐊᖅᑐᓕᕆᓂᕐᒥᒃ ᐊᑦᑕᕐᓇᖅᑕᐃᓕᒪᑎᑦᑎᓂᕐᒥᓪᓗ ᐃᖅᑲᓇᐃᔭᖃᑎᖏᓐᓂᒃ ᐃᖅᑲᓇᐃᔭᖅᑎᖏᓐᓂᒡᓗ. ᓄᓇᓕᖕᓂ ᐃᓚᒋᐅᖃᑦᑕᖅᖢᓂ, ᑭᓕᐅᕋᓐᔅ ᐃᒃᓯᕙᐅᑕᒧᑦ ᑐᒡᓕᕆᔭᐅᕗᖅ ᐃᖃᓗᖕᓂ ᐃᓚᒋᔭᐅᓪᓗᓂ ᓇᔪᖅᑕᐅᔪᑦ ᐃᓅᖃᑎᒌᓄᑦ, ᐊᖓᔪᖅᑳᕆᔭᐅᓪᓗᓂ ᕿᑭᖅᑖᓗᖕᒥ ᓇᖕᒥᓂᖃᖅᑎᐅᔪᑦ ᑲᑎᒪᔨᖏᓐᓄᑦ, ᐊᒻᒪ ᐊᖓᔪᖅᑳᒧᑦ ᑐᒡᓕᕆᔭᐅᓪᓗᓂ ᐱᓕᕆᔪᓐᓇᑦᑎᐊᖅᑐᑦ ᑲᑎᒪᔨᖏᓐᓄᑦ ᓄᓇᕗᒻᒥ. ᐊᐅᐸᖅᑐᒥ ᓇᕿᑕᐅᓯᒪᔪᒥᒃ ᓇᓗᓇᐃᒃᑯᑕᖅᑖᖅᓯᒪᔪᖅ ᓴᓈᒧᑦ ᐃᓕᓴᕆᔭᐅᔾᔪᑎᑖᖅᖢᓂ (ᕿᔪᓕᕆᔨᐅᓂᕐᒧᑦ) ᓯᓚᑦᑐᖅᓴᕐᕕᖕᒥ Atlantic ᐅᐊᖕᓇᖓᓂ. ᑭᓕᐅᕋᓐᔅ ᓯᓈᑦ ᐃᖃᓗᖕᒥᐅᑕᐅᔪᖅ

ᓇᔭᑉ ᑳᓐ ᒫᓐᓇ ᑮᓇᐅᔭᓕᕆᔨᒻᒪᕆᐅᕗᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ. ᐅᓄᖅᑐᓂᑦ ᐱᓕᕆᐊᖃᖃᑦᑕᖅᓯᒪᔪᖅ ᑮᓇᐅᔭᓕᕆᔨᐅᓪᓗᓂ ᐃᖅᑲᓇᐃᔭᕐᓂᓕᒫᖓᓂ, ᖃᖓᑦᑎᐊᖅ ᓄᓇᕗᒻᒥ ᐃᒡᓗᓕᕆᔨᒃᑯᓐᓃᓚᐅᖅᖢᓂ ᑮᓇᐅᔭᓕᕆᔨᒻᒪᕆᐅᓪᓗᓂ. ᓇᔭᑉ ᐃᓕᓴᕆᔭᐅᔾᔪᑎᖃᖅᑐᖅ ᐊᐅᓚᑦᑎᕕᖕᒥ ᑮᓇᐅᔭᓕᕆᒻᒪᕆᐅᓂᕐᒧᑦ ᐱᓕᕆᔪᓐᓇᑦᑎᐊᖅᖢᓂ ᖃᐅᔨᓴᖅᑕᐅᓯᒪᔪᑦ ᐱᕋᔭᖕᓂᒃᑯᑦ ᑮᓇᐅᔭᓕᕆᓂᕐᒥᒃ. ᖃᐅᔨᓴᖅᑐᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᔪᖅ ᓈᓴᐅᓯᕆᓂᕐᒥᒃ ᐊᒻᒪ ᑮᓇᐅᔭᓕᕆᓂᕐᒥᒃ Peshawar ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪᓗ ᐱᔭᕇᕈᓯᐊᖃᖅᖢᓂ ᒐᕙᒪᒃᑯᓐᓂ ᐊᒡᓚᕝᕕᓕᕆᓂᕐᒧᑦ Flinders ᓯᓚᑦᑐᖅᓴᕐᕕᒡᔪᐊᕐᒥ. ᓇᔭᑉ ᑳᓐ ᐃᖃᓗᖕᒥᐅᑕᐅᔪᖅ.

ᔮᓂ ᒪᐃᒃ ᒪᓕᒐᓕᐅᖅᑎᐅᓚᐅᖅᓯᒪᔪᖅ ᐸᖕᓂᖅᑑᒧᑦ ᐊᕐᕌᒍᓪᓗ 30 ᐅᖓᑖᓂ ᐱᓕᕆᖃᑦᑕᖅᓯᒪᓪᓗᓂ ᓇᖕᒥᓂᓕᖕᒥᑦ, ᒐᕙᒪᒃᑯᓐᓂ, ᐊᒻᒪ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᓂᑦ ᓄᓇᕘᓕᒫᒥ. ᔮᓂ ᒪᐃᒃ ᐃᓚᒋᔭᐅᓪᓚᕆᓚᐅᖅᓯᒪᔪᖅ ᐃᓄᐃᑦ ᓄᓇᖓᓂ ᓂᕈᐊᖅᑎᓪᓗᒋᑦ ᐋᔩᖃᑎᒌᒃᑐᓂᑦ ᕿᑭᖅᑖᓘᑉ ᓂᒋᐊᓄᑦ ᓄᓇᓕᖏᓐᓂ ᓄᓇᕗᒻᒥ ᓄᓇᑖᓂᕐᒧᑦ ᐊᖏᖃᑎᒌᒃᑎᓪᓗᒋᑦ. ᐅᑭᐅᖅᑕᖅᑐᒥ ᖃᐅᒻᒪᖅᑯᑎᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᓚᐅᖅᓯᒪᓪᓗᓂ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑲᑎᒪᔨᐅᓚᐅᖅᓯᒪᓪᓗᓂ, ᐊᒻᒪ ᖃᖓᑦᑎᐊᓵᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᒥᓂᔅᑕᕆᔭᐅᓚᐅᖅᖢᓂ, ᔮᓂ ᒪᐃᒃ ᑐᑭᓯᐅᒪᑦᑎᐊᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᐅᓚᓂᕆᔭᖓᓂᒃ ᐊᐅᓚᑦᑎᔾᔪᑎᖏᓐᓂᒡᓗ. ᒫᓐᓇ ᐊᖑᓇᓱᒃᑐᓕᕆᔨᒃᑯᓐᓄᑦ ᑲᑎᒪᔨᐅᔪᖅ ᐸᖕᓂᖅᑑᒥ. ᔮᓂ ᒪᐃᒃ ᐸᖕᓂᖅᑑᒥᐅᑕᐅᔪᖅ.