ᐅᕙᒍᑦ ᒥᔅᓵᓄᑦ

ᓄᓇᕗᑦ ᐊᕕᓚᐅᖅᑎᓪᓗᒋᑦ ᓄᓇᑦᓯᐊᖅ ᒐᕙᒪᒃᑯᖏᓐᓂᑦ, ᓄᓇᕗᑦ ᐆᒪᖅᑯᑎᓕᕆᔨᕐᔪᐊᒃᑯᑦ ᐱᓇᓱᐊᒐᖅᑖᓚᖅᐳᑦ ᐆᒪᖅᑯᑎᖃᖅᑎᑦᑎᓂᕐᒥᑦ ᓄᓇᓕᓐᓂᑦ ᓄᓇᕗᒻᒦᑦᑐᓂᑦ ᐄᐳᓘ 1, 2001ᖑᑎᓪᓗᒍ. ᐊᑎᖓ ᐊᓯᔾᔨᖅᑕᐅᓪᓗᓂ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂ (QEC) 2003ᖑᑎᓪᓗᒍ, ᓄᓇᕗᒻᒥᑦ ᐆᒻᒪᖁᑎᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᓐᓄᑦ ᓇᒻᒥᓂᖁᑎᒋᔭᐅᔪᖅ 100 ᐳᓴᑦᑎᒥᑦ, ᓇᒻᒥᓂᖅᓱᖅᑐᑎᑦ ᐊᐅᓚᓂᖃᖅᑐᑦ ᒐᕙᒪᒃᑯᓐᓂᑦ ᐊᐅᓚᑕᐅᓇᑎᑦ, ᒥᓂᔅᑕ ᑲᒪᒋᔭᓕ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖᓂᒃ ᐊᖏᔪᖅᑳᖃᖅᑐᑎᑦ.

ᐆᒻᒪᖁᑎᖃᖅᑎᑦᑎᔨᑐᐊᖑᓪᓗᑕ ᖃᐅᔨᒪᖃᖅᑎᑦᑎᔨᑐᐊᖑᓪᓗᑕᓗ ᓄᓇᕗᒻᒥ.

ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᒪᓕᒐᖅᑎᒍᑦ ᑎᒥᖁᑎᑖᕆᔭᐅᓯᒪᔪᖅ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐱᖁᔭᖓ ᒪᓕᓪᓗᒍ ᐊᒻᒪ ᐊᑭᖏᑦ ᐆᒻᒪᖁᑏᑦ ᒪᓕᒐᕐᒥᑦ ᒪᓕᑦᑐᑎᑦ ᐋᖅᑭᑦᑕᐅᕙᒻᒥᔪᑦ ᐆᒻᒪᖅᑯᑏᑦ ᐊᑭᖏᓐᓂᒃ ᑲᑎᒪᔩᑦ ᐱᖁᔭᕐᒥᑦ. ᐊᑦᑕᕐᓇᓐᖏᑦᑐᒥᑦ, ᑐᕚᕆᔭᔅᓴᐅᑦᑎᐊᖅᑐᒥᑦ ᐊᐅᓚᓂᖃᑦᑎᐊᖅᑐᒥᑦ ᐆᒻᒪᖅᑯᑎᖃᖅᑎᑦᑎᓂᕐᒥᑦ ᑭᐅᔪᓐᓇᑎᐊᕐᓗᑕ ᐊᒻᒪ ᐃᑉᐱᒍᓱᑦᑎᐊᕐᓗᑕ ᐱᓕᕆᖃᑎᖃᒋᕙᑦᑕᑎᓐᓂᑦ ᓇᒻᒥᓂᖃᖅᑎᐅᖃᑎᑦᑎᓐᓂᑦ.

ᐆᒻᒪᖅᑯᑎᖃᖅᑎᑦᑎᕙᑦᑐᒍᑦ 15,000ᖏᓐᓃᑦᑐᓂᑦ ᓄᓇᕗᓕᒫᒥᑦ. ᐆᒻᒪᖁᑎᖃᖅᑎᑦᑎᕙᑦᑐᒍᑦ ᓄᓇᕗᒻᒥᐅᓂᑦ ᐊᑐᓂᑦ 25ᓂᑦ ᐊᐅᓚᑎᖃᕐᕕᖃᐅᑦᑐᑎᑦ ᐃᓛᒃᑯᑦ ᐅᕐᓱᐊᓗᑦᑕᖅᑐᓂᑦ 25ᓂᑦ ᓄᓇᓕᓐᓂᑦ, ᑖᒃᑯᐊ ᐊᐅᓚᐅᑏᑦ ᐆᒻᒪᖁᑏᑦ ᓴᓐᖏᓂᓖᑦ ᐃᒪᓐᓇᐸᓗᒃ 76,000 ᑭᓗᐋᑦᓂᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑎᒍᑦ ᓴᓇᔨᖃᖅᑎᑦᑎᔨᐅᔪᑦ ᐊᐅᓚᐅᑎᖏᓐᓂᑦ, ᐊᐅᔭᓕᕆᔨᓂᑦ/ᓄᑭᓪᓚᐅᓯᕆᔨᓂᑦ ᐱᖓᓱᐃᓕᖅᑲᖓᓪᓗᑎᑦ ᐊᕕᑦᑐᖅᓯᒪᔪᓂᑦ ᓄᓇᓕᓐᓂᑦ ᑐᑦᑕᖃᖅᑐᑎᑦ: ᐃᖃᓗᐃᑦ, ᑲᖏᖠᓂᖅ ᐊᒻᒪ ᐃᖃᓗᑦᑑᑦᓯᐊᖅ. ᐊᐅᓚᓂᕆᕙᑦᑕᓕᒫᖏᑦ ᐱᓕᕆᐊᔅᓴᐅᔪᑦ ᑕᒪᐃᓐᓂᒃ ᐊᐅᓚᑕᐅᕙᑦᑐᑦ ᐊᓪᓚᕕᑦᑎᒍᑦ ᑐᑦᑕᕐᕕᐅᓪᓗᓂᑦ ᖃᒪᓂᑦᑐᐊᒦ ᐊᒻᒪ ᑮᓇᐅᔭᓕᕕᖓ ᐃᖃᓗᓐᓃᑦᑐᓂ. ᖁᓪᓕᒃᑯᑦ 200ᓂᑦ ᐃᖅᑲᓇᐃᔭᖅᑎᓖᑦ ᓄᓇᕗᓕᒫᒥᑦ.

ᐆᒻᒪᖅᑯᑎᖃᖅᑎᑦᑎᓂᖅ ᓄᓇᕗᒥᑦ ᑲᔪᓯᔪᓐᓇᖅᑎᑕᐅᑦᑎᐊᐸᑦᑐᖅ ᑭᓯᐊᓂ ᐅᕐᓱᔅᓴᖅ ᑎᑭᑎᑕᐅᓪᓗᓂ ᐅᓯᑲᖅᑕᐅᑎᒃᑯᑦ. ᐊᑐᓂᑦ ᓄᓇᓖᑦ ᓄᓇᕗᒻᒥᑦ ᐃᒻᒥᒃᑰᖅᑐᒡᒍᑎᓂᑦ ᐊᐅᓚᑎᖃᕐᕕᓖᑦ ᐆᒻᒪᖁᑎᒋᔭᐅᓪᓗᑎᑦ. ᓇᓪᓕᐅᒃᑯᒫᖃᓐᖏᑦᑐᑦ ᐊᓯᖏᓐᓂᒃ ᐆᒻᒪᖁᑎᔅᓴᒥᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᓇᑕᒥᐅᑉ ᐃᓗᐊᓂ ᑯᐊᐳᕇᓴᐅᔪᓂᑦ ᐱᖃᓐᖏᑦᑐᑐᐊᑦ ᐊᑐᐃᓐᓇᐅᑦᑕᐅᑎᒋᔪᒥᑦ ᐱᕕᔅᓴᕆᔭᒥᓐᓂᒃ ᐆᒻᒪᖁᑎᖏᓐᓄᑦ ᐊᐅᓚᔪᓐᓇᐅᑎᖏᓐᓂᒃ, ᑭᓯᐊᓂ ᑐᕚᕆᔭᔅᓴᑐᐊᕆᓪᓗᒍ ᐊᓯᐊᒎᕐᕕᖃᖏᑦᑐᒥᑦ ᐅᕐᓱᐊᓗᑐᑦᑐᖅᓂᑦ.