ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
QEC 21-052 ᐃᒡᓗᕐᔪᐊᓄᑦ ᐊᐅᓚᑦᓯᔨ
ᐃᖃᓗᐃᑦ, ᓄᓇᕗᒻᒦᑦᑐᖅ ᐊᖓᔪᖅᑳᖃᖅᖢᓂᓗ ᑐᑭᒧᐊᑦᑎᑦᓯᔨ, ᐋᓐᓂᐊᖃᖅᑕᐃᓕᓂᕐᒧᑦ, ᐊᑦᑕᕐᓇᖅᑕᐃᓕᓂᕐᒧᑦ, ᐊᕙᑎᓕᕆᓂᕐᒧᑦ, ᐃᒡᓗᕐᔪᐊᓕᕆᔨᒥᒃ ᐃᒡᓗᕐᔪᐊᓄᑦ ᐊᐅᓚᑦᓯᔨ ᑲᒪᒋᔭᒃᓴᖃᖅᐳᖅ ᐊᐅᓚᑦᑎᓂᕐᒥᑦ ᖁᓪᓕᒃᑯᑦ ᓇᖕᒥᓂᖁᑎᖏᓐᓂᑦ ᓇᓗᓇᐃᖃᑦᑕᖁᓪᓗᒋᑦ ᑮᓇᐅᔭᖁᑎᖏᑦ ᐊᑐᖅᑕᐅᑦᑎᐊᕐᒪᖔᑦ, ᑕᑯᒃᓴᐅᑦᑎᐊᕐᓗᓂᑦ ᑲᒪᒋᔭᖃᑦᑎᐊᕈᓐᓇᕐᓂᖓ, ᐃᓚᓕᐅᔾᔨᓯᒪᕙᒡᓗᓂᑦ ᐊᑦᑕᕐᓇᖅᑐᓂᒃ ᐊᐅᓚᑦᑎᔪᓐᓇᕐᓂᕐᒥᑦ, ᐃᑲᔪᖅᑐᐃᓗᓂᓗ ᑯᐊᐳᕇᓴᒃᑯᑦ ᑎᑭᐅᑎᓇᓱᐊᖅᑕᖏᓐᓂᒃ. ᐃᖅᑲᓇᐃᔮᓕᒃ ᑲᒪᒋᔭᒃᓴᖃᕆᕗᖅ ᐊᐅᓚᑦᑎᖃᑦᑕᕐᓂᕐᒥᑦ ᑯᐊᐳᕇᓴᐅᑉ ᓇᖕᒥᓂᖁᑎᖏᓐᓂᑦ, ᐱᖃᓯᐅᑎᓪᓗᓂᑦ ᓂᐅᕕᖃᑦᑕᕐᓂᖅ, ᐋᖅᑭᒃᓱᐃᖃᑦᑕᕐᓂᖅ, ᐊᑐᕈᓐᓃᖃᑦᑕᕐᓂᕐᓗ ᓅᑕᒃᓴᐅᙱᑦᑐᑦ ᓅᑕᒃᓴᓂᓪᓗ ᐱᖁᑎᓂᒃ, ᓇᖕᒥᓂᕆᔭᐅᔪᑦ ᐊᑐᖅᑐᐊᖅᑕᐅᔪᓪᓗ ᐃᖅᑲᓇᐃᔭᖅᑎᑦ ᐃᒡᓗᖁᑎᖏᓐᓂᑦ, ᓇᖕᒥᓂᕆᔭᐅᔪᑦ ᐊᑐᖅᑐᐊᖅᑕᐅᔪᓪᓗ ᐃᒡᓗᕐᔪᐊᑦ, ᓄᓇᓂᑦ, ᓅᑕᒃᓴᓪᓗ ᐱᖁᑎᓂᑦ, ᐱᖃᓯᐅᑎᓪᓗᓂᑦ ᐊᓯᔾᔨᖅᐸᓪᓕᐊᖏᓐᓇᖅᑐᑦ ᑭᓱᑐᐃᓐᓇᑦ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
- ᐱᓕᕆᖃᑎᖃᖅᐸᒃᖢᓂᑦ ᐃᒡᓗᖃᖅᑎᐅᔪᓂᒃ ᐋᔩᖃᑎᒋᓪᓗᒋᑦ ᓄᑖᕐᓂᑦ ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑎᓂᒃ, ᐊᑲᐃᓪᓕᐅᕈᑏᑦ ᐋᖅᑭᒐᓱᐊᕐᓂᕐᒥᑦ, ᐊᑐᕈᓐᓃᖅᑎᑦᑎᓂᕐᒥᑦ ᐊᑐᖅᑐᐊᕈᑎᕕᓂᕐᓂᑦ; ᐱᖃᓯᐅᑎᓪᓗᓂᑦ ᓇᓗᓇᐃᕆᓂᖅ ᑕᒪᐃᓐᓂ ᐃᒡᓗᑦ ᐊᑐᖅᑐᐊᖅᑕᐅᔪᑦ ᐃᖅᑲᓇᐃᔭᖅᑎᓂᒃ ᖁᓪᓕᒃᑯᓐᓂᓗ ᒫᓐᓇᓕᓴᐅᒐᓗᐊᕐᒪᖔᑦ ᑕᒻᒪᖅᑕᖅᓯᒪᙱᒃᑲᓗᐊᕐᒪᖔᓪᓗ.
- ᓇᐅᑦᑎᖅᓱᖅᐸᒃᖢᒋᑦ ᐱᔨᑦᑎᕋᕈᑕᐅᔪᑦ ᐃᒡᓗᖃᖅᑎᐅᔪᓂᒃ ᓇᓗᓇᐃᖁᓪᓗᒋᑦ ᒪᓕᑦᑎᐊᕋᓗᐊᕐᒪᖔᑦ ᐊᖏᖃᑎᒌᒍᑎᒥᑦ ᖁᓪᓗᒃᑯᓐᓄᑦ ᐅᖃᖃᑎᖃᖅᐸᒃᖢᓂᓗ ᒪᓕᒐᓕᕆᔨᓂᒃ ᖁᓪᓕᒃᑯᓐᓂᑦ ᓯᓚᑖᓃᑦᑐᓂᒡᓗ ᐊᑲᐃᓪᓕᐅᕈᑏᑦ ᐋᖅᑭᒐᓱᐊᕐᓗᒋᑦ ᒪᓕᒐᑎᒍᑦ.
- ᐱᓕᕆᖃᑎᖃᖅᐸᒡᓗᓂᑦ ᓯᓚᑖᓂᙶᖅᑐᑦ ᐃᖅᑲᓇᐃᔭᕐᕕᖕᒥᓗ ᐅᖃᐅᔾᔪᐃᔨᑦ ᑎᑎᕋᖅᑎᓂᒃ, ᓴᓇᔨᓂᒃ, ᐊᓯᖏᓐᓂᒡᓗ ᐱᓕᕆᔨᒻᒪᕆᖕᓂᑦ ᐱᔭᕆᑐᔪᓄᑦ.
- ᑲᒪᒋᔭᖃᖅᐸᒡᓗᓂᑦ ᐱᓕᕆᐊᒃᓴᓂᑦ ᐊᑐᓕᖅᑎᑦᑎᓂᕐᒥᑦ ᐱᖃᓯᐅᑎᓪᓗᓂᑦ ᑳᓐᑐᕌᓂᒃ ᑮᓇᐅᔭᑎᒍᓪᓗ ᐃᖏᕐᕋᓂᕆᔭᐅᔪᑦ, ᒪᓕᖃᑦᑕᕐᓂᖅ ᐋᖅᑭᒃᓱᖅᑕᐅᓯᒪᔪᓂᒃ ᐅᐸᓗᖓᐃᔭᖅᐸᒡᓗᓂᓗ.
- ᐱᖁᑏᑦ ᑕᑯᔭᖅᑐᖃᑦᑕᕐᓗᒋᑦ ᐊᐅᓚᓂᖃᑦᑎᐊᓂᖃᖁᓪᓗᒋᑦ ᐃᓪᓗᖁᑎᒋᔭᖏᑕ ᐊᐅᓚᔾᔪᑎᖏᑦ, ᓯᓚᐅᑉ ᖃᓄᐃᓐᓂᖓ ᐱᓪᓗᒍ ᐃᓪᓗᖏᑦ ᐋᖅᑭᑦᑎᐊᖅᓯᒪᒐᓗᐊᕐᒪᖔᑕ, ᐋᖅᑭᐅᒪᐃᓐᓇᕈᑏᑦ ᑕᐃᒫᑦᑎᐊᖅ ᐱᔭᐅᒐᓗᐊᕐᒪᖔᑕ, ᐊᒻᒪ ᐃᓪᓗᓄ ᒪᓕᑦᑕᐅᔭᕆᐊᓕᓐᓄᑦ ᐱᖁᔭᓂᑦ ᒪᓕᑦᑎᐊᕋᓗᐊᕐᒪᖔᑕ
- ᐱᕙᒌᔭᐃᕙᒡᓗᓂᑦ ᐊᐅᓚᑦᑎᕙᒡᓗᓂᓗ ᐃᖏᕐᕋᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᑮᓇᐅᔭᖅᑑᑎᒃᓴᓂᑦ ($9 ᒥᓕᐊᓐ) ᐱᖁᑎᓄᑦ, ᐱᖃᓯᐅᑎᓪᓗᓂᑦ ᐱᕙᓪᓕᐊᓂᖅ ᐊᑐᖃᑦᑕᕐᓂᕐᓗ ᐊᕐᕌᒍᑕᒫᖅᓯᐅᑎᑦ ᐱᕙᒌᔭᐅᒻᒥᒃ.
- ᐋᖅᑭᒃᓯᕙᒡᓗᓂᑦ ᐊᕐᕌᒍᑕᒫᖅ ᑎᑭᑕᐅᓇᓱᐊᖅᑐᒃᓴᓂᑦ ᑕᒪᐃᓐᓄ ᐅᓂᒃᑳᕐᕕᒋᕙᒃᑕᒥᖕᓄᑦ ᓇᐅᑦᑎᖅᓱᖅᐸᒡᓗᒋᓗ ᐱᓕᕆᐊᒃᓴᑎᒍᑦ ᓴᖅᑭᑉᐸᓪᓕᐊᔪᑦ ᖃᓄᖅ ᐱᕙᓪᓕᐊᓂᕆᔭᖏᒍᑦ ᐋᖅᑭᒋᐊᖅᓯᕙᒡᓗᓂᓗ ᐊᑲᐅᙱᓕᐅᕈᑎᓂᒃ ᐃᖏᕐᕋᓂᕆᔭᐅᔪᓂᒡᓘᓐᓃᑦ.
ᐊᔪᙱᓐᓂᕆᔭᐅᔭᕆᐊᓖᑦ ᐅᑯᐊᖑᕗᑦ:
- ᓯᓚᑦᑐᖅᓴᕐᕕᖕᒥ ᐃᓱᓕᑦᑎᓯᒪᒋᐊᓕᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔨᐅᓂᕐᒧᑦ, ᑭᒃᑯᑐᐃᓐᓇᕐᓄᑦ ᐊᐅᓚᑦᑎᓂᕐᒧᑦ ᐊᒃᑐᐊᓂᓕᖕᓂᓪᓗ ᐋᖅᑭᒃᓱᐃᓂᕐᒥᒃ.
- ᐅᑭᐅᕐᓄᑦ ᑕᓪᓕᒪᑦ ᐊᐅᓚᑦᑎᔨᐅᓂᑰᓗᓂᑦ ᖃᓄᑯᓘᔭᖅ ᓇᖕᒥᓂᓕᕆᔨᐅᓂᕐᒥᑦ, ᓲᕐᓗ ᐊᑐᖅᑐᐊᖅᑕᐅᔪᑦ ᓇᖕᒥᓂᕆᔭᐅᔪᓪᓘᓐᓃᑦ ᐃᒡᓗᕐᔪᐊᑦ, ᓴᓇᕝᕖᑦ, ᐊᒻᒪᓗ/ᐅᕝᕙᓘᓐᓃᑦ ᐃᒡᓗᖁᑎᒋᔭᐅᔪᑦ.
- ᐊᕐᕌᒍᓄᑦ ᒪᕐᕉᓐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
ᐱᔪᓐᓇᖅᑕᖏᑦ:
- ᐱᓕᕆᔨᒻᒪᕆᐅᓂᕐᒧᑦ ᓇᓗᓇᐃᒃᑯᑕᖃᕈᓂᑦ ᐃᒡᓗᒥᑦ ᓇᖕᒥᓂᕆᔭᐅᔪᒥᑦ ᐊᐅᓚᑦᑎᔪᓐᓇᕐᓂᕐᒧᑦ, ᐊᔾᔨᐸᓗᖓᓂᓘᓐᓃᑦ ᓇᓗᓇᐃᒃᑯᑕᖃᕈᓂᑦ ᐊᑲᐅᓇᔭᖅᐳᖅ
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $106,587−ᒥ $136,277.00−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $15, 016.00−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᕕᕝᕗᐊᓕ 11, 2022 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.