ᖁᕕᐊᓇᖅᑐᒻᒪᕆᐅᓪᓗᓂ ᐊᔾᔨᐅᙱᑦᑐᒻᒪᕆᐅᓪᓗᓂᓗ ᐱᕕᖃᖅᑎᑦᑎᔪᖅ ᐃᓄᒻᒧᑦ ᐃᓐᓄᒃᓯᓇᓱᐊᖅᑎᓪᓗᒋᑦ ᐃᓕᓐᓂᐊᖅᓯᒪᔪᓂ ᐃᓄᓐᓂ ᐃᓱᓕᖅᑎᓂᑰᔪᓂ ᐃᑲᔪᕐᓂᖃᕐᓂᐊᖅᑐᖅ ᖁᓪᓕᒃᑯᓐᓂ ᑎᑭᐅᒪᓇᓱᐊᖅᑎᓪᓗᒋᑦ ᑕᐅᑐᙳᐊᖅᑕᒥᓂᒃ “ᐊᔪᙱᓐᓂᖃᖅᑐᓂ ᓵᑕᐅᔪᓐᓇᖅᑐᓂᓪᓗ ᐃᖅᑲᓇᐃᔭᖅᑎᐅᔪᓂ ᑭᒡᒐᖅᑐᐃᑦᑎᐊᖅᑐᑦ ᓄᓇᕗᒻᒥᐅᓂ ”. ᑖᔅᓱᒧᖓ ᐆᑦᑐᖃᑕᐅᔪᒪᕖ?
ᐃᓄᓐᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐱᕙᒌᔭᐃᓂᕐᒧᑦ ᐊᐅᓚᑦᑎᔨᐅᓗᑎ, ᐱᓕᕆᖃᑎᖃᕐᓂᐊᖅᑐᑎᑦ, ᐃᑲᔪᖅᓱᕐᓗᒋᓗ, ᑖᒃᑯᐊ ᐃᓄᓐᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐱᕙᒌᔭᐃᓂᕐᒧᑦ ᑲᑎᒪᔨᓂ ᑲᔪᓯᑎᑦᑎᓂᕐᒥᑦ ᖁᓪᓕᒃᑯᑦ ᐃᓄᓐᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐱᕙᒌᔭᐃᓂᕐᒧᑦ ᐱᓕᕆᐊᒃᓴᖓᓂ, ᐱᔭᒃᓴᖃᕐᓗᑎᑦ ᐊᑐᓂ ᐊᓪᓗᕆᐊᕐᕕᐅᔪᓂ ᐱᓕᕆᐊᒥᑦ ᑲᔪᓯᑎᑦᑎᓂᕐᒥᑦ ᐊᒻᒪᓗ ᖃᓄᐃᓕᐅᕈᑕᐅᔭᕆᐊᓕᓐᓂᒃ ᐃᑲᔪᖅᓱᑦᑎᐊᖅᑐᓂ ᐊᑐᓕᖅᑎᑦᑎᓂᕐᒥᑦ ᑲᔪᓯᑎᑦᑎᓂᕐᒥᓪᓗ ᐃᓄᓐᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐱᕙᒌᔭᐃᓂᕐᒥᑦ. ᑲᑐᔾᔨᖃᑎᖃᕐᓂᒃᑯᑦ ᐊᐅᓚᑦᑎᔨᐅᔪᒥ, ᐋᖅᑭᒃᓱᐃᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐃᓄᓐᓂᒃ ᐃᖅᑲᓇᐃᔭᖅᑎᑖᕆᐊᖃᕐᓂᕐᒧᑦ ᐱᕙᒌᔭᐃᓂᕐᒧᑦ ᑲᑎᒪᔨᖏᑕ ᐃᒃᓯᕙᐅᑕᖓᓂ, ᐋᖅᑭᒃᓱᐃᓂᐊᖅᑐᑎᑦ ᐊᕐᕌᒍᑕᒫᖅᓯᐅᑎᒥ ᐱᕙᒌᔭᐅᑎᒥ ᐃᓄᓐᓂᒃ ᐊᔪᙱᓐᓂᖃᑦᑎᐊᖅᑐᓂ ᐃᖅᑲᓇᐃᔭᖅᑎᑖᕋᓱᐊᕐᓗᑎ ᓄᓇᕗᑦ ᐃᓕᓐᓂᐊᕐᕕᖏᓐᓂ ᓄᓇᕗᑦ ᓯᓚᑦᑐᓴᕐᕕᒻᒥᓪᓗ ᐃᓱᓕᑦᑎᓂᑰᔪᓂ, ᐊᒻᒪ ᓄᓇᕗᒻᒥᐅᖑᔪᓂ ᐃᓄᓐᓂᒃ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖃᑦᑕᕐᓂᑰᔪᓂ, ᐃᓱᒪᒋᔭᐅᓂᐊᖅᑐᓂ ᓯᕗᓂᒃᓴᒥ ᐃᖅᑲᓇᐃᔭᖅᑎᑕᐅᓂᕐᒧᑦ ᐊᒻᒪ ᐃᖅᑲᓇᐃᔭᑯᑖᕈᓐᓇᕐᓂᕐᒥᑦ ᐱᕕᖃᖅᑎᑦᑎᓂᕐᒥᑦ ᖁᓪᓕᒃᑯᓐᓂ.