ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ!
ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ (QEC) ᑲᒪᒋᔭᒃᓴᖃᖅᐳᑦ ᐊᑦᑕᕐᓇᙱᑦᑐᒥᒃ ᐊᑐᓐᓇᐅᑎᑦᑎᓗᑎᒃ ᐊᑐᕈᓐᓇᑦᑎᐊᖅᑐᒥᒡᓗ ᐆᒻᒪᖁᑎᖃᖅᑎᑦᑎᕙᒡᓗᑎᒃ ᐊᑭᓕᖅᓱᐃᔨᓄᑦ ᓄᓇᕗᓕᒫᒥᑦ. ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐆᒻᒪᖁᑎᖃᖅᑎᑎᔨᐅᕗᖅ ᓄᓇᕗᒻᒥ ᐊᐅᓚᑦᑎᓪᓗᑎᒡᓗ 25-ᓂᒃ ᐃᒻᒥᒃᑰᖅᑐᓂᒃ ᐅᖅᓱᐊᓗᖕᒧᑦ ᐊᐅᓚᐅᑎᕐᔪᐊᓂᒃ ᐊᒻᒪᓗ ᐆᒻᒪᖁᑎᖃᖅᑎᑦᑎᔨᐅᓪᓗᑎᒃ ᓄᓇᕗᓕᒫᒥᑦ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᖃᐅᔨᒪᔭᐅᕗᖅ ᑲᔾᔮᕐᓇᖅᑐᒥ ᓄᓇᐅᑉ ᑕᐅᑦᑐᐊᓄᑦ ᑲᒪᓇᖅᑐᒻᒪᕆᐅᓗᓂᓗ ᐱᕕᑦᓴᖃᕐᓂᐅᔪᖅ. ᐃᓚᐅᖃᑕᐅᒋᑦ ᐱᓕᕆᖃᑎᒋᔭᑦᑎᓐᓂ ᐊᒻᒪᓗ ᖃᐅᔨᕙᓪᓕᐊᓗᒋᑦ ᐅᑭᐅᒃᑯᑦ ᑲᔾᔮᕐᓇᕐᓂᖓ ᓯᑭᑑᒃᑯᑦ, ᐅᒥᐊᖅᑐᕐᕕᐅᕙᓚᐅᖅᑐᓂᑦ ᖃᔭᖅᑐᕐᓂᖅ, ᐱᓱᔪᒡᓗᓂ ᓄᓇᖓᓂ ᐆᒪᔪᖃᐅᖅᑐᒥᑦ, ᐅᕝᕙᓗᓐᓃᑦ ᖃᐅᔨᓗᒋᑦ ᐃᓕᖅᑯᓯᕆᔭᐅᔪᖅ ᐃᓕᓴᕆᔭᐅᓯᒪᔪᑦ ᓴᓇᙳᐊᖅᑕᐅᕙᒃᑐᓂ, ᓂᔾᔭᐅᓯᔭᖅᑎᑦ ᐊᒻᒪᓗ ᓂᕿᖏᑦ. ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᐃᓚᒃᓴᓕᕆᔨ − ᓴᓇᔭᐅᔪᑦᓴᓄᑦ ᐱᓕᕆᔨ (QEC-23-005)
ᐃᖃᓗᐃᑦ, ᓄᓇᕗᑦ
ᐅᖃᕐᕕᖃᖅᐸᓪᓗᓂ ᐋᖅᑭᒋᐊᕆᐊᓕᓐᓄᑦ ᐊᖓᔪᖅᑳᕐᒧᑦ, ᐃᓚᒃᓴᓕᕆᔨ − ᓴᓇᔭᑦᓴᓄᑦ ᐱᓕᕆᔨ ᐱᔭᒃᓴᖃᖅᐳᖅ ᑎᑭᓴᐃᕙᓪᓗᓂ, ᖃᐅᔨᓇᓱᑉᐸᓪᓗᓂ, ᑎᑭᑉᐸᓪᓕᐊᔪᓂᒃ, ᖃᐅᔨᓴᖅᐸᔾᓗᓂ, ᐊᒻᒪ ᐃᓚᒃᓴᓂᒃ ᐋᖅᑭᒃᓱᐃᕙᓪᓗᓂ. ᐱᓕᕆᐊᑦᓴᖏᑦ ᐃᓚᖃᖅᑐᑦ ᓇᓗᓇᐃᖅᓯᓂᕐᒥᒃ ᐃᓚᒃᓴᓂᒃ ᐱᖁᑎᓂᓪᓗ, ᕿᓂᖅᐸᓪᓗᓂ ᐊᒻᒪ ᐅᑎᖅᑎᑦᓯᕙᓪᓗᓂ ᐃᓚᒃᓴᓂᒃ, ᐊᐅᓪᓚᖅᑎᑦᓯᕙᓪᓗᓂ, ᐊᒻᒪ ᐃᓚᒃᓴᖏᓐᓂᒃ ᐱᑎᑕᐅᕙᓪᓗᓂ, ᐊᑭᓕᖅᓱᐃᔨᑦ ᐱᔨᑦᑎᕋᖅᑕᐅᕙᓪᓗᑎᒃ ᐅᖃᐅᔾᔪᐃᕙᓪᓗᓂᓗ, ᐊᒻᒪ ᓈᓴᖅᓯᒪᔪᑦ ᓇᒻᒥᓂᖁᑎᒋᔭᑦ ᐱᖁᑎᖏᓐᓂᒃ ᑎᑎᕋᖅᐸᓪᓕᐊᕙᓪᓗᓂ.
ᐱᔭᑦᓴᕆᔭᐅᔪᑦ ᑲᒪᒋᔭᑦᓴᕆᔭᐅᔪᓪᓗ:
- ᐱᓕᕆᖃᑎᖃᕐᓗᓂ ᓂᐅᕕᐊᕆᔭᐅᖃᑦᑕᕆᐊᓕᖕᓂᒃ ᐊᑐᖅᑕᐅᓗᑎᑦ ᐊᐅᓚᑦᑎᔨᒥ ᑲᒪᒋᔭᖃᕐᓂᕐᒧᑦ ᐱᖁᑎᓂᑦ, ᓱᓇᒃᑯᑖᓂᑦ ᑐᓂᐅᖅᑲᐃᓂᕐᒥᓪᓗ ᐃᓚᑦᓴᓂᑦ ᐱᓕᕆᔾᔪᑎᓐᓂᓪᓗ ᕿᑎᕐᒥᐅᓂᑦ.
- ᓈᓴᕆᐊᓕᓐᓂᒃ ᐊᐅᓚᑦᑎᔨᐅᓗᓂ ᐱᖁᑎᒃᑯᕕᒻᒥ ᐱᓕᕆᖃᑎᒋᓗᒍ ᐊᖓᔪᖅᑳᖅ ᐊᒻᒪ ᐱᖁᑎᓕᕆᔨᒃᑯᓐᓄᑦ ᐊᐅᓚᑦᑎᔨᑦ, ᐃᓚᒋᓗᒍ ᐅᑭᐅᕐᒥ ᑎᓴᒪᐃᖅᓱᕐᓗᒋᑦ ᓈᓴᖅᐸᓪᓗᒋᑦ ᐅᖃᐅᓯᕆᕙᓪᓗᒋᓪᓗ ᓈᓴᖅᑕᐅᔪᓕᕆᔨᓄᑦ ᐊᕐᕌᒍᑕᒫᑦ.
- ᑲᒪᔨᐅᓗᓂ ᑎᑭᓴᐃᓂᕐᒥᒃ, ᖃᐅᔨᓇᓱᓐᓂᕐᒥᒃ, ᑎᑭᑉᐸᓪᓕᐊᔪᓂᒃ, ᖃᐅᔨᓴᕐᓂᕐᒥᒃ, ᑐᓂᓯᓂᕐᒥᓪᓗ ᐱᖁᑎᓂᒃ ᐱᔭᕆᐊᖃᖅᐸᑦ.
- ᑐᓂᓯᖃᑦᑕᕐᓗᓂ ᐊᑭᓕᖅᑕᐅᓂᑯᕕᓂᕐᓄᑦ ᐱᖁᑎᓄᑦ ᓯᕐᓗᐊᕐᒥᑦ ᐱᓯᒪᔭᐅᕕᒻᒥᓪᓘᓐᓃᑦ ᓇᓗᓇᐃᖅᑕᐅᓯᒪᔪᓄᑦ ᐊᑐᖅᑎᓄᑦ ᑲᒪᒋᔭᖃᕐᓂᕐᒥᓪᓗ ᓈᒻᒪᑦᑐᓂ ᐱᖁᑎᓂᑦ ᐊᑭᓕᖅᑕᐅᓂᑯᕕᓂᓕᒫᓪᓗ ᐱᖁᑎᓂᒃ ᑐᓂᐅᖅᑲᐃᓂᕐᒧᑦ ᐱᓕᖅᑭᑦᑕᕐᓂᑦ ᓈᓴᐃᓂᕐᒧᑦ.
- ᐊᑐᐃᓐᓇᕈᖅᑎᕆᓂᕐᒥᑦ ᐊᐅᓪᓚᖅᑎᑕᐅᔪᑦ ᖃᖓᑦᑕᐅᑎᖏᑦ ᐊᒻᒪ ᐅᓗᕆᐊᓇᖅᑐᑦ ᐊᐅᓪᓚᖅᑎᑕᐅᓂᐊᖅᑐᑦ ᑎᑎᕋᕆᐊᓕᖏᑦ.
- ᑲᒪᒋᔭᖃᕐᓂᕐᒥᑦ ᑎᑎᕋᑦᓯᐊᕐᓯᒪᔪᓂᑦ ᑎᑭᓵᓂᑦ ᐅᑎᖅᑐᑦᓴᓂᓪᓗ, ᐃᓚᒋᔭᐅᓗᓂ ᓇᓗᓇᐃᒃᑯᑕᖃᑦᑎᐊᕐᒪᖔᑕ ᐊᒻᒪ ᐱᔪᓐᓇᐅᑎᖃᑦᑎᐊᕐᒪᖔᑕ ᖃᕆᑕᐅᔭᒃᑯᑦ ᑲᒪᒋᔭᖃᕐᓂᕐᒧᑦ ᐊᐅᓚᑦᓯᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ (CMMS).
- ᐱᓕᕆᕙᓪᓗᓂ ᐊᑭᓕᕋᑦᓴᓂᒃ ᐊᑭᓕᐅᑎᒃᓴᓄᑦ (ᐱᓇᔪᒍᑕᐅᔪᑦ ᖄᖏᐅᑎᔪᓄᑦ, ᕿᓚᒻᒥᐅᔪᒃᑯᑦ, ᐊᒻᒪ ᓱᕋᑦᓯᒪᔪᓄᑦ ᐊᐅᓪᓚᖅᑎᑕᐅᔪᓄᑦ) ᐃᓕᐅᖅᑲᐃᕙᓪᓗᑎᓪᓗ ᐊᑭᓕᕆᐊᓕᓐᓄᑦ ᑎᑎᕋᖅᑕᐅᕙᓪᓕᐊᔪᓄᑦ.
- ᐱᓕᕆᖃᑎᖃᕐᓗᓂ ᐱᖁᑎᓂᒃ ᐋᖅᑭᐅᒪᑎᑦᓯᔨᓂᑦ ᓇᓗᓇᐃᖅᓯᓂᕐᒧᑦ ᓴᒃᑯᑦᓯᓂᕐᒥᓪᓗ ᐃᓚᒃᓴᓂᑦ ᐱᖁᑎᓂᓪᓗ.
- ᑲᑐᔾᔨᖃᑎᖃᕐᓗᓂ ᓂᐅᕕᐊᕆᔭᐅᖃᑦᑕᕆᐊᓕᖕᓂᒃ ᐊᑐᖅᑕᐅᓗᑎᑦ ᐊᐅᓚᑦᑎᔨᒥ, ᓂᐅᕕᐊᕆᔭᐅᖃᑦᑕᕆᐊᓕᓐᓄᑦ ᐊᐅᓚᑦᓯᔨᒥ ᐊᓯᖏᓐᓂᓪᓗ ᓂᐅᕕᖅᑎᓂᑦ ᐊᐅᓚᑦᓯᓂᕐᒧᑦ ᐊᕐᕌᒍᓕᒫᖅᓯᐅᑎᓄᑦ ᐅᒥᐊᕐᔪᐊᒃᑯᑦ ᑎᑭᓴᐃᓂᕐᒧᑦ ᕿᑎᕐᒥᐅᓂᑦ.
- ᓴᓇᖃᑎᒋᕙᒡᓗᒍ ᐋᖅᑭᐅᒪᑎᑦᑎᔨᒃᑯᑦ ᐊᖓᔪᖅᑳᖓ ᐊᒻᒪ ᐱᖁᑎᓕᕆᔨᒃᑯᑦ ᐊᐅᓚᑉᐸᒡᓗᒋᑦ ᐅᒥᐊᕐᔪᐊᒃᑰᖅᑐᑦ ᓄᓇᓕᓕᒫᓄᑦ ᓄᓇᕗᒻᒥ − ᐃᓚᒋᓗᒍ ᑎᑭᑉᐸᓪᓕᐊᔪᓂᒃ ᐋᖅᑭᑦᓱᐃᓂᕐᒥᓪᓗ ᐅᑭᐅᕐᔪᐊᒃᑯᑦ ᐅᓯᔭᐅᖃᑦᑕᖅᑐᓂᑦ ᑐᑭᒧᐊᑦᑎᑦᓯᓂᕐᒧᓪᓗ ᐊᐅᓪᓚᖅᑎᑉᐸᓪᓗᒋᑦ ᑎᑭᓴᐃᓯᒪᔪᓄᑦ.
ᐅᑯᐊ ᐊᔪᙱᑕᐅᔭᕆᐊᓖᑦ:
- ᐊᕕᑦᑐᖅᓯᒪᔪᓂ ᓂᐅᕕᖃᑦᑕᕐᓂᕐᒧᑦ ᐃᓕᑕᕆᔭᐅᔾᔪᑎᑖᖅᓯᒪᔪᓄᑦ ᐃᓚᑦᓴᓄᑦ ᖃᐅᔨᒪᔨᑕᐅᑎᓪᓗᑎᑦ - ᓴᓇᔭᐅᔪᑦᓴᓄᑦ ᐱᓕᕆᔨ.
- ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᒻᒥᒃ 5−ᒥ
- ᐅᑭᐅᓂᒃ ᐱᖓᓱᓂᒃ ᐱᓕᕆᖃᑦᑕᖅᓯᒪᓗᓂ ᓴᓇᕝᕕᒻᒥ ᐅᐊᔭᓕᕆᕝᕕᒻᒥᓪᓘᓐᓃᑦ.
ᐃᑲᔪᕐᓂᖃᕋᔭᖅᑐᑦ:
- ᐃᖏᕐᕋᔪᓕᕆᓂᖅ ᐅᓗᕆᐊᓇᖅᑐᓂᒃ ᖃᖓᑕᔫᒃᑯᑦ (IATA) ᐃᓕᑕᕆᔭᐅᔾᔪᑎᖃᕐᓗᓂ ᐃᑲᔪᕐᓂᖃᕋᔭᖅᑐᖅ.
- ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ ᐊᒻᒪ ᐊᐅᓪᓛᖅᑎᕆᐊᓖᑦ ᐊᑦᑕᕐᓇᖅᑐᓂᑦ ᐱᖁᑎᓂᑦ ᑲᒪᔪᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐃᑲᔪᕐᓂᖃᕋᔭᖅᑐᖅ.
- ᐊᑐᖃᑦᑕᖅᓯᒪᓗᓂ ᐅᖅᓱᐊᓗᒻᒨᖅᑐᒥᒃ ᐊᐅᓚᐅᑎᖃᕐᕕᒻᒥ ᐃᑲᔪᕐᓂᖃᕋᔭᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐃᑲᔫᑎᖃᕋᔭᖅᑐᖅ.
- ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ ᐊᑲᐅᑦᑎᐊᒻᒪᕆᒐᔭᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᓗᓂ $91,428.89 to $105,242.68 -ᒧ ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $16,008.00−ᒥ ᐊᕐᕌᒍᒧᑦ. ᐊᑐᐃᓐᓇᐅᑎᑦᑎᖕᒥᔪᒍᑦ ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᖢᑕ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᐱᓇᔪᖕᓂᐊᖅᐳᑎᑦ ᐅᓪᓗᑐᐃᓐᓇᒧᑦ ᑎᑭᓪᓗᒍ, ᒫᑦᓯ 10, 2023 - 11:59 ᐅᓐᓄᐊᒧᑦ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.