ᓈᒻᒪᓛᒃᑯᑦ ᐱᓕᕆᔾᔪᓯᓐᓂᑦ ᐱᓇᓱᐊᒃᑲᐅᓂᖅᐹᑦ ᐱᖁᑎᓂᑦ ᐊᒻᒪ ᐃᓪᓗᖁᑎᒋᔭᐅᔪᓂᑦ ᐊᐅᓚᑦᑎᔨᐅᓂᕐᒥᑦ, ᖃᓄᖅᑑᕈᑎᖃᕈᓐᓇᕐᓗᓂ ᐊᒻᒪ ᐱᕙᒌᔭᕈᓐᓇᓂᕐᒥᑦ ᐃᓱᒪᔅᓴᖅᓯᐅᕈᓐᓇᕐᓗᓂ ᐊᒻᒪ ᓯᕗᓕᖅᑎᐅᓗᓂ ᖃᓄᐃᓐᓂᐅᖃᑦᑕᖅᓯᒪᔪᓂᑦ ᑐᙵᕕᖃᕈᓐᓇᕐᓗᓂ, ᐱᔭᕆᐊᑐᔫᒐᓗᐊᓄᑦ ᑐᙵᓇᑐᐃᓐᓇᖃᑦᑕᑲᕐᓗᓂ ᐊᒻᒪ ᐱᕕᔅᓴᖃᕐᕕᒋᔪᓐᓇᖅᑕᖏᓐᓂᑦ ᑖᔅᓱᒥᖓ ᖁᕕᐊᓇᖅᑐᒻᒪᕆᒻᒥᑦ ᐱᓕᕆᐊᔅᓴᕆᑎᑕᐅᔪᒥᑦ ᐊᑦᑐᐃᓯᒪᔪᖅ ᓄᓇᕗᓕᒫᒥᑦ.
ᐊᖓᔪᖅᑳᖃᕐᓗᓂ ᑐᑭᒧᐊᑎᑦᑎᔨᒥᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ, ᐊᑦᑕᕐᓇᖅᑕᐃᓕᒪᓂᑦᒥ, ᐊᕙᑎᒥᑦ, ᐊᒻᒪ ᐃᓪᓗᖁᑎᒋᔭᐅᔪᓂᑦ, ᐊᐅᓚᑦᑎᓂᐊᖅᑐᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᖁᑎᖏᓐᓂᑦ ᓇᒻᒥᓂᖁᑎᖏᓐᓂᑦ, ᐊᑐᕐᓗᓂ ᐋᖅᑭᓱᖅᓯᒪᕙᒌᑦᑐᓂᑦ ᐱᓕᕆᐊᔅᓴᓕᐊᖑᓯᒪᔪᓂ ᒪᓕᓪᓗᓂ ᐊᒻᒪ ᐅᓗᕆᐊᓇᖅᑐᒦᑦᑕᐃᓕᒪᓂᕐᒧᑦ ᐊᐅᓚᑦᑎᓂᕐᒥᑦ ᑕᐃᒫᒃ ᐱᓕᕆᓂᒃᑯᑦ ᑖᒃᑯᐊ ᑮᓇᐅᔭᐃᑦ ᐊᑑᑎᖃᑦᑎᐊᑎᓪᓗᒋᑦ, ᑲᒪᔨᐅᑦᑎᐊᕈᓐᓇᓂᕐᒥᑦ ᑕᑯᔅᓴᐅᑎᑦᑎᓗᓂ, ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ ᐃᑲᔪᖅᑐᖅ ᑎᑭᐅᑎᓇᓱᑦᑕᒥᓐᓂᒃ, ᒪᓕᒐᕐᓂᓪᓗ ᒪᓕᓪᓗᓂ ᑖᒃᑯᐊᓗ ᑎᒥᐅᔫᑦ ᐱᔭᕆᐊᓕᖏᓐᓂᑦ ᒪᓕᓪᓗᓂ. ᐃᓪᓗᖁᑎᒋᔭᐅᔪᓂᑦ ᐊᐅᓚᑦᓯᔨᐅᓪᓗᑎᑦ, ᑲᒪᔨᒋᔭᐅᓂᐊᖅᑐᑎᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᖁᑎᖏᓐᓂᑦ ᐃᓪᓗᖁᑎᖏᓐᓄᑦ ᑐᕌᖓᔪᓂᑦ ᑮᓇᔭᐅᓂᑦ (125 ᐃᓪᓗᖁᑎᖏᑦ, $30 ᒥᓕᐊᓐ ᐅᖓᑖᓄᓪᓗ), ᑖᒃᑯᐊᓗ ᐃᓚᐅᓗᑎᑦ ᐋᖅᑭᔅᓯᒪᕙᒌᑦᑐᑦ ᐊᒻᒪ ᓇᔅᓴᖃᑦᑕᕋᔅᓴᐅᔪᑦ ᐱᖁᑏᑦ, ᐊᒻᒪ ᓇᒻᒥᓂᕆᔭᐅᔪᑦ ᐊᒻᒪ ᐊᑐᖅᑐᐊᖅᑕᐅᔪᖁᑎᖏᓐᓂᑦ ᐃᖅᑲᓇᐃᔭᖅᑎᓄᑦ ᐃᓪᓗᒋᔭᐅᔪᓂᑦ, ᑮᓇᐅᔭᓕᐅᕋᓱᓐᓂᕐᒧᑦ ᐊᑐᖅᑕᐅᔪᑦ ᐃᓪᓗᖁᑏᑦ, ᓄᓇᖁᑎᖏᑦ, ᐊᒻᒪ ᓇᔅᓴᖅᑕᐅᔪᓐᓇᖅᑐᑦ ᐱᖁᑏᑦ ᐱᓕᕆᔾᔪᑏᑦ/ᐃᓚᔅᓴᖁᑎᖏᑦ, ᐊᒻᒪᑦᑕᐅᑦ ᐊᑐᐊᒐᓕᐅᖃᑦᑕᕐᓗᓂ ᐊᒻᒪ ᖃᓄ ᐊᑯᓂᐅᑎᒋᔪᖅ ᐱᒋᔭᐅᔪᓐᓇᕐᒪᖔᑕ ᐊᑭᖏᑦ ᑖᒃᑯᐊ ᐃᓱᒪᓕᐅᕈᑎᓄᑦ ᐊᑐᖅᑕᐅᖃᑦᑕᖅᑐᑦ ᐱᖁᑏᑦ ᐊᑐᖅᑕᐅᔪᔅᓴᐅᒍᓐᓃᕐᒪᖔᑕᓘᓐᓃᑦ ᐅᕙᓗ ᑲᔪᑎᑕᐅᓗᓂᑎᑦ.