ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᓐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.
ᐃᓱᒪᑕᖅ, ᓇᒻᒥᓂᖃᕐᓂᕐᒧᑦ ᐸᕐᓇᐅᑎᑦ QEC-19-058
ᐅᓂᒃᑳᕐᓂᖅ ᐊᐅᓚᑦᑎᔨᒧᑦ, ᑲᑐᔾᔨᖃᑎᒌᓕᕆᔨᑦ, ᐃᓱᒪᑕᖅ, ᓇᒻᒥᓂᖃᕐᓂᕐᒧᑦ ᐸᕐᓇᐅᑎᑦ, ᑲᒪᒋᔭᖃᖅᑐᖅ ᐃᑲᔪᕐᓗᓂ ᐱᕙᓪᓕᐊᓂᕐᒧᑦ, ᐊᐅᓚᑦᑎᓂᕐᒧᑦ, ᐊᒻᒪᓗ ᐊᐅᓚᑦᑎᓂᕐᒧᑦ ᑲᑐᔾᔨᖃᑎᒌᓄᑦ ᐱᓕᕆᐊᔅᓴᓄᑦ ᐸᕐᓇᐅᑎᓄᑦ, ᒪᓕᒐᓄᑦ ᐊᒻᒪᓗ ᐊᑐᖅᑕᐅᔭᕆᐊᖃᖅᑐᓄᑦ. ᐃᓚᒋᐊᕐᓗᒍ, ᐃᖅᑲᓇᐃᔮᔅᓴᖅ ᑲᒪᒋᔭᖃᖅᑐᖅ ᓱᓇᒃᑯᑖᓂᒃ ᖃᐅᔨᓴᕐᓂᕐᒧᑦ ᓄᓇᕗᑦ ᑭᒃᑯᑐᐃᓐᓇᓄᑦ ᒪᓕᒐᖓᓄᑦ, ᐃᓚᖃᖅᑎᓪᓗᒍ ᓄᓇᓕᒥ ᐊᐅᓚᓂᕐᒧᑦ ᐊᑐᖅᑕᐅᔭᕆᐊᖃᖅᑐᓄᑦ, ᑭᒃᑯᑐᐃᓐᓇᓄᑦ ᐃᓱᒪᒋᔭᖏᓐᓄᑦ ᖃᐅᔨᓴᕐᓂᖅ ᐊᒻᒪᓗ ᐃᑲᔪᖅᑎᒌᓐᓂᕐᒧᑦ, ᑲᑐᔾᔨᖃᑎᒌᒃᑐᓄᑦ ᐊᑲᐅᓈᕐᓂᕐᒧᑦ ᐊᑲᐅᙱᓕᐅᕈᑎᓄᑦ, ᐊᒻᒪᓗ ᑲᑐᔾᔨᖃᑎᒌᒃᑐᓄᑦ ᒐᕙᒪᓕᕆᓂᕐᒧᑦ ᒪᓕᒐᓕᕆᓂᕐᒧᑦ. ᐃᖅᑲᓇᐃᔮᔅᓴᖅ ᖃᐅᔨᓴᖅᑐᑦ ᐊᒻᒪᓗ ᐋᖅᑭᒃᓱᐃᔪᑦ ᑕᐃᒪᐅᔪᓂᒃ ᒪᓕᒐᓂᒃ ᐊᒻᒪᓗ ᐱᓕᕆᐊᔅᓴᓂᒃ ᓇᓗᓇᐃᔭᑦᑎᐊᕐᓗᓂ ᒪᓕᑦᑎᐊᕐᓂᖏᑕ ᑲᑐᔾᔨᖃᑎᒌᖑᔪᑦ ᐱᓕᕆᐊᔅᓴᖏᓐᓄᑦ.
ᐱᔭᒃᓴᕆᔭᐅᔪᑦ ᐊᒻᒪ ᑲᒪᒋᔭᐅᔭᕆᐊᓖᑦ:
- ᖃᐅᔨᓴᖅᑐᖅ ᑐᒃᓯᕋᖅᑕᐅᔪᓄᑦ ᒪᓕᒐᓄᑦ ᐊᒻᒪᓗ ᐱᓕᕆᐊᔅᓴᓄᑦ ᐊᒻᒪᓗ ᓇᓗᓇᐃᔭᕐᓗᓂ ᑕᐃᒪᑐᐃᓐᓇᕆᐊᖃᖅᑐᓂᒃ ᒐᕙᒪᓕᕆᓂᕐᒧᑦ, ᒪᓕᒐᓕᕆᓂᕐᒧᑦ, ᐃᓅᖃᑎᒌᓐᓂᕐᒧᑦ, ᑮᓇᐅᔭᓕᐅᕐᓂᕆᔭᐅᔪᓄᑦ, ᐊᒻᒪᓗ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᔪᓄᑦ, ᖃᐅᔨᓴᖅᑐᖅ ᐱᕙᓪᓕᐊᔪᓄᑦ ᓇᓗᓇᐃᒃᑯᑕᓂᒃ ᐊᒻᒪᓗ ᐅᖃᐅᔾᔪᙳᐊᕐᓗᓂ ᐋᖅᑭᒃᑕᐅᔭᕆᐊᖃᖅᑐᓄᑦ ᐊᑐᐃᓐᓇᐅᑉᐸᑕ.
- ᐸᕐᓇᒃᑐᖅ ᒥᓂᔅᑕᓕᕆᓂᕐᒧᑦ ᓇᓗᓇᐃᔭᐃᒃᑯᑎᓕᕆᓂᕐᒧᑦ ᑎᑎᖅᑕᐅᓯᓄᑦ, ᑭᐅᔾᔪᑎᓄᑦ ᐊᒻᒪᓗ ᐅᖃᐅᓯᕆᔭᐅᓯᒪᔪᓄᑦ ᑎᑎᖅᑲᓄᑦ.
- ᐱᕙᓪᓕᐊᔪᖅ ᐊᒻᒪᓗ ᐊᐅᓚᑦᑎᔪᖅ ᑎᑎᖅᑲᓂᒃ ᐱᔭᐅᔪᒪᔪᓄᑦ ᒪᓕᒐᓕᕆᕕᒃᑯᓐᓂᑦ, ᐆᑑᑎᒋᓗᒍ ᑭᐅᔾᔪᑕᐅᔪᑦ ᐅᖃᐅᔾᔪᖅᑕᐅᙳᐊᖅᑕᐅᔪᓄᑦ ᑲᑎᒪᔨᕋᓛᓂᑦ ᐃᓚᓕᐅᑎᓗᒍ ᐊᐅᓚᑦᑎᔨᒧᑦ, ᑲᑐᔾᔨᖃᑎᒌᒃᑐᓄᑦ ᐊᒻᒪᓗ ᐃᓱᒪᑕᕆᔭᐅᔪᓄᑦ.
- ᖃᐅᔨᓴᖅᑐᖅ ᑕᐃᒪᐅᔪᓂᒃ ᒪᓕᒐᓂᒃ ᐊᒻᒪᓗ ᐱᓕᕆᐊᔅᓴᓂᒃ ᓇᓗᓇᐃᔭᐃᓗᓂ ᐊᑲᐅᓈᕐᓂᖏᓐᓄᑦ ᐊᒻᒪᓗ ᐊᑲᐅᓈᖅᑐᒃᑯᑦ ᑲᑎᖃᑎᖃᕐᓂᖅ ᑲᑐᔾᔨᖃᑎᒌᖑᔪᓄᑦ ᐊᒻᒪᓗ ᒐᕙᒪᒃᑯᓐᓄᑦ-ᐊᒥᓱᒃᑯᑦ ᓯᕗᓪᓕᐅᑎᑕᐅᔭᕆᐊᖃᖅᑐᓂᒃ, ᑕᐅᒃᓰᖅᑎᓪᓗᒍ, ᖃᐅᔨᓴᖅᑎᓪᓗᒍ ᐊᒻᒪᓗ ᖃᐅᔨᓴᕐᓗᓂ ᐅᖃᐅᓯᕆᔭᐅᔪᓂᒃ ᐃᓱᒪᑕᐅᔪᓂᙶᖅᑐᓂᒃ.
- ᐸᕐᓇᒃᑐᖅ ᐊᒻᒪᓗ ᐋᖅᑭᒃᓱᐃᔪᖅ ᐊᓪᓚᕕᓐᓂᙶᖅᑐᓂᒃ ᑐᓂᔭᐅᓯᒪᔪᓂᒃ, ᐃᓚᒋᓗᒋᑦ ᐱᔭᐅᔪᒪᔪᑦ ᐃᓱᒪᒃᓴᖅᓯᐅᕐᓂᕐᒧᑦ, ᓂᕈᐊᕐᓂᒃᑯᑦ ᐊᒻᒪᓗ ᐅᖃᐅᓯᕆᔭᐅᔪᓂᒃ ᑎᑎᕋᖅᓯᒪᔪᓂᒃ, ᐊᒻᒪᓗ ᑐᑭᓯᐊᔾᔪᑎᔅᓴᓂᒃ ᑎᑎᕋᖅᓯᒪᔪᓂᒃ, ᐱᔾᔪᑎᖃᖅᑐᑦ ᐊᖓᔪᖅᑳᖑᔪᓄᑦ, ᑲᑎᒪᔨᓄᑦ, ᑲᑎᒪᔨᕐᔪᐊᓄᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᑲᑎᒪᔨᖏᓐᓄᑦ; ᑲᑐᔾᔨᖃᑎᒌᑦ ᐸᕐᓇᐅᑎᖏᓐᓄᑦ; ᐊᒻᒪᓗ ᓱᓇᒃᑯᑖᓂᒃ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᓂᒃ ᐊᒻᒪᓗ ᐱᒻᒪᕆᐅᔪᑦ ᑭᐅᔾᔪᑕᐅᔪᓂᒃ, ᐊᑐᐃᓐᓇᐅᔪᒃᑯᑦ.
ᐊᔪᙱᔾᔪᑕᐅᔭᕆᐊᓖᑦ ᒪᑯᐊᖑᔪᑦ:
- ᖁᑦᑎᑦᑐᒃᑯᑦ ᐃᓕᓐᓂᐊᖅᓯᒪᓂᖅ ᑭᒃᑯᑐᐃᓐᓇᓂᒃ ᐊᐅᓚᑦᑎᓂᕐᒧᑦ, ᓇᒻᒥᓂᖃᕐᓂᕐᒧᑦ ᐊᐅᓚᑦᑎᓂᖅ, ᒐᕙᒪᓕᓂᕐᒧᑦ ᓱᓇᒃᑯᑖᓂᒃ ᖃᐅᔨᓴᕐᓂᕐᒧᑦ, ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ, ᑮᓇᐅᔭᓕᕆᓂᕐᒧᑦ ᐅᕙᓘᓐᓃᑦ ᐃᓚᒋᔭᖏᓐᓄᑦ.
- ᑕᓪᓕᒪᑦ (5) ᐅᑭᐅᓂᒃ ᐃᓕᓯᒪᓗᓂ ᐱᓕᕆᐊᔅᓴᓄᑦ ᐊᐅᓚᑦᑎᓂᕐᒧᑦ, ᑭᒃᑯᑐᐃᓐᓇᓕᕆᓂᕐᒧᑦ ᐃᓚᒌᒃᑐᓄᑦ, ᐅᕙᓘᓐᓃᑦ ᒪᓕᒐᓕᕆᓂᕐᒧᑦ ᐱᕙᓪᓕᐊᓂᖅ ᐊᒻᒪᓗ ᖃᐅᔨᓴᕐᓂᖅ, ᐅᐊᔭᒨᖅᑐᒃᑯᑦ ᓴᓇᕕᓄᑦ, ᒪᕐᕉᒃ (2) ᐅᑭᐅᒃ ᐱᕙᓪᓕᐊᓕᕆᓂᕐᒧᑦ ᐊᒻᒪᓗ ᖃᐅᔨᓴᕐᓂᕐᒧᑦ ᐃᖅᑲᓇᐃᔭᖅᑎᓂᒃ.
ᐱᓯᒪᒋᐊᓕᖏᑦ
- ᐱᓕᕆᐊᔅᓴᓄᑦ ᒪᓕᒐᐃᑦ/ᐱᓕᕆᐊᒃᓴᓄᑦ ᐊᐅᓚᑦᑎᓂᖅ, ᐊᒻᒪᓗ ᐊᐅᓚᑦᑎᓕᕆᓂᕐᒧᑦ.
- ᖃᐅᔨᒪᓂᖃᕆᐊᓕᒃ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
ᑐᓂᓯᓲᖑᔪᒍᑦ ᐊᑭᓕᖅᑐᐃᓂᖅ $97,734-$115,011, ᑎᑭᓪᓗᒍ, ᐅᑭᐅᖅᑕᖅᑐᒥᐅᑕᐅᓂᕐᒧᑦ $15,016 ᐅᑭᐅᑕᒫᑦ, ᐱᔪᓐᓇᐅᑎᖃᖅᑐᑦ ᐅᖓᑖᓄᑦ ᐃᑲᕐᕋᓄᑦ ᐃᖅᑲᓇᐃᔮᕐᓂᕐᒧᑦ, ᐊᒻᒪᓗ ᐊᑲᐅᓈᖅᑐᒃᑯᑦ ᐃᑲᔪᓯᐊᓄᑦ ᐃᓚᒋᓗᒋᑦ ᐃᑲᔫᓯᐊᑦ ᐃᖅᑲᓇᐃᔮᕋᓂᖕᓂᕐᒧᑦ ᐱᓕᕆᐊᔅᓴᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑦ ᐃᓄᐃᑦ ᐃᓱᒪᒋᔭᐅᓂᖅᓴᐅᓂᐊᖅᑐᑦ.
ᐱᓇᔫᑎᓯ ᓇᒃᓯᐅᑎᓗᒍ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᑎᑎᖅᑲᑎᒍᑦ ᐅᕗᖓ: ᐃᓄᓕᕆᓂᕐᒧᑦ ᐊᑐᐃᓐᓇᐅᔪᔅᓴᐃᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ, ᑎᑎᖅᑲᓂᐊᕐᕕᒃ 420, ᖃᒪᓂᑦᑐᐊᖅ, ᓄᓇᕗᑦ X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᓄᕕᒻᐳᕆ 15, 2019 ᑐᖔᓂ.
ᐱᓇᔪᖃᑕᐅᔪᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᓄᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂ. ᐱᓇᔪᖃᑕᐅᔪᓕᒫᑦ ᖁᔭᓐᓇᒦᖅᑕᕗᑦ; ᑭᓯᐊᓂ, ᑕᐃᒃᑯᐊᑐᐊᖅ ᐃᓱᒪᒋᔭᐅᔪᑦ ᑐᓴᖅᑎᑕᐅᒐᔭᖅᑐᑦ.