ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᖅᒧᑦ ᐱᓕᕆᔨᒻᒪᕆᒃ

ᐃᖅᑲᓇᐃᔮᑦ ᐱᕚᓪᓕᖅᑎᒍᑦ ᐅᑭᐅᕐᑕᖅᑐᕐᒥ!

ᑭᖑᓪᓕᖅ ᖁᕕᐊᓇᕈᓘᔭᖅᑐᖅ ᐊᑐᕈᓐᓇᖅᑕᐃᑦ ᑲᓇᑕᐅᑉ ᐅᑭᐅᕐᑕᖅᑐᖓᓂᒃ! ᐅᕙᑦᑎᓐᓂ ᐃᓚᐅᔪᓐᓇᖅᑐᑎᑦ ᐱᓕᕆᕈᓘᔭᖃᑦᑕᖅᑐᓂᒃ ᐊᒻᒪ ᐱᓕᕆᐊᖃᓕᒪᔪᓂᒃ ᐱᓕᕆᕝᕕᒃᒥ ᒪᑯᓂᖓ ᐅᓗᕆᐊᓇᙱᑦᑐᓂᒃ, ᐊᑐᕈᓐᓇᐃᓐᓇᐅᔭᖅᑐᒥᑦ ᐊᒻᒪ ᐊᑭᓕᕈᒥᓇᖅᑐᒥᒃ ᐆᒻᒪᖅᑯᑎᓕᕆᓂᖅᒥᒃ ᓄᓇᕗᓕᒫᒥᑦ.

ᐃᖅᑲᓇᐃᔭᖅᓂᖅ ᓄᓇᕗᒥᑦ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓂᖅᐹᖑᓪᓗᓂᓗ ᑎᐅᕆᑑᕆᓂᒃ ᐊᒻᒪᓗ ᓱᒃᑲᓂᖅᐹᒥᒃ ᑮᓇᐅᔭᐅᕈᑎᖃᖅᐸᓪᓕᐊᓪᓗᓂ ᑲᓇᑕᒥ. ᐊᒃᓱᐊᓗᒃ ᓄᓇ ᑲᔾᔮᕐᓇᖅᖢᓂ ᐊᒻᒪ ᖃᓄᐃᓕᐅᕈᑎᒃᓴᖃᐅᖅᖢᓂ, ᖁᕕᐊᓇᕈᓘᔭᖅᑐᓂᒃ ᐊᑐᕈᓐᓇᖅᑐᑎᑦ ᐃᖅᑲᓇᐃᔮᒃᑰᑐᐊᙳᙱᑦᑐᖅ, ᑭᓯᐊᓂᓕ ᐃᖅᑲᓇᐃᔭᕈᓐᓃᕌᖓᕕᑦ. ᐃᓱᒪᒋᔭᖃᕐᓂᕈᕕᓐ ᕿᒧᒃᓯᖃᑕᐅᓂᖅᒥᒃ, ᖃᒧᑕᐅᔭᑲᑕᖕᓂᖅᒥᒃ, ᖃᔭᖅᑐᑲᑕᖕᓂᖅᒥᒃ, ᐊᐅᓚᓴᖃᑦᑕᕐᓂᖅᒥᒃ ᓯᑯᒃᑯᑦ, ᐅᕝᕙᓘᓐᓃᑦ ᖃᐅᔨᓇᓱᒍᒪᓗᒍ ᐃᓕᖅᑯᓯᖅᑎᒍᑦ ᓴᓇᐅᒐᓕᕆᐅᔪᓂᒃ ᐊᒻᒪᓗ ᑐᓴᕋᓐᓈᕈᑎᐅᓕᕈᒥᓇᖅᑐᓂᒃ, ᑕᐃᒪᓕ ᓄᓇᕗᑦ ᑕᕝᕙ ᐅᐸᒐᒃᓴᑦᑎᐊᕙᒃ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑎᖓ

ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ (QEC) ᐱᓕᕆᐊᖃᖅᑎᑕᐅᖕᒪᑕ ᐅᓗᕆᐊᓇᙱᑦᑐᒥᒃ, ᐊᑐᕈᓐᓇᐃᓐᓇᐅᔭᖅᑐᒥᑦ ᐊᒻᒪ ᐊᑭᓕᕈᒥᓇᖅᑐᒥᒃ ᐆᒻᒪᖅᑯᑎᓕᕆᓂᖅᒥᒃ ᑕᒪᐃᓐᓄᓕᒫᖅ ᐱᔨᑦᑎᕋᖅᑕᖏᓐᓄᑦ ᓄᓇᕗᒥᑦ. ᓇᖕᒥᓂᕆᔭᐅᓪᓗᓂ ᓄᓇᕗᒥᑦ ᒐᕙᒪᒃᑯᓐᓂᒃ ᐊᒻᒪᓗ ᐊᐅᓚᑕᐅᓪᓗᓂ ᐃᒪᓐᓇ ᐃᒻᒥᒃᑰᙵᔪᑎᑐᑦ ᓄᓇᕗᒥᑦ ᑯᐊᐳᕇᓴᑎᑐᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ ᖃᐅᒻᒪᖅᑯᑎᓄᑦ ᐊᒻᒪ ᐅᖅᑰᓴᐅᑎᒃᓴᓕᕆᓂᖅᒧᑦ ᐱᔨᑦᑎᕋᖅᑎᑐᐊᖑᔪᑦ ᓄᓇᕗᒥᑦ. ᑕᐅᑐᒃᖢᒋᑦ ᐊᓯᖏᑦ ᐆᒻᒪᖅᑯᑎᓕᕆᔨᑦ ᑲᓇᑕᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ ᐊᔾᔨᐅᙱᑦᑐᒥᒃ ᐱᓕᕆᐊᖃᖅᑐᑦ ᐊᐅᓚᑦᑎᓂᖏᓐᓂᒃ 25-ᓂᒃ ᐃᒻᒥᒃᑰᖅᑕᖅᑐᓂᒃ ᐆᒻᒪᖅᑯᑎᓕᕆᕝᕕᖕᓂᒃ ᑏᓱᒧᑦ ᐊᐅᓚᐅᑎᖃᖅᑐᓂᒃ ᐊᒻᒪᓗ ᐊᑐᓂ ᓄᓇᓕᖕᓂᒃ ᖃᐅᒻᒪᖅᑯᑎᖃᓕᕈᓐᓇᖅᑎᑦᑎᓯᒪᓪᓗᑎᒃ ᑕᒪᐃᓐᓂᒃ ᓄᓇᕗᒥᑦ ᓄᓇᓕᖕᓂᒃ.

QEC 21-041 ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᖅᒧᑦ ᐱᓕᕆᔨᒻᒪᕆᒃ

ᑎᑎᕋᖅᕕᖃᖅᖢᓂ ᐃᖃᓗᐃᑦ, ᓄᓇᕗᒥᑦ ᐊᒻᒪᓗ ᐊᖓᔪᖅᑳᖃᖅᖢᓂ ᑐᑭᒧᐊᖅᑎᑦᑎᔨᒥᒃ, ᐃᖅᑲᓇᐃᔮᒃᓴᓕᕆᔨᓄᑦ, ᐅᓇ ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᖅᒧᑦ ᐱᓕᕆᔨᒻᒪᕆᒃ ᐱᓕᕿᐊᖃᕐᓂᐊᖅᑐᖅ ᐃᑲᔪᖅᑐᐃᕙᖕᓂᖅᒥᒃ ᐊᒻᒪ ᑐᑭᒧᐊᖅᑎᑦᑎᕙᒡᓗᓂ ᐊᐅᓚᑦᑎᓂᖅᒧᑦ ᐱᓕᕆᔨᓂᒃ ᒪᑐᒧᖓ ᐃᖅᑲᓇᐃᔭᖅᑎᓅᖓᔪᓄᑦ ᑐᑭᓕᐅᕆᓯᒪᓂᒃᑯᑦ ᐃᖅᑲᓇᐃᔭᖅᓂᖅᒧᑦ ᐊᖏᖃᑎᒌᒍᑎᓂᒃ, ᐊᑐᖅᑕᐅᔭᕆᐊᖃᖅᑐᑦ ᐊᒻᒪ ᒪᓕᒃᑕᐅᔭᕆᐊᖃᖅᑐᓂᒃ ᐃᖅᑲᓇᐃᔮᖃᕐᓂᖅᒧᑦ, ᐊᒻᒪᓗ ᓈᒻᒪᙱᓕᐅᕈᑎᐅᔪᓄᑦ ᖃᓄᐃᓕᐅᕈᑎᒃᓴᓄᑦ. ᐅᓇ ᐃᖅᑲᓇᐃᔮᒃᓴᖅ ᑲᒪᒋᔭᖃᕐᒥᔪᖅ ᐊᐅᓚᑦᑎᓂᖅᒧᑦ ᐱᓕᕆᐊᖃᖅᑐᓂᒃ ᖃᓄᐃᓕᐅᖃᑦᑕᕆᐊᖃᖅᑕᖏᑦᑎᒍᑦ, ᐋᖅᑭᒃᓯᕙᒡᓗᓂ ᕿᐱᓘᑎᓂᒃ ᐊᒻᒪ ᓈᒻᒪᙱᓕᐅᕈᑎᓂᒃ, ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᕈᓐᓃᖅᑎᑕᐅᓂᐊᖅᑐᓂᒃ ᐱᓕᕆᐊᖃᖅᐸᒡᓗᓂ, ᐊᒻᒪᓗ ᓄᓇᕗᒥᑦ ᒐᕙᒪᒃᑯᑦ (GN) ᐃᖅᑲᓇᐃᔭᖅᕕᖕᓂᒃ ᐃᓱᒪᒋᔭᖃᖅᑎᐊᖃᑦᑕᕐᓂᖅᒧᑦ ᐊᑐᐊᒐᖓᓂᒃ ᖃᐅᔨᒪᐅᑎᑦᑎᑦᑎᐊᕐᓗᓂ.

ᐱᓕᕆᐊᒃᓴᑦ ᐊᒻᒪ ᑲᒪᒋᔭᒃᓴᑦ:

• ᑐᑭᓯᐅᒪᑎᑦᑎᔨᐅᓗᓂ ᑐᑭᓕᐅᕆᔭᐅᓯᒪᔪᓂᒃ ᐊᒻᒪ ᐊᑐᓕᖅᑎᑦᑎᓂᖅᒥᒃ ᐃᖅᑲᓇᐃᔭᕐᓂᖅᒧᑦᐊᖏᕈᑎᓂᒃ, ᓄᓇᕗᒥᑦ ᐃᖅᑲᓇᐃᔭᖅᑎᑦ ᐊᑐᖃᑦᑕᖅᑕᖏᓐᓂᒃ, ᐊᒻᒪᓗ ᐋᖅᑭᒃᑕᐅᕙᓪᓕᐊᔪᓂᒃ ᐃᖅᑲᓇᐃᔮᒃᓴᓕᕆᓂᖅᒧᑦ ᐃᖅᑲᓇᐃᔭᖅᑐᓕᕆᓂᖅᒧᓪᓗ ᐱᖁᔭᓂᒃ.
• ᐋᖅᑭᒃᓱᐃᓂᖅ ᐊᒻᒪ ᐊᑐᓕᖅᑎᑦᑎᓂᖅ ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔮᓄᑦ ᐊᒃᑐᐊᔪᓂᒃ ᐸᕐᓇᐅᑎᓂᒃ ᒪᓕᒃᓯᒪᓗᑎᒃ ᐊᐅᓚᑦᑎᓂᖅᒧᑦ ᐊᑐᖅᑕᐅᕙᒃᑐᓂᒃ, ᐃᖅᑲᓇᐃᔭᖅᓂᕐᒧᑦ ᐊᖏᕈᑎᓂᒃ, ᐊᒻᒪᓗ ᑕᒪᐅᖓ ᐱᖁᔭᓂᒃ ᐊᒻᒪ ᐱᓕᕆᐊᖃᕐᓂᖅᒧᑦ ᐱᓇᓱᒃᑕᐅᔪᓂᒃ.
• ᖃᐅᔨᓇᓱᒃᐸᒡᓗᓂ ᒫᓐᓇ ᐃᖅᑲᓇᐃᔭᖅᑎ/ᐃᖅᑲᓇᐃᔭᖅᑎᑦᑎᔨᓗ ᐊᒻᒪ ᑭᒃᑯᑐᐃᓐᓇᖅᑐᑦ ᐱᔪᓐᓇᐅᑎᓄᑦ ᓈᒻᒪᙱᓕᐅᕈᑎᓂᒃ ᐊᒻᒪᓗ ᐋᖅᑭᒍᑎᐅᔪᓐᓇᖅᑐᓂᒃ, ᑐᑭᓕᐅᕆᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᐅᕝᕙᓘᓐᓃᑦ ᖃᐅᔨᓴᒻᒪᕆᒡᓗᓂ ᑐᑭᓯᓇᓱᖕᓂᖅᒥᒃ ᓈᒻᒪᙱᓕᐅᕈᑎᓂᒃ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᓐᓄ.
• ᐃᑲᔪᖅᐸᒡᓗᓂ ᐊᖏᕈᑎᓃᑦᑐᓂᒃ ᐅᖃᖃᑎᒌᒃᑐᓂᒃ, ᐃᓚᖃᕐᓗᓂ: ᖃᐅᔨᓴᖅᐸᒡᓗᓂ ᖃᓄᐃᓕᐅᕈᑎᐅᓇᓱᒃᑐᒧᑦ ᑎᑎᕋᖅᓯᒪᔪᓂᒃ, ᑐᒃᓯᕋᕈᑎᓂᒃ ᐋᖅᑭᒃᓱᐃᕙᒡᓗᓂ ᐊᒻᒪᓗ ᐅᖃᐅᓯᒃᓴᓂᒃ ᐱᓕᕆᐊᒧᑦ ᐅᑯᓄᖓ ᓄᓇᕗᒥᑦ ᒐᕙᒪᒃᑯᓐᓄᑦ (GN) ᐊᖏᖅᑐᔪᒃᓴᓂᒃ, ᑭᒡᒐᖅᑐᐃᔨᐅᓗᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ ᐅᑯᓂᖓᓗ ᓄᓇᕗᒥᑦ ᒐᕙᒪᒃᑯᓐᓂ ᒪᐅᓇ ᐋᖃᑎᒌᖕᓂᒃᑯᑦ ᐱᓕᕆᑎᑦᑎᔾᔪᑎᓄᑦ ᐊᖏᕈᑎᒃᓴᓂᒃ.
• ᐊᔪᕈᓐᓃᖅᓴᖅᑎᑦᑎᓗᓂ, ᖃᓄᐃᓕᐅᕐᓂᐊᕐᓂᖅᒥ ᖃᐅᔨᒪᑎᑦᑎᓗᓂ, ᐃᑲᔪᖅᑐᐃᕙᒡᓗᓂ, ᐊᒻᒪ ᐊᐅᓚᑦᑎᔨᐅᕙᒡᓗᓂ ᐊᐅᓚᑦᑎᔨᓂᒃ ᐊᒻᒪ ᑲᒪᔨᓂᒃ ᑲᑐᔾᔨᖃᑎᒌᖕᓂᖅᒧᑦ ᐊᒻᒪ ᐃᖅᑲᓇᐃᔭᖅᑐᓕᕆᓂᖅᒧᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᓄᑦ.
• ᖃᐅᔨᓴᖅᐸᒡᓗᓂ ᐊᒻᒪᓗ ᐅᖃᓪᓚᒡᑎᐅᕙᒡᓗᓂ ᓈᒻᒪᙱᓕᐅᕈᑎᖃᖅᑐᓄᑦ ᐊᒻᒪ ᐋᖅᑭᒃᓱᐃᕙᒡᓗᓂ ᓈᒻᒪᙱᓕᐅᕈᑎᐅᔪᓂᒃ ᐱᓕᕆᐊᖑᑎᓪᓗᒋᑦ ᐊᒻᒪ ᐊᓯᖏᓐᓂ ᒪᓕᒐᓕᕆᓂᒃᑯᑦ ᐱᓕᕆᔨᓂᒃ.
• ᐃᑲᔪᖅᑐᐃᕙᒡᓗᓂ ᐊᒻᒪ ᐃᖅᑲᓇᐃᔭᖅᑐᓂᒃ ᐃᑲᔪᖃᑦᑕᕐᓗᓂ ᐃᓄᖕᓂᒃ ᐊᒻᒪ ᐃᖅᑲᓇᐃᔭᓕᓵᖅᑐᓂᒃ.

ᐊᔪᙱᓐᓂᖃᕐᓂᖅ ᐃᓚᖃᕆᐊᖃᖅᑐᑦ ᐅᑯᓂᖓ:

• ᓯᓚᒃᑐᖅᓴᕐᕕᒡᔪᐊᒥᒃ ᐸᐃᑉᐹᖅᑖᖅᓯᒪᓗᓂ ᐃᖅᑲᓇᐃᔮᒃᓴᓕᕆᓂᖅᒧᑦ, ᐃᖅᑲᓇᐃᔭᖅᑐᓂᒃ ᐊᒻᒪ ᐃᖅᑲᓇᐃᔮᒃᓴᓕᕆᓂᖅᒧᑦ, ᐱᓕᕆᕝᕕᖕᓄᑦ ᐱᓕᕆᐊᒃᓴᓄᑦ, ᐅᕝᕙᓘᓐᓃᑦ ᑕᒪᐅᙶᖓᔪᒥᑦ ᐃᓕᓐᓂᐊᖅᓯᒪᓂᖅᒧᑦ.
• ᐊᕐᕌᒍᓂ ᑕᓪᓕᒪᓂᒃ ᐱᓕᕆᓕᒪᓗᓂ ᐃᖅᑲᓇᐃᔮᒃᓴᓕᕆᓂᖅᒧᑦ ᐱᓕᕆᐊᓄᑦ ᖃᐅᔨᒪᑎᑦᑎᓂᖅᓂᒃ, ᑐᑭᒧᐊᖅᑎᑦᑎᓂᖅᒥᒃ ᐊᒻᒪ ᐃᑲᔪᖅᑐᐃᕙᖕᓂᖅᒥᒃ.
• ᐱᓕᕆᐊᖃᓕᒪᓗᓃ ᓈᒻᒪᙱᓕᐅᕈᑎᖃᕐᓂᖅᒧᑦ ᐱᓕᕆᐊᖑᕙᒃᑐᓂᒃ, ᒪᓕᒐᓕᕆᓂᒃᑯᑦ ᐱᓕᕆᐊᖃᕐᓂᖅᒥᒃ, ᐱᓕᕆᐊᒃᑯᑦ ᐱᕙᓪᓕᐊᑎᑦᑎᓂᖅᒥᒃ, ᐱᓕᕆᐊᓄᑦ ᐊᐅᓚᑦᑎᓂᖅᒥᒃ, ᐊᒻᒪ ᐃᖅᑲᔭᕆᐊᖃᕐᓂᖅᒧᑦ ᐊᐅᓚᑦᑎᓂᖅᒥᒃ.

ᐱᓯᒪᔭᐅᔭᕆᐊᓖᑦ:

• ᐃᓕᓐᓂᐊᕌᓂᒃᓯᒪᓪᓚᕆᒡᓗᓂ ᐱᓕᕆᐊᖃᕈᓐᓇᖅᓯᓯᒪᓗᓂ ᐃᖅᑲᓇᐃᔮᒃᓴᓕᕆᓂᖅᒥᒃ (CPHR).
• ᐱᓕᕆᓕᒪᓗᓂ ᑲᑐᔾᔨᖃᑎᒌᓂᒃ ᐱᓕᕆᐊᖃᖅᐸᒃᑐᓂᒃ.
• ᖃᐅᔨᒪᓗᓂ ᓄᓇᕗᒥᑦ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐃᓕᖅᑯᓯᖏᓐᓂᒃ.
• ᐅᖃᓪᓚᖃᑎᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.

ᐊᔾᔨᖏᓐᓂᒃ ᐱᓯᒪᓂᖅ:

• ᐸᐃᑉᐹᖅᑖᖅᓯᒪᓗᓂ ᐃᖅᑲᓇᐃᔮᒃᓴᓕᕆᓂᖅᒥᒃ, ᐃᖅᑲᓇᐃᔭᖅᑐᓂᒃ ᐊᒻᒪ ᐃᖅᑲᓇᐃᔮᓂᒃ ᐱᓕᕆᐊᒃᓴᓄᑦ, ᐱᓕᕆᕝᕕᖕᓂᒃ ᐱᓕᕆᐊᒃᓴᓄᑦ, ᐅᕝᕙᓘᓐᓃᑦ ᑕᒪᐅᓈᖓᔪᓂᒃ ᐃᓕᓐᓂᐊᖅᓯᒪᓗᓂ.
• ᐊᕐᕌᒍᓂ ᒪᓪᕈᖕᓂᒃ ᐊᕐᕕᓂᓕᖕᓂᒃ ᐃᖅᑲᓇᐃᔭᖅᓯᒪᓗᓂ ᐃᖅᑲᓇᐃᔮᒃᓴᓕᕆᓂᒃᑯᑦ ᖃᐅᒪᔨᐅᓂᖅᒥᒃ, ᑐᑭᒧᐊᖅᑎᑦᑎᓂᖅᒥᒃ ᐊᒻᒪ ᐃᑲᔪᖅᑐᐃᓂᖅᓂᒃ.
• ᐱᓕᕆᐊᖃᓕᒪᓗᓃ ᓈᒻᒪᙱᓕᐅᕈᑎᖃᕐᓂᖅᒧᑦ ᐱᓕᕆᐊᖑᕙᒃᑐᓂᒃ, ᒪᓕᒐᓕᕆᓂᒃᑯᑦ ᐱᓕᕆᐊᖃᕐᓂᖅᒥᒃ, ᐱᓕᕆᐊᒃᑯᑦ ᐱᕙᓪᓕᐊᑎᑦᑎᓂᖅᒥᒃ, ᐱᓕᕆᐊᓄᑦ ᐊᐅᓚᑦᑎᓂᖅᒥᒃ, ᐊᒻᒪ ᐃᖅᑲᔭᕆᐊᖃᕐᓂᖅᒧᑦ ᐊᐅᓚᑦᑎᓂᖅᒥᒃ.

ᒪᓂᒻᒪᐃᓯᒪᔪᒍᑦ ᑮᓇᐅᔭᓕᐅᖁᑎᒃᓴᑦᑎᐊᕙᖕᓂᒃ ᒫᓃ $106,587-ᒥ $126,340-ᒧᑦ ᐊᕐᕌᒍᒧᑦ, ᐅᑭᐅᕐᑕᖅᑐᖅᒦᓐᓂᖅᒧᑦ ᐃᑲᔪᕈᑎ $15,016 ᐊᕐᕌᒍᒧᑦ, ᐃᑲᔪᕈᑎᒃᓴᖃᑦᑎᐊᖅᖢᓂ ᐃᓚᖃᖅᖢᓂ ᐃᑦᑐᖅᓯᐅᑎᒃᓴᓄᑦ ᐊᒻᒪ ᐃᒡᓗᖃᖅᑎᑕᐅᓂᕐᒧᑦ. ᐅᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᙱᑦᑐᖅ ᓄᓇᕗᒥᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᓄᑦ.

ᐅᕗᖓ ᐱᓇᓱᒍᑎᓯ ᖃᕋᓴᐅᔭᒃᑯᑎ ᐊᐅᓪᓚᖅᑎᓪᓗᒋᑦ careers@qec.nu.ca ᑎᑎᖃᒃᑯᕕᒃᑯᓪᓘᓐᓃᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ, ᑎᑎᖅᑲᒃᑯᕕᐊ 420, ᖃᒪᓂᑦᑐᐊᖅ, ᓄᓇᕗᑦ X0C 0A0 (Human Resources, Qulliq Energy Corporation, P.O. Box 420, Baker Lake, NU X0C 0A0)

ᑎᑎᕋᕐᓗᓯ ᐱᓇᓱᒍᓐᓇᖅᑐᓯ ᐅᓇ ᑎᑭᓐᓇᓱᖕᓂᖓᓂᒃ ᐅᑐᐱᕆ 22, 2021 ᑐᖔᓂ.

ᐱᓇᓱᒍᑎᒃᓴᑦ ᐆᒥᖓ ᐃᖅᑲᓇᐃᔮᒃᓴᒥᒃ ᐃᓱᒪᒋᔭᐅᑐᐃᓐᓇᕆᐊᖃᖅᑐᑦ ᐃᖅᑲᓇᐃᔮᒃᓴᐅᓛᖅᑐᓄᑦ ᓯᕗᓂᒃᓴᑦᑎᓐᓂᒃ ᐅᑯᓇᓂ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑎᖏᑦ.

ᖁᔭᒋᕙᕗᑦ ᑕᒪᕐᒥᒃ ᐱᓇᓱᒃᑐᑦ; ᑭᓯᐊᓂᓕ ᐊᐱᖅᓱᒃᑲᓐᓂᕈᒪᔭᕗᑦ ᖃᐅᔨᑎᑕᐅᓂᐊᖅᑐᑦ.