ᐅᐊᔭᓕᕆᔨ −ᐃᖃᓗᒃ`ᑐᑦᑎᐊᖅᒥ

ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ! ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ. ᐱᓕᕆᖃᑎᒌᖕᓂᖅ ᓄᓇᕗᒻᒥ ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᓪᓕᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᖏᑦ ᐆᒻᒪᖅᑯᑎᖃᖅᑎᑦᑎᕙᒃᑐᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᔾᔨᖃᙱᑦᑐᒥᒃ ᐱᓇᔪᒋᐊᖃᖃᑦᑕᖅᐳᑦ 25−ᓂᒃ ᐃᓛᒃᑰᖅᑐᓂᒃ ᐅᖅᓱᐊᓗᒃᑐᖅᑐᓂᒃ ᐊᐅᓚᐅᑎᖃᕐᕕᖕᓂᒃ ᐊᐅᓚᑦᑎᖃᑦᑕᕐᒪᑕ ᖃᐅᒻᒪᖅᑯᑎᖃᖅᑎᑦᑎᕙᒃᖢᑎᒡᓗ ᑕᒪᐃᓐᓂ ᐅᑭᐅᖅᑕᖅᑐᒥ ᓄᓇᓕᖏᓐᓂ. QEC 21-008 ᐅᐊᔭᓕᕆᔨ −ᐃᖃᓗᒃ`ᑐᑦᑎᐊᖅᒥ ᐃᖃᓗᒃ`ᑐᑦᑎᐊᖅ, ᓄᓇᕗᒻᒦᓐᓂᐊᖅᑐᖅ ᐅᖃᕐᕕᖃᖅᐸᓪᓗᓂᓗ ᐊᕕᒃᑐᖅᓯᒪᔪᓂᑦ ᓇᓃᑉᐸᖕᓂᖏᑦ ᐊᖓᔪᖅᑳᖅᒧᑦ ᐅᐊᔭᓕᕆᔨ ᑲᒪᒋᔭᖃᕐᓂᐊᖅᑐᖅ ᐋᖅᑭᑦᓱᐃᓂᕐᒧᑦ, ᑲᒪᒋᔭᖃᕐᓂᕐᒧᑦ ᓴᓇᓂᕐᒧᓪᓗ ᖁᓛᒎᖅᑐᓂᒃ ᓄᓇᐅᓪᓗ ᐃᑭᐊᖓᒎᖅᑐᓂᒃ ᐅᐊᔭᓂᑦ. ᐃᖅᑲᓇᐃᔮᖅ ᑲᒪᒋᔭᖃᕆᐊᖃᕐᒥᔪᖅ ᓅᑖᓂᑦ ᐅᐊᔭᓕᖅᑐᐃᓂᕐᒧᑦ, ᐋᖅᑭᑦᓱᐃᓂᕐᒧᑦ ᐱᔨᑦᓯᕋᐅᑕᐅᑲᐃᓐᓇᑐᓐᓇᖅᑐᓂᑦ, ᐃᓚᐅᖃᑕᐅᓗᓂ ᓯᕿᕐᖑᔭᐅᔭᓕᕆᓂᕐᒧᑦ, ᖃᐅᔨᓴᕐᓂᕐᒧᓪᓗ ᐱᓕᕆᔾᔪᑎᓂᑦ, ᐱᖁᑎᓂᑦ, ᐃᖏᕐᕋᔾᔪᑎᓂᓪᓗ ᐊᑐᖅᑕᐅᖃᑦᑕᖅᑐᓂᑦ ᐃᖅᑲᓇᐃᔮᓄᑦ. ᐱᓕᕆᐊᑦᓴᐃᑦ ᑲᒪᒋᔭᑦᓴᐃᓪᓗ: • ᖃᐅᔨᓴᖅᐸᒡᓗᓂ, ᐊᔪᓕᖅᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᐅᐊᔭᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ, ᓱᓇᒃᑯᑖᖏᓐᓂᒃ, ᐊᒻᒪ ᐱᖁᑎᖏᓐᓂᒃ ᐱᕙᓪᓕᐊᑦᑎᐊᖁᓪᓗᒋᑦ ᐊᒻᒪ ᐱᐅᓗᑎᒃ. • ᖃᐅᔨᓴᖅᐸᒡᓗᓂ, ᐊᔪᓕᖅᓯᒪᔪᓂᒃ ᖃᐅᔨᓇᓱᒃᐸᒡᓗᓂ, ᓴᓇᔭᐅᔭᕆᐊᓕᖕᓂᓪᓗ ᑐᐊᕕᕐᓇᖅᑐᓂᒃ ᐅᐊᔭᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ, ᓱᓇᒃᑯᑖᖏᓐᓂᒃ, ᐊᒻᒪ ᐱᖁᑎᖏᑦ ᐊᓯᔾᔨᖅᐸᒡᓗᒋᑦ ᐱᔭᕆᐊᖃᖅᐸᑦ. • ᓄᓇᓕᖕᓄᑦ ᐊᐅᓪᓚᖃᑦᑕᕐᓗᓂ ᖃᐅᔨᓴᕆᐊᕐᓗᓂ, ᐋᖅᑭᒃᓱᕆᐊᓕᖕᓂᒃ ᓴᓇᔭᖅᑐᕐᓗᓂ, ᐱᖁᑎᓂᒃ ᐃᓕᐅᖅᑲᐃᓗᓂ, ᐊᒻᒪ ᑭᓱᑐᐃᓐᓇᓂᒃ ᓱᕋᒃᓯᒪᔪᓂᒃ ᐋᖅᑭᒃᓱᐃᓗᓂ ᐅᐊᔭᓕᕆᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ. • ᐱᓕᕆᖃᑎᖃᖅᐸᒡᓗᓂ ᐊᐅᓚᐅᑎᓕᕆᔨᑦ ᐱᓕᕆᕝᕕᖓᓂᒃ ᐋᖅᑭᒃᓯᒪᓂᒃᓴᖓᓂᒃ ᕿᒥᕐᕈᓗᑎᒃ ᐱᖁᑎᖏᓐᓂᒡᓗ ᓇᓗᓇᐃᔭᑦᑎᐊᖅᐸᒡᓗᓂ ᐱᓕᕆᐊᖑᔪᑦ ᒪᓕᒋᐊᖃᖅᑐᓕᒫᓂᒃ ᒪᓕᑦᑎᐊᖁᓪᓗᒋᑦ ᐊᒻᒪ ᖁᓪᓕᑯᑦ ᐆᒻᒪᖅᑯᑎᓕᕆᔨᒃᑯᓐᓂ ᒪᓕᒃᑕᐅᔭᕆᐊᓕᖕᓂᒃ. • ᐱᓕᕆᖃᑎᖃᖅᐸᒡᓗᓂ ᑕᐃᒪᐃᑦᑐᓕᕆᔨᓂᑦ ᓴᓇᔨᓂᑦ ᐃᖅᑲᓇᐃᔭᖅᑎᓂᓪᓗ ᓈᒻᒪᖅᑯᑦᑎᓗᑎᒃ ᑮᓇᐅᔭᖅᑑᑎᖏᓪᓗ ᐊᑐᕐᓗᒋᑦ ᐱᐊᓂᒍᓐᓇᑦᑎᐊᖁᓪᓗᒋᑦ ᐊᑭᑐᔫᑎᑦ ᐊᒻᒪ ᐊᐅᓚᔾᔪᑎᑦ ᐋᖅᑭᐅᒪᐃᓐᓇᕈᑎᓪᓗ ᐱᓕᕆᐊᒃᓴᖏᑦ. • ᓴᓇᔭᐅᔾᔪᑎᖏᑦ ᑎᑎᕋᖅᐸᓪᓕᐊᕙᒡᓗᒋᑦ ᐋᖅᑭᒃᓱᐃᖃᑎᖃᖅᐸᒡᓗᓂᓗ ᐊᐅᓚᐅᓯᕆᔨᓂᒃ, ᐊᐅᓚᑦᑎᔨᓂᒃ, ᓱᕋᒃᓯᒪᔪᓕᕆᔨᓂᒃ, ᑎᑎᕋᖅᑕᐅᓯᒪᔪᑦ ᐋᖅᑭᒋᐊᖅᑕᐅᓕᕌᖓᒥᒃ. • ᓇᔪᖅᑕᐅᔪᒥᑦ ᐋᖅᑭᒋᐊᕈᑎᒃᓴᓂᒃ ᐊᑐᐃᓐᓇᐅᑎᑦᑎᕙᒡᓗᓂ ᐊᖅᑭᒋᐊᕈᑎᒃᓴᓂᓪᓘᓐᓃᑦ ᐱᓕᕆᔾᔪᑎᑦ ᖃᕆᓴᐅᔭᒃᑯᑦ ᐅᑎᖅᑎᑕᐅᑲᐅᑎᒋᖃᑦᑕᖁᓪᓗᒋᑦ ᖃᒥᙶᖅᑎᓪᓗᒋᑦ ᐱᖁᑎᖏᓪᓗ ᐊᑦᑕᕐᓇᖅᑐᒦᓗᐊᖅᑕᐃᓕᒪᑎᓪᓗᒋᑦ. • ᓴᓗᒪᔪᒥᑦ, ᐊᑦᑕᕐᓇᙱᑦᑐᒥᑦ ᐱᓕᕆᕝᕕᖃᖅᑎᑦᑎᕙᒡᓗᓂ ᖃᖓᓕᒫᑦᑎᐊᖅ ᐊᒻᒪ ᐱᒋᐊᖅᑳᖅᐸᒡᓗᓂ, ᓈᒻᒪᒃᓯᔭᕌᖓᑦ ᐊᑐᓕᖁᔨᔾᔪᑎᓕᐅᖅᐸᒡᓗᓂ ᐋᖅᑭᒋᐊᖅᑕᐅᖏᓐᓇᕆᐊᓕᖕᓄᑦ ᑎᒥᒋᔭᐅᔪᑦ ᐊᐅᓚᓂᕆᔭᖏᓐᓂᒃ ᐊᒻᒪ ᐱᖁᑎᖏᓐᓂᒃ. • ᐋᖅᑭᒃᓱᐃᖃᑎᖃᖅᐸᒡᓗᓂ ᓂᐅᕕᕐᕕᖕᓂᑦ ᐅᐊᔭᐃᑦ ᖃᐅᔨᓴᖅᑕᐅᑦᑎᐊᖃᑦᑕᖁᓪᓗᒋᑦ ᐃᓚᒃᓴᖏᓪᓗ ᓯᕗᓂᐊᒍᑦ ᑎᑭᓴᖅᑕᐅᕙᒡᓗᑎᒃ ᐊᕐᕌᒍᑕᒫ ᐅᒥᐊᕐᔪᐊᒃᑰᕐᓇᖅᓯᔭᕌᖓᑦ. • ᐱᓕᕆᐊᖑᔪᑦ ᒪᓕᑦᑎᐊᖅᑎᑕᐅᕙᒡᓗᑎᒃ ᐆᒪᖅᑯᑎᓕᕆᔨᑦ ᐊᑐᐊᒐᓕᒫᖏᓐᓂᒃ ᐊᒻᒪ ᐱᓕᕆᔾᔪᓯᖏᓐᓂᒃ; ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᒥ, ᑲᓇᑕᒥ ᐊᕕᒃᑐᖅᓯᒪᔪᒥ, ᐊᒻᒪ ᑲᓇᑕᒥ ᒪᓕᒐᖏᓐᓂᒃ; ᒪᓕᑦᑎᐊᕐᓗᑎᒡᓗ ᑕᒪᐃᓐᓂᒃ ᐋᓐᓂᐊᖅᑐᓕᕆᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ ᒪᓕᒐᖏᓐᓂᒃ. • ᓄᓇᓕᖕᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᑦ ᒐᕙᒪᖓᓂᒃ ᑐᓴᐅᒪᖃᑎᖃᖅᐸᒡᓗᓂ ᖃᒥᑦᑐᖃᕌᖓᑦ ᐅᖃᐅᑎᕙᓪᓕᐊᕙᒡᓗᒋᑦ ᓄᓇᓕᖕᓂ ᐊᒃᑐᐃᓕᖅᐸᒃᑐᓂᒃ, ᐱᔭᕆᐊᖃᕈᓂ. ᐅᑯᐊ ᐊᔪᙱᑦᑕᕆᐊᓖᑦ: • ᐊᕕᒃᑐᖅᓯᒪᔪᓂᑦ ᐅᑭᐅᖅᑕᖅᑐᒥ ᓇᓗᓇᐃᒃᑯᑕᖃᕐᓗᓂ ᐅᐊᔭᓕᕆᔨ. • ᐊᖁᑦᑐᓇᐃᑎᖃᕐᓗᑎᑦ ᓇᓗᓇᐃᒃᑯᑕᖅ 3−ᒥᑦ ᐳᓪᓚᕐᒨᖅᑐᖅ ᓄᖃᖅᑕᐅᑎᖃᖅᑐᖅ ᐃᖏᕐᕋᔪᑎᒥᒡᓗ ᓇᓪᓕᐅᒃᑯᒫᖅᑕᕈᓐᓇᕐᓗᑎᑦ ᐱᖁᔭᖓᑕ ᖁᓪᓕᖅ ᐃᑯᒻᒪᖅᑯᑐᓕᕆᔨᒃᑯᓐᓄ; ᐃᑲᔪᕐᓂᖃᕋᔭᖅᑐᑦ: • ᐊᕕᒃᑐᖅᓯᒪᔪᓂᑦ ᐅᑭᐅᖅᑕᖅᑐᒥ ᓇᓗᓇᐃᒃᑯᑕᖃᕐᓗᓂ ᐅᐊᔭᓕᕆᔨ. • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ. • ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᑐᓴᐅᒪᑎᑦᑎᔪᓐᓇᕐᓗᓂ. ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $99,486−ᒥᑦ $116,209−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᓪᓗᑕ $19,122−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ. ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0 ᑎᑎᖅᑲᑦᑯᑦ ᐱᓇᓱᐊᕐᓗᑎ, ᒫᑦᓯ 12, 2021 ᑐᖔᓂ. ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ. ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.