ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᓱᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᓯᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᑦᓱᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑦᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᓯᓪᓗᑎᓪᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᓐᓂᒃ ᐆᒻᒪᖅᑯᑎᖃᖅᑎᑦᓯᓪᓗᑎᓪᓗ ᓄᓇᓕᓕᒫᓂᒃ ᓄᓇᕗᒻᒥ.
ᐅᐊᔭᓕᕆᔨ − ᐊᐅᓚᑦᑎᔾᔪᑎᓄᑦ (QEC-23-027)
ᐃᖃᓗᐃᑦ, ᓄᓇᕗᑦ
ᐊᖓᔪᖅᑳᓕᒃ ᐊᐅᓚᑦᑎᔨᒥᒃ, ᓴᐳᔾᔨᓂᕐᒧᑦ, ᐊᐅᓚᑦᑎᔾᔪᑎᓄᑦ ᐊᒻᒪᓗ ᖃᐅᔨᓴᕈᑎᓄᑦ, ᐅᐊᔭᓕᕆᔨ − ᐊᐅᓚᔾᔪᑎᓄᑦ ᑲᒪᒋᔭᒃᓴᖃᖅᐳᖅ ᐋᖅᑭᐅᒪᔾᔪᑎᒃᓴᖏᓐᓄᑦ, ᓄᑖᙳᕆᐊᖅᑎᑦᑎᖃᑦᑕᕐᓂᕐᒧᑦ, ᐋᖅᑭᐅᒪᑎᑦᑎᓂᕐᒧᑦ, ᖃᐅᔨᓇᓱᐊᖃᑦᑕᕐᓂᕐᒧᑦ, ᐋᖅᑭᒃᓱᐃᖃᑦᑕᕐᓂᕐᒧᓪᓗ ᐊᐅᓚᑦᑎᔾᔪᑎᓂᒃ ᑕᒪᐃᓐᓄ ᐆᒻᒪᖅᑯᑎᖃᕐᕕᖕᓄᑦ ᓄᓇᕗᒻᒥ. ᐃᖅᑲᓇᐃᔮᖅ ᑲᒪᒋᔭᒃᓴᖃᕆᕗᖅ ᐱᔭᕆᑐᔪᓂᒃ ᐃᑲᔪᖃᑦᑕᕐᓂᕐᒥᑦ ᐊᐅᓚᔾᔪᑎᓕᕆᔨᓄᑦ ᓴᓇᔨᒻᒪᕆᖕᓄᓪᓗ ᐆᒻᒪᖅᑯᑎᖃᕐᕖᑦ ᐊᐅᓚᑦᑎᔾᔪᑎᖏᑦᑕ ᒥᒃᓵᓄᑦ.
ᑖᓐᓇ ᐃᖅᑲᓇᐃᔮᖅ ᐊᐅᓚᑕᐅᕗᖅ ᒪᓕᒃᖢᒋᑦ ᑭᓱᑯᓘᔭᑦ ᑯᐊᐳᕇᓴᒥ, ᓄᓇᕗᒻᒥ, ᑲᓇᑕᒥᓗ ᒪᓕᑦᑕᐅᕙᑦᑐᓂᒃ, ᐃᓚᒋᔭᐅᓪᓗᑎᒃ ᑲᓇᑕᒥ ᐅᐊᔭᓕᕆᓂᕐᒧᑦ ᒪᓕᒐᐃᑦ (CEC), ᑲᓇᑕᒥ ᒪᓕᑦᑕᐅᕙᑦᑐᓄᑦ ᑲᑐᔾᔨᖃᑎᒌᑦ (CSA), ᑲᓇᑕᒥ ᐃᑭᑦᑐᓕᕆᓂᕐᒧᑦ ᒪᓕᒃᑕᐅᕙᒃᑐᑦ (NFC), ᐊᓯᖏᓪᓗ ᐊᑦᑐᐊᓂᓖᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᑦᑕᐅᕙᑦᑐᑦ, ᐃᓚᓕᐅᔾᔭᐅᓪᓗᑎᒃ ᐊᐅᓚᑦᓯᕕᒻᒥ ᐊᒻᒪ ᓄᓇᕘᒥ ᐊᑐᐊᒐᐃᑦ ᒪᓕᒋᐊᓖᓪᓗ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐊᐅᓪᓚᖃᑦᑕᖅᖢᓂᑦ ᓄᓇᕗᒻᒥ ᐆᒻᒪᖅᑯᑎᖃᕐᕕᐅᔪᓄᑦ ᖃᐅᔨᓴᕆᐊᕐᓗᓂᑦ ᖃᐅᔨᓇᓱᐊᕆᐊᕐᓗᓂᓗ ᐊᔪᓕᕈᑕᐅᔪᓂᒃ ᐊᒻᒪ ᐋᖅᑭᐅᒪᑎᑦᑏᓐᓇᕋᓱᐊᖅᐸᒡᓗᓂᑦ ᐱᖁᑎᓂᒃ ᐃᖏᕐᕋᑦᑎᐊᖁᓪᓗᒋᑦ ᐸᐸᑦᑎᔾᔪᑏᑦ, ᐊᐅᓚᑦᑎᔾᔪᑏᑦ, ᓇᐅᑦᑎᖅᓱᕈᑏᓪᓗ.
- ᐊᐅᓚᑦᑎᕙᒡᓗᓂᑦ, ᐋᖅᑭᒃᓱᐃᕙᒡᓗᓂᑦ, ᐱᕙᒌᔭᐃᕙᒡᓗᓂᓗ ᑎᑎᖅᑲᓂᒃ ᐃᑲᔪᖅᑐᐃᔾᔪᑕᐅᔭᕆᐊᓕᖕᓂᑦ ᐋᖅᑭᒃᓯᒋᐊᕈᑎᓄᑦ ᓄᑖᙳᕆᐊᖅᓯᔾᔪᑎᓂᒡᓗ ᓄᑖᖑᔪᓄᑦ ᐊᑐᖅᑐᓄᓪᓗ ᐊᐅᓚᑦᑎᔾᔪᑎᓄᑦ ᓄᓇᕗᒻᒥ ᐆᒻᒪᖅᑯᑎᖃᕐᕕᖕᓂᑦ.
- ᕿᒥᕐᕈᕙᒃᑐᑦ ᑕᕝᕙᑦᑕᐅᑎᒋ ᐱᓕᕆᕙᓪᓕᐊᓂᖏᓐᓂᒃ, ᑎᑎᕋᖅᐸᒃᖢᓂᑦ ᐱᓕᕆᐊᒃᓴᑦ ᒥᒃᓵᓅᖓᔪᓂᑦ, ᐊᒻᒪᓗ ᖃᐅᔨᒪᑦᑎᐊᕐᓗᒋᑦ ᐊᐅᓚᔾᔪᑎᖏᑦ ᒪᓕᑦᑎᐊᕐᒪᖔᑕ ᐆᒻᒪᖅᑯᑎᖃᕐᕕᒃᑯᑦ ᓇᓗᓇᐃᔭᖅᓯᒪᔭᖏᓐᓂᒃ.
- ᑲᒪᒋᔭᖃᖃᑎᖃᖅᐸᒃᖢᓂᑦ ᓴᓇᔨᒻᒪᕆᖕᓂᑦ, ᐱᓕᕆᐊᒃᓴᓂᑦ ᐊᐅᓚᑦᑎᔨᓂᒃ, ᐋᖅᑭᐅᒪᑎᑦᑎᔨᓂᒃ, ᐊᐅᓚᑦᑎᔨᓂᒃ, ᑳᓐᑐᕌᒃᑎᓂᓪᓗ ᐱᔭᕆᑐᔪᓂᒃ ᐃᑲᔪᖅᑐᐃᓂᕐᒧᑦ ᐅᖃᐅᔾᔪᐃᒋᐊᖃᑦᑕᕐᓂᕐᒧᓪᓗ ᐊᑭᑐᔫᑎᓄᑦ ᐅᑎᖅᑎᑕᒃᓴᓄᓪᓗ ᐱᓕᕆᐊᒃᓴᕐᓄᑦ.
- ᐊᐅᓚᑦᑎᖃᑎᖃᖅᐸᒡᓗᓂᑦ ᐱᖃᖅᑎᐅᖃᑕᐅᔪᓂᒃ ᓴᓇᔨᒻᒪᕆᐅᔪᓄᑦ, ᐊᐅᓚᑦᑎᔨᓄᑦ, ᑮᓇᐅᔭᓕᕆᔨᒃᑯᖏᓐᓄᓪᓗ ᐱᕙᒌᔭᐃᓂᕐᒧᑦ ᐋᖅᑭᐅᒪᑎᑦᑎᓂᕐᒧᓪᓗ ᐋᖅᑭᒃᓱᐃᖃᑦᑕᕐᓂᕐᒧᓪᓗ ᐊᐅᓚᑦᑎᔾᔪᑎᓂᒃ ᓄᓇᕗᒻᒥ ᐆᒻᒪᖅᑯᑎᖃᕐᕕᐅᔪᓄᑦ.
ᐅᑯᐊ ᐊᔪᙱᑕᐅᔭᕆᐊᓖᑦ:
- ᐱᔭᕇᖅᓯᓯᒪᓗᓂᑦ ᓯᕗᕙᓯᒃᑐᖅ ᐱᔭᕇᕈᓯᐊᖅ ᓴᕕᒐᐅᔭᓕᕆᔨᐅᓂᕐᒥᑦ.
- ᐅᑭᐅᕐᓄᑦ ᐱᖓᓱᓄᑦ ᐃᖅᑲᓇᐃᔭᕐᓂᑰᓗᓂᑦ ᐋᖅᑭᐅᒪᔾᔪᑎᒃᓴᓄᑦ, ᓄᑖᙳᕆᐊᖅᓯᖃᑦᑕᕐᓂᕐᒧᑦ, ᐋᖅᑭᐅᒪᑎᑦᑎᖃᑦᑕᕐᓂᕐᒧᑦ, ᖃᐅᔨᓇᓱᐊᖃᑦᑕᕐᓂᕐᒧᑦ, ᐋᖅᑭᒃᓱᐃᖃᑦᑕᕐᓂᕐᒧᓪᓗ ᐸᐸᑦᑎᔾᔪᑎᓂᒃ, ᐊᐅᓚᑦᑎᔾᔪᑎᓂᒃ, ᓇᐅᑦᑎᖅᓱᕈᑎᓂᒡᓗ.
ᐃᑲᔫᑎᖃᕋᔭᖅᑐᑦ:
- ᓇᓗᓇᐃᒃᑯᑕᖃᕈᓂᑦ ᓴᓇᔨᒻᒪᕆᐅᓂᕐᒧᑦ (CET) ᓇᓗᓇᐃᒃᑯᑕᕐᓘᓐᓃᑦ ᓴᓇᔨᐅᓂᕐᒧᑦ (C.Tech) ᐊᑲᐅᓇᔭᖅᐳᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓᑦ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $104,543.24−ᒥᑦ $122,116.48-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $16,008.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᒥᒃ, ᐅᑯᓂᖓᓗ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᐊᐅᒡᒍᓯ 18, 2023 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.