ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᖕᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᖕᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.
ᐆᒻᒪᖅᑯᑎᓕᕆᔨᒃᑯᑦ−19-050 ᐅᐊᔭᓕᕆᔨ − ᐊᐅᓚᔾᔪᑎᓄᑦ
ᐃᖃᓗᐃᑦ ᐊᓯᐊᓂ ᐃᓂᖃᖅᖢᓂ, ᐊᐅᓚᑦᑎᔨᒧᓪᓚᑦᑖᕐᓗ ᐅᓂᒃᑳᖅᐸᒡᓗᓂ, ᐊᐅᓚᔾᔪᑏᑦ ᐋᖅᑭᐅᒪᔾᔪᑎᓪᓗ ᐊᖓᔪᖅᑳᖅ, ᓴᐳᔾᔨᓂᕐᒧᑦ, ᐊᐅᓚᑦᓯᓂᕐᒧᑦ ᓯᕿᕐᖑᔭᐅᔭᓕᕆᓂᕐᒧᓪᓗ, ᓄᑖᙳᕆᐊᖅᑎᑦᑎᕙᒡᓗᓂ, ᑲᒪᕙᒡᓗᓂ, ᐊᒻᒪᓗ ᓴᓇᒋᐊᓕᖕᓂᑦ ᐊᐅᓚᑦᑎᔾᔪᑎᓂᒃ ᑲᒪᕙᒡᓗᓂ 25-ᓕᒫᓂᒃ ᐅᖅᓱᐊᓗᖕᒨᖅᑐᓄᑦ ᐊᐅᓚᐅᑎᖃᕐᕕᒡᔪᐊᓂ ᓄᓇᕗᓕᒫᒥ ᐊᒻᒪᓗ ᐊᑐᐃᓐᓇᐅᑎᑦᑎᕙᒡᓗᓂ ᐱᓕᕆᔾᔪᑎᓄᑦ ᐃᑲᔪᖅᑐᐃᔾᔪᑎᓂᒃ ᐊᐅᓚᔾᔪᑎᓄᑦ ᐊᒻᒪᓗ ᐊᐅᓚᐅᑎᖃᕐᕕᖕᒥ ᐃᖅᑲᓇᐃᔭᖅᑎᖏᓐᓄᑦ ᐱᔾᔪᑎᓕᖕᓂᒃ ᐊᐅᓚᐅᑎᖃᕐᕕᐅᑉ ᐊᐅᓚᑦᑎᔾᔪᑎᖏᓐᓂᒃ.
ᐱᓕᕆᐊᒃᓴᐃᑦ ᑲᒪᒋᔭᒃᓴᖏᓪᓗ:
- ᓴᓇᒪᓂᖓᑕ ᑕᐅᑦᑐᒃᓴᖓ ᐊᒻᒪᓗ ᐊᑐᓕᖅᑎᑦᑎᖃᑦᑕᕆᓪᓗᓂ ᓄᑖᓂᒃ ᐱᓕᕆᐊᕆᔭᐅᓂᐊᖅᑐᓂ ᐋᖅᑭᒃᑕᐅᔪᓐᓇᖅᑐᒥ ᐱᔾᔪᑎᖃᖅᑐᑦ ᐊᐅᓚᑦᑎᔪᑎᖏᓐᓄᑦ.
- ᕿᒥᕐᕈᕙᒃᑐᑦ ᑕᕝᕙᑦᑕᐅᑎᒋ ᐱᓕᕆᕙᓪᓕᐊᓂᖏᓐᓂᒃ ᐊᒻᒪᓗ ᖃᐅᔨᒪᑦᑎᐊᕐᓗᒋᑦ ᐊᐅᓚᔾᔪᑎᖏᑦ ᒪᓕᑦᑎᐊᕐᒪᖔᑕ ᐆᒻᒪᖅᑯᑎᖃᕐᕕᒃᑯᑦ ᓇᓗᓇᐃᔭᖅᓯᒪᔭᖏᓐᓂᒃ.
- ᐱᕙᒋᔭᖅᐸᒡᓗᓂ ᐊᑭᖏᓐᓂᒃ ᖃᐅᔨᓴᖅᑕᐅᔪᓂ ᐊᑭᑐᔫᑎᑦ ᐱᓕᕆᐊᒃᓴᑦ ᒪᓕᑦᑎᐊᖁᓪᓗᒋᑦ ᑮᓇᐅᔭᖅᑑᑎᒃᓴᖏᑕ ᒪᓕᒋᐊᓕᖏᓐᓂᒃ.
- ᑲᒪᒋᔭᖃᕐᓗᓂ ᐱᖁᑎᓂᒃ ᒪᓕᑦᑎᐊᖁᓪᓗᒍ ᐊᐅᓚᓂᖓᑕ ᐋᖅᑭᒃᓯᒪᓂᖓᓂ ᐊᒻᒪᓗ ᐊᑭᑭᓐᓂᖅᓴᐅᓕᖅᑎᓪᓗᒋᑦ ᓱᕋᒃᓯᒪᔪᑦ ᓴᓇᔭᐅᔾᔪᑎᖏᑦ ᑕᑎᒋᔭᐅᔪᓐᓇᑦᑎᐊᕐᓗᑎᒡᓗ ᐱᔨᑦᑎᕋᖅᑕᐅᔾᔪᑎᑦ ᐊᑭᓕᖅᓱᐃᕙᒃᑐᓄᑦ ᐊᑦᑕᓇᖅᑐᒦᖁᓇᒋᓪᓗ ᐆᒻᒪᖅᑯᑎᖃᕐᕕᖕᒥᑦ.
- ᐱᓕᕆᖃᑎᖃᖅᐸᒡᓗᓂ ᐅᐊᔭᓕᕆᔨᓂᑦ ᐊᑐᐃᓐᓇᐅᑎᑦᑎᕙᒡᓗᓂᓗ ᐱᓕᕆᔾᔪᑎᓄᑦ ᐃᑲᔪᖅᑐᐃᔾᔪᑎᓂᒃ ᐊᑭᑐᔪᓄᑦ ᐊᒻᒪ ᐅᑎᖅᑎᑕᐅᔪᓐᓇᖅᑐᓄᑦ ᐱᓕᕆᐊᒃᓴᓄᑦ.
- ᑲᑐᔾᔨᖃᑎᖃᖅᐸᒡᓗᓂ ᐊᐅᓚᐅᑎᓕᕆᔨᒃᑯᑦ ᐱᓕᕆᕝᕕᖏᓐᓂ ᕿᒥᕐᕈᑎᓪᓗᒋᑦ ᖃᐅᔨᓴᖅᑎᓪᓗᒋᓪᓗ ᐊᑲᐅᙱᓕᐅᕈᑕᐅᔪᓂᑦ ᐊᐅᓚᔾᔪᑎᖏᓐᓂᒃ.
ᐅᑯᐊ ᐊᔪᙱᑕᕆᐊᖃᕐᒥᔭᖏᑦ:
- ᐊᕐᕌᒍᓄᑦ ᐱᖓᓱᓄᑦ ᐅᐊᔭᓕᕆᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ.
- ᐊᕐᕌᒍᓂ ᐱᖓᓱᓂ ᐋᖅᑭᒃᓱᐃᖃᑕᐅᖃᑦᑕᖅᓯᒪᔭᕆᐊᓕᒃ, ᓄᑖᙳᕆᐊᖅᑎᑦᑎᕙᒡᓗᓂ, ᑲᒪᒋᔭᖃᖅᐸᒡᓗᓂᓗ, ᖃᐅᔨᓇᓱᒃᐸᒡᓗᓂ, ᐊᒻᒪ ᓴᓇᔭᕆᐊᓕᖕᓂᒃ ᓴᐳᔾᔨᓯᒪᕙᒡᓗᓂ ᐊᒻᒪᓗ ᐊᐅᓚᑦᑎᔾᔪᑎᖏᓐᓂᒃ ᓲᕐᓗ ᐊᖓᔪᖅᑳᕆᔭᐅᔪᑦ ᐊᐅᓚᑕᖏᓐᓂᒃ ᐊᒻᒪᓗ ᖃᕆᓴᐅᔭᒃᑯᑦ ᑎᑎᕋᖅᓯᒪᔪᓂᑦ, ᖃᕆᑕᐅᔭᓅᖅᓱᑎᒃ ᐊᐅᓚᑦᑕᕆᐊᓖᑦ, ᐊᐅᓚᐅᑎ ᖃᕆᓴᐅᔭᒃᑯᑦ, ᐊᓯᖏᓪᓗ.
- ᐱᓕᕆᓯᒪᓂᑰᓗᓂ ᐆᒻᒪᖅᑯᑎᓕᕆᔾᔪᑎᑦ ᖃᐅᔨᓴᕈᑎᖏᓐᓂᒃ ᖃᕆᓴᐅᔭᒃᑯᑦ ᓲᕐᓗ ᐊᐅᓚᐅᑎᓕᕆᔨᒃᑯᓐᓂ ᐱᔭᕆᑐᔪᓂᒃ ᐱᓕᕆᐊᒃᓴᑦ, ᐅᖓᓯᒃᑐᒥᑦ ᖃᕆᓴᐅᔭᒃᑯᑦ ᖃᐅᔨᓴᕈᑎᑦ, ᐊᒻᒪ ᖃᕆᓴᐅᔭᒃᑯᑦ ᑲᑎᙵᔾᔪᑕᐅᔪᓐᓇᖅᑐᑦ.
- ᐱᓕᕆᓯᒪᓂᑰᓗᓂ ᐊᐅᓚᑦᑎᔾᔪᑎᑦ ᐋᖅᑭᒃᓱᖅᑕᐅᓯᒪᓂᖓᓂ, ᓴᐳᔾᔭᐅᓯᒪᔪᑦ ᐋᖅᑭᒃᓱᖅᓯᒪᔪᓂ, ᐆᒻᒪᖅᑯᑎᖃᖅᑎᑦᑎᔾᔪᑎᑦ ᑎᑎᕋᐅᔭᖅᓯᒪᔪᓂ, ᐆᒻᒪᖅᑯᑎᒧᑦ ᖃᐅᔨᓴᕈᑎᓂ, ᐊᒻᒪ ᐱᖁᑎᑦ ᐋᖅᑭᒃᓯᒪᓂᖏᓐᓂᒃ.
ᐱᖁᑎᑦ
- ᓄᓇᓕᖕᓂᑦ ᐅᖓᓯᒌᒃᑐᑎᓂ ᐃᖅᑲᓇᐃᔭᓕᒪᒋᐊᓕᒃ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐱᖅᑯᓯᖏᓐᓂ.
- ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓐᓂᑦᓈᒻᒪᒋᔭᐅᔪᑦᒪᑯᐊᖑᔪᓐᓇᖅᑐᑦ,ᐃᓕᓐᓂᐊᖅᓯᒪᓂᖓ,ᐃᖅᑲᓇᐃᔭᖃᑦᑕᖅᓯᒪᓂᖓ,ᖃᐅᔨᒪᓂᖓ,ᐊᔪᙱᓐᓂᖏᑦᐊᒻᒪᐱᔪᓐᓇᖅᑕᖏᑦᐃᓱᒪᒋᔭᐅᓇᔭᕐᒥᔪᑦ.
ᑮᓇᐅᔾᔭᒃᓴᑦᑎᐊᖅᑎᑦᑎᕙᒃᐳᒍᑦ $97,531−ᒥᑦ $113,921−ᒧᑦ, ᐅᑭᐅᖅᑕᖅᑐᒥᐅᑕᐅᓂᖓᓄᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒪᔪᒥᑦ ᐃᑲᔫᓯᐊᖅᑖᖅᑎᑕᐅᕙᒃᖢᓂ ᐅᑯᓂᖓᓗ ᓇᓗᓇᐃᖅᓯᒪᔪᒥᒃ ᐃᑲᔫᓯᐊᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᒥᒃ. ᑖᓐᓇ ᐃᓂᐅᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᔪᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐃᕐᙲᓐᓈᖅᑕᐅᒃᑯᑦ ᐱᓇᔪᒍᓐᓇᖅᑐᑦ ᐅᕗᖓ careers@qec.nu.ca ᑎᑎᖅᑲᒃᑯᕕᒃᑯᓪᓘᓐᓃᑦ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᓯᑎᐱᕆ 6, 2019 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ.