ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᓐᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᓐᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.
ᐅᐊᔭᓕᕆᔨ (ᓴᖅᑭᑕᐅᑲᓐᓂᖅᑐᖅ)
ᐃᖃᓗᐃᑦ, ᓄᓇᕗᑦ−ᓇᓗᓇᐃᕈᑎᖓ. ᓈᓴᐅᑖ. QEC-19-049
ᐃᓕᓴᕆᔭᐅᓯᒪᔪᒥᒃ ᓇᓪᓕᐅᒃᑯᒫᖃᖅᐲᑦ ᐃᒡᓗᕐᔪᐊᓄᑦ ᐅᐊᔭᓕᕆᔪᓐᓇᕐᓗᑎᑦ ᐱᓕᕆᔪᓐᓇᐅᑎᑎᑦ ᐱᕚᓪᓕᕈᑎᒋᔪᒪᕕᒋᑦ ᐊᔪᙱᓐᓃᓪᓗ? ᐊᑕᐅᑦᑎᒃᑯᑦ ᓇᓕᒧᑎᑦᑐᓐᓇᖅᐱᒋᑦ ᐱᐊᓂᑲᐅᖅᑐᕆᐊᓖᑦ ᒫᓐᓇᑲᐅᑎᒋ ᐊᒻᒪ ᖁᐊᖅᓵᕐᓇᕆᐊᖃᖏᓐᓃᑦ? ᐊᖏᕈᕕᑦ, ᐊᑏ ᐅᖃᐅᓯᕆᖑᐊᔅᖤᕐᓚᕗᑦ.
ᓴᓇᔩᑦ ᑲᒪᔨᖓᓐᓂᒃ ᐃᓱᒪᑕᖃᕐᓗᑎᑦ, ᐃᖏᕐᕋᓂᖃᑦᑎᐊᖅᑐᒥᒃ ᑲᔪᓯᓂᖃᑦᑎᐊᖅᑐᒥᒡᓗ ᐱᓕᕆᖃᑕᐅᓇᔭᖅᑐᑎᑦ ᐊᒻᒪ ᖁᐊᖅᓵᕐᓇᖅᓯᑕᐃᓕᓂᕐᒧᑦ ᑲᒪᔭᕆᐊᖃᖅᐸᒡᓗᑎᑦ, ᓱᕋᒃᑐᓂᒃ ᓴᓇᕙᒡᓗᑎᑦ ᐊᒻᒪ ᐃᓗᐃᑦᑐᓂᒃ ᐋᖅᑭᒃᓯᕙᒡᓗᑎᑦ ᐅᐊᔭᐅᔪᐃᑦ ᐆᒻᒪᖁᑎᓕᕆᕝᕕᖕᒥ ᑲᒪᒋᓗᒋᑦ, ᐊᒻᒪ ᓄᑖᓂᒃ ᐆᒻᒪᖁᑎᒃᓴᓂᒃ ᓴᓇᖃᑕᐅᕙᒡᓗᑎᑦ ᐊᑭᑐᔪᓂᒃ ᐱᓕᕆᐊᒃᓴᓂᒃ ᐱᖃᓯᐅᑎᓗᒍ. ᐅᐊᔭᓕᕆᔨᐅᓗᑎᑦ, ᑭᓱᐃᑦ ᓇᓕᐊᒡᓗ ᓴᓇᒃᑲᓂᕆᐊᖃᕐᒪᖔᑕ ᖃᐅᔨᒪᓇᔭᖅᑐᑎᑦ ᐅᐊᔭᓕᕆᔾᔪᑎᓂ, ᐊᐅᔭᓕᕆᓂᕐᒧᑦ ᒪᓕᒋᐊᓖᑦ ᐊᑐᑦᑎᐊᕐᓗᒋᑦ ᐊᓯᖏᓪᓗ ᓴᓇᔭᐅᓯᒪᔪᓄᑦ ᖁᕝᕙᓯᖕᓂᐅᔭᕆᐊᖃᓲᑦᑕᐅᖅ ᒪᓕᒃᐸᖕᒥᓗᒋᑦ. ᓂᑭᑦᑖᖃᑎᖃᖃᑦᑕᕋᔭᖏᑦᑐᑎᑦ, ᑭᓯᐊᓂᖔᕐᓕ, ᖃᐅᑕᒫᖅ ᐃᓂᒋᓕᕐᓗᒍ ᑕᐃᓐᓇ ᓄᓇ ᐱᓕᕆᕝᕕᒋᓂᐊᖅᑕᐃᑦ.
ᐱᓕᕆᐊᒃᓴᖏᑦ ᑲᒪᒋᔭᒃᓴᖏᓪᓗ ᐃᓚᓕᐅᔾᔨᓯᒪᕗᑦ:
- ᑲᒪᔨᐅᔪᒥᒃ ᑐᑭᒧᐊᒃᑎᑦᑎᖃᑎᖃᖅᐸᒡᓗᑎᑦ ᐃᓱᒪᓕᐅᖃᑎᒋᕙᒡᓗᒍᓗ ᓇᓕᐊᒃ ᓯᕗᓪᓕᐅᑎᔭᕆᐊᖃᕐᒪᖔᑕ ᓴᓇᔭᕆᐊᓖᑦ ᐸᕐᓇᐅᑎᓗ ᖃᓄᐃᙱᒃᑲᓗᐊᕐᒪᖔᑦ;
- ᐊᖏᔪᓂᒃ ᐱᓕᕆᐊᒃᓴᓂᒃ ᐱᐊᓂᒃᓯᖃᑕᐅᕙᒡᓗᑎᑦ ᑎᑎᕋᐅᔭᖅᓯᒪᔪᑦ ᖃᓄᖅ ᓴᓇᓯᒪᓂᐊᕐᓂᖓᓂᒃ ᒪᓕᒡᓗᑎᑦ ᐋᖅᑭᒃᓱᐃᔨᒧᑦ ᐸᕐᓇᒃᑕᕕᓂᕐᓂᒃ;
- ᓂᐅᕕᕐᕕᖕᓂᒃ ᑐᑭᒧᐊᒃᑎᑎᖃᑎᖃᕐᓗᑎᑦ ᓴᓇᔾᔪᑎᒋᔭᕆᐊᓖᑦ ᑎᑭᓴᖅᓯᒪᒐᓗᐊᕐᒪᖔᑕ ᐊᒻᒪ ᐃᓂᒃᓴᖏᓐᓄᑦ ᐊᔾᔭᖅᓯᒪᓂᐊᕋᓗᐊᕐᒪᖔᑕ;
- ᐊᐅᓚᑦᑎᔩᑦ ᐊᑕᐅᑦᑎᒃᑰᖃᑎᒋᓗᒋᑦ, ᓄᓇᓕᖕᓂ ᕼᐋᒻᓚᐃᑦ ᑐᓴᐅᒪᑎᑉᐸᒡᓗᒋᑦ ᖃᒻᒥᖔᖅᑐᖃᕐᓂᐊᕌᖓᑦ ᐅᕝᕙᓘᓃᑦ ᓄᑖᓂᒃ ᓴᖅᑭᑦᑐᖃᕐᓂᐊᖅᐸᑦ ᓴᓇᔭᕆᐊᓕᖕᒥ ᐊᑐᕐᓂᐊᖅᑐᓂᒃ ᖃᐅᒻᒪᖁᑎᓂ;
- ᖃᐅᔨᓴᖅᐸᒡᓗᓂ ᐃᒐᓯᐅᑎᒨᖅᑐᑦ ᐊᐅᓚᐅᑎᓂᒃ, ᓯᕙᓂᖅᑎᕈᑎᓂᒃ ᐊᒻᒪ ᐅᐊᔭᖏᑦᑕ ᑲᑎᕝᕕᖏᓐᓂᒃ, ᓲᕐᓗ, ᐹᑕᓖᑦ, ᐳᓪᓚᖃᐅᑏᑦ ᐳᔫᖅᑐᖅ ᓴᓗᒻᒪᖅᓴᐅᑎᒥᒃ.
- ᐊᑲᐅᖏᓕᐅᕈᑎᓂᒃ ᕿᓂᖅᓴᕐᓂᖅ ᐊᒻᒪ ᓱᕋᒃᑐᕕᓂᕐᓂᒃ ᓴᓇᕙᒡᓗᓂ ᐊᐅᓚᐅᑎᖃᕐᕕᖕᒥ;
- ᐊᐅᓚᐅᑎ ᖃᐅᔨᓴᖅᐸᒡᓗᒍ ᐊᐅᓚᐅᑎᒧᓪᓗ ᐊᒃᑐᐊᔪᑦ, ᓱᕋᒃᓯᒪᔪᖃᖏᒃᑲᓗᐊᕐᒪᖔᑦ ᓴᓇᓯᒪᓂᖏᓐᓂᒃ ᐋᖅᑭᐅᒪᑎᑦᑎᓂᖅ;
- ᕿᒥᕐᕈᕙᒡᓗᓂ ᖃᐅᔨᓴᖅᐸᒡᓗᓂᓗ ᐊᐅᓚᐅᑎᐅᑉ ᓂᒡᓕᓇᕈᑎᖏᓐᓂᒃ;
- ᐃᓂᒋᔭᖏᓐᓃᑦᑕᕆᐊᓖᑦ ᐃᓂᖏᓐᓃᒃᑲᓗᐊᕐᒪᖔᑕ, ᐃᒃᐱᒍᓱᒍᑏᑦ ᐊᒻᒪ ᓯᕙᓂᖅᑎᕈᑎᑦ ᐊᑐᓚᐅᑲᓲᒧᑦ ᐅᐊᔭᖃᐅᑎᓄᑦ ᐊᑐᒐᔪᙱᑦᑐᓄᑦ ᐱᒋᐊᕈᑎ;
- ᖃᕋᓴᐅᔭᓕᕆᔾᔪᑎᒃᑯᑦ ᖃᐅᔨᓴᖅᐸᒡᓗᓂ ᐊᐅᓚᓂᖃᑦᑎᐊᕋᓗᐊᕐᒪᖔᖅ ᐅᐊᔭᒨᖏᑦᑐᖅ ᐃᖏᕐᕋᔪᓐᓇᕋᓗᐊᕐᒪᖔᖅ ᖃᐅᔨᒋᐊᖅᐸᒡᓗᒍ;
- ᖃᐅᔨᓴᖅᑕᐅᔭᕆᐊᓖᑦ ᖃᐅᔨᓴᖅᑕᐅᓯᒪᒐᓗᐊᕐᒪᖔᑕ ᐅᐊᔭᖃᕐᕖᑦ ᖁᕝᕙᓯᒍᑎᖏᑦ, ᐱᑕᖃᖅᐸᑕ;
- ᖃᐅᔨᓴᖅᐸᒡᓗᒋᑦ ᐱᓕᕆᔾᔪᑏᑦ ᓱᓕ ᓴᙱᒐᓗᐊᕐᒪᖔᑕ ᐊᒻᒪ ᖃᒥᑦᑐᖃᖅᐸᑦ ᖃᐅᒻᒪᖁᑎᐅᓚᐅᑲᓲᑦ ᐊᔪᙱᒃᑲᓗᐊᕐᒪᖔᑕ;
- ᐱᕙᒌᔭᐃᖃᑦᑕᖅᐳᖅ ᐅᓪᓗᒥᒨᖓᓕᖅᑎᓪᖢᓂᒋᓪᓗ ᐃᖅᑲᓇᐃᔮᒥᓄᑦ ᑎᑎᖅᑲᓂᒃ ᐃᑯᒻᒪᖅᑯᑎᓂᒃ ᖃᕋᓴᐅᔭᒃᑯᑦ ᐊᒻᒪ ᓴᓇᔭᒥᓂᒃ ᑎᑎᕋᖅᓯᕙᒡᓗᓂ.
- ᑐᑭᒧᐊᒃᓯᖃᑎᒋᓪᓗᒍ ᐊᐅᓚᐅᓯᕆᕝᕕᖕᒥ ᐃᓱᒪᑕᖓᑦ ᐊᖏᕐᕋᕆᔭᐅᔪᐃᑦ ᖃᐅᒻᒪᖁᑎᖏᓄᑦ ᒪᑭᒪᔾᔪᑎ; ᐊᒻᒪ
- ᐊᓄᕆᒨᖅᑐᑦ ᐆᒻᒪᖁᓯᐅᕈᑏᑦ ᐊᓯᖏᓪᓗ ᐊᑐᒃᑲᓂᕈᓐᓇᓲᓂᒃ ᖃᐅᔨᔭᕆᐊᖃᓲᖑᒋᓪᓗᓂ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᑲᓇᑕᐅᑉ ᐊᕕᒃᑐᖅᓯᒪᔪᖁᑎᖏᓐᓂᒃ ᐃᓕᓴᕆᔭᐅᓯᒪᔪᒥᒃ ᓇᓪᓕᐅᒃᑯᒫᖃᕐᓗᓂ ᐃᒡᓗᕐᔪᐊᓂ ᓴᓇᕝᕕᒡᔪᐊᕐᒥᓘᓃᑦ ᐅᐊᔭᓕᕆᔪᓐᓇᕐᓗᓂ ᐊᐅᐸᖅᑐᒥᒃ ᑕᖅᓴᓕᖕᒥᒃ, ᐅᕝᕙᓘᓃᑦ ᐊᐅᓚᐅᑎᖃᕐᕕᖕᒥ ᐊᐅᓚᑦᑎᔪᓐᓇᕐᓂᕐᒧᑦ ᐃᓕᓴᕆᔭᐅᔾᔪᑎᖃᕆᐊᓕᒃ;
- ᐅᑭᐅᓂᒃ ᒪᕐᕈᖕᓂᒃ ᐱᓕᕆᐊᖃᕐᓂᑰᓯᒪᔭᕆᐊᓕᒃ ᐊᔾᔨᑲᓴᖓᓂᒃ ᓴᓈᖃᓚᐅᖅᓯᒪᓗᓂᓘᓃᑦ (ᐊᐅᓚᐅᑎᖃᕐᕕᖕᒥ, ᐃᒐᓯᐅᑎᒨᖅᑐᒧᑦ ᐊᐅᓚᐅᑎᓂᒃ, ᐅᕝᕙᓘᓃᑦ ᐃᒫᓃᑦᑐᖅᓯᐅᑎᓂᒃ);
- ᖃᐅᔨᒪᓂᖃᕐᓗᓂ ᐃᒐᓯᐅᑎᒨᖅᑐᒥᒃ−ᐊᐅᓚᐅᑎᒥᒃ ᐊᒻᒪ ᐊᐅᓚᑦᑎᔾᔪᑎᖏᓐᓂᒃ ᖃᐅᔨᒪᓗᓂ;
- ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᑐᓴᐅᒪᔭᐅᔭᕆᐊᓕᖕᓂᒃ ᐃᓱᒪᓕᐅᕈᑕᐅᔭᕆᐊᓕᖕᓂᓗ ᐃᖅᑲᖅᑐᐃᔪᓐᓇᕐᓗᓂ;
- ᓯᕗᓪᓕᐅᑎᔭᕆᐊᓕᖕᓂᒃ ᐃᓕᓴᖅᓯᔪᓐᓇᕐᓗᓂ ᐊᒻᒪ ᑲᒪᒋᔭᐅᓗᐊᕆᐊᖃᙱᓪᓗᓂ ᐃᓄᑑᔪᓐᓇᕐᓗᓂ ᐊᑐᐊᒐᓂᒃ ᒪᓕᒡᓗᓂ ᐊᒻᒪ ᑎᒥᐅᑉ ᖃᓅᔭᕆᐊᖃᕐᓂᕋᖅᑕᖏᓐᓂᒃ ᒪᓕᖕᒥᓗᓂ; ᐊᒻᒪᓗ
- ᐊᑲᐃᓪᓕᐅᕈᑎᓂᒃ ᑲᒪᒋᔭᖃᕈᓐᓇᑦᑎᐊᕐᓗᓂᑦ ᐊᒻᒪ ᕿᒥᕐᕈᔪᓐᓇᑦᑎᐊᕐᓗᓂ ᐋᖅᑭᒋᐊᓕᖕᓂᒃ.
ᐊᑑᑎᖃᕋᔭᖅᑐᑦ:
- ᖃᐅᔨᒪᓗᓂ ᓄᓇᕗᒻᒥ, ᐅᑯᓂᖓᓗ ᐅᖃᐅᓯᖓᓂ, ᓄᓇᖓᓂ, ᐊᒻᒪ ᐃᓕᖅᑯᓯᖓᓂ; ᐊᒻᒪᓗ
- ᐃᓄᒃᑎᑑᕈᓐᓇᕆᐊᓕᒃ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ; ᐊᒻᒪ
- ᓄᓇᓕᖕᓂᑦ ᐅᖓᓯᒌᒃᑐᑎᓂ ᐃᖅᑲᓇᐃᔭᓕᒪᒋᐊᓕᒃ;
ᐊᔾᔨᖏᓐᓂᑦᓈᒻᒪᒋᔭᐅᔪᑦᒪᑯᐊᖑᔪᓐᓇᖅᑐᑦ,ᐃᓕᓐᓂᐊᖅᓯᒪᓂᖓ,ᐃᖅᑲᓇᐃᔭᖃᑦᑕᖅᓯᒪᓂᖓ,ᖃᐅᔨᒪᓂᖓ,ᐊᔪᙱᓐᓂᖏᑦᐊᒻᒪᐱᔪᓐᓇᖅᑕᖏᑦᐃᓱᒪᒋᔭᐅᓇᔭᕐᒥᔪᑦ.
ᑮᓇᐅᔾᔭᒃᓴᕋᔭᖅᑐᖅ $91,187−ᒥᑦ $105,768−ᒧᑦ ᐊᕐᕌᒍᒧᑦ ᐊᒻᒪ ᐃᑲᔫᑎᖃᑦᑎᐊᖅᖢᓂ, ᐅᑭᐅᖅᑕᖅᑐᒥᐅᑕᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $15,017−ᒥ ᐊᕐᕌᒍᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᔪᖅ ᓄᓇᕗᒻᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᓄᑦ. ᐃᖅᑲᓇᐃᔭᖅᑎᐅᓂᕐᒧᑦ ᐃᑲᔪᖅᑕᐅᓗᓂ ᐃᒡᓗᖃᖅᑎᑕᐅᔪᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᑎᑎᕋᕐᓗᑎᑦ ᐱᓇᓱᐊᕈᓐᓇᖅᑐᑎᑦ ᑐᖔᓂ ᐅᕗᖓ: careers@qec.nu.ca
ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑰᖅᑎᓪᓗᒍ: Human Resources, Qulliq Energy Corporation, P.O. Box 420, Baker Lake, NU X0C 0A0.
ᑖᓐᓇ ᐃᖅᑲᓇᐃᔮᔅᓴᖅ ᐊᑐᐃᓐᓇᐅᒪᑎᑕᐅᓂᐊᖅᑐᖅ ᐃᖅᑲᓇᐃᔭᖅᑎᑖᕋᓱᓐᓂᖏᓐᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ; ᑭᓯᐊᓂᑦᑕᐅᖅ, ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓇᔭᖅᑐᑦ. ᐃᖅᑲᓇᐃᔮᒃᓴᖅᑖᕋᓱᒃᑐᑦ ᑖᔅᓱᒥᖓ ᐊᓯᐊᓄᖔᖅ ᐃᓱᒪᒋᔭᐅᑐᐃᓐᓇᕆᐊᓖᑦ ᐃᖅᑲᓇᐃᔮᒃᓴᖃᖅᐸᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓐᓂ.