ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ ᐅᔾᔨᖅᓱᑦᑎᐊᖃᑦᑕᖁᔨᓪᓗᑎᒃ ᓇᑉᐸᖅᑯᑏᑦ ᓴᕕᒐᐅᔭᐃᓪᓗ ᖃᓂᒋᔮᒎᓕᕌᖓᑕ. ᐅᑯᐊ ᐳᐃᒍᖅᑕᐃᓕᓗᒋᑦ ᖃᒥᑦᑐᖃᖁᓇᒍ, ᐋᓐᓂᕐᔪᐊᖅᑐᖃᖁᓇᒍ, ᐃᓅᔪᓐᓃᖅᑐᖃᖁᓇᒍᓘᓐᓃᑦ:
- ᐳᐃᒍᖅᑕᐃᓕᒋᑦ ᐱᖓᓱᑦ ᒦᑕᓂᒃ ᐅᖓᓯᒋᔭᕆᐊᖃᕋᕕᒋᑦ ᓴᕕᒐᐅᔭᐃᑦ.
- ᖃᖓᑕᑎᑦᑎᕙᙱᓪᓗᑎᑦ ᐅᐊᔭᑦ ᖃᓂᒋᔮᓂ.
- ᐃᒡᓗᕐᔪᐊᓅᖓᔪᑦ ᓴᕕᒐᐅᔭᐃᑦ ᐅᖓᓯᒋᔮᒎᖅᐸᒡᓗᓯ.
- ᐊᖏᔫᑎᓂᒃ ᐱᖁᑎᕐᔪᐊᓂᒃ ᓲᕐᓗ ᐅᒥᐊᕐᔪᐊᒃᑯᑦ ᐅᓯᔭᐅᓲᑦ ᐴᒃᓵᓗᐃᑦ ᐅᒥᐊᕐᔪᐊᒃᑯᓪᓗ ᐅᓯᔭᐅᕙᒃᑐᑦ ᓴᕕᒐᐅᔭᐃᑦ ᐊᑖᓃᑎᑉᐸᙱᓪᓗᒋᑦ. ᖃᓕᕇᒃᓱᖅᓯᒋᐊᖃᙱᑦᑐᒍᑦ ᐊᑦᑕᕐᓇᖅᒧᐊᕈᑎᔪᓐᓇᕐᓂᖏᓐᓄᑦ.
- ᑕᑯᒋᐊᕈᑎᒥᒃ ᐊᑐᖅᐸᒡᓗᑎᑦ ᐃᖏᕐᕋᔾᔪᑎᒥᒃ ᐊᖁᓐᓂᐊᕌᖓᕕᑦ ᐊᖅᑯᑎᒋᓂᐊᖅᑕᐃᓪᓗ ᓇᓗᓇᕈᔪᒃᑳᖓᑦ. ᑕᐃᒪᐃᓕᐅᕆᐊᖃᕆᔭᐅᖕᒪᑕ ᓄᓇᕗᒥᐅᑦ ᐃᖅᑲᓇᐃᔭᖅᑎᑦ ᓄᓇᕗᒻᒥ ᐃᖅᑲᓇᐃᔮᒧᑦ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᐅᕙᙵᑦ ᖃᕆᑕᐅᔭᒃᑯᑦ ᐱᔭᒃᓴᐅᔪᑦ: www.wscc.nu.ca
- ᓇᐸᔪᐃᑦ ᖃᓂᒋᔮᒍᑦ ᐳᐊᕐᕆᔭᕆᐊᖃᖅᐸᑕ ᖃᐅᒋᐊᕐᓗᑎᑦ customercare@qec.nu.ca /servicedesk@qec.nu.caᐃᓂᒋᔭᐅᔪᖅ ᖃᐅᔨᓴᕐᑕᐅᕌᓂᖁᓗᒍ.
ᖃᒥᑦᑐᒥᒃ ᐅᖃᐅᓯᖃᕐᓂᐊᕈᕕᑦ ᐅᕝᕙᓘᓐᓃᑦ ᐆᒻᒪᖅᑯᑎᓄᑦ ᐊᒃᑐᐊᓂᓕᖕᒧᑦ ᑐᐊᕕᕐᓇᖅᑐᖃᖅᐸᑦ, ᐃᓚᓕᐅᑎᓗᒋᑦ ᓱᕋᒃᓯᒪᔪᑦ ᐊᐅᓚᔪᓐᓇᐅᑎᑦ, ᐅᖃᓗᖃᑦᑕᖁᔭᐅᕗᓯ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ ᐃᑲᕐᕋᓄᑦ 24-ᓄᑦ ᑐᐊᕕᕐᓇᖅᑐᖃᕐᓂᖅᐸᑦ ᐅᖃᓗᒡᕕᖕᒧᑦ ᐅᕗᖓ 1-867-222-3807.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᖁᔭᓕᔪᒪᕗᑦ ᓄᓇᕗᒥᐅᓂᒃ ᐃᑲᔪᐃᓐᓇᖅᐸᖕᓂᖏᓐᓄᑦ ᐊᑐᖅᖢᑎᒃ ᐊᑦᑕᕐᓇᙱᑦᑐᓂᑦ ᓇᑉᐸᖅᑯᑎᓂᒃ ᓴᕕᒐᐅᔭᐃᓪᓗ ᖃᓂᒋᔮᒍᑦ.
###
ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:
ᐱᐱ ᐱᓗᑑ
ᑐᓴᐅᒪᔪᓕᕆᔨ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
(867) 979-7520
bbilodeau@qec.nu.ca