ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ-22-010 ᐆᒻᒪᖅᑯᑎᖃᕐᕕᖕᒥ ᐊᐅᓚᑦᑎᔨ (ᑖᓐᓇ ᐃᓂᐅᔪᖅ ᐃᖅᑲᓇᐃᔮᒧᑦ ᐊᑐᐃᓐᓇᐅᑎᑕᐅᓂᐊᖅᑐᖅ ᐊᕐᕌᒎᖕᓄᑦ ᒪᕐᕈᓄᑦ ᐃᓱᖃᕐᓗᓂ .
ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑦ ᑭᓯᐊᓂ ᐱᓇᔪᒃᑕᐅᔪᓐᓇᖅᑐᖅ
ᐃᖃᓗᖕᓂ ᑐᑦᑕᕐᕕᓖᑦ, ᓄᓇᕗᒻᒥ ᐊᐅᓚᐅᑎᖃᖅᑎᑦᑎᔨᑦ ᐊᖓᔪᖅᑳᖓᓄᑦ ᑐᓴᖅᑎᑦᑎᕙᒡᓗᓂ, ᐋᖅᑭᒃᑕᐅᓯᒪᔪᒥᑦ ᐃᑲᕐᕋᖃᖃᑦᑕᕐᓂᐊᖅᑐᑦ ᓂᑭᑦᑖᖅᐸᒡᓗᑎᒃ, ᐊᐅᓚᐅᑎᖃᕐᕕᓕᕆᔨ ᑲᒪᒋᔭᒃᓴᖃᖅᐳᖅ ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐊᐅᓚᓂᖃᖅᑎᑦᑎᕙᒡᓗᓂ ᐃᖃᓗᖕᓂ ᐊᐅᓚᐅᑎᖃᕐᕕᒡᔪᐊᖏᓐᓂ. ᐃᖅᑲᓇᐃᔮᓕᒃ ᐱᓕᕆᐊᒃᓴᖃᖅᐳᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᖃᖅᐸᒡᓗᓂ ᓲᕐᓗ ᖃᐅᔨᓴᖅᐸᓪᓕᐊᓗᓂ ᐊᐅᓚᑦᑎᔾᔪᑎᖓᓂ ᐃᒡᓗᕈᓯᕐᒥ ᑲᒪᒋᔭᐅᒋᐊᓕᖕᓂᒃ, ᖃᐅᔨᓴᕆᐊᖃᖅᐸᒃᑐᑦ ᖃᐅᔨᓴᖅᐸᒡᓗᒋᑦ, ᐋᖅᑭᐅᒪᑎᑦᑕᕆᐊᓖᑦ ᐱᓕᕆᕙᒡᓗᒋᑦ, ᐊᒻᒪ ᑭᓱᑐᐃᓐᓇᓂᑦ ᐱᓕᕆᕙᒡᓗᓂ ᐊᐅᓚᐅᑎᖃᕐᕕᐅᑉ ᐃᓗᐊᓂ ᓄᓇᖓᓂᓪᓗ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐊᑦᑕᕐᓇᙱᑦᑐᒥᒃ ᐊᑐᕈᓐᓇᑦᑎᐊᖅᑐᒥᒡᓗ ᐊᐅᓚᓂᖃᖅᑎᑦᑎᑦᑎᐊᖅᐸᒡᓗᓂ ᐃᖃᓗᖕᓂ ᐊᐅᓚᐅᑎᖃᕐᕕᒡᔪᐊᖓᓂ ᖃᐅᔨᓴᖅᐸᒡᓗᒋᑦ ᐊᐅᓚᑦᑎᔾᔪᑎᑦ ᐃᒡᓗᕈᓯᖓᓂ ᑲᒪᒋᔭᐅᒋᐊᓕᖕᓂᑦ, ᖃᐅᔨᓴᕆᐊᖃᖅᐸᒃᑐᑦ ᖃᐅᔨᓴᖅᐸᒡᓗᒋᑦ, ᐊᒻᒪ ᐅᔾᔨᖅᑐᖁᔨᕙᒡᓗᓂ ᓱᕋᒃᓯᒪᔪᓕᕆᔨᓂᑦ ᐅᓗᕆᐊᓇᑐᐃᓐᓇᕆᐊᓕᖕᓄᑦ.
- ᐋᖅᑭᐅᒪᑎᑦᑕᕆᐊᓖᑦ ᐱᓕᕆᐊᕆᕙᒡᓗᒋᑦ ᐊᐅᓚᐅᑎᖏᑦ ᐅᑯᐊᓗ ᐅᖅᓱᖅᑎᕈᑎᖏᑦ ᓱᕈᔾᔭᐃᒃᑯᑎᖏᓪᓗ ᐊᓯᔾᔨᖅᐸᒡᓗᒋᑦ, ᐅᖅᓱᕐᒥᒃ ᓅᑎᑦᑎᕙᒡᓗᓂ, ᓂᒡᓕᓴᐅᑎᖓ ᐊᓯᔾᔨᖅᐸᒡᓗᒍ, ᐊᓯᖏᓪᓗ ᐊᔾᔨᐸᓗᖏᑦ ᐋᖅᑭᐅᒪᑏᓐᓇᕆᐊᖃᖅᐸᒃᑐᑦ ᐱᓕᕆᐊᕆᕙᒡᓗᒋᑦ.
- ᓱᕋᒃᓯᒪᔪᓕᕆᔨᑦ ᐃᑲᔪᖅᐸᒡᓗᒋᑦ ᑳᑦᑐᓛᒃᑕᐅᓯᒪᔪᓪᓗ ᐱᓕᕆᐊᕆᔭᖏᑦ ᐱᐊᓂᒐᓱᒃᑎᓪᓗᒋᑦ ᐃᓂᒃᓴᓕᐅᖅᐸᒡᓗᒋᑦ ᖃᓄᐃᓕᐅᕐᓂᐊᖅᑐᑦ, ᖃᐅᔨᓴᖅᐸᒡᓗᒋᑦ ᐱᓕᕆᔾᔪᑎᑦ ᓱᓇᒃᑯᑖᖏᓪᓗ, ᐊᒻᒪ ᐋᖅᑭᒃᓯᒪᑎᑦᑎᐊᕐᓗᒋᑦ ᐃᖅᑲᓇᐃᔭᖅᑎᑦ ᐱᓕᕆᐊᕆᕙᒃᑕᖏᑦ.
- ᐊᔪᕆᖅᓲᔾᔨᕙᒡᓗᓂ ᖃᕆᑕᐅᔭᓕᕆᓂᕐᒥᓪᓗ ᐊᔪᕆᖅᓲᔾᔨᕙᒡᓗᓂ ᐃᓕᓐᓂᐊᖅᑎᑕᐅᔪᓂᑦ ᓇᓗᓇᐃᖅᓯᕙᒡᓗᓂᓗ ᐱᕕᒃᓴᖃᖅᑎᑕᐅᑦᑎᐊᕐᓂᖏᓐᓂᒃ ᐱᕙᓪᓕᐊᖁᓪᓗᒋᑦ ᐊᔪᕈᓐᓃᖅᓴᕐᓗᓂᓗ ᐊᔪᕈᓐᓃᖅᓴᖅᑕᖏᓐᓂᒃ.
- ᐊᑦᑕᕐᓇᖅᑕᐃᓕᒪᔾᔪᑎᑦ ᑐᐊᕕᕐᓇᖅᑐᓄᓪᓗ ᐱᖁᑎᑦ ᓄᑖᙳᕆᐊᖅᑎᓯᒪᑦᑎᐊᖅᐸᒡᓗᒋᑦ, ᑲᒪᒋᑦᑎᐊᖅᐸᒡᓗᒋᑦ, ᐊᓯᔾᔨᖅᐸᒡᓗᒋᓪᓗ ᐃᓱᓕᕝᕕᒃᓴᖏᑦ ᐊᑐᖅᑕᐅᔭᕆᐊᓖᓪᓗ ᒪᓕᒡᓗᒋᑦ.
- ᐋᖅᑭᒃᓯᒪᑎᑦᑎᐊᕐᓗᖏᑦ ᐃᖅᑲᓇᐃᔭᖅᑎᑦ ᐱᓕᕆᐊᒃᓴᖏᑦ ᐅᑯᐊᓗ ᐃᒡᓗᕐᔪᐊᑉ ᐃᓗᐊᓃᑦᑐᑦ ᓴᓇᔭᐅᕙᒃᑐᑦ, ᒥᙳᐊᖅᑕᐅᔪᑦ, ᓱᓇᑐᐃᓐᓇᖏᓐᓂᒃ ᐊᐅᓚᑦᑎᓂᖅ, ᐊᒻᒪ ᐃᖅᑲᓇᐃᔭᕐᕕᖓᓂ ᐊᑦᑕᕐᓇᖅᑕᐃᓕᒪᑎᑦᑎᓗᓂ ᓴᓗᒪᑎᑦᑎᑦᑎᐊᕐᓗᓂᓗ.
ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:
- ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎ.
- ᐊᑐᕈᓐᓇᖅᑐᒥᒃ ᐊᖁᑦᑐᓐᓇᐅᑎᖃᕐᓗᓂ ᓈᓴᐅᑎᓕᖕᒥᑦ 5−ᒥᑦ ᓈᒻᒪᒋᔭᐅᔪᒥᓪᓗ ᐊᖁᑦᑐᓐᓇᕐᓗᓂ.
- ᐱᓕᕆᖃᑦᑕᖅᓯᒪᓗᓂ ᐊᐅᓚᐅᑎᖃᖅᑎᑦᑎᓂᕐᒥᒃ ᐆᒻᒪᖅᑯᑎᖃᖅᑎᑦᑎᓂᕐᒥᓪᓗ.
ᐃᑲᔫᑎᖃᕋᔭᖅᑐᑦ:
- ᐊᐅᓚᐅᓯᕆᔨᐅᓗᓂ (ᑎᓴᒪᖓᓂ ᓇᓗᓇᐃᒃᑯᑕᓕᖕᒥᒃ) ᐃᑲᔪᕐᓂᖃᕋᔭᖅᐳᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $81,369.60−ᒥ $98,820.50−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐊᒻᒪ ᐃᖅᑲᓇᐃᔮᖃᕐᓂᒃᑯᑦ ᐱᓕᕆᖃᑦᑕᕐᓂᖏᑦ ᐃᓱᒪᒃᓴᖅᓯᐅᕈᑕᐅᔪᓐᓇᕐᒥᔪᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, and NU X0C
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᒪᐃ 20, 2022 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.