ᐊᐅᓚᐅᑎᓕᕆᔨᐅᔪᓄᑦ ᐅᐊᑦᑎᔨ − ᑭᕙᓪᓕᖅ

ᐃᖅᑲᓇᐃᔮᕆᖃᑦᑕᖅᑕᕐᓂᑦ ᐊᐅᓚᔾᔭᑎᑦᑎᒃᑲᓐᓂᒻᒪᕆᓕᕆᑦ ᐅᑭᐅᖅᑕᖅᑐᒥ! ᐊᑐᓚᐅᖅᓯᒪᙱᑕᕐᓂᑦ ᐊᑐᕈᒥᓇᖅᑐᑯᓗᒻᒥᒃ ᖁᕕᖃᓇᖅᑐᒥᒃ ᖃᐅᔨᓕᕆᑦ ᑲᓇᑕᑉ ᐅᑭᐅᖅᑕᖅᑐᖓᓂ! ᐱᓕᕆᔨᕗᑦ ᐃᓚᐅᕝᕕᒋᓗᒋᑦ ᐱᓕᕆᐊᖃᕈᒪᖃᑦᑕᖅᑐᒻᒪᕆᐅᔪᑦ ᐊᒻᒪᓗ ᐃᖅᑲᓇᐃᔮᖃᖅᓯᒪᑯᑖᑦᑐᑦ ᐆᒻᒪᖅᑯᑎᓕᕆᔨᒻᒪᕆᐅᔪᑦ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ, ᐊᒻᒪᓗ ᐊᑭᑐᓗᐊᙱᑦᑐᒥᒃ ᐆᒻᒪᖅᑯᑎᖃᖅᑎᑦᑎᖃᑦᑕᑎᓪᓗᑕ ᓄᓇᕗᓕᒫᕐᒥ. ᓄᓇᕗᒻᒥ ᐃᖅᑲᓇᐃᔭᕐᓂᖅ ᓄᓇᕗᑦ ᑲᓇᑕᒥ ᓄᑖᖑᓛᖑᕗᖅ ᐊᒻᒪᓗ ᐊᖏᓛᖑᓪᓗᓂ ᒐᕙᒪᖃᕐᕕᐅᔪᖅ ᐊᕕᑦᑐᖅᓯᒪᓂᖓ ᐊᒻᒪᓗ ᓱᑲᓐᓂᖅᐹᒥᒃ ᐱᕈᖅᐸᓪᓕᐊᓂᖃᖅᑐᖅ ᐱᕙᓪᓕᐊᔪᓕᕆᓂᕐᒨᖓᔪᓂᑦ ᑲᓇᑕᒥ. ᑲᔾᔮᓇᖅᑐᒻᒪᕆᐅᓪᓗᓂ ᓄᓇᖓ ᐊᒻᒪᓗ ᑲᒪᓇᖅᑐᒡᒍᑕᐅᓪᓗᑎᑦ ᖃᐅᔨᒋᐊᕐᓗᓂ ᐊᑐᕋᒃᓴᐅᔪᑦ, ᖃᐅᔨᒐᔭᖅᑐᑎᑦ ᐱᓕᕆᐊᖃᕈᒥᓇᒻᒪᕆᑦᑐᓂᑦ ᐃᖅᑲᓇᐃᔮᕆᑐᐃᓐᓇᙱᑕᕐᓄᑦ, ᑭᓯᐊᓂᓕ ᐃᖅᑲᓇᐃᔭᙱᑦᑎᓪᓗᑎᑦ ᐱᕕᖃᖅᑐᒻᒪᕆᐅᒐᔭᖅᑐᑦ ᖃᓄᐃᓕᐅᕈᓘᔭᕈᓐᓇᕐᓗᑎᑦ. ᐊᑐᕈᒪᓐᓂᕈᕕᒋᑦ ᓲᕐᓗᒃ ᕿᒧᒃᓯᕐᓗᑎᑦ, ᖃᒧᑕᐅᔭᖃᑦᑕᕐᓗᑎᑦ, ᖃᔭᖅᑐᖃᑦᑕᕐᓗᑎᑦ, ᓯᑯᒥ ᐃᖃᓗᒐᓱᐊᖃᑦᑕᕐᓗᑎᑦ, ᐅᕝᕙᓘᓐᓃᑦ ᖃᐅᔨᓴᑐᐃᓐᓇᕐᓗᒍ ᐃᓕᖅᑯᓯᖃᑦᑎᐊᕕᐅᑎᓐᓂᖓ ᐊᔾᔨᐅᙱᑦᑐᓂᑦ ᓴᓇᙳᐊᒐᖃᐅᖅᑐᒥᒃ ᓂᔾᔭᐅᓯᔭᖅᐸᑦᑐᓂᓪᓗ, ᓄᓇᕗᑦ ᓄᓇᒋᔭᒃᓴᕆᕙᑦ. ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐱᓕᕆᐊᖃᖅᑎᑕᐅᓯᒪᕗᖅ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ ᐆᒻᒪᖅᑯᑎᖃᖅᑎᑦᑎᖃᑦᑕᕐᓗᓂ ᑕᒪᐃᓐᓄᑦ ᐱᔨᑦᑎᕋᖅᐸᑦᑕᖏᖕᓄᑦ ᓄᓇᕗᒻᒥ. ᓇᖕᒥᓂᖁᑎᒋᔭᐅᓗᓂ ᓄᓇᕗᑦ ᒐᕙᒪᖏᖕᓄᑦ ᐊᒻᒪᓗ ᐊᐅᓚᑕᐅᓲᖑᓪᓗᓂ ᐃᓛᒃᑰᖓᓗᓂ ᓄᓇᕗᒻᒥ ᑯᐊᐳᕇᓴᐅᓗᓂ, ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐆᒻᒪᖅᑯᑎᖃᖅᑎᑦᑎᔨᑑᕗᑦ ᐊᒻᒪᓗ ᐊᕕᑦᑐᖅᓯᒪᔪᓂ ᐅᖅᑰᓴᐅᑎᖃᖅᑎᑦᑎᒍᓐᓇᖅᑎᑦᑎᔨᑑᕗᑦ ᓄᓇᕗᒻᒥ. ᐊᔾᔨᒋᙱᑦᑐᓂᒋᑦ ᐊᓯᖏᑦ ᑲᓇᑕᒥ ᐃᒡᓗᓄᑦ ᐊᐅᓚᓂᖃᖅᑎᑦᑎᕙᑦᑐᓄᑦ, ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐊᔾᔨᐅᙱᑦᑐᓂᑦ ᐊᒃᓱᕈᕈᑎᖃᓲᖑᕗᑦ ᐊᐅᓚᑦᑎᑎᓪᓗᒋᑦ 25-ᖑᔪᓂᑦ ᐃᓛᒃᑰᖓᔪᓂᑦ ᐅᖅᓱᐊᓗᒻᒧᑦ ᐊᐅᓚᑕᐅᔪᑦ ᐊᐅᓚᐅᑎᖏᑦ ᐆᒻᒪᖅᑯᑎᓕᐅᕈᑏᑦ ᐊᒻᒪᓗ ᑕᒪᒃᑯᐊ ᐊᐅᓚᑕᐅᑏᑦ ᐆᒻᒪᖅᑯᑎᓕᐅᕈᑎᖏᑦ ᐊᑐᓂ ᓄᓇᓕᓐᓃᑦᑐᒡᒍᑕᐅᓪᓗᑎᑦ ᓄᓇᕗᒻᒥ. ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ 21-004 ᐊᐅᓚᐅᑎᓕᕆᔨᐅᔪᓄᑦ ᐅᐊᑦᑎᔨ − ᑭᕙᓪᓕᖅ ᑲᖏᖅᖠᓂᕐᒦᑦᑐᓂ, ᓄᓇᕗᑦ ᐊᒻᒪᓗ ᐊᖓᔪᖅᑳᖃᕋᔭᖅᑐᓂ ᐊᐅᓚᑦᑎᔨᒥᒃ, ᐆᒻᒪᖅᑯᑎᓕᐅᖅᑎᒃᑯᑦ ᐊᕕᑦᑐᖅᓯᒪᓂᖓ, ᐆᒻᒪᖅᑯᑎᓕᐅᖅᑎᒃᑯᑦ ᐊᖓᔪᖅᑳᖅ ᑲᒪᒋᔭᖃᓲᖅ ᐅᐊᑦᑎᓗᓂ ᖃᐅᑕᒫᑦ ᐊᐅᓚᑕᐅᓂᖏᖕᓂᑦ ᐊᕕᑦᑐᖅᓯᒪᔪᒥ ᐅᖅᓱᐊᓗᒻᒧᑦ ᐆᒻᒪᖅᑯᑎᓕᐅᕐᓗᓂ ᐊᐅᓚᐅᑎᖃᕐᕕᖏᖕᓂᑦ ᐆᒻᒪᖅᑯᑎᓕᐅᕈᑕᐅᓲᓂᑦ ᑲᒪᖃᑦᑕᕋᔭᕐᓗᓂ. ᐃᖅᑲᓇᐃᔮᖃᕋᔭᖅᑐᖅ ᐃᖅᑲᓇᐃᔭᖃᑎᖃᑦᑎᐊᖃᑦᑕᕐᓗᓂ ᐊᐅᓚᐅᑎᓕᕆᔩᑦ ᐊᖓᔪᖅᑳᖏᖕᓂᑦ ᐊᒻᒪᓗ ᐃᑲᔪᖅᑎᖏᑦ ᐊᐅᓚᑦᑎᔩᑦ ᖃᐅᔨᒪᓇᑦᑎᐊᖁᓪᓗᒍ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ, ᐊᒻᒪᓗ ᐊᐅᓚᓂᖃᑦᑎᐊᖅᑐᒥᒃ ᐊᐅᓚᓂᖃᖅᑎᑕᐅᒐᔭᕐᒪᑕ ᐊᑐᓂ ᐊᐅᓚᐅᑎᖃᕐᕕᐅᔪᓂᑦ. ᐱᓕᕆᐊᒃᓴᖏᑦ ᐊᒻᒪᓗ ᑲᒪᒋᔭᕆᐊᓕᖏᑦ: • ᐅᐊᑦᑎᖃᑦᑕᕐᓗᓂ ᐊᐅᓚᑕᐅᓂᖏᖕᓂᑦ ᐆᒻᒪᖅᑯᑎᓕᐅᕐᓂᕐᒧᑦ ᐊᐅᓚᐅᑎᖃᕐᕕᖏᑦ ᐅᑯᓇᓂ ᓄᓇᓕᐅᔪᓂᑦ ᐊᕐᕕᐊᑦ, ᖃᒪᓂ’ᑐᐊᖅ, ᐃᒡᓗᓕᒑᕐᔪᒃ, ᓴᓪᓖᑦ, ᓇᐅᔮᑦ, ᑲᖏᖅᖠᓂᖅ ᐊᒻᒪᓗ ᑎᑭᕋᕐᔪᐊᖅ. • ᖃᐅᔨᒪᑦᑎᐊᖃᑦᑕᕐᓗᓂ ᐊᐅᓚᐅᑎᖃᕐᕕᓂ ᐃᖅᑲᓇᐃᔭᖅᑎᖏᑦ ᐊᐅᓚᑦᑎᖃᑦᑕᑦᑎᐊᕋᓗᐊᕐᒪᖔᑕ ᒪᓕᑦᑐᒋᑦ ᑕᒪᐃᓐᓂ ᑯᐊᐳᕇᓴᐅᔫᑉ ᐊᑐᐊᒐᖏᑦ, ᐊᐅᓚᔾᔪᓯᖏᑦ, ᐊᒻᒪᓗ ᒪᓕᓪᓗᑎᑦ ᑕᒪᐃᓐᓅᖓᔪᑦ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᓇᖅᑕᐃᓕᒪᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᐊᑐᐊᒐᕋᓛᖏᑦ. • ᐊᐅᓪᓚᖃᑦᑕᕐᓗᓂ ᓄᓇᓕᐅᔪᓄᑦ ᐊᕕᑦᑐᖅᓯᒪᔪᓂ ᐊᐅᓚᐅᑎᖃᕐᕖᑦ ᖃᐅᔨᓴᖃᑦᑕᕋᔭᕐᓗᓂᒋᑦ ᖃᐅᔨᒪᑦᑎᐊᕐᓂᐊᕐᒪᑕ ᐊᐅᓚᐅᑎᖃᕐᕖᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᐅᓚᑎᑦᑎᒐᓗᐊᕐᒪᖔᑕ ᐱᐅᓛᒃᑯᑦ. • ᕿᒥᕐᕈᖃᑦᑕᕐᓗᓂ ᐊᐅᓚᐅᑎᖃᕐᕕᑉ ᖃᐅᔨᓴᖅᑕᐅᓂᖏᑕ ᐅᓂᒃᑳᖏᓐᓂᑦ ᐊᒻᒪᓗ ᖃᐅᔨᒪᑦᑎᐊᖃᑦᑕᕐᓗᓂ ᐊᑲᐅᙱᓕᐅᕈᑎᒋᔭᐅᔪᑦ ᓱᑲᑦᑐᒃᑯᑦ ᐊᐅᓚᓂᖃᑦᑎᐊᑐᒃᑯᑦ ᑲᒪᒋᔭᐅᒐᓗᐊᕐᒪᖔᑕ. • ᖃᐅᔨᒪᑦᑎᐊᖃᑦᑕᕐᓗᓂ ᐊᕐᕌᒍᑕᒫᑦ ᐊᐅᓚᐅᑎᖃᕐᕖᑦ ᐋᖅᑭᐅᒪᐃᓐᓇᕐᓂᖏᖕᓄᑦ ᐱᓕᕆᐊᑦ ᑲᒪᒋᔭᐅᖃᑦᑕᕋᓗᐊᕐᒪᖔᑕ ᑭᖑᕙᙱᑦᑐᒃᑯᑦ ᐊᒻᒪᓗ ᑮᓇᐅᔭᖅᑐᕈᑎᒃᓴᑦ ᒪᓕᑦᑕᐅᓗᑎᑦ • ᖃᐅᔨᒪᑦᑎᐊᖃᑦᑕᕐᓗᓂ ᐱᔨᑦᑎᕋᖅᑕᐅᓲᑦ ᐱᔨᑦᑎᕋᖅᑕᐅᔪᒪᔾᔪᑎᖏᑦ ᑲᒪᒋᔭᐅᒐᓗᐊᕐᒪᖔᑕ, ᐆᒻᒪᖅᑯᑎᑖᖅᑎᑦᑎᖃᑦᑕᕐᓗᓂ ᐊᒻᒪᓗ ᑲᑉᐳᔾᔮᖅᓯᖃᑦᑕᕐᓗᓂ ᑕᐃᒪᐃᒋᐊᖃᕋᐃᒍᑎᑦ ᐊᐅᓚᐅᑎᖃᕐᕕᒻᒥ ᐊᖓᔪᖅᑳᑦ ᐃᖅᑲᓇᐃᔭᙱᑲᐃᓐᓇᖅᓯᒪᑎᓪᓗᒋᑦ. • ᑐᑭᒧᐊᑦᑎᑦᑎᖃᑦᑕᕐᓗᓂ ᑐᐊᕕᕐᓇᖅᑐᒃᑯᑦ ᐆᒻᒪᖅᑯᑏᑦ ᖃᒥᑦᑐᒥᓂᐅᑎᓪᓗᒋᑦ ᐊᒻᒪᓗ ᐆᒻᒪᖅᑯᑏᑦ ᖃᒥᑦᑐᒥᓂᐅᑎᓪᓗᒋᑦ ᑲᒪᒋᖃᑦᑕᕐᓗᓂᒋᑦ ᑕᐃᒪᐃᒋᐊᖃᕋᐃᒍᓂ. ᐃᖅᑲᓇᐃᔮᖅᑖᕈᓐᓇᕐᓗᓂ ᐅᑯᓂᖓ ᖃᐅᔨᒪᔭᕆᐊᓕᒃ: • ᑲᓇᑕᑉ ᐊᕕᑦᑐᖅᓯᒪᔪᖏᖕᓂ ᓇᓗᓇᐃᒃᑯᑕᖃᕐᓗᓂ ᖁᑦᑎᓂᖅᐹᕐᒥᒃ ᐃᓕᓐᓂᐊᕇᖅᓯᒪᓂᖓᓄᑦ ᐊᐅᓚᐅᑎᖃᕐᕕᓂ ᐆᒻᒪᖅᑯᑎᓕᕆᔨᐅᓂᕐᒧᑦ, ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᓴᓇᔨᐅᓂᕐᒧᑦ, ᐅᕝᕙᓘᓐᓃᑦ ᐊᓯᖏᖕᓂᑦ ᐃᒡᓗᑉ ᐊᐅᓚᑕᐅᓂᖏᖕᓄᑦ ᓴᓇᔪᓕᕆᕙᑦᑐᓂᑦ. • ᑕᓪᓕᒪᓂᑦ ᐊᕐᕌᒍᓂᑦ ᐃᖅᑲᓇᐃᔮᖃᖃᑦᑕᖅᓯᒪᓂᑰᓗᓂ ᐊᐅᓚᐅᑎᖃᕐᕕᒻᒥ. • ᒪᕐᕉᖕᓂᒃ ᐊᕐᕌᒎᖕᓂᑦ ᐅᐊᑦᑎᔨᐅᖃᑦᑕᖅᓯᒪᓗᓂ ᐊᐅᓚᐅᑎᖃᕐᕕᒻᒥ. ᓈᒻᒪᒋᔭᐅᓂᖅᓴᐅᒐᔭᕈᑎᖏᑦ ᐃᖅᑲᓇᐃᔭᖅᑎᑖᕆᔭᐅᓗᓂ: • ᓇᓗᓇᐃᒃᑯᑕᖃᕐᓗᓂ ᐋᖅᑭᐅᒪᑎᑦᑎᓂᕐᒧᑦ ᐊᒻᒪᓗ ᑕᑎᒋᔭᐅᒃᓴᐅᓂᕐᒧᑦ ᓱᓇᒃᑯᑖᓂᑦ ᐱᓕᕆᔨᒻᒪᕆᐅᓗᓂ ᐅᕝᕙᓘᓐᓃᑦ ᐱᓕᕆᐊᕐᒥ ᐊᐅᓚᑦᑎᔨᒻᒪᕆᐅᓗᓂ ᓈᒻᒪᒋᔭᐅᓂᖅᓴᐅᒐᔭᕐᒥᔪᑦ ᐃᖅᑲᓇᐃᔭᖅᑎᑖᕆᔭᐅᔪᒪᓂᖅᓴᐅᓗᓂ. • ᐃᖅᑲᓇᐃᔭᕐᓂᑰᓯᒪᓗᓂ ᐅᖅᓱᐊᓗᓄᑦ ᐊᐅᓚᑕᐅᔪᑦ ᐆᒻᒪᖅᑯᑎᓕᐅᕐᕕᖏᑦ ᑕᐃᒪᐃᒃᑯᓂ ᓈᒻᒪᒋᔭᐅᓂᖅᓴᐅᒐᔭᕐᒥᔪᑦ ᐃᖅᑲᓇᐃᔭᖅᑎᑖᕆᔭᐅᔪᒪᓂᖅᓴᐅᓗᓂ. • ᐅᐸᓗᖓᐃᔭᐃᔪᓐᓇᖃᑦᑕᖅᓯᒪᒍᓂ ᐊᐅᓚᑦᑎᓂᕐᒧᑦ ᑮᓇᐅᔭᖅᑐᕈᑎᒃᓴᓂᑦ ᓈᒻᒪᒋᔭᐅᓂᖅᓴᐅᒐᔭᕐᒥᔪᑦ ᐃᖅᑲᓇᐃᔭᖅᑎᑖᕆᔭᐅᔪᒪᓂᖅᓴᐅᓗᓂ. • ᖃᐅᔨᒪᓂᖃᕐᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᖕᓂᑦ ᐊᒻᒪᓗ ᐃᓕᖅᑯᓯᖏᖕᓂᑦ. • ᐅᖃᓪᓚᒍᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ/ᐅᕝᕙᓘᓐᓃᑦ ᐅᐃᕖᑎᑐᑦ. ᓇᓕᒧᓐᓂᖃᖅᑎᑕᐅᒐᔭᖅᑐᑦ ᐃᓕᓐᓂᐊᖅᓯᒪᔭᕆᐊᖃᕈᑎᖏᖕᓄᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᓐᓄᓪᓗ ᐃᓕᓴᕆᔭᐅᓗᑎᑦ ᐃᖅᑲᓇᐃᔮᖅᑖᕈᓐᓇᕐᓗᓂ ᐅᑯᓂᖓ. ᐱᓕᕆᐊᖃᖅᓯᒪᓂᑰᒍᓂ: • ᖁᑦᑎᓂᖅᐹᕐᒥ ᐃᓕᓐᓂᐊᕇᖅᓯᒪᓗᓂ. • ᑎᓴᒪᐅᔪᖅᑐᑦ ᐊᑕᐅᓯᕐᓗ ᐊᕐᕌᒍᓂᑦ ᐃᖅᑲᓇᐃᔭᕐᓂᑰᓯᒪᓗᓂ ᐊᐅᓚᐅᑎᖃᕐᕕᒻᒥ ᐆᒻᒪᖅᑯᑎᓕᐅᓲᕐᓂᑦ. • ᒪᕐᕉᖕᓂᒃ ᐊᕐᕌᒎᖕᓂᒃ ᐅᐊᑦᑎᔨᐅᖃᑦᑕᖅᓯᒪᒍᓂ ᐅᕝᕙᓘᓐᓃᑦ ᓯᕗᓕᖅᑎᐅᓗᓂ ᓴᓇᔨᐅᔪᓄᑦ. ᑮᓇᐅᔾᔭᒃᓴᑎᑦᑎᓲᖑᕗᒍᑦ ᐊᓯᖏᖕᓄᑦ ᐊᒥᓲᓂᖅᓴᓂᑦ ᐊᑭᓕᖅᓱᐃᖃᑦᑕᖅᑐᑕ ᐱᒋᐊᕐᓗᒋᑦ ᑮᓇᐅᔾᔭᒃᓵᕆᒐᔭᖅᑕᖏᑦ ᐃᖅᑲᓇᐃᔭᕆᐊᓯᑎᓪᓗᒍ ᐃᒪᓐᓇᓂᑦ $113,692 ᑎᑭᑦᑐᒋᑦ $134,763 ᐅᑭᐅᖅᑕᖅᑐᒥᐅᑕᐅᓂᖓᓄᓪᓗ ᐃᑲᔫᑏᑦ ᐃᒪᓐᓇᐅᓗᑎᑦ $18,517 ᐊᕐᕌᒍᒧᑦ, ᐃᑲᔫᓯᐊᖅᑖᕐᓂᕐᒧᑦ ᑕᒪᐃᓐᓂ ᐱᖃᓯᐅᑎᓪᓗᒋᑦ ᑐᑭᑖᖅᑎᑦᑎᓯᒪᔪᑦ ᐃᑲᔫᓯᐊᖅᑖᕈᑏᑦ ᐃᖅᑲᓇᐃᔭᕈᓐᓃᖅᑎᓪᓗᒋᑦ ᑮᓇᐅᔭᑦ ᑐᖅᑯᖅᑕᐅᖃᑦᑕᕈᑎᖏᑦ ᐱᓕᕆᐊᕐᒥᒃ ᐊᒻᒪᓗ ᐊᑭᑭᓪᓕᒋᐊᖅᓯᒪᔪᒃᑯᑦ ᐃᖅᑲᓇᐃᔭᖅᑏᑦ ᐃᒡᓗᖃᖅᑎᓲᕆᓪᓗᒋᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᖃᑕᐅᙱᓚᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖕᓄᑦ. ᐃᖅᑲᓇᐃᔭᖅᑎᑖᕆᔭᐅᖅᑳᕋᔭᕐᒪᑕ ᓄᓇᕗᒻᒥᐅᑕᐅᔪᑦ ᐃᓄᐃᑦ. ᓄᓇᕗᒻᒥᐅᑕᐅᔪᖅ ᐃᓄᒃ ᐃᖅᑲᓇᐃᔮᖅᑖᕐᓂᙱᒃᑯᓂ, ᐃᖅᑲᓇᐃᔮᒃᓴᖅ ᐊᑐᐃᓐᓇᐅᒪᑎᑕᐅᒐᔭᖅᐳᖅ ᐃᖅᑲᓇᐃᔮᖅᑖᕆᔭᐅᓗᓂ ᐱᖓᓱᓄᑦ (3) ᐊᕐᕌᒍᓄᑦ ᐊᑯᓂᐅᑎᒋᔪᖅ. ᐃᖅᑲᓇᐃᔮᖅᑖᕋᓱᐊᖁᓪᓗᑎᑦ ᐃᖅᑲᓇᐃᔮᖅᑖᕈᒪᔾᔪᑎᑎᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᓪᓗᒋᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᐊᐅᓪᓚᖅᑎᓪᓗᒋᑦ ᑎᑎᖅᑲᓂᐊᕐᕕᒃᑯᑎᒍᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓ, ᑎᑎᖅᑲᒃᑯᕕᖓ 420, ᖃᒪᓂ’ᑐᐊᖅ, ᓄᓇᕗᑦ X0C 0A0 ᐃᖅᑲᓇᐃᔮᖅᑖᕋᓱᐊᕐᓗᑎᑦ ᑎᑎᕋᖅᓯᒪᓂᖏᑦ ᑐᓂᓗᒋᑦ, ᐃᓱᓕᓚᐅᙱᓐᓂᖓᓂ ᕖᕝᕗᐊᕆ 19, 2020. ᐃᖅᑲᓇᐃᔮᖅᑖᕋᓱᐊᖅᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᓄᐊᑕᐅᒐᔭᖅᐳᑦ ᐃᓱᒪᒃᓴᖅᓯᐅᕈᑎᒋᔭᐅᔪᓐᓇᕋᔭᕐᒪᑕ ᐃᖅᑲᓇᐃᔭᖅᑎᑖᕆᔭᐅᓛᕐᓗᑎᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᒥᒃ ᒪᑐᐃᖅᑐᖃᕐᓂᕈᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓄᑦ. ᖁᔭᓐᓇᒦᖅᐸᕗᑦ ᑕᒪᐃᓐᓂ ᐃᖅᑲᓇᐃᔮᖅᑖᕋᓱᐊᖅᑐᑦ; ᑭᓯᐊᓂᓕ, ᑕᐃᒃᑯᐊᑐᐊᖅ ᓂᕈᐊᖅᑕᑦ ᐃᖅᑲᓇᐃᔭᖅᑎᑖᕆᔭᐅᒍᒪᒐᔭᕐᓗᑎᑦ ᖃᐅᔨᒃᑲᖅᑕᐅᒐᔭᖅᐳᑦ.