ᐊᐅᓚᐅᑎᓕᕆᔨᐅᔪᓄᑦ ᐆᒻᒪᖅᑯᑎᓕᕆᔨ

ᐃᖅᑲᓇᐃᔮᕆᖃᑦᑕᖅᑕᕐᓂᑦ ᐊᐅᓚᔾᔭᑎᑦᑎᒃᑲᓐᓂᒻᒪᕆᓕᕆᑦ ᐅᑭᐅᖅᑕᖅᑐᒥ! ᐊᑐᓚᐅᖅᓯᒪᙱᑕᕐᓂᑦ ᐊᑐᕈᒥᓇᖅᑐᑯᓗᒻᒥᒃ ᖁᕕᖃᓇᖅᑐᒥᒃ ᖃᐅᔨᓕᕆᑦ ᑲᓇᑕᑉ ᐅᑭᐅᖅᑕᖅᑐᖓᓂ! ᐱᓕᕆᔨᕗᑦ ᐃᓚᐅᕝᕕᒋᓗᒋᑦ ᐱᓕᕆᐊᖃᕈᒪᖃᑦᑕᖅᑐᒻᒪᕆᐅᔪᑦ ᐊᒻᒪᓗ ᐃᖅᑲᓇᐃᔮᖃᖅᓯᒪᑯᑖᑦᑐᑦ ᐆᒻᒪᖅᑯᑎᓕᕆᔨᒻᒪᕆᐅᔪᑦ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ, ᐊᒻᒪᓗ ᐊᑭᑐᓗᐊᙱᑦᑐᒥᒃ ᐆᒻᒪᖅᑯᑎᖃᖅᑎᑦᑎᖃᑦᑕᑎᓪᓗᑕ ᓄᓇᕗᓕᒫᕐᒥ. ᓄᓇᕗᒻᒥ ᐃᖅᑲᓇᐃᔭᕐᓂᖅ ᓄᓇᕗᑦ ᑲᓇᑕᒥ ᓄᑖᖑᓛᖑᕗᖅ ᐊᒻᒪᓗ ᐊᖏᓛᖑᓪᓗᓂ ᒐᕙᒪᖃᕐᕕᐅᔪᖅ ᐊᕕᑦᑐᖅᓯᒪᓂᖓ ᐊᒻᒪᓗ ᓱᑲᓐᓂᖅᐹᒥᒃ ᐱᕈᖅᐸᓪᓕᐊᓂᖃᖅᑐᖅ ᐱᕙᓪᓕᐊᔪᓕᕆᓂᕐᒨᖓᔪᓂᑦ ᑲᓇᑕᒥ. ᑲᔾᔮᓇᖅᑐᒻᒪᕆᐅᓪᓗᓂ ᓄᓇᖓ ᐊᒻᒪᓗ ᑲᒪᓇᖅᑐᒡᒍᑕᐅᓪᓗᑎᑦ ᖃᐅᔨᒋᐊᕐᓗᓂ ᐊᑐᕋᒃᓴᐅᔪᑦ, ᖃᐅᔨᒐᔭᖅᑐᑎᑦ ᐱᓕᕆᐊᖃᕈᒥᓇᒻᒪᕆᑦᑐᓂᑦ ᐃᖅᑲᓇᐃᔮᕆᑐᐃᓐᓇᙱᑕᕐᓄᑦ, ᑭᓯᐊᓂᓕ ᐃᖅᑲᓇᐃᔭᙱᑦᑎᓪᓗᑎᑦ ᐱᕕᖃᖅᑐᒻᒪᕆᐅᒐᔭᖅᑐᑦ ᖃᓄᐃᓕᐅᕈᓘᔭᕈᓐᓇᕐᓗᑎᑦ. ᐊᑐᕈᒪᓐᓂᕈᕕᒋᑦ ᓲᕐᓗᒃ ᕿᒧᒃᓯᕐᓗᑎᑦ, ᖃᒧᑕᐅᔭᖃᑦᑕᕐᓗᑎᑦ, ᖃᔭᖅᑐᖃᑦᑕᕐᓗᑎᑦ, ᓯᑯᒥ ᐃᖃᓗᒐᓱᐊᖃᑦᑕᕐᓗᑎᑦ, ᐅᕝᕙᓘᓐᓃᑦ ᖃᐅᔨᓴᑐᐃᓐᓇᕐᓗᒍ ᐃᓕᖅᑯᓯᖃᑦᑎᐊᕕᐅᑎᓐᓂᖓ ᐊᔾᔨᐅᙱᑦᑐᓂᑦ ᓴᓇᙳᐊᒐᖃᐅᖅᑐᒥᒃ ᓂᔾᔭᐅᓯᔭᖅᐸᑦᑐᓂᓪᓗ, ᓄᓇᕗᑦ ᓄᓇᒋᔭᒃᓴᕆᕙᑦ. ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐱᓕᕆᐊᖃᖅᑎᑕᐅᓯᒪᕗᖅ ᐊᑦᑕᓇᙱᑦᑐᒥᒃ, ᑕᑎᒋᔭᒃᓴᒥᒃ ᐆᒻᒪᖅᑯᑎᖃᖅᑎᑦᑎᖃᑦᑕᕐᓗᓂ ᑕᒪᐃᓐᓄᑦ ᐱᔨᑦᑎᕋᖅᐸᑦᑕᖏᖕᓄᑦ ᓄᓇᕗᒻᒥ. ᓇᖕᒥᓂᖁᑎᒋᔭᐅᓗᓂ ᓄᓇᕗᑦ ᒐᕙᒪᖏᖕᓄᑦ ᐊᒻᒪᓗ ᐊᐅᓚᑕᐅᓲᖑᓪᓗᓂ ᐃᓛᒃᑰᖓᓗᓂ ᓄᓇᕗᒻᒥ ᑯᐊᐳᕇᓴᐅᓗᓂ, ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐆᒻᒪᖅᑯᑎᖃᖅᑎᑦᑎᔨᑑᕗᑦ ᐊᒻᒪᓗ ᐊᕕᑦᑐᖅᓯᒪᔪᓂ ᐅᖅᑰᓴᐅᑎᖃᖅᑎᑦᑎᒍᓐᓇᖅᑎᑦᑎᔨᑑᕗᑦ ᓄᓇᕗᒻᒥ. ᐊᔾᔨᒋᙱᑦᑐᓂᒋᑦ ᐊᓯᖏᑦ ᑲᓇᑕᒥ ᐃᒡᓗᓄᑦ ᐊᐅᓚᓂᖃᖅᑎᑦᑎᕙᑦᑐᓄᑦ, ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ ᐊᔾᔨᐅᙱᑦᑐᓂᑦ ᐊᒃᓱᕈᕈᑎᖃᓲᖑᕗᑦ ᐊᐅᓚᑦᑎᑎᓪᓗᒋᑦ 25-ᖑᔪᓂᑦ ᐃᓛᒃᑰᖓᔪᓂᑦ ᐅᖅᓱᐊᓗᒻᒧᑦ ᐊᐅᓚᑕᐅᔪᑦ ᐊᐅᓚᐅᑎᖏᑦ ᐆᒻᒪᖅᑯᑎᓕᐅᕈᑏᑦ ᐊᒻᒪᓗ ᑕᒪᒃᑯᐊ ᐊᐅᓚᑕᐅᑏᑦ ᐆᒻᒪᖅᑯᑎᓕᐅᕈᑎᖏᑦ ᐊᑐᓂ ᓄᓇᓕᓐᓃᑦᑐᒡᒍᑕᐅᓪᓗᑎᑦ ᓄᓇᕗᒻᒥ. ᖁᓪᓕᖅ ᐋᒻᒪᖅᑯᑎᓕᕆᔨᒃᑯᑦ ᑎᒥᖓ 21-005 ᐊᐅᓚᐅᑎᓕᕆᔨᐅᔪᓄᑦ ᐆᒻᒪᖅᑯᑎᓕᕆᔨ ᐃᖃᓗᓐᓃᒃᑲᔭᖅᑐᓂ, ᓄᓇᕗᑦ ᐊᒻᒪᓗ ᐊᖓᔪᖅᑳᖃᕐᓗᓂ ᐋᖅᑭᐅᒪᑎᑦᑎᓂᕐᒧᑦ ᐅᐊᑦᑎᔨᒥᒃ, ᐆᒻᒪᖅᑯᑎᓕᕆᔨᐅᔪᖅ ᓴᓇᔨ ᑲᒪᒋᔭᖃᕋᔭᖅᑐᖅ ᐋᖅᑭᒃᓱᐃᓗᓂ, ᐋᖅᑭᐅᒪᑎᑦᑎᖃᑦᑕᕐᓗᓂ, ᐊᑲᐅᙱᓕᐅᕈᑎᐅᔪᓂᑦ ᖃᐅᔨᓴᖃᑦᑕᕐᓗᓂ, ᐊᒻᒪᓗ ᐆᒻᒪᖅᑯᑎᓕᕆᔾᔪᓰᑦ ᑲᒪᒋᑦᑎᐊᕆᐊᒻᒪᕆᖃᑦᑕᕐᓗᓂᒋᑦ ᐊᒻᒪᓗ ᓱᓇᒃᑯᑖᖏᑦ ᓲᕐᓗᒃ ᐅᑯᐊ ᐊᐅᓚᐅᑏᑦ, ᐳᓪᓚᒃᓴᐃᔾᔪᑎᖏᑦ, ᐳᓪᓚᖃᓗᐊᕐᔭᐃᕈᑎᖏᑦ, ᐅᖅᑰᓴᐅᑎᖏᑦ, ᑕᐅᖅᓰᒍᑎᖏᑦ ᐅᖅᑰᓴᐅᑏᑦ, ᐅᖅᓱᓕᖃᑦᑕᕐᓗᓂᒋᑦ ᐅᖅᓱᖃᕆᐊᓖᑦ, ᐅᖅᓱᐊᓗᖃᐅᑎᖏᑦ ᑲᒪᒋᓗᓂᒋᑦ, ᓂᓪᓕᓇᓕᖅᑎᑦᑎᒍᑎᖏᑦ, ᐊᒻᒪᓗ ᐊᓯᖏᑦ ᑐᕌᖓᔪᑦ ᐊᐅᓚᐅᑎᓕᕆᓂᕐᒧᑦ ᐆᒻᒪᖅᑯᑎᓕᐅᕐᓗᓂ ᑲᒪᒋᖃᑦᑕᕋᔭᕐᓗᓂᒋᑦ. ᐱᓕᕆᐊᒃᓴᖏᑦ ᐊᒻᒪᓗ ᑲᒪᒋᔭᕆᐊᓕᖏᑦ: • ᖃᐅᔨᓴᖃᑦᑕᕐᓗᓂ, ᐊᑲᐅᙱᓕᐅᕈᓂᑎᑦ ᖃᐅᔨᓴᕐᓗᓂ, ᐊᒻᒪᓗ ᓴᓇᒋᐊᕐᓗᓂ ᐆᒻᒪᖅᑯᑎᓕᐅᕈᑎᓂᑦ ᐊᐅᓚᐅᑎᕈᓘᔭᖏᖕᓂᑦ, ᐊᐅᓚᐅᑎᒃᑲᓐᓂᖏᖕᓂᑦ ᑲᓱᖅᓯᒪᐅᖅᑐᓂᑦ, ᐊᒻᒪᓗ ᓱᓇᒃᑯᑖᖏᖕᓂᑦ ᖃᐅᔨᒪᓇᑦᑎᐊᖁᓪᓗᒍ ᐊᐅᓚᓂᖃᑦᑎᐊᕈᓐᓇᕐᓂᓕᒫᖏᖕᓂᑦ ᐊᐅᓚᑦᑎᐊᕋᔭᕐᒪᑕ ᐱᐅᔫᓗᑎᓪᓗ. • ᖃᐅᔨᓴᖃᑦᑕᕐᓗᓂ, ᐊᑲᐅᙱᓕᐅᕈᓂᑎᑦ ᖃᐅᔨᓴᕐᓗᓂ, ᐊᒻᒪᓗ ᓴᓇᒋᐊᕐᓗᓂ ᑐᐊᕕᕐᓇᖅᑐᒃᑯᑦ ᐆᒻᒪᖅᑯᑎᓕᕆᔾᔪᑎᓂᑦ, ᐊᐅᓚᐅᑎᒃᑲᓐᓂᖏᖕᓂᑦ ᑲᓱᖅᓯᒪᐅᖅᑐᓂᑦ, ᐊᒻᒪᓗ ᓱᓇᒃᑯᑖᖏᖕᓂᑦ ᐊᒻᒪᓗ ᐊᓯᔾᔩᖃᑦᑕᕐᓗᓂ ᐊᓯᔾᔨᖅᑕᐅᔪᖃᕆᐊᖃᕋᐃᑉᐸᑦ ᑭᓱᑐᐃᓐᓇᕐᓂᑦ ᓱᕋᒃᓯᒪᔪᓂᑦ. • ᐊᐅᓪᓚᖃᑦᑕᕐᓗᓂ ᐅᖓᓯᑦᑐᓄᑦ ᓄᓇᓕᓐᓄᑦ ᖃᐅᔨᓴᕆᐊᖅᑐᕐᓗᓂ, ᓱᕋᑦᑕᐃᓕᖁᓪᓗᒋᑦ ᐋᖅᑭᐅᒪᑎᑦᑎᒋᐊᖅᑐᕐᓗᓂ, ᐋᖅᑮᓗᓂ ᓱᓇᒃᑯᑖᓂᑦ, ᐊᒻᒪᓗ ᓴᓇᒋᐊᖅᑕᐅᔭᕆᐊᓕᓐᓂᑦ ᑭᓱᑐᐃᓐᓇᕐᓂᑦ ᓴᓇᒋᐊᖃᑦᑕᕐᓗᓂ ᐆᒻᒪᖅᑯᑎᓕᐅᕈᑎᓂᑦ ᐊᐅᓚᐅᑎᕈᓘᔭᖏᓐᓂᑦ. • ᐃᖅᑲᓇᐃᔭᖃᑎᖃᖃᑦᑕᕐᓗᓂ ᐊᐅᓚᐅᑎᓕᕆᔨᐅᔪᑦ ᐱᓕᕆᕝᕕᐊᓂ ᕿᒥᕐᕈᔭᐅᖁᓪᓗᒋᑦ ᐋᖅᑭᓱᖅᓯᒪᓂᖏᑦ ᐊᒻᒪᓗ ᓱᓇᒃᑯᑖᖃᕆᐊᖃᕐᓂᖏᑦ ᖃᐅᔨᒪᓇᑦᑎᐊᖁᓪᓗᒋᑦ ᐱᓕᕆᐊᑦ ᒪᓕᒃᑲᓗᐊᕐᒪᖔᑕ ᑕᒪᐃᓐᓂ ᐊᑦᑕᓇᖅᑕᐃᓕᒪᒍᑎᖏᑦ ᐊᑐᐊᒐᕋᓛᑦ ᐊᒻᒪᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑕ ᒪᓕᒋᐊᖃᖅᑕᖏᑦ ᒪᓕᖃᑦᑕᕐᓗᓂᒋᑦ. • ᐃᖅᑲᓇᐃᔭᖃᑎᖃᖃᑦᑕᕐᓗᓂ ᐊᓯᖏᖕᓂᑦ ᓴᓇᔪᓕᕆᔨᐅᔪᓂᑦ ᐊᒻᒪᓗ ᐃᖅᑲᓇᐃᔭᖅᑎᓂᑦ ᖃᐅᔨᒪᓇᑦᑎᐊᖁᓪᓗᒍ ᑭᖑᕙᙱᑦᑐᒃᑯᑦ ᐊᒻᒪᓗ ᒪᓕᑦᑕᐅᓗᑎᑦ ᑮᓇᐅᔭᖅᑐᕈᑎᒃᓴᐃᑦ ᐱᔭᕇᖅᑕᐅᒐᔭᕐᒪᑕ ᐊᑭᑐᔫᑎᕈᓘᔭᕐᓅᖓᔪᑦ ᐊᒻᒪᓗ ᐊᐅᓚᓂᖏᖕᓄᑦ & ᐋᖅᑭᐅᒪᑎᑦᑎᓂᕐᒧᑦ ᐱᓕᕆᐊᑦ. • ᑎᑎᕋᖃᑦᑕᕐᓗᓂ ᐋᖅᑭᐅᒪᑎᑦᑎᓂᕐᒧᑦ ᑎᑎᖅᑲᓕᐊᕆᔭᐅᔭᕆᐊᓕᓐᓂᒃ ᐊᒻᒪᓗ ᐋᖅᑭᒃᓱᐃᖃᑎᖃᖃᑦᑕᕐᓗᓂ ᐊᐅᓚᐅᑎᓕᕆᔨᐅᔪᓂᑦ, ᐊᐅᓚᑦᑎᔨᓂᑦ, ᐋᖅᑭᐅᒪᑎᑦᑎᔨᓂᑦ ᐊᒻᒪᓗ ᐋᖅᑭᒋᐊᖅᓯᖃᑦᑕᕐᓗᓂ ᑎᑎᖅᑲᓂᒃ. • ᐊᐅᓚᐅᑎᖃᕐᕕᓂ ᐋᖅᑮᒋᐊᖃᑦᑕᕐᓗᓂ ᐋᓯᔾᔩᓗᓂᓘᓐᓃᑦ ᐊᐅᓚᐅᑎᕈᓘᔭᖏᑦ ᖃᕋᓴᐅᔭᒃᑯᑦ ᐊᐅᓚᓂᖃᖅᑎᑦᑎᓴᕋᐃᑲᐅᑎᒋᖁᓪᓗᒋᑦ ᐆᒻᒪᖅᑯᑏᑦ ᖃᒥᑦᑐᒥᓂᐅᑎᓪᓗᒋᑦ ᓱᕋᔾᔭᐃᖅᓯᓐᓈᕐᓗᓂᒋᑦ ᓱᓇᒃᑯᑖᑦ. • ᓴᓗᒪᑎᑦᑎᖃᑦᑕᕐᓗᓂ ᐊᒻᒪᓗ ᐊᑦᑕᓇᖅᑕᐃᓕᒪᑎᑦᑎᖃᑦᑕᕐᓗᓂ ᐃᖅᑲᓇᐃᔭᕐᕕᖓᓂ ᖃᖓᓕᒫᑦᑎᐊᒃᑯᑦ ᐊᒻᒪᓗ ᓯᕗᓂᐊᒍᑦ ᖃᓄᐃᓕᐅᖅᓯᒍᓐᓇᕐᓗᓂ ᓱᕋᔾᔭᐃᖁᓪᓗᒋᑦ ᑭᖑᕙᙱᑦᑐᒃᑯᑦ ᐊᑐᓕᖁᔨᖁᓪᓗᒍ ᐱᐅᓯᕚᓪᓖᓐᓇᖅᓯᒪᖁᓪᓗᒋᑦ ᐊᐅᓚᑕᐅᓂᖏᑦ ᐊᒻᒪᓗ ᓱᓇᒃᑯᑖᖏᑦ. • ᐋᖅᑭᒃᓱᐃᖃᑎᖃᖃᑦᑕᕐᓗᓂ ᐊᑭᓖᕕᐅᔪᓂᑦ ᖃᐅᔨᒪᓇᑦᑎᐊᖁᓪᓗᒍ ᓈᒻᒪᑦᑐᓂᑦ ᐅᐊᔭᓅᖅᑐᓂᑦ ᐆᒻᒪᖅᑯᑎᓕᕆᓂᕐᒨᖓᔪᑦ ᓱᓇᒃᑯᑖᑦ ᐊᑐᐃᓐᓇᐅᒪᒐᔭᕐᒪᑕ ᐊᒻᒪᓗ ᓴᓇᕐᕈᑎᕈᓘᔭᖏᑦ ᓴᓈᒃᓴᓪᓗ ᑎᑭᓵᕆᔭᐅᓯᒪᔮᕋᓗᐊᕐᒪᖔᑦ ᖃᐅᔨᒪᑦᑎᐊᕐᓂᐊᕐᒪᑦ ᐊᕐᕌᒍᑕᒫᑦ ᐅᒥᐊᕐᔪᐊᒃᑯᑦ ᑎᑭᑎᑕᐅᓂᒃᓴᖏᖕᓄᑦ. • ᖃᐅᔨᒪᑦᑎᐊᖃᑦᑕᕐᓗᓂ ᓴᓇᔭᐅᔭᕆᐊᓖᑦ ᓴᓇᔭᐅᒐᓗᐊᕐᒪᖔᕐᒥᒃ ᒪᓕᓪᓗᑎᑦ ᑕᒪᐃᓐᓂ ᑯᐊᐳᕇᓴᐅᔪᒧᑦ ᐊᑐᐊᒐᖏᑦ ᐊᒻᒪᓗ ᐊᐅᓚᔾᔪᓯᖏᑦ; ᑲᓇᑕᑉ ᐅᑭᐅᖅᑕᖅᑐᖓᑕ ᐊᕕᑦᑐᖅᓯᒪᓂᖏᑦᑕ, ᑲᓇᑕᑉ ᐊᕕᑦᑐᖅᓯᒪᓂᖏᑦᑕᓗ, ᐊᒻᒪᓗ ᑲᓇᑕᓕᒫᕐᒥ ᐊᑦᑕᓇᖅᑕᐃᓕᒪᓂᕐᒧᑦ ᓇᓗᓇᐃᒃᑯᑕᖏᑦ; ᐊᒻᒪᓗ ᒪᓕᓪᓗᒋᑦ ᑕᒪᐃᓐᓂ ᐋᓐᓂᐊᖅᑕᐃᓕᒪᓂᕐᒧᑦ, ᐊᑦᑕᓇᖅᑕᐃᓕᒪᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᐊᑐᐊᒐᕋᓛᑦ. • ᐅᖃᖃᑎᖃᖃᑦᑕᕐᓗᓂ ᓄᓇᓕᓐᓂ ᐊᒻᒪᓗ ᓄᓇᕗᒻᒥ ᒐᕙᒪᒃᑯᖏᖕᓂᑦ ᑐᓴᖅᑎᑦᑎᓗᓂ ᐆᒻᒪᖅᑯᑏᑦ ᖃᒥᙵᑲᐃᓐᓇᖅᑎᑕᐅᓂᐊᕐᓂᖏᖕᓄᑦ ᓄᓇᓕᐅᔪᒥ, ᑐᓴᐅᒪᑎᑦᑎᔭᕆᐊᖃᕋᐃᑉᐸᑦ. ᐃᖅᑲᓇᐃᔮᖅᑖᕈᓐᓇᕐᓗᓂ ᐅᑯᓂᖓ ᖃᐅᔨᒪᔭᕆᐊᓕᒃ: ᐊᕕᒃᑐᖅᓯᒪᔪᓂᑦ ᐅᑭᐅᖅᑕᖅᑐᒥ ᓇᓗᓇᐃᒃᑯᑕᖃᕐᓗᓂ ᐆᒻᒪᖅᑯᑎᐅᔪᓂᑦ ᐅᐊᔭᓕᕆᔨᒻᒪᕆᐅᓂᕐᒧᑦ. ᓈᒻᒪᒋᔭᐅᓂᖅᓴᐅᒐᔭᕈᑎᖏᑦ ᐃᖅᑲᓇᐃᔭᖅᑎᑖᕆᔭᐅᓗᓂ: • ᑲᓇᑕᑉ ᐊᕕᑦᑐᖅᓯᒪᔪᖏᖕᓂ ᓇᓗᓇᐃᒃᑯᑕᖃᕐᓗᓂ ᐆᒻᒪᖅᑯᑎᐅᔪᓂᑦ ᐅᐊᔭᓕᕆᔨᒻᒪᕆᐅᓂᕐᒧᑦ ᐅᕝᕙᓘᓐᓃᑦ ᓇᓕᒧᓐᓂᕆᔭᖏᖕᓄᑦ ᐃᑲᔪᕐᓂᖃᕋᔭᖅᐳᖅ . • ᐃᖅᑲᓇᐃᔭᕐᓂᑰᓯᒪᓗᓂ ᐅᖅᓱᐊᓗᓄᑦ ᐊᐅᓚᑕᐅᔪᑦ ᐆᒻᒪᖅᑯᑎᓕᐅᕐᕕᖏᑦ ᑕᐃᒪᐃᒃᑯᓂ ᓈᒻᒪᒋᔭᐅᓂᖅᓴᐅᒐᔭᕐᒥᔪᑦ ᐃᖅᑲᓇᐃᔭᖅᑎᑖᕆᔭᐅᔪᒪᓂᖅᓴᐅᓗᓂ. • ᖃᐅᔨᒪᓂᖃᕐᓗᓂ ᓄᓇᕗᒻᒥ, ᓄᓇᖓᓂᒃ, ᐅᖃᐅᓯᖏᖕᓂᑦ ᐊᒻᒪᓗ ᐃᓕᖅᑯᓯᖏᖕᓂᑦ. • ᐅᖃᓪᓚᒍᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ/ᐅᕝᕙᓘᓐᓃᑦ ᐅᐃᕖᑎᑐᑦ. ᑮᓇᐅᔾᔭᒃᓴᑎᑦᑎᓲᖑᕗᒍᑦ ᐊᓯᖏᖕᓄᑦ ᐊᒥᓲᓂᖅᓴᓂᑦ ᐊᑭᓕᖅᓱᐃᖃᑦᑕᖅᑐᑕ ᐱᒋᐊᕐᓗᒋᑦ ᑮᓇᐅᔾᔭᒃᓵᕆᒐᔭᖅᑕᖏᑦ ᐃᖅᑲᓇᐃᔭᕆᐊᓯᑎᓪᓗᒍ ᐃᒪᓐᓇᓂᑦ $93,017 ᑎᑭᑦᑐᒋᑦ $107,889 ᐅᑭᐅᖅᑕᖅᑐᒥᐅᑕᐅᓂᖓᓄᓪᓗ ᐃᑲᔫᑏᑦ ᐃᒪᓐᓇᐅᓗᑎᑦ $15,016 ᐊᕐᕌᒍᒧᑦ, ᐃᑲᔫᓯᐊᖅᑖᕐᓂᕐᒧᑦ ᑕᒪᐃᓐᓂ ᐱᖃᓯᐅᑎᓪᓗᒋᑦ ᑐᑭᑖᖅᑎᑦᑎᓯᒪᔪᑦ ᐃᑲᔫᓯᐊᖅᑖᕈᑏᑦ ᐃᖅᑲᓇᐃᔭᕈᓐᓃᖅᑎᓪᓗᒋᑦ ᑮᓇᐅᔭᑦ ᑐᖅᑯᖅᑕᐅᖃᑦᑕᕈᑎᖏᑦ ᐱᓕᕆᐊᕐᒥᒃ ᐊᒻᒪᓗ ᐊᑭᑭᓪᓕᒋᐊᖅᓯᒪᔪᒃᑯᑦ ᐃᖅᑲᓇᐃᔭᖅᑏᑦ ᐃᒡᓗᖃᖅᑎᓲᕆᓪᓗᒋᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᒋᔭᐅᖃᑕᐅᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᖕᓄᑦ. ᐃᖅᑲᓇᐃᔭᖅᑎᑖᕆᔭᐅᖅᑳᕋᔭᕐᒪᑕ ᓄᓇᕗᒻᒥᐅᑕᐅᔪᑦ ᐃᓄᐃᑦ. ᓄᓇᕗᒻᒥᐅᑕᐅᔪᖅ ᐃᓄᒃ ᐃᖅᑲᓇᐃᔮᖅᑖᕐᓂᙱᒃᑯᓂ, ᐃᖅᑲᓇᐃᔮᒃᓴᖅ ᐊᑐᐃᓐᓇᐅᒪᑎᑕᐅᒐᔭᖅᐳᖅ ᐃᖅᑲᓇᐃᔮᖅᑖᕆᔭᐅᓗᓂ ᐱᖓᓱᓄᑦ (3) ᐊᕐᕌᒍᓄᑦ ᐊᑯᓂᐅᑎᒋᔪᖅ. ᐃᖅᑲᓇᐃᔮᖅᑖᕋᓱᐊᖁᓪᓗᑎᑦ ᐃᖅᑲᓇᐃᔮᖅᑖᕈᒪᔾᔪᑎᑎᑦ ᖃᕋᓴᐅᔭᒃᑯᑦ ᐊᐅᓪᓚᖅᑎᓪᓗᒋᑦ ᐅᕗᖓ careers@qec.nu.ca ᐅᕝᕙᓘᓐᓃᑦ ᐊᐅᓪᓚᖅᑎᓪᓗᒋᑦ ᑎᑎᖅᑲᓂᐊᕐᕕᒃᑯᑎᒍᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓ, ᑎᑎᖅᑲᒃᑯᕕᖓ 420, ᖃᒪᓂ’ᑐᐊᖅ, ᓄᓇᕗᑦ X0C 0A0 ᐃᖅᑲᓇᐃᔮᖅᑖᕋᓱᐊᕐᓗᑎᑦ ᑎᑎᕋᖅᓯᒪᓂᖏᑦ ᑐᓂᓗᒋᑦ, ᐃᓱᓕᓚᐅᙱᓐᓂᖓᓂ ᕖᕝᕗᐊᕆ 26, 2021. ᐃᖅᑲᓇᐃᔮᖅᑖᕋᓱᐊᖅᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᓄᐊᑕᐅᒐᔭᖅᐳᑦ ᐃᓱᒪᒃᓴᖅᓯᐅᕈᑎᒋᔭᐅᔪᓐᓇᕋᔭᕐᒪᑕ ᐃᖅᑲᓇᐃᔭᖅᑎᑖᕆᔭᐅᓛᕐᓗᑎᑦ ᓯᕗᓂᒃᓴᒥ ᐃᖅᑲᓇᐃᔮᒃᓴᒥᒃ ᒪᑐᐃᖅᑐᖃᕐᓂᕈᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᓄᑦ. ᖁᔭᓐᓇᒦᖅᐸᕗᑦ ᑕᒪᐃᓐᓂ ᐃᖅᑲᓇᐃᔮᖅᑖᕋᓱᐊᖅᑐᑦ; ᑭᓯᐊᓂᓕ, ᑕᐃᒃᑯᐊᑐᐊᖅ ᓂᕈᐊᖅᑕᑦ ᐃᖅᑲᓇᐃᔭᖅᑎᑖᕆᔭᐅᒍᒪᒐᔭᕐᓗᑎᑦ ᖃᐅᔨᒃᑲᖅᑕᐅᒐᔭᖅᐳᑦ.