ᓴᓇᔨᒻᒪᕆᐅᕖᑦ ᑕᑯᒃᓴᐅᑎᑦᑎᓯᒪᔪᒥ ᐃᒡᓗᓕᕆᔪᓐᓇᕐᓂᕐᒥᒃ ᐅᕝᕙᓘᓐᓃᑦ ᐱᓕᕆᕝᕕᖕᒥ ᐱᓕᕆᖃᑦᑕᕐᓂᑰᕕᑦ, ᐱᓕᕆᑦᑎᐊᕈᓐᓇᖅᖢᑎ ᓇᖕᒥᓂᖅ ᐊᒻᒪ ᐱᓕᕆᖃᑎᒌᒃᑐᓂ? ᐱᒋᐊᖅᑎᑦᑎᔪᓐᓇᖅᐲᑦ ᐱᒋᐊᑦᑎᖅᑎᔪᓐᓇᕐᓂᕐᒥᒃ−ᐅᖃᓕᒫᖅᑕᐅᔪᒃᓴᓂᒃ ᐋᖅᑭᒃᓱᐃᓂᕐᒥᒃ ᓯᕗᒻᒧᐊᒃᑎᑦᑎᓂᕐᒥᒃ ᐅᖃᐅᓯᖃᐅᖅᑐᓂ, ᓇᖕᒥᓂᖃᖃᑕᐅᖃᓯᐅᑎᔪᓂ ᐱᓕᕆᐊᒃᓴᓂ? ᐱᔾᔪᑕᐅᒍᓂ, ᐅᖃᓕᒫᕐᓗᒍ ᐅᓇ ᐊᑲᐅᔪᖅ ᑎᓴᒪᓄᑦ−ᑕᖅᑭᓄᑦ ᐃᓱᓕᕝᕕᒃᓴᐅᑎᓕᖕᒧᑦ (ᐅᖓᕙᕆᐊᖅᑕᐅᔪᓐᓇᕐᓂᖃᖅᖢᓂ).
ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐅᐊᔭᓕᕆᓂᕐᒧᑦ, ᑲᒪᒋᔭᖃᕐᓂᐊᖅᑐᑎᑦ ᓴᐳᔾᔨᓂᕐᒧᑦ ᐊᐅᓚᑦᑎᓂᕐᒧᓪᓗ ᐱᓕᕆᐊᒃᓴᓂᒃ, ᐃᓚᒋᓗᒋᑦ ᐱᓕᕆᐊᒃᓴᙳᖅᑎᑕᐅᔪᓐᓇᖅᑐᑦ ᐊᐅᓚᑦᑎᔾᔪᑎᑦ (PLCs), ᓴᐳᔾᔨᓂᕐᒧᑦ ᖃᓄᖅ ᐋᖅᑭᒃᓱᖅᓯᒪᓂᖓ ᓇᐅᒃᑯᓪᓗ ᓈᒻᒪᙱᓕᐅᕐᒪᖔᑦ ᖃᐅᔨᓴᕐᓂᕐᒥᒃ, ᐋᖅᑭᒃᓯᒪᓂᖓᓄᓪᓗ ᓄᑖᕐᒥᒃ ᐅᖅᓱᐊᓗᑐᐃᓐᓇᕐᒧᑦ ᐊᐅᓚᔪᓐᓇᐅᑎᓂᑦ ᐃᓕᐅᖅᑲᐃᓂᕐᒥᒃ.
ᑕᑯᓇᔭᖅᑐᑎᑦ ᐋᖅᑭᒃᓱᐃᓂᕐᒥᒃ ᐊᐅᓚᕙᒃᑐᓂ ᐊᐅᓚᑦᑎᔾᔪᑕᐅᔪᓂ, ᐅᐊᔭᓕᕆᔾᔪᑎᓂᑦ, ᓇᒦᓐᓂᖏᓐᓂᑦ, ᐊᓯᔾᔨᒐᒃᓴᐅᔪᓄᑦ ᐊᐅᓚᔪᓐᓇᐅᑎᓂᑦ, ᐊᔾᔨᒌᙱᕈᓘᔭᖅᑐᓂᒡᓗ ᐊᐅᓚᑦᑎᔾᔪᑎᓂᑦ. ᐃᓅᖃᑎᖃᖃᑦᑕᕐᓂᐊᖅᑐᑎᑦ ᐊᐅᓚᑦᑎᔨᓂᒃ ᐃᖅᑲᓇᐃᔭᖅᑎᓂᒃ ᑲᒪᒋᔭᖃᖅᑐᓂ ᐊᐅᓚᑦᑎᓂᕐᒧᑦ ᐃᒻᒥᓂᒡᓗ ᐊᐅᓚᕙᒃᑐᓂᑦ, ᕿᒥᕐᕈᓂᕐᒧᑦ ᒫᓐᓇ ᐊᑐᖅᑐᓂ ᐊᐅᓚᑦᑎᓂᕐᒧᑦ ᐱᓕᕆᐊᕆᔭᐅᔪᓂ ᐱᕙᓪᓕᐊᑎᑦᑎᓂᕐᒥᒡᓗ ᐱᐅᓛᒃᑯᑦ ᐱᓕᕆᐊᖑᕙᓪᓕᐊᔪᒪᔪᓂ ᐱᓕᕆᔾᔪᓯᕐᓂᒡᓗ, ᖃᐅᔨᒪᑦᑎᐊᕈᒪᒧᓪᓗ ᒪᓕᒃᑐᐃᓐᓇᐅᒐᓗᐊᕐᒪᖔᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᓯᖏᓐᓂᒡᓗ ᒪᓕᒃᑕᐅᕙᒃᑐᓂ, ᐊᑐᐊᒐᖏᓐᓂᒃ ᐊᑐᖅᑕᐅᔾᔪᓯᖏᓐᓂᒡᓗ.