ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᐱᓕᕆᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓪᓚᕐᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑕᐅᔪᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᒥᒃᓴᐅᖦᖢᒋᑦ ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓂᕐᒥᒡᓗ ᑕᒪᐃᓐᓂᒃ ᓄᓇᕘᒥ ᓄᓇᓕᓕᒫᓂᒃ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ 21-020 ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ ᐸᕐᓇᐃᔨᓄᑦ
ᐃᖃᓗᖕᓃᖦᖢᑎᒃ, ᓄᓇᕗᒻᒥ ᐅᓂᒃᑳᖅᐸᒃᖢᑎᒡᓗ ᑐᑭᒧᐊᒃᑎᑦᑎᔨᒧᑦ, ᐊᐅᓚᐅᓯᕆᔨᒃᑯᑦ ᐊᖓᔪᖅᑳᖓᓐᓄᑦ, ᐊᐅᓚᐅᓯᕆᔨᓄᑦ ᐸᕐᓇᐃᔨ ᑲᒪᒋᔭᒃᓴᖃᖅᐳᖅ ᖃᐅᔨᓴᖅᑕᐅᒋᐊᓕᖕᓂᒃ, ᐸᕐᓇᒃᑕᐅᒋᐊᓕᖕᓂᒃ, ᐊᒻᒪ ᐃᓕᑕᕆᔭᐅᔾᔪᑎᑖᕐᓗᑎᒃ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᐅᓯᕆᔾᔪᓯᖏᓐᓄᑦ, ᐋᖅᑭᒃᓯᒪᓂᕆᔭᖏᓐᓄᑦ, ᐊᒻᒪ ᐱᐅᓯᕆᔭᐅᔪᓄᑦ. ᐃᖅᑲᓇᐃᔮᒃᓴᖅ ᐃᑲᔪᖅᓱᐃᔾᔪᑕᐅᕗᖅ ᓴᒃᑯᑕᐅᔪᓂᒃ ᐊᐅᓚᐅᓯᕆᓂᕐᒧᑦ ᐱᓕᕆᐊᓂᒃ ᐊᑐᐃᓐᓇᐅᑎᑉᐸᒃᖢᒋᑦ ᐊᐅᓚᐅᓯᕆᔨᓄᑦ ᐃᑲᔫᑎᒃᓴᑦ ᓲᕐᓗ ᐆᒻᒪᖅᑯᑎᓕᕆᓂᕐᒧᑦ ᐸᕐᓇᐅᑎᑦ, ᐋᖅᑭᒃᓯᒪᓂᒃᓴᖓᓐᓂᑦ ᐱᔨᑦᑎᕋᖅᑎᑦ, ᖃᕆᑕᐅᔭᓕᕆᔾᔪᑎᑦ ᖃᐅᔨᓴᖅᐸᒡᓗᒋᑦ, ᖃᓄᕈᓘᔭᕐᓗ ᖃᐅᔨᓴᖅᐸᒡᓗᑎᒃ. ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑦᑎᖃᑦᑕᕐᓂᐊᕐᒥᔪᖅ ᖃᕆᑕᐅᔭᓕᕆᓂᕐᒧᑦ ᐅᖃᐅᔾᔪᐃᕙᒡᓗᓂ, ᐃᑲᔪᖅᓱᐃᕙᒡᓗᓂ, ᐊᒻᒪ ᐊᑐᓕᖅᑕᐅᖁᔨᕙᒡᓗᓂ ᐱᑖᖃᑕᐅᓯᒪᔪᓄᑦ ᑕᐃᒪᐃᑦᑕᕆᖃᕌᖓᑦ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
• ᐸᕐᓇᐅᑎᑦ ᐊᒻᒪ ᓄᑖᑦ ᐋᖅᑭᒃᓯᒪᓂᒃᓴᖓᓄᑦ ᐃᓕᐅᖅᑲᖅᑕᐅᔪᑦ, ᐊᓯᔾᔨᖅᑕᐅᔪᑦ, ᓄᑖᙳᖅᑎᖅᑕᐅᔪᓪᓗ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᖅᑎᑦᑎᔾᔪᓯᖓᓐᓄᑦ ᐊᑐᖅᑕᐅᖃᑦᑕᖅᑐᓂᑦ ᓇᓗᓇᐃᖅᓯᓂᕐᒧᓪᓗ ᐋᖅᑭᒃᓯᒪᓂᓕᒫᖏᑦ ᓈᒻᒪᒡᓗᑎᒃ ᖄᖏᐅᑎᓗᑎᒡᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᒪᓕᒋᐊᖃᖅᑕᖏᓐᓂᑦ ᐊᓯᖏᓐᓂᓪᓗ ᐊᑐᕈᓐᓇᖅᑐᓂᑦ ᓈᓴᐅᑎᓂᑦ, ᒪᓕᒋᐊᓕᖏᓐᓂᑦ ᒪᓕᒐᖏᓐᓂᒡᓗ.
• ᑐᓂᓯᕙᒡᓗᓂ ᐊᑭᑦᑐᕋᐅᑎᖁᔨᔪᓂᒃ ᐊᑭᑐᔪᑦ ᐱᓕᕆᐊᓄᑦ ᓲᕐᓗ ᐊᐅᓚᐅᑎᑦ, ᑐᐊᕕᕐᓇᖅᑐᖅᓯᐅᑎᑦ ᐊᐅᓚᐅᑎᑦ, ᐃᑭᑦᑕᐅᑎᑦ, ᐊᒻᒪ ᐊᐅᓚᐅᑎᖃᕐᕕᖕᒥ ᐱᐅᓯᒋᐊᖅᑕᐅᒋᐊᓕᑦ, ᐊᓯᔾᔨᖅᑕᐅᒋᐊᓕᑦ, ᐃᓕᐅᖅᑲᖅᑕᐅᒋᐊᓖᓪᓗ, ᐊᓯᕈᓘᔭᖏᓐᓄᓪᓗ ᖃᐅᔨᒪᓗᓂᒋᓪᓗ ᐊᑭᑐᔪᑦ ᐊᒻᒪ ᐅᑎᖅᑎᒐᒃᓴᐅᔪᑦ ᐱᓕᕆᐊᑦ ᓈᒻᒪᖅᑰᑦᑎᑎᑉᐸᒡᓗᓂᒋᑦ ᐊᒻᒪ ᑮᓇᐅᔭᑦ ᐊᑐᖅᑐᒃᓴᓄᑦ ᓈᒻᒪᒃᑎᑉᐸᒡᓗᒋᑦ.
• ᐱᓕᕆᕙᒡᓗᒋᑦ ᐊᒻᒪ ᐊᐅᓚᑉᐸᒡᓗᒋ ᖃᐅᔨᓴᕈᑎᑦ, ᖃᐅᔨᓴᖅᑕᐅᒋᐊᓕᑦ, ᐊᒻᒪ ᐋᖅᑭᒃᓯᒪᓂᕆᔭᐅᔪᑦ ᐊᒃᑐᐊᓂᓖᑦ ᐃᓚᓕᐅᑎᔭᐅᒋᐊᓕᖕᓄᑦ ᐊᓯᐊᒍᖔᖅ ᐆᒻᒪᖅᑯᑎᓕᕆᔾᔪᑎᓂᒃ, ᐊᐅᓚᐅᑎᐅᑉ ᐊᖏᓕᕇᑦ ᑲᒪᒋᓗᒋᑦ, ᖃᑦᑕᐅᔭᕐᔪᐊᑦ, ᐊᓯᖏᓪᓗ.
• ᐊᐅᓚᑦᑎᔨᐅᕝᕕᒋᕙᒡᓗᒋᑦ ᐃᑲᔪᖅᐸᒡᓗᓂᓗ ᐋᖅᑭᒃᓯᒪᓂᖓᓂᒃ ᐱᕙᓪᓕᐊᑎᑦᑎᓂᐊᖅᐳᕐᓗ ᓄᑖᑦ ᐊᒻᒪ ᐱᑕᖃᖅᐸᒌᖅᑐᑦ ᐊᐅᓚᐅᑎᓄᑦ ᒪᓕᒃᑕᐅᕙᒃᑐᓂᒃ ᐊᒻᒪ ᐱᓕᕆᐊᖑᓯᒪᔪᓄᑦ, ᐃᓚᓕᐅᔾᔭᐅᓗᑎᒃ ᓇᕿᑦᑕᕆᐊᓖᑦ ᐋᖅᑭᒃᓱᖅᓯᒪᔪᑦ.
• ᑲᑎᒪᑎᑦᑎᔨᐅᓗᓂ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᒪᓕᒃᑕᐅᒋᐊᖃᖅᑐᓄᑦ ᑲᑎᒪᔨᓄᑦ ᑭᒡᒐᖅᑐᐃᔨᓂᑦ ᐊᐅᓚᑕᐅᓂᐊᖅᑐᓂᒃ ᐊᐅᓚᑦᑎᔨᓪᓗ ᐱᓕᕆᕝᕕᐅᔪᓂᑦ.
ᐅᑯᐊ ᐊᔪᙱᔾᔪᑎᑖᖅᓯᒪᔭᕆᐊᖃᖅᑕᖏᑦ:
• ᖃᐅᔨᓴᖅᑎᔨᙳᕐᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐅᐊᔭᒨᖅᑐᓕᕆᔨᐅᓂᕐᒧᑦ.
• ᐊᑎᖃᕆᐊᖃᖅᑐᖅ ᐅᐊᔭᓕᕆᔨᒻᒪᕆᐅᓂᖓᓄᑦ ᐃᓚᒋᔭᐅᓕᕈᓐᓇᑲᐅᑎᒋᒋᐊᓕᒃ ᐊᐅᓚᐅᓯᕆᔨᒻᒪᕆᖕᓄᑦ ᖃᐅᔨᓴᖅᑎᓂᒃ.
• ᐅᑭᐅᓄᑦ 7−ᓄᑦ ᐸᕐᓇᐃᖃᑦᑕᕐᓂᑰᓗᓂ ᐅᐊᔭᓕᕆᓂᕐᒥᒃ ᐊᐅᓚᐅᑎᖃᕐᕕᖕᒥ.
• ᐅᖅᓱᒃᓴᒥᑦ ᐊᐅᓚᐅᓯᕆᓕᒪᒋᐊᓕᒃ.
• ᐱᓕᕆᖃᑦᑕᖅᓯᒪᓂᑰᓗᓂ ᑕᒪᐃᓐᓂᒃ ᓇᓃᓐᓂᖓᓂᒃ ᐱᓕᕆᐊᒃᓴᒧᑦ ᐊᐅᓚᑦᑎᓂᕐᒥᒃ ᐱᓕᕆᐊᒃᓴᓕᐊᖑᔪᒥᒃ ᐊᐅᓚᑦᑎᓂᕐᒥᒃ.
• ᐅᑭᐅᖕᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ.
ᐱᔪᓐᓇᖅᑕᖏᑦ:
• ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
• ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂ ᐊᒻᒪ ᐃᓕᖅᑯᓯᖏᓐᓂᒃ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $121,836.00−ᒥᑦ $146,562.00−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᒋᔭᐅᙱᑦᑐᖅ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐊᐅᓪᓚᖅᑎᓪᓗᒍ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ, P.O. Box 420, Baker Lake, NU X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎ, ᔫᓂ 4, 2021 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.