ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ ᐸᕐᓇᐃᔨᓄᑦ (QEC-22-023)
ᐃᖃᓗᐃᑦ, ᓄᓇᕗᑦ
ᐃᖃᓗᖕᓃᖦᖢᑎᒃ, ᓄᓇᕗᒻᒥ ᐅᓂᒃᑳᖅᐸᒃᖢᑎᒡᓗ ᑐᑭᒧᐊᒃᑎᑦᑎᔨᒧᑦ, ᐊᐅᓚᐅᓯᕆᔨᒃᑯᑦ ᐊᖓᔪᖅᑳᖓᓐᓄᑦ, ᐊᐅᓚᐅᓯᕆᔨᓄᑦ ᐸᕐᓇᐃᔨ ᑲᒪᒋᔭᒃᓴᖃᖅᐳᖅ ᖃᐅᔨᓴᖅᑕᐅᒋᐊᓕᖕᓂᒃ, ᐸᕐᓇᒃᑕᐅᒋᐊᓕᖕᓂᒃ, ᐊᒻᒪ ᐃᓕᑕᕆᔭᐅᔾᔪᑎᑖᕐᓗᑎᒃ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᐅᓚᐅᓯᕆᔾᔪᓯᖏᓐᓄᑦ, ᐋᖅᑭᒃᓯᒪᓂᕆᔭᖏᓐᓄᑦ, ᐊᒻᒪ ᐱᐅᓯᕆᔭᐅᔪᓄᑦ. ᐃᖅᑲᓇᐃᔮᒃᓴᖅ ᐃᑲᔪᖅᓱᐃᔾᔪᑕᐅᕗᖅ ᓴᒃᑯᑕᐅᔪᓂᒃ ᐊᐅᓚᐅᓯᕆᓂᕐᒧᑦ ᐱᓕᕆᐊᓂᒃ ᐊᑐᐃᓐᓇᐅᑎᑉᐸᒃᖢᒋᑦ ᐊᐅᓚᐅᓯᕆᔨᓄᑦ ᐃᑲᔫᑎᒃᓴᑦ ᓲᕐᓗ ᐆᒻᒪᖅᑯᑎᓕᕆᓂᕐᒧᑦ ᐸᕐᓇᐅᑎᑦ, ᐋᖅᑭᒃᓯᒪᓂᒃᓴᖓᓐᓂᑦ ᐱᔨᑦᑎᕋᖅᑎᑦ, ᖃᕆᑕᐅᔭᓕᕆᔾᔪᑎᑦ ᖃᐅᔨᓴᖅᐸᒡᓗᒋᑦ, ᖃᓄᕈᓘᔭᕐᓗ ᖃᐅᔨᓴᖅᐸᒡᓗᑎᒃ. ᐃᖅᑲᓇᐃᔮᒃᓴᖅ ᐊᑐᐃᓐᓇᐅᑎᑦᑎᖃᑦᑕᕐᓂᐊᕐᒥᔪᖅ ᖃᕆᑕᐅᔭᓕᕆᓂᕐᒧᑦ ᐅᖃᐅᔾᔪᐃᕙᒡᓗᓂ, ᐃᑲᔪᖅᓱᐃᕙᒡᓗᓂ, ᐊᒻᒪ ᐊᑐᓕᖅᑕᐅᖁᔨᕙᒡᓗᓂ ᐱᑖᖃᑕᐅᓯᒪᔪᓄᑦ ᑕᐃᒪᐃᑦᑕᕆᖃᕌᖓᑦ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
- ᐸᕐᓇᐅᑎᑦ ᐊᒻᒪ ᓄᑖᑦ ᐋᖅᑭᒃᓯᒪᓂᒃᓴᖓᓄᑦ ᐃᓕᐅᖅᑲᖅᑕᐅᔪᑦ, ᐊᓯᔾᔨᖅᑕᐅᔪᑦ, ᓄᑖᙳᖅᑎᖅᑕᐅᔪᓪᓗ ᐆᒻᒪᖅᑯᑎᓕᕆᔨᒃᑯᑦ ᐆᒻᒪᖅᑯᑎᖃᖅᑎᑦᑎᔾᔪᓯᖓᓐᓄᑦ ᐊᑐᖅᑕᐅᖃᑦᑕᖅᑐᓂᑦ ᓇᓗᓇᐃᖅᓯᓂᕐᒧᓪᓗ ᐋᖅᑭᒃᓯᒪᓂᓕᒫᖏᑦ ᓈᒻᒪᒡᓗᑎᒃ ᖄᖏᐅᑎᓗᑎᒡᓘᓐᓃᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᒪᓕᒋᐊᖃᖅᑕᖏᓐᓂᑦ ᐊᓯᖏᓐᓂᓪᓗ ᐊᑐᕈᓐᓇᖅᑐᓂᑦ ᓈᓴᐅᑎᓂᑦ, ᒪᓕᒋᐊᓕᖏᓐᓂᑦ ᒪᓕᒐᖏᓐᓂᒡᓗ.
- ᑐᓂᓯᕙᒡᓗᓂ ᐊᑭᑦᑐᕋᐅᑎᖁᔨᔪᓂᒃ ᐊᑭᑐᔪᑦ ᐱᓕᕆᐊᓄᑦ ᓲᕐᓗ ᐊᐅᓚᐅᑎᑦ, ᑐᐊᕕᕐᓇᖅᑐᖅᓯᐅᑎᑦ ᐊᐅᓚᐅᑎᑦ, ᐃᑭᑦᑕᐅᑎᑦ, ᐊᒻᒪ ᐊᐅᓚᐅᑎᖃᕐᕕᖕᒥ ᐱᐅᓯᒋᐊᖅᑕᐅᒋᐊᓕᑦ, ᐊᓯᔾᔨᖅᑕᐅᒋᐊᓕᑦ, ᐃᓕᐅᖅᑲᖅᑕᐅᒋᐊᓖᓪᓗ, ᐊᓯᕈᓘᔭᖏᓐᓄᓪᓗ ᖃᐅᔨᒪᓗᓂᒋᓪᓗ ᐊᑭᑐᔪᑦ ᐊᒻᒪ ᐅᑎᖅᑎᒐᒃᓴᐅᔪᑦ ᐱᓕᕆᐊᑦ ᓈᒻᒪᖅᑰᑦᑎᑎᑉᐸᒡᓗᓂᒋᑦ ᐊᒻᒪ ᑮᓇᐅᔭᑦ ᐊᑐᖅᑐᒃᓴᓄᑦ ᓈᒻᒪᒃᑎᑉᐸᒡᓗᒋᑦ.
- ᐱᓕᕆᕙᒡᓗᒋᑦ ᐊᒻᒪ ᐊᐅᓚᑉᐸᒡᓗᒋ ᖃᐅᔨᓴᕈᑎᑦ, ᖃᐅᔨᓴᖅᑕᐅᒋᐊᓕᑦ, ᐊᒻᒪ ᐋᖅᑭᒃᓯᒪᓂᕆᔭᐅᔪᑦ ᐊᒃᑐᐊᓂᓖᑦ ᐃᓚᓕᐅᑎᔭᐅᒋᐊᓕᖕᓄᑦ ᐊᓯᐊᒍᖔᖅ ᐆᒻᒪᖅᑯᑎᓕᕆᔾᔪᑎᓂᒃ, ᐊᐅᓚᐅᑎᐅᑉ ᐊᖏᓕᕇᑦ ᑲᒪᒋᓗᒋᑦ, ᖃᑦᑕᐅᔭᕐᔪᐊᑦ, ᐊᓯᖏᓪᓗ.
- ᐊᐅᓚᑦᑎᔨᐅᕝᕕᒋᕙᒡᓗᒋᑦ ᐃᑲᔪᖅᐸᒡᓗᓂᓗ ᐋᖅᑭᒃᓯᒪᓂᖓᓂᒃ ᐱᕙᓪᓕᐊᑎᑦᑎᓂᐊᖅᐳᕐᓗ ᓄᑖᑦ ᐊᒻᒪ ᐱᑕᖃᖅᐸᒌᖅᑐᑦ ᐊᐅᓚᐅᑎᓄᑦ ᒪᓕᒃᑕᐅᕙᒃᑐᓂᒃ ᐊᒻᒪ ᐱᓕᕆᐊᖑᓯᒪᔪᓄᑦ, ᐃᓚᓕᐅᔾᔭᐅᓗᑎᒃ ᓇᕿᑦᑕᕆᐊᓖᑦ ᐋᖅᑭᒃᓱᖅᓯᒪᔪᑦ.
- ᑲᑎᒪᑎᑦᑎᔨᐅᓗᓂ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᒪᓕᒃᑕᐅᒋᐊᖃᖅᑐᓄᑦ ᑲᑎᒪᔨᓄᑦ ᑭᒡᒐᖅᑐᐃᔨᓂᑦ ᐊᐅᓚᑕᐅᓂᐊᖅᑐᓂᒃ ᐊᐅᓚᑦᑎᔨᓪᓗ ᐱᓕᕆᕝᕕᐅᔪᓂᑦ.
ᐅᑯᐊ ᐊᔪᙱᔾᔪᑎᑖᖅᓯᒪᔭᕆᐊᖃᖅᑕᖏᑦ:
- ᐱᔭᕇᕈᓯᐊᖃᕐᓗᓂ ᐅᐊᔭᓕᕆᔨᐅᓂᕐᒧᑦ.
- ᐊᑎᖃᕆᐊᖃᖅᑐᖅ ᐅᐊᔭᓕᕆᔨᒻᒪᕆᐅᓂᕐᒧᑦ ᐃᓚᒋᔭᐅᓕᑲᐅᑎᒋᔪᓐᓇᕆᐊᓕᒃ ᐊᐅᓚᐅᓯᕆᔨᒻᒪᕆᖕᓄᑦ ᖃᐅᔨᓴᖅᑎᓂᑦ.
- ᐅᑭᐅᓄᑦ 7−ᓄᑦ ᐸᕐᓇᐃᖃᑦᑕᕐᓂᑰᓗᓂ ᐅᐊᔭᓕᕆᓂᕐᒥᒃ ᐊᐅᓚᐅᑎᖃᕐᕕᖕᒥ.
- ᐅᑭᐅᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
- ᐅᖅᓱᐊᓗᖕᒨᖅᑐᒥᑦ ᐊᐅᓚᐅᓯᕆᓕᒪᒋᐊᓕᒃ.
- ᑕᒪᐃᓐᓂᒃ ᐱᓕᕆᐊᒃᓴᕆᔭᐅᔪᒥᑦ ᐊᐅᓚᑦᑎᔨᐅᖃᑦᑕᖅᓯᒪᓗᓂ, ᐱᒋᐊᖅᑎᑕᐅᑎᓪᓗᒍ ᐱᔭᒃᓴᖅᑖᖅᑎᑕᐅᑎᓪᓗᒋᓪᓗ
ᐱᔪᓐᓇᖅᑕᖏᑦ:
- ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
- • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $128,034.52−ᒥ $154,016.92−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $16,008−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᒍᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᖃᕆᑕᐅᔭᒃᑯᑦ ᐱᓇᔪᖃᑕᐅᔪᓐᓇᖅᐳᓯ: https://www.dovregroup.com/jobs-page/
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᐱᓇᔪᖃᑕᐅᔪᓕᒫᑦ ᖁᔭᓕᔭᕗᑦ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.