ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ

ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᓄᓇᕗᒻᒥ ᐃᖅᑲᓇᐃᔭᕐᓂᖅ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ                                       

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᓱᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᓯᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᑦᓱᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑦᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᓯᓪᓗᑎᓪᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᓐᓂᒃ ᐆᒻᒪᖅᑯᑎᖃᖅᑎᑦᓯᓪᓗᑎᓪᓗ ᓄᓇᓕᓕᒫᓂᒃ ᓄᓇᕗᒻᒥ.

ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ (QEC-24-013)

ᐃᖃᓗᐃᑦ, ᓄᓇᕗᑦ

ᐅᖃᕐᕕᖃᖅᐸᒡᓗᓂ ᑐᑭᒧᐊᒃᑎᑦᑎᔨᒧᑦ, ᐊᐅᓚᐅᓯᕆᔨᓄᑦ, ᐊᐅᓚᑦᑎᔨ, ᐊᐅᓚᐅᓯᕆᔨᓄᑦ ᑲᒪᒋᔭᖃᕐᓂᐊᖅᑐᖅ ᐊᑐᐃᓐᓇᐅᑎᑦᑎᓂᕐᒥᒃ ᐊᐅᓚᐅᓯᕆᓂᕐᒧᑦ ᐊᔪᙱᑕᖃᕐᓂᕐᒥᒃ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ ᐊᒻᒪ ᑲᒪᒋᔭᖃᖅᐸᒡᓗᓂ ᐱᓕᕆᐊᒃᓴᑦ ᑮᓇᐅᔭᖅᑑᑎᒃᓴᖏᓐᓂᒃ, ᒪᓕᒡᓗᓂ ᑎᒥᐅᔫᑉ ᐊᑐᐊᒐᖏᓐᓂᒃ ᐊᑐᖅᑕᐅᔾᔪᓯᖏᓐᓂᒡᓗ, ᐊᒻᒪ ᐃᖏᕐᕋᐃᓐᓇᖅᑐᓂᒃ ᐊᐅᓚᑦᑎᓂᕐᒥᒃ ᐊᓪᓚᕝᕕᓕᕆᓂᕐᒥᒡᓗ ᐊᐅᓚᐅᓯᕆᔨᓂᒃ.

ᐃᖅᑲᓇᐃᔮᓕᒃ ᖃᐅᔨᓴᓲᖅ, ᐱᕙᓪᓕᐊᑎᑦᑎᓲᖅ, ᐊᑐᓕᖅᑎᑦᑎᓲᕐᓗ ᐊᐅᓚᐅᓯᕆᓂᕐᒧᑦ ᐊᑐᐊᒐᕐᓂᑦ ᐊᑐᕈᓯᕐᓂᓪᓗ ᒪᓕᒃᑐᓂᒃ, ᐱᔭᕆᑐᔪᓄᑦ ᒪᓕᒐᑎᒍᓪᓗ ᐊᑐᕆᐊᓕᖕᓂᑦ, ᐱᖃᓯᐅᑎᓪᓗᒋᑦ ᑲᓇᑕᒥ ᐊᑐᕆᐊᓕᖕᓄᑦ ᑲᑐᔾᔨᖃᑎᒌᓄᑦ, ᑲᓇᑕᓕᒫᒥᑦ ᐃᑭᑦᑐᓕᕆᓂᕐᒧᑦ ᒪᓕᒋᐊᓖᑦ, ᑲᓇᑕᓕᒫᒥᑦ ᐃᒡᓗᕐᔪᐊᓄᑦ ᒪᓕᒃᑕᐅᔭᕆᐊᓖᑦ, ᐃᖅᑲᓇᐃᔭᕐᕕᖕᒥ ᑮᓇᐅᔭᓕᕆᓂᕐᒧᑦ, ᓂᐅᕕᖃᑦᑕᕐᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐊᑐᐊᒐᖏᑦ ᐊᑐᕈᓯᖏᓪᓗ.

ᐱᔭᑦᓴᕆᔭᐅᔪᑦ ᑲᒪᒋᔭᑦᓴᕆᔭᐅᔪᓪᓗ:

• ᐸᕐᓇᐃᕙᒡᓗᓂ ᑐᑭᒧᐊᒃᑎᑦᑎᕙᒡᓗᓂᓗ ᐊᐅᓚᐅᑎᓕᕆᓂᕐᒧᑦ ᐱᓕᕆᐊᒃᓴᓕᒫᓂᒃ ᐱᓕᕆᕝᕕᖕᒥᓂ.
• ᓇᓗᓇᐃᖅᓯᖃᑦᑕᕐᓗᓂ ᐊᐅᓚᐅᓯᕆᔨᓄᑦ ᐱᓕᕆᐊᒃᓴᓕᒫᑦ, ᐱᓕᕆᐊᖑᑎᑕᐅᔪᑦ ᐊᒻᒪ ᑲᔪᓯᑎᑕᐅᔪᑦ ᒪᓕᑦᑎᐊᕆᐊᖃᕐᓂᖏᓐᓂᒃ ᐊᑐᐊᒐᖏᓐᓂᒃ ᑎᑭᑕᐅᓇᓱᐊᖅᑐᓂᒡᓗ.
• ᐱᔭᕆᑐᔪᓕᕆᓂᕐᒧᑦ ᕿᒥᕐᕈᕙᒡᓗᓂᑦ ᐱᐅᑎᑦᑏᓐᓇᖅᐸᒡᓗᓂᓗ, ᒪᓕᒡᓗᒋᑦ ᒪᓕᒋᐊᓖᑦ, ᐊᑐᕈᓰᑦ ᐋᖅᑭᐅᒪᓂᕆᔭᐅᔪᓪᓗ ᐊᐅᓚᐅᓯᕆᓂᕐᒧᑦ ᓇᓗᓇᐃᔭᕈᑎᖏᓐᓄᓪᓗ.

• ᑐᓴᖅᑎᑦᑎᕙᒡᓗᓂ ᐅᐸᓗᖓᐃᔭᖅᓯᒪᔪᒃᑯᑦ ᐃᓱᒪᓕᐅᕆᔭᐅᔪᓄᑦ ᐊᒃᑑᑎᕙᒃᑐᓄᑦ ᐊᐅᓚᐅᑎᓕᕆᔨᐅᔪᓄᑦ.
• ᐱᔭᕆᑐᔪᓕᕆᓂᕐᒧᑦ ᐃᑲᔪᖅᐸᒡᓗᓂᑦ ᐊᐅᓚᐅᑎᓕᕆᓂᕐᒧᓪᓗ ᕿᒥᕐᕈᕙᒡᓗᓂᑦ ᐱᓕᕆᐊᒃᓴᕐᓄᑦ ᐊᐅᓚᐅᑎᓕᕆᔨᓄᑦ ᐃᖏᕐᕋᔪᓕᕆᔨᓄᓪᓗ.
• ᑎᑎᕋᖅᐸᒡᓗᓂ ᓇᓗᓇᐃᔭᐅᑎᓂᒃ ᐊᐅᓚᐅᑎᓕᕆᓂᕐᒧᑦ ᓲᕐᓗ ᐊᐅᓚᐅᑎᓄᑦ/ᐹᑕᓖᓅᖅᑐᓄᑦ, ᐅᖅᑰᓴᐅᑎᓄᑦ, ᓂᒡᓕᓴᐅᑎᓄᑦ, ᐊᓂᐅᕈᑎᓄᑦ ᓂᐅᕕᕐᓂᐊᕐᓗᓂ. ᐃᓂᒋᔭᐅᔪᕐᒥᑦ ᐊᑐᓕᖁᔨᕙᒡᓗᓂ ᐋᖅᑭᒋᐊᕈᑎᓯᐅᖅᐸᒡᓗᓂᓗ ᖃᓄᐃᔾᔪᑕᐅᔪᓄᑦ ᐋᖅᑭᒋᐊᕈᑕᐅᔭᕆᐊᓕᖕᓄᑦ.

ᐅᑯᐊ ᐊᔪᙱᓐᓂᕆᔭᐅᔭᕆᐊᓖᑦ: 

• ᖃᐅᔨᓴᖅᑎᐅᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᐊᐅᓚᐅᓯᕆᔨᓄᑦ.
• ᐊᑎᖃᕆᐊᖃᖅᑐᖅ ᐊᐅᓚᐅᓯᕆᔨᒻᒪᕆᐅᓂᕐᒧᑦ ᐃᓚᒋᔭᐅᓕᑲᐅᑎᒋᔪᓐᓇᕆᐊᓕᒃ ᐊᐅᓚᐅᓯᕆᔨᒻᒪᕆᖕᓄᑦ ᖃᐅᔨᓴᖅᑎᓂᑦ.
• ᐊᕐᕌᒍᓄᑦ 7−ᓄᑦ ᐊᐅᓚᑦᑎᖃᑦᑕᖅᓯᒪᓗᓂ ᐊᑭᑐᔫᑎᓄᑦ ᐱᓕᕆᐊᒃᓴᓂᑦ.
• ᐅᑭᐅᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
• ᐅᖅᓱᐊᓗᖕᒨᖅᑐᒥᑦ ᐊᐅᓚᐅᓯᕆᓕᒪᒋᐊᓕᒃ.

ᐱᔪᓐᓇᖅᑕᖏᑦ:

• ᐱᓕᕆᐊᒃᓴᓂ ᐊᐅᓚᑦᑎᔨᒻᒪᕆᐅᓂᕐᒧᑦ ᐱᓕᕆᔪᓐᓇᖅᓯᑎᑕᐅᓂᖅ ᐃᑲᔫᑎᖃᕐᓂᐊᖅᐳᖅ ᐱᓇᔪᒃᑐᓄᑦ.
• ᑕᒪᐃᓐᓂᒃ ᐱᓕᕆᐊᒃᓴᕆᔭᐅᔪᒥᑦ ᐊᐅᓚᑦᑎᔨᐅᖃᑦᑕᖅᓯᒪᓗᓂ, ᐱᒋᐊᖅᑎᑕᐅᑎᓪᓗᒍ ᐱᔭᒃᓴᖅᑖᖅᑎᑕᐅᑎᓪᓗᒋᓪᓗ ᐊᑲᐅᓇᔭᖅᐳᖅ.
• ᐆᒻᒪᖅᑯᑎᖃᕐᕕᖕᒥ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
• ᐱᓕᕆᖃᑦᑕᓂᑰᒍᓂ ᐆᒻᒪᖅᑯᑎᖃᕐᕕᖕᒥ ᐊᑲᐅᓇᔭᖅᑐᖅ.

ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.

ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $133,155.90−ᒥᑦ $160,177.60-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᓪᓗᓂ $16,008.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᒥᒃ, ᐅᑯᓂᖓᓗ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.

ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.  

ᐃᖅᑲᓇᐃᔮᒃᓴᒧᑦ ᐱᓇᔪᖃᑕᐅᔪᒪᒍᕕᑦ, ᖃᕆᑕᐅᔭᒃᑯᑦ ᐱᓇᔪᖃᑕᐅᔪᓐᓇᖅᐳᓯ: :  https://qeccareers.prevueaps.ca/jobs/

ᑎᑎᖅᑲᑦᑯᑦ ᐱᓇᓱᐊᕐᓗᑎ, ᒫᔾᔨ  24, 2024 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.

ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.