ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᒻᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᓱᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᓯᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐊᐅᓚᑦᑎᔨ, ᐊᑭᓕᒃᓴᓄᑦ ᐊᒻᒪ ᓄᐊᑕᐅᔪᓄᑦ (ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ-23-032)
ᖃᒪᓂ'ᑐᐊᖅ, ᓄᓇᕗᑦ
ᐅᖃᕐᕕᖃᖅᐸᒡᓗᓂ ᐊᖓᔪᖅᖄᑉ ᑐᒡᓕᐊᓄᑦ ᑮᓇᐅᔭᓕᕆᓂᕐᒧᑦ/ᑮᓇᐅᔭᓕᕆᔨᒧᑦ, ᐊᐅᓚᑦᑎᔨ, ᐊᑭᓕᒐᒃᓴᓄᑦ ᐊᒻᒪ ᐊᑭᓕᒃᓴᕆᔭᐅᔪᓄᑦ ᑲᒪᒋᔭᖃᕐᓂᐊᖅᑐᖅ ᐸᕐᓇᐃᓂᕐᒥᒃ, ᐊᐅᓚᑦᑎᓂᕐᒥᒃ, ᐊᒻᒪ ᑎᑎᕋᕐᕕᓕᕆᓂᕐᒥᒃ ᐊᑭᓕᖅᓱᐃᕙᒃᑐᑦ ᐱᓕᕆᕝᕕᖓᓂ. ᑕᕝᕙᓂ ᐃᓂᐅᔪᒥ ᑲᒪᒋᔭᖃᖅᐸᒃᐳᖅ ᐊᐅᓚᓂᕆᔭᐅᔪᓂᒃ ᑕᕝᕙᓂ ᐱᓕᕆᕝᕕᒋᔭᐅᔪᒥ, ᐃᓚᒋᔭᐅᓗᑎᒃ ᐊᑭᓕᒐᒃᓴᐃᑦ, ᑮᓇᐅᔭᑦ ᐅᑎᖅᑐᒃᓴᑦ, ᑲᑎᑕᐅᕙᓪᓕᐊᔪᑦ, ᓂᐅᕕᖅᐸᒃᑐᓪᓗ ᑲᒪᒋᔭᐅᕙᖕᓂᖏᓐᓂᑦ. ᐱᓕᕆᐊᒃᓴᓕᒫᑦ ᐱᓕᕆᕝᕕᒋᔭᐅᔪᒥ ᐊᑐᖅᑎᐅᕙᒃᑐᑦ ᑲᒪᒋᔭᐅᕙᖕᓂᖏᓐᓄᑦ ᐱᓕᕆᕝᕕᒋᔭᐅᕙᒃᑐᒥ ᒪᓕᒃᑲᓗᐊᕐᒪᖔᑦ ᑕᒪᐃᓐᓂᑦ ᐊᑐᖅᑕᐅᔭᕆᐊᓕᖕᓂᑦ ᐱᖁᔭᕐᓄᑦ ᒪᓕᒋᐊᖃᖅᐸᒃᑐᓄᓪᓗ.
ᐱᓕᕆᐊᒃᓴᐃᑦ ᑲᒪᒋᔭᒃᓴᐃᓪᓗ:
- ᐱᕙᒌᔭᖅᐸᒃᐳᖅ, ᐋᖅᑭᒃᓱᐃᕙᒃᐳᖅ, ᐃᓂᒃᓴᓕᐅᕆᕙᒃᐳᖅ, ᐱᓕᕆᑎᑦᑎᕙᒃᖢᓂ, ᑲᒪᒋᔭᖃᖅᐸᒃᖢᓂᓗ ᐃᖅᑲᓇᐃᔭᖅᑎᓂᒃ ᐃᓚᐅᔪᓂᒃ ᐊᑭᓕᒐᒃᓴᓕᕆᔪᓂᒃ, ᑮᓇᐅᔭᑦ ᐅᑎᖅᑐᒃᓴᖏᓐᓂᒃ, ᑲᑎᑕᐅᔪᓂᒃ, ᐊᑐᖅᑎᐅᕙᒃᑐᓄᓪᓗ ᑲᒪᒋᔭᖃᖅᐸᖕᓂᕐᒥᒃ.
- ᒪᓕᒋᐊᓖᑦ ᐊᑐᖅᑕᐅᑦᑎᐊᕋᓗᐊᕐᒪᖔᑦ, ᐱᐅᔪᒻᒪᕆᖕᒥᒃ ᑭᐅᓯᑦᑎᐊᕈᓐᓇᖅᑐᒥᒡᓗ ᐱᔨᑦᑎᕋᕐᓂᕆᕙᒃᑕᖏᓐᓂᒃ ᑎᒥᐅᔫᑉ ᐱᓕᕆᕝᕕᒋᕙᒃᑕᖏᓐᓄᑦ ᑭᐅᓯᕙᒃᖢᓂᓗ ᐅᓄᖅᓯᔪᓄᑦ ᐊᑐᖅᑎᐅᕙᒃᑐᑦ ᑲᒪᒋᔭᐅᕙᖕᓂᖏᓐᓄᑦ ᐊᐱᖅᑯᑕᐅᔪᓄᑦ.
- ᐊᐅᓚᑦᑎᕙᒃᑐᑦ ᑲᔪᓯᓂᕆᔭᐅᕙᒃᑐᒥᒃ ᐊᑭᓕᒐᒃᓴᓕᐅᕐᓂᕐᒧᑦ ᐋᕿᒋᐊᕈᑎᖃᕐᓂᕐᒧᓪᓗ ᐃᑲᔫᑎᓄᑦ ᐱᓕᕆᐊᖑᕙᒃᑐᓄᑦ.
- ᐊᑐᓕᖅᑎᑦᑎᕙᒡᓗᓂ ᑲᔪᓯᑎᑦᑎᕙᒡᓗᓂᓗ ᐱᐅᔪᓂᒃ ᐊᐅᓚᑦᑎᓂᕐᒧᑦ ᑲᔪᓯᓂᕆᔭᐅᕙᒃᑐᓂᒃ ᓇᓗᙱᑦᑎᐊᕈᒪᓂᕐᒧᑦ ᑕᒻᒪᖅᑕᖅᓯᒪᙱᑦᑎᐊᕋᓗᐊᕐᒪᖔᑕ ᖃᖓᒃᑰᖅᐸᖕᓂᖏᓐᓂᒡᓗ ᑎᑎᕋᖅᓯᕙᓪᓕᐊᓂᕐᒥᒃ ᑮᓇᐅᔭᖅᑖᖑᕙᓪᓕᐊᔪᓂᒃ, ᐱᔭᐅᕙᓪᓕᐊᔪᓂᒃ, ᓇᓕᖅᑲᓂᒡᓗ.
- ᓇᐅᑦᑎᖅᓱᖅᓯᕙᒃᐳᖅ ᐊᑭᓕᒐᒃᓴᓂᒃ, ᑲᑎᑕᐅᓯᒪᔪᓂᒃ, ᑮᓇᐅᔭᐃᓪᓗ ᐅᑎᖅᑐᒃᓴᖏᓐᓂᒃ.
- ᑲᒪᒋᔭᖃᖅᐸᒡᓗᓂ ᐊᐅᓚᑦᑎᕙᒡᓗᓂᓗ ᓂᐅᕕᖅᐸᒃᑐᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐃᓕᔭᐅᔪᓄᑦ ᑮᓇᐅᔭᓄᑦ ᑎᑎᖅᓯᕕᖕᒥ.
- ᐊᐅᓚᑦᑎᕙᒃᐳᖅ ᑲᑎᖅᓱᐃᓂᕐᒧᑦ ᑲᔪᓯᐊᔾᔪᑕᐅᕙᒃᑐᓂᒃ ᒪᓕᒃᖢᓂ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᒪᓕᒋᐊᖃᖅᐸᒃᑕᖏᓐᓂᒃ ᐊᑐᕆᐊᖃᖅᐸᒃᑕᖏᓐᓂᒡᓗ ᐱᔨᑦᑎᕋᕐᕕᖃᕐᓂᐊᕐᓗᓂ.
- ᐱᕙᒌᔭᐃᕙᒃᓗᓂ ᐊᔾᔨᒌᙱᑦᑐᓂᒃ ᑭᒡᓕᓯᓂᐊᕈᑎᓄᑦ ᐅᓂᒃᑳᓂᑦ ᓲᕐᓗ ᑕᐃᒃᑯᐊ ᐊᒃᑐᐊᓂᓖᑦ ᐊᑭᓕᒐᒃᓴᓄᑦ ᐊᒻᒪ ᐊᐅᓚᐅᑎᑦ ᐊᔾᔨᒌᖏᓐᓂᖏᑦ, ᐊᐅᓚᐅᑎᑦ ᐊᒻᒪ ᐅᖅᓱᐊᓗᒃᑐᕐᓂᖅ, ᖃᔅᓯᐅᓂᖏᑦ, ᐅᓪᓗᐃᑦ ᐅᑎᖅᑐᒃᓴᖏᓐᓂᑦ, ᐊᓯᖏᓐᓂᒡᓗ.
ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:
- ᓯᓚᑦᑐᓴᕐᕕᔾᔪᐊᕐᒥᒃ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐱᓇᓱᐊᕐᕕᓕᕆᔪᓐᓇᕐᓂᕐᒧᑦ ᐅᔾᔨᕈᓱᖕᓂᕐᒥᑦ ᑮᓇᐅᔭᓕᕆᓂᕐᒥᑦ ᑮᓇᐅᔭᓕᕆᓂᕐᒧᓪᓘᓐᓃᑦ ᐃᓕᓴᕆᔭᐅᓯᒪᔪᒧᑦ ᓯᓚᑦᑐᖅᓴᕐᕕᔾᔪᐊᕐᒥ.
- ᐱᓕᕆᔨᒻᒪᕆᐅᓗᓂ ᑮᓇᐅᔭᓕᕆᓂᕐᒧᑦ ᑎᒃᑯᐊᖅᑕᐅᓯᒪᔪᖅ ᐅᕝᕙᓘᓐᓃᑦ ᐱᓕᕆᓯᒪᓂᑰᕐᔪᐊᕐᓗᓂ GAAP−ᑯᓐᓂ ᐊᒻᒪ ᐱᕙᓪᓕᐊᓂᖃᕐᔪᐊᕐᓗᓂ ᐱᔭᕇᖅᓯᓂᕐᒧᑦ ᑮᓇᐅᔭᓕᕆᓂᕐᒧᑦ ᑎᓕᔭᐅᓯᒪᓂᕐᒥᒃ.
- ᐊᕐᕌᒍᓄᑦ 7−ᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᐊᑐᖅᑎᓄᑦ ᐱᔨᑦᑎᕋᕐᓂᕐᒥᒃ ᐊᕝᕗᖅᐸᓪᓕᐊᓂᕐᒥᒡᓗ, ᐃᓚᖃᕐᓗᓂ ᐊᕐᕌᒍᓄᑦ ᑎᓴᒪᓄᑦ ᑲᒪᔨᐅᓂᑰᓗᓂ ᐃᖅᑲᓇᐃᔭᖅᑎᓂᑦ.
ᐱᕚᓪᓕᕈᑕᐅᓇᔭᖅᑐᑦ:
- ᐱᓕᕆᖃᑦᑕᖅᓯᒪᓂᑰᓂᖅ Microsoft Dynamics Great Plains−ᒧᑦ ᐱᓕᕆᔾᔪᑕᐅᕙᒃᑐᓂᒃ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓂᐊᖅᐳᖅ.
- ᐆᒻᒪᖅᑯᑎᖃᕐᕕᖕᒥ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
- ᐱᓕᕆᖃᑦᑕᓂᑰᒍᓂ ᐆᒻᒪᖅᑯᑎᖃᕐᕕᖕᒥ ᐊᑲᐅᓇᔭᖅᑐᖅ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $112,004.97−ᒥᑦ $132,778.78-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᒥᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ careers@qec.nu.ca.
ᑎᑎᖅᑲᑎᒍᑦ ᐱᓇᔪᖃᑕᐅᔪᓐᓇᖅᑐᓯ ᐅᑐᐱᕆ 13, 2023 ᑎᑭᓐᓇᓱᖕᓂᖓᓄᑦ .
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.