ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ

ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᓄᓇᕗᒻᒥ ᐃᖅᑲᓇᐃᔭᕐᓂᖅ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᒐᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᒥᒃᓴᐅᖦᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.

ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)

 (QEC-24-009)

ᖃᒪᓂ'ᑐᐊᖅ, ᓄᓇᕗᑦ

ᐅᓂᒃᑳᖅᐸᒡᓗᓂᑦ ᑮᓇᐅᔭᓕᕆᓂᕐᒧᑦ ᐊᖓᔪᖅᑳᕐᒧᑦ, ᐊᐅᓚᑦᑎᔨ, ᑮᓇᐅᔾᔭᔅᓵᑦ, ᐊᑭᓕᖅᑕᐅᔾᔪᑏᑦ ᐊᒻᒪᓗ ᐃᑲᔫᓯᐊᖅᑖᖑᕙᑦᑐᓄᑦ ᑲᒪᒋᔭᒃᓴᓕᒃ ᐃᖏᕐᕋᓂᕐᒧᑦ ᐊᐅᓚᑦᑎᓂᕐᒧᓪᓗ ᑯᐊᐳᕇᓴᒃᑯᑦ ᐊᑭᓕᐅᑎᓕᕆᔾᔪᑎᖓᓂᑦ, ᐃᑦᑐᖅᓯᐅᑎᓂᑦ, ᐃᑲᔫᑎᒃᓴᓕᕆᓂᕐᒥᒡᓗ. ᐃᖅᑲᓇᐃᔮᒃᓴᖅ ᑲᒪᒋᔭᖃᕐᒥᓗᓂ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃ ᐃᖅᑲᓇᐃᔭᓕᖅᑎᑕᐅᓵᖅᑐᑦ ᑎᑎᖅᑲᖁᑎᖏᓐᓂ ᑐᓂᓯᓂᕐᓂ, ᐃᖅᑲᓇᐃᔭᕈᓐᓃᖅᑎᑕᐅᔪᓄᑦ ᐱᕙᓪᓕᐊᔾᔪᑎᖏᓐᓂ, ᑕᒻᒪᖅᓯᒪᔪᖅᓯᐅᕐᓂᖅ ᐋᖅᑭᒃᓱᐃᓂᕐᓗ ᐊᐃᑦᑑᑎᓂᒃ ᐲᔭᖅᑕᐅᔪᓂᒃᓗ, ᑐᓂᓯᖃᑦᑕᕐᓂᖅ ᑕᖅᑭᑕᒫᑦ ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ ᐱᕚᓪᓕᕈᑎᖏᓐᓂᒃᓗ ᑮᓇᐅᔭᓕᕆᔨᒃᑯᓐᓄᑦ, ᖃᐅᔨᒪᒋᐊᕐᓗᓂ ᒪᓕᑦᑎᐊᕐᓂᕐᓂ ᑕᒪᐃᓐᓂᒃ ᒐᕙᒪᑐᖃᒃᑯᑦ ᓄᓇᕗᒻᒥᓗ ᐊᑐᐊᒐᖏᓐᓂᒃ ᐊᒻᒪ ᐃᓗᐊᓃᑦᑐᓂᒃ ᐊᑐᐊᒐᓂᒃ ᐱᓕᕆᔾᔪᓯᕐᓂᒃᓗ, ᑐᑦᑕᕐᕕᐅᓗᓂ ᑎᒥᐅᔪᒧᑦ, ᐱᕚᓪᓕᕈᑎᓕᕆᔨᓂᑦ, ᐊᒻᒪ ᓄᕐᖃᖅᑐᖅᓯᐅᑎᑦ ᐊᐅᓚᑦᑎᕕᒃ, ᐋᖅᑭᒃᓱᐃᕙᒃᓗᓂᓗ ᐊᑐᐊᒐᓂᑦ ᐱᓕᕆᔾᔪᓯᓂᒃᓗ ᐱᔭᕆᐊᓕᒃ.

ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:

• ᑲᒪᒋᔭᒃᓴᓕᒃ ᑭᖑᕙᙱᑦᑐᒃᑯᑦ, ᑕᒻᒪᖅᑕᖅᓯᒪᙱᑦᑐᒃᑯᑦ, ᒪᓕᑦᑎᐊᖅᑐᒃᑯᓪᓗ ᐊᑭᓕᖅᓱᐃᔾᔪᑎᓕᕆᓂᕐᒥᑦ ᐱᖃᓯᐅᑎᓪᓗᓂᑦ ᑮᓇᐅᔭᒃᓵᑦ, ᐃᑲᔫᑏᑦ, ᐃᑦᑐᖅᓯᐅᑏᑦ, ᐊᑭᓖᑎᑦᑎᓂᖅ, ᑖᒃᓰᔭᕈᑎᑦ, ᐊᓯᖏᓪᓗ ᐲᔭᖅᑕᐅᔭᕆᐊᓖᑦ.
• ᓇᓗᓇᐃᕆᕙᒡᓗᓂᑦ ᑮᓇᐅᔭᓕᐊᓄᑦ ᑲᒪᒋᔭᕆᐊᓕᖕᓂᑦ ᐊᖏᖅᓯᕙᒡᓗᓂ ᓈᓴᐅᓯᕆᔭᐅᔪᓂᒃ ᐃᖅᑲᓇᐃᔭᖅᑎᒧᑦ ᒐᕙᒪᑐᖃᒃᑯᓐᓄᑦ ᓄᓇᕗᒻᒧᓗ ᑮᓇᐅᔭᓕᐊᑦ ᑖᒃᓰᔭᕈᑎᖏᓐᓂᓗ, ᐃᖅᑲᓇᐃᔭᖅᑎᓪᓗ ᓇᓪᓕᐅᒃᑯᒫᖏᑦ, ᐃᖅᑲᓇᐃᔭᙱᔾᔪᑏᑦ, ᐃᖅᑲᓇᐃᔭᖅᑎᓄᓪᓗ ᐊᑭᓕᐅᑎᒋᔭᐅᔭᕆᐊᓕᖕᓄᑦ.
• ᖃᐅᔨᒪᒋᐊᕐᓗᓂ ᒪᓕᑦᑎᐊᕐᓂᕐᒥᒃ ᓇᓪᓕᐅᒃᑯᒫᑦ ᐃᓐᓇᑐᖃᐅᓯᐊᑦ ᐱᕚᓪᓕᕈᑎᐅᔭᕆᐊᓕᖏᓐᓂᒃᓗ ᑕᒪᐃᓐᓂᒃᓗ ᒪᓕᒐᖅᑎᒍᑦ ᐱᓕᕆᐊᒃᓴᐃᑦ, ᖃᐅᔨᒪᐃᓐᓇᕆᐊᖅᓯᓐᓈᑦ ᒪᓕᑦᑎᐊᕐᒪᖔᑕ ᖃᖓᒃᑰᕈᑎᖏᓐᓂᒃᓗ ᐊᑭᓕᐅᑎᓂᒃ ᑐᓂᓯᓂᕐᓂ.
• ᖃᐅᔨᒪᒋᐊᕐᓗᓂ ᐃᖅᑲᓇᐃᔮᖓ ᐃᖅᑲᓇᐃᔭᕐᕕᐅᑉ ᐱᓕᕆᐊᖑᓗᓂ ᒪᓕᑦᑎᐊᕐᓗᑎᒃ ᑕᒪᐃᓐᓂᒃ ᒐᕙᒪᑐᖃᒃᑯᓐᓄᑦ ᓄᓇᕗᒻᒥᓗ ᐱᖁᔭᑎᖏᒍᑦ ᐊᑐᐊᒐᖏᓐᓂᒃᓗ, ᐊᒻᒪᓗᑦᑕᐅᖅ ᐃᓗᐊᓃᑦᑐᓂᒃ ᐊᑐᐊᒐᓂᑦ ᐱᓕᕆᔾᔪᓯᖏᓐᓂᒃᓗ.
• ᐋᖅᑭᒃᓯᕙᒃᓗᓂ ᑮᓇᐅᔭᓕᕆᔪᓂᒃ ᐃᓕᐅᖅᑲᐃᓂᕐᓂᐱᐊᓂᒃᑎᓪᓗᒍ ᐊᑭᓕᖅᑕᐅᓐᓇᕐᓇᖅᑐᓕᒫᑦ ᑐᓂᓯᓂᐊᕐᓂᕐᓄᑦ ᕿᒥᕐᕈᔭᐅᓗᑎᒃᓗ ᐊᖏᔪᖅᑳᖅ ᑮᓇᐅᔭᓕᕆᓂᕐᒧᑦ.
• ᕿᒥᕐᕈᓃᑦ ᐋᖅᑭᒃᓱᐃᓃᓪᓗ ᐃᖅᑲᓇᐃᔭᖅᑎᑦ ᐊᕐᕌᒍ ᐃᓱᓕᑎᓪᓗᒍ ᑖᒃᓰᔭᐅᑎᑦ ᑎᑎᕋᖏᓐᓂ ᐊᑭᓕᖅᑐᓕᕆᔨᒃᑯᓐᓂ.
• ᓇᓗᓇᕆᕙᒡᓗᓂᑦ ᑕᒻᒪᖅᑕᓯᒪᙱᑦᑐᓂᒃ ᕿᓚᒻᒥᐅᔪᒃᑯᓪᓗ ᐱᓕᕆᐊᖑᒐᓗᐊᕐᒪᖔᑦ ᐃᖅᑲᓇᐃᔭᓕᓵᖅᑐᑦ, ᐊᓂᑕᐅᔪᑦ, ᐊᓯᔾᔨᖅᑐᓄᓪᓗ ᐊᑭᓕᐅᑎᓄᑦ.

ᐱᔪᓐᓇᐅᑎᒋᔭᐅᔭᕆᐊᓖᑦ ᒪᑯᐊᖑᕗᑦ: 

• ᐊᓂᒍᐃᔾᔪᑎᖃᕐᓗᓂᑦ ᑮᓇᐅᔭᓕᕆᔨᐅᓂᕐᒥᑦ, ᓇᖕᒥᓂᖅ ᐊᐅᓚᑦᑎᔨᐅᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒥᑦ, ᐊᔾᔨᐸᓗᖓᓂᓘᓐᓃᑦ.
• ᐅᑭᐅᑦ ᑕᓪᓕᒪᓄᑦ ᐃᖅᑲᓇᐃᔭᕐᓂᑰᓗᓂᑦ ᐊᑭᓕᖅᓱᐃᔾᔪᑎᓕᕆᓂᕐᒥᑦ, ᐃᑦᑐᖅᓯᐅᑎᓄᑦ, ᐃᑲᔫᑎᓄᓪᓗ.
• ᐊᕐᕌᒍᓄᑦ ᒪᕐᕉᖕᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.

ᐱᔪᓐᓇᖅᑕᖏᑦ:

• ᐃᓕᓴᕆᔭᐅᔾᔪᑎᖃᕈᓂᑦ ᑮᓇᔾᔭᒃᓵᓂᑦ ᐊᐅᓚᑦᑎᔨᐅᓂᕐᒧᑦ (CPM) ᑮᓇᐅᔾᔭᒃᓵᓄᓪᓘᓐᓃᑦ ᒪᓕᒃᑎᑦᑎᔨᐅᓂᕐᒥᑦ (PCP) ᐊᑲᐅᓇᔭᖅᐳᖅ.
• ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐊᑲᐅᑦᑎᐊᕋᔭᖅᑐᖅ.
• ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔪᕐᓂᖃᕋᔭᖅᑐᖅ.

ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.

ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $108,947.64−ᒥᑦ $128,221.86-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $24,281.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.

ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.  

ᐱᓇᓱᒡᓗᑎᑦ: https://qeccareers.prevueaps.ca/jobs/

ᑎᑎᖅᑲᑦᑯᑦ ᐱᓇᓱᐊᕐᓗᑎᑦ ᐊᐃᕐᕆᓕ 19, 2024 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.

ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.