Deadline
2018-07-13
Location
ᖃᒪᓂ'ᑐᐊᖅ
Email
ᑕᐅᑐᙳᐊᕐᓗᑎᑦ ᐃᖅᑲᓇᐃᔮᖃᕐᓗᑎᑦ ᖁᕝᕙᓯᒃᑎᒋᐊᕐᓗᒍ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ. ᑕᐃᒪᓐᓇᑦᑎᐊᖅ ᐱᓇᔭᖅᑐᑎᑦ ᑲᑎᒍᑎᒍᕕᒋᒃ ᖃᐅᔨᒪᓂᑎᑦ ᐃᖅᑲᓇᐃᔮᕆᔪᒪᔭᒃᒧᓪᓗ ᐱᕙᓪᓕᐊᓂᖅ, ᐃᓐᓇᕐᓄᑦ ᐃᓕᑦᑎᕙᓪᓕᐊᓂᖅ, ᑲᑎᒪᔨᓕᕆᓂᕐᓂ ᒪᑭᐅᒪᐃᓐᓇᕈᑎᒃᓴᓄᓪᓗ ᐊᕙᑎᓕᒃ ᓄᓇᕗᒻᒥ ᐃᓂᖓᓄᐊᕐᓗᒋᑦ ᑐᕌᕆᔭᑦ ᐱᓕᕆᐊᒃᓴᑦ ᐅᐸᓗᖓᐃᔭᐅᑎᓪᓗ.
ᐅᖃᖅᐸᒃᓗᓂ ᑕᐃᑯᖓᑦᑎᐊᖅ ᑐᑭᒧᐊᒃᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᑦ, ᑕᑯᓂᐊᖅᑕᑦ ᐋᖅᑭᒃᓯᒪᓂᖓ, ᐊᑐᓕᖅᑎᑦᑎᓂᖅ ᐊᑐᖅᑎᑦᑎᓂᕐᓗ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᕙᒌᔭᐅᑦ ᐱᓕᕆᐊᒃᓴᓪᓗ ᑐᕌᕆᓗᒋᑦ, ᐱᔪᒪᓕᖅᑎᓪᓗᒋᑦ ᐃᑲᔪᖅᓱᕐᓗᒋᓪᓗ ᓄᓇᕗᒻᒥ ᐃᓄᐃᑦ ᓯᕗᓂᒃᓴᒧᑦ ᐃᖅᑲᓇᐃᔮᓄᑦ ᐊᑯᓂᐅᔪᒃᑯᓪᓗ ᐃᖅᑲᓇᐃᔮᖅᑖᕆᔪᒪᔭᖏᓐᓄᑦ ᐱᕕᒃᓴᓂᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ, ᐊᒻᒪᓗᑦᑕᐅᖅ ᐃᓕᓐᓂᐊᖅᑎᓪᓗᒋᑦ ᑲᔪᖏᖅᓴᕐᓗᒋᓪᓗ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᒃᓴᓄᑦ ᐃᓚᐅᖃᑕᐅᔪᑦ ᐱᖁᓪᓗᒋᑦ ᑲᔪᓯᔪᑦ ᐱᓕᕆᔨᒻᒪᕆᐅᓂᕐᒧᑦ ᐱᕈᖅᐸᓪᓕᐊᓂᕐᒥ. ᑕᑎᒋᓂᐊᖅᑕᑦ ᐃᑲᔪᖅᑕᐅᓂᕐᒧᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᒃᓴᓄᑦ ᐊᐅᓚᑦᑎᔨᖓ, ᐱᓕᕆᖃᑎᒋᑦᑎᐊᕐᓗᒍᓗ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᒃᓴᓄᑦ ᑲᑎᒪᔨᕋᓛᑦ ᐃᒃᓯᕙᐅᑕᖓ ᐊᑐᖅᑎᑦᑎᓂᕐᓂ ᐃᖅᑲᓇᐃᔮᕆᔪᒪᔭᕐᓄᑦ ᐱᕙᓪᓕᐊᑎᑦᑎᓂᖅ ᐱᕙᒌᔭᐅᑦᒥ, ᐃᓄᐃᑦ ᓯᕗᓕᖅᑎᐅᓂᕐᒧᑦ ᐱᕙᓪᓕᐊᑎᑦᑎᓂᖅ ᐱᓕᕆᐊᒃᓴᖅ, ᐃᓕᓐᓂᐊᖅᐸᓪᓕᐊᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᐱᓕᕆᐊᒃᓴᖅ, ᐊᐅᔭᒃᑯᑦ ᐃᖅᑲᓇᐃᔭᓚᐅᑲᖕᓂᐊᖅᑐᖅ ᐃᓕᓐᓂᐊᖅᑎ ᐱᓕᕆᐊᒃᓴᖅ ᐊᒻᒪ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᓕᕆᐊᒃᓴᓄᑦ ᑲᑎᒪᔨᕋᓛᑦ.
ᑲᔪᓯᑦᑎᐊᕐᓂᖅ ᖃᐅᔨᒪᓂᕐᓗ ᓅᑎᑦᑎᓂᕐᒧᑦ ᐱᕙᒌᔭᕐᓂᖅ ᓯᕗᓪᓕᐅᑎᔭᒃᓴᐅᓂᐊᖅᑐᖅ ᐋᖅᑭᒃᓱᕈᕕᐅᒃ ᐊᑐᓕᖅᑎᓪᓗᒍᓗ ᐃᓚᓕᐅᔾᔭᐅᓯᒪᔪᑦ, ᐊᑐᖃᑦᑕᖅᑐᓂ ᐊᑐᕆᐊᕈᑎ ᖃᐅᔨᓂᕐᓂ, ᐱᕙᓪᓕᐊᑎᑦᑎᓂᕐᓂ ᐱᓯᒪᓕᕐᓗᒋᑦ ᐱᔪᓐᓇᖅᑐᑦ ᐊᔪᙱᑦᑐᓪᓗ ᐃᓄᐃᑦ ᐃᖅᑲᓇᐃᔭᖅᑏᑦ ᑐᑭᓕᕇᒃᑎᓪᓗᒋᑦ ᒫᓐᓇᓕᓴᕐᓄᑦ ᐱᓕᕆᐊᒃᓴᓕᐊᓄᓪᓗ ᓇᖕᒥᓂᖅᓱᕐᓂᕐᒧᑦ ᑐᕌᒐᒃᓴᓂᑦ.