ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᐊᑐᑦᑎᐊᖏᓐᓇᕈᓐᓇᖅᑐᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐱᓕᕆᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᑦᓱᒋᑦ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ 25−ᓂᒃ ᐃᓛᒃᑰᖅᖢᑎᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᑕᒪᐃᓐᓂᒃ ᓄᓇᓕᓕᒫᓂᒃ ᓄᓇᕗᒻᒥ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ 21-029 ᐊᐅᓚᑦᓯᔨ, ᐃᖃᓇᐃᔭᖅᑎᑦᓴᕐᓯᐅᕐᓂᕐᒧᑦ ᐃᖃᓇᐃᔭᖅᑎᖃᕐᓂᕐᓗ
ᐃᖃᓗᓐᓃᓪᓗᓂ, ᓄᓇᕗᒻᒥ ᖃᐅᔨᒃᑲᐅᑎᖃᑦᑕᕐᓗᓂᓗ ᑐᑭᒧᐊᑦᑎᑦᓯᔨᖓᓄ ᐃᖅᑲᓇᐃᔭᖅᑐᓕᕆᔨᒃᑯᑦ, ᐊᐅᓚᑦᓯᔨ, ᐃᖅᑲᓇᐃᔭᖅᑎᑦᓴᕐᓯᐊᕐᓂᕐᒧᑦ ᐃᖅᑲᓇᐃᔭᖅᑎᖃᕐᓂᕐᓗ ᑲᒪᒋᔭᖃᕐᓂᐊᖅᑐᖅ ᐊᐅᓚᑦᓯᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᓱᓕᕆᓂᐅᔪᓂᑦ ᐊᑐᓕᖅᑎᑦᓯᓂᕐᒧᓪᓗ ᖃᓄᐃᓕᐅᕈᑕᐅᔪᒪᔪᓂᑦ ᐱᕕᖃᖅᑎᑦᓯᓂᕐᒧᑦ ᐱᔨᑦᓯᕋᕐᓂᕐᒧᑦ ᑲᔪᓯᑎᑦᓯᓂᕐᒧᑦ ᓇᓗᓇᐃᖅᓯᓂᕐᒧᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᓈᒻᒪᒃᑐᓂᑦ ᐱᖃᖁᓪᓗᒋᑦ ᑲᔪᓯᑎᑦᓯᓂᕐᒧᑦ ᐱᔨᑦᑎᕋᑦᑕᐅᔭᕆᐊᖃᓪᓚᕆᑦᑐᓄᑦ ᐱᓕᕆᐊᓄᓪᓗ ᓄᓇᕗᒻᒥᐅᓄᑦ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᕐᒥᔪᖅ ᖃᓄᖅᑑᕈᑎᒃᓴᓄᑦ ᐱᕙᒌᔭᕐᓂᕐᒧᑦ, ᐊᐅᓚᑦᓯᓂᕐᒧᑦ ᐃᖅᑲᓇᐃᔮᓄᑦ ᖃᐅᔨᓴᕐᓂᕐᒧᑦ, ᐅᖃᐅᔾᔨᒋᐊᖃᑦᑕᕐᓂᕐᒧᑦ ᑲᑐᔾᔨᖃᑎᒌᓄᑦ ᓴᓇᒪᓂᖏᓐᓄᑦ, ᐊᑐᐊᒐᕐᓄᑦ, ᐱᓕᕆᔾᔪᓯᕐᓄᓪᓗ ᐱᕙᓪᓕᐊᑎᑦᓯᓂᕐᒧᑦ.
ᐱᔭᑦᓴᐃᑦ ᑲᒪᒋᔭᑦᓴᐃᓪᓗ:
• ᓇᓗᓇᐃᔭᐃᓂᕐᒥᑦ ᐃᖃᓇᐃᔭᖅᑏᑦ ᐱᓕᒻᒪᒃᓴᕐᐸᒃᑕᖏᓐᓂᒃ ᓂᕈᐊᕆᔭᐅᔪᓂ ᒪᓕᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᐱᖁᔭᖅ ᐊᒻᒪᓗ ᒐᕙᒪᓄᑦ ᒪᓕᒃᑕᐅᔭᕆᐊᓖᑦ, ᑭᒃᑯᑐᐃᓐᓇᕐᓄᑦ ᐃᓚᐃᓐᓈᖅᑕᐅᒋᐊᖃᖏᓐᓂᕐᒧᑦ ᒪᓕᒐᖅ, ᑐᑭᓯᒋᐊᕈᓐᓇᕐᓂᕐᒧᑦ ᐊᒻᒪ ᓴᐳᑎᔭᐅᓯᒪᓂᖏᓐᓄᑦ ᑲᓐᖑᓇᖅᑐᓕᕆᓂᕐᒧᑦ ᐱᖁᔭᖅ (ATIPP) ᓄᓇᕗᒻᒥ ᐊᖏᕈᑏᑦ, ᑲᑐᔾᔨᖃᑎᒌᓪᓗᑎᒃ ᐊᖏᖃᑎᒌᒍᑎᖓᑦ, ᐊᓯᖏᓐᓄᓪᓗ ᐊᑐᕆᐊᓖᑦ ᒪᓕᒋᐊᓖᓪᓗ ᐃᖅᑲᓇᐃᔭᕐᓂᕐᒧᑦ, ᐊᔾᔨᒌᖏᑦᑐᓂᓪᓗ ᐊᑐᐊᒐᓕᕆᔪᓂ ᐱᓕᕆᔾᔪᓯᕆᔭᐅᔪᓂᓗ ᐊᐅᓚᑦᑎᔪᑏᑦ ᐃᖃᓇᐃᔭᖅᑎᒃᓴᖅᓯᐅᑎᓄᑦ ᐱᓕᕆᐊᖅ.
• ᐅᖃᖃᐅᑎᖃᑦᑕᕐᓗᓂ ᐊᐅᓚᑦᓯᔨᓂᑦ ᐅᖃᐅᓯᖃᕐᓂᕐᒧᓪᓗ ᐃᖅᑲᓇᐃᔭᖅᑎᑦᓴᕐᓯᐅᕐᓂᕐᒧᑦ ᐱᕙᒌᔭᕐᓂᕐᒧᑦ ᐃᖅᑲᓇᐃᔭᖅᑎᖃᕐᓂᕐᓗ ᐱᔭᕆᐊᖃᖅᑐᓂᑦ, ᓇᓗᓇᐃᖅᓯᓂᕐᒧᓪᓗ ᓇᓖᕋᕈᓐᓇᕐᓗᓂ ᐊᑐᐃᓐᓇᐅᑎᑦᓯᓂᕐᒧᑦ ᐃᓱᒪᓕᐅᕐᓂᕐᒧᓪᓗ ᓈᒻᒪᑦᑐᓂᑦ ᐱᓕᕆᐊᑦᓴᓄᑦ ᐱᔭᕆᐊᓕᓐᓄᑦ ᓇᓕᒧᒐᓗᐊᕐᒪᖔᑕᓘᓐᓃᑦ ᑐᕌᒐᕆᔭᐅᔪᓂᑦ ᐱᔪᓐᓇᕐᓂᖅᑖᖅᐸᓪᓕᐊᓂᕐᒧᑦ ᖁᓪᓕᒃᑯᓪᓗ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒧᑦ ᐱᕙᒌᔭᐅᑏᑦ.
• ᐊᐅᓚᑦᓯᓂᕐᒧᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᓄᑦ ᐃᓇᖏᑦᓯᓂᕐᒧᓪᓗ ᐃᖅᑲᓇᐃᔭᕐᓂᕐᒧᑦ ᐱᓕᕆᐊᓂᑦ ᐊᒻᒪᓗ ᐅᐱᕐᖔᒃᑯᑦ ᐃᓕᓐᓂᐊᖅᑎᓄᑦ ᐱᓕᕆᐊᖓ (SSP) ᐃᓚᒋᓗᒍ ᐊᑦᑐᐊᓂᖃᖅᑐᓄᑦ ᑮᓇᐅᔭᓄᑦ ᐊᑐᖅᑐᑦᓴᓄᑦ, ᓅᑎᑕᐅᔪᓄᑦ ᐱᓕᕆᐊᖑᔪᓄᑦ ᐃᓚᒋᓗᒍ ᐊᑦᑐᐊᓂᖃᖅᑐᓄᑦ ᑮᓇᐅᔭᓄᑦ ᐊᑐᖅᑐᑦᓴᓄᑦ, ᐊᒻᒪᓗ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᖁᑦᓯᓂᖅᓴᒧᑦ ᐅᓐᓂᕐᓗᑦᑕᐅᔪᓄᑦ ᐱᓕᕆᕙᓪᓕᐊᓂᖏᓐᓄᑦ.
• ᐱᕙᓪᓕᐊᑎᑦᓯᓂᕐᒧᑦ ᐋᖅᑭᒋᐊᕆᓂᕐᒧᓪᓗ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᑦ, ᓴᖅᑭᑎᑦᓯᓂᕐᒧᑦ ᑐᑦᓯᕋᐅᑕᐅᔪᓂᒃ ᐃᓱᒪᓕᐅᕈᑎᑦᓴᓄᑦ (RFDs) ᐃᖃᓇᐃᔭᓕᖅᑎᑕᐅᑐᐃᓐᓇᖅᑐᓄᑦ, ᐃᖅᑲᓇᐃᔮᕐᓂᑦ ᓴᖅᑭᑎᑦᓯᓂᕐᒧᑦ ᑲᑐᔾᔨᖃᑎᒌᓂᓪᓘᓐᓃᑦ ᐊᓯᔾᔨᕐᓂᐅᔪᓄᑦ.
• ᖃᐅᔨᓇᓱᐊᕐᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ, ᐊᑐᓕᖅᑎᑦᓯᓂᕐᒧᑦ, ᐊᒻᒪᓗ/ᐅᕝᕙᓗᓃᑦ ᐊᖅᑮᒋᐊᕆᓂᕐᒧᑦ ᐃᖅᑲᓇᐃᔭᖅᑎᑦᓯᓂᕐᒧᑦ, ᐱᓕᕆᔾᔪᓯᕐᓄᑦ, ᐱᓕᕆᐊᖑᕙᓪᓕᐊᔪᒪᔪᓄᓪᓗ.
• ᓯᕗᓕᖅᑎᐅᓂᕐᒧᑦ ᐃᖅᑲᓇᐃᔮᓄᑦ ᒪᑐᐃᖓᔪᓄᑦ ᓇᓗᓇᐃᖅᑕᐅᓯᒪᔪᓄᑦ ᐊᐅᓚᑦᓯᓂᕐᒧᓪᓗ ᐃᖅᑲᓇᐃᔮᕐᓂᑦ, ᐱᔭᕆᐊᖃᕋᐃᑉᐸᑦ.
• ᑐᑦᑕᕐᕕᖃᕐᓂᖅ ᒐᕙᒪᒃᑯᓐᓂᑦ ᓄᓇᕗᒻᒥ ᓯᕗᒻᒧᐊᖃᑎᒌᑦ ᐱᓕᕆᕝᕕᖓᓂᑦ ᐱᔾᔪᑎᒋᓗᒍ ᐃᓄᓐᓂᒃ ᐃᖅᑲᓇᐃᔭᖅᑎᑖᖅᐸᓪᓕᐊᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓄᑦ.
• ᐱᔭᕇᖅᓯᖃᑦᑕᕐᓗᓂ ᐱᓕᕆᕝᕕᒻᒥ ᕿᒥᕐᕈᔭᐅᔪᓂᒃ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᐃᖅᑲᓇᐃᔮᑦᓴᓂᑦ ᐱᐅᓂᖓᓄᓪᓗ ᐃᓘᓐᓇᖏᓐᓂᒃ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᖃᓄᐃᓕᐅᕐᓂᐅᔪᓄᑦ ᓯᕗᕐᖓᒍᑦ ᓴᖅᑭᔮᖅᑎᑕᐅᓚᐅᖅᑎᓐᓇᒋᑦ.
• ᑲᒪᒋᔭᖃᕐᓂᕐᒧᑦ ᐃᖅᑲᓇᐃᔮᓄᑦ ᖃᐅᔨᓴᕐᓂᕐᒧᑦ, ᐅᖃᐅᔾᔨᒋᐊᕐᓕᕐᓄᑦ ᑲᑐᔾᔨᖃᑎᒌᑦ ᓴᓇᒪᓂᖏᓐᓂᑦ ᖃᐅᔨᓴᕐᓂᕐᒧᓪᓗ ᐊᑦᑐᖅᑕᐅᓯᒪᔪᓄᑦ.
• ᐱᕙᓪᓕᐊᑎᑦᓯᓂᕐᒧᑦ ᐊᐅᓚᑦᓯᓂᕐᒧᓪᓗ ᓈᒻᒪᑦᑎᑕᐅᓯᒪᔪᓂᑦ ᐃᓚᓕᐅᑎᓂᕐᒧᑦ ᐱᓕᕆᐊᖑᕙᑦᑐᒥ ᐃᓚᖃᖅᑐᒥ ᑎᒥᖁᑎᐅᑉ ᐱᐅᓯᕆᔭᐅᕙᓚᐅᖅᑐᑦ, ᐊᑐᐊᒐᓗᐊᑕᖏᑦ, ᐊᓪᓚᕝᕕᒻᒥᓗ ᒪᓕᑦᑕᐅᔭᕆᐊᖃᓪᓚᕆᑦᑐᓂᑦ, ᐊᓯᖏᓐᓂᓪᓗ.
• ᐊᑐᐃᓐᓇᕈᖅᑎᕆᓂᕐᒧᑦ ᖃᐅᔨᒃᑲᐅᑎᖃᑦᑕᕐᓂᕐᒧᓪᓗ ᐃᖅᑲᓇᐃᔭᖅᑎᓴᖅᓯᐅᖅᑎᓄᑦ ᐊᖏᓂᖓᒍᓪᓗ ᑭᓪᓕᓯᓂᐊᕈᑎᑦ ᖁᑦᓯᓂᖅᓴᒥ ᐊᐅᓚᑦᑎᔨᓄᑦ, ᑲᑎᒪᔨᓄᑦ, ᒐᕙᒪᒃᑯᓐᓄᑦ ᓄᓇᕗᒻᒥ ᐊᒻᒪᓗ ᒥᓂᔅᑕᐃᑦ ᑲᑎᒪᔨᖏᑦ ᐱᔭᕆᐊᖃᕋᐃᑉᐸᑦ.
ᐅᑯᐊ ᐊᔪᙱᓐᓂᕆᔭᐅᔭᕆᐊᓖᑦ:
• ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᕌᓂᒍᓯᐊᖃᕐᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ, ᓇ7ᒥᓂᖃᕐᕕᖕᓂ ᐊᓪᓚᕝᕕᓕᕆᓂᕐᒧᑦ, ᐊᑦᑐᐊᓂᖃᖅᑐᓂᓪᓘᓐᓃᑦ ᐋᖅᑭᒃᓱᐃᓂᕐᒧᑦ.
• ᑕᓪᓕᒪᑦ ᐊᕐᕌᒍᐃᑦ ᐱᓕᕆᖃᑦᑕᖅᓯᒪᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᐊᐅᓚᑦᓯᓂᕐᒥᓪᓗ ᐃᖅᑲᓇᐃᔭᖅᑎᑦᓴᕐᓯᐊᕐᓂᕐᒧᑦ ᐃᖅᑲᓇᐃᔭᖅᑎᖃᕐᓂᕐᓗ ᐱᓕᕆᐊᓄᑦ.
• ᐊᕐᕌᒍᓄᑦ ᒪᕐᕉᓐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
ᐱᔪᓐᓇᖅᑕᖏᑦ:
• ᐱᓕᕆᔨᒻᒪᕆᐅᓂᕐᒧᑦ ᑐᕌᖅᑎᑦᑎᓂᖅ ᓲᕐᓗ ᐸᐃᑉᐹᖅᑖᖅᓯᒪᔪᖅ ᐱᓕᕆᔨᒻᒪᕆᒃ ᐃᖅᑲᓇᐃᔭᖅᑐᓕᕆᓂᕐᒧᑦ (CPHR) ᐃᑲᔪᕐᓂᖃᕋᔭᖅᐳᖅ.
• ᐱᓕᕆᖃᑦᑕᖅᓯᒪᓂᑰᓗᓂ ᑲᑐᔾᔨᖃᑎᒌᑦᑐᓂᑦ ᒐᕙᒪᒃᑯᓐᓄᓪᓗ ᐊᐅᓚᑕᐅᔪᓂ ᐃᑲᔪᕐᓂᖃᕋᔭᖅᐳᖅ.
• ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖓᓂ ᐊᒻᒪ ᐃᓕᖅᑯᓯᖓᓂᒃ.
• ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ/ᐅᕝᕙᓗᓃᑦ ᐅᐃᕖᑎᑦᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $106,587.00−ᒥ $126,340.50−ᒧ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᑦᓱᑕ $15,016−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᓪᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᓱᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᑎᑎᖅᑲᒃᑯᑦ ᐱᓇᓱᐊᕐᓗᑎᑦ, ᔪᓚᐃ 9, 2021 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.