ᐱᔪᒥᓇᒃᑲᓐᓂᖅᑐᒥᒃ ᐃᖅᑲᓇᐃᔮᖃᕆᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐊᑭᓕᒃᓴᕆᔭᐅᔪᓄᑦ ᑲᒪᔨ (QEC 23-013)- ᓴᖅᑭᑕᐅᒃᑲᓐᓂᖅᑐᖅ
ᑲᖏᖅᖠᓂᖅ, ᓄᓇᕗᑦ
ᑲᖏᖅᖠᓂᖅ, ᓄᓇᕗᒻᒦᖦᖢᓂᑦ ᐊᖓᔪᖅᑳᖃᖅᖢᓂᓗ ᐊᐅᓚᑦᑎᔨᒥᒃ, ᐊᑮᑦᑐᓕᕆᔨᓄᑦ ᐊᑮᑦᑐᐃᔭᐃᑎᑦᑎᔨᓄᓪᓗ, ᐊᑮᑦᑐᐃᔭᐃᑎᑦᑎᔨᓄᑦ ᐊᖓᔪᖅᑳᖅ ᑲᒪᒋᔭᒃᓴᖃᖅᐳᖅ ᓯᕗᒃᑲᖅᑕᐃᓂᕐᒥᑦ ᐊᑮᑦᑐᐃᔭᐃᑎᑦᑎᓂᕐᒥᑦ ᑕᒪᐃᓐᓄ, ᖄᖏᐅᑎᓯᒪᔪᓄᑦ, ᐊᑐᕈᓐᓃᖅᑐᓄᓪᓗ ᖃᐅᒻᒪᖅᑯᑎᖃᐅᑎᓂᒃ ᓄᓇᕗᒻᒥ. ᐃᖅᑲᓇᐃᔮᓕᒃ ᑲᒪᒋᔭᒃᓴᖃᕆᕗᖅ ᐱᔨᑦᑎᕋᖃᑦᑕᕐᓂᕐᒧᑦ ᐱᔪᓐᓇᐅᑎᖃᕐᓂᖅᓴᑐᑦ ᖃᐅᒻᒪᖅᑯᑎᖃᖅᑏᑦ ᐊᐱᖅᑯᑎᒋᔭᖏᑦ ᐊᖓᔪᖅᑳᖑᔪᓄᑦ ᑭᓯᐊᓂ ᑭᐅᔭᐅᔪᓐᓇᖅᑎᓪᓗᒋᑦ, ᓲᕐᓗ ᐊᑮᑦᑐᒋᔭᐅᔪᑦ ᐊᑲᐅᙱᓕᐅᕈᑕᐅᑎᓪᓗᒋᑦ, ᐊᑭᓕᖅᓱᐃᕙᓪᓕᐊᓂᕐᒧᑦ ᐱᕙᒌᔭᐅᑎᓕᕆᓂᖅ, ᐊᑮᑦᑐᐃᔭᐃᑎᑦᑎᓂᖅ ᐊᖏᔪᓂᒃ ᐃᒡᓗᒋᔭᐅᔪᓄᑦ, ᓴᓇᕝᕕᖕᓄᑦ, ᒐᕙᒪᐅᓪᓗ ᖃᐅᒻᒪᖅᑯᑎᖃᐅᑎᖏᓐᓂᒃ, ᖃᓄᐃᓕᐅᕈᑕᐅᓕᕈᓂᓗ ᑲᒪᒋᔭᐅᓇᓱᐊᕐᓗᓂᑦ ᐊᑮᑦᑐᒋᔭᐅᔪᖅ ᒪᓕᒡᓗᓂᑦ ᓇᓗᓇᐃᖅᓯᒪᔪᓂᒃ ᖁᓪᓕᒃᑯᑦ ᒪᓕᒋᐊᓕᖁᑎᖏᓐᓂᑦ ᐱᔨᑦᑎᕋᖕᓂᕐᒧᑦ.
ᐱᔭᒃᓴᐃᑦ ᑲᒪᒋᔭᒃᓴᐃᓪᓗ:
- ᑲᒪᒋᔭᖃᖅᐸᒡᓗᓂᑦ ᐊᑮᑦᑐᐃᔭᐃᑎᑦᑎᓂᕐᒥᑦ ᐊᖏᓂᖅᓴᓄᑦ ᐃᒡᓗᖃᖅᑎᓄᑦ ᐃᖅᑲᓇᐃᔭᕐᕕᖕᓄᓪᓗ ᖃᐅᒻᒪᖅᑯᑎᖃᐅᑎᒋᔭᐅᔪᓄᑦ ᓲᕐᓗ ᐱᓯᒻᒥᔭᐅᔪᓄᑦ ᒐᕙᒪᒥᑦ, ᕼᐋᒻᒪᓚᓂᑦ, ᓄᓇᓕᖕᓂᓪᓗ ᓇᖕᒥᓂᖁᑎᒋᔭᐅᔪᓂᒃ.
- ᕿᒥᕐᕈᕙᒃᖢᓂ ᓄᑕᐅᔪᓐᓃᖅᑐᓂᒃ ᑮᓇᐅᔭᓄᑦ ᐱᔭᐅᕙᓪᓕᐊᔭᕆᐊᓕᖕᓂᒃ ᑕᒪᐃᓐᓂ ᐊᑐᓂᑦ ᓄᓇᓕᖕᓂ ᖃᖓᙳᕌᖓᑦ, ᖃᐅᔨᒋᐊᕐᕕᖃᖅᐸᒃᖢᓂ ᐊᑐᖅᑎᐅᕙᒃᑐᓂᒃ ᑕᐃᒪᐃᑦᑕᕆᐊᖃᕌᒐᒥ, ᐋᔩᖃᑎᖃᕋᓱᒃᐸᒃᖢᑎᒡᓗ ᐊᑭᓖᓂᕐᒧᑦ ᐋᖅᑭᒃᓱᖅᑕᐅᓯᒪᔪᓂᒃ ᐊᑐᖅᑎᐅᕙᒃᑐᓄᑦ.
- ᐊᑮᑦᑐᐃᔭᐃᑎᑦᑎᓂᕐᒧᑦ ᑎᑎᖅᑲᓕᐅᖅᐸᒃᖢᓂᑦ ᑕᒪᐃᓐᓄ ᐃᒡᓗᖃᖅᑎᓄᑦ ᐃᖅᑲᓇᐃᔭᕐᕕᖕᓄᓪᓗ ᐆᒻᒪᖅᑯᑎᖃᐅᑎᖏᑦ ᖄᖏᐅᑎᓯᒪᔪᓄᑦ ᐅᓪᓗᑦ 60 ᐅᖓᑖᓄᑦ ᐋᔩᖃᑎᒋᓗᒋᓪᓗ ᐊᑭᓕᖅᓱᐃᔾᔪᑎᒃᓴᖏᓐᓂᑦ.
- ᖃᐅᔨᓇᓱᐊᖅᐸᒡᓗᓂᑦ ᐊᑲᐅᙱᓕᐅᕈᑕᐅᔪᓄᑦ ᐊᑯᓂᐅᔪᒧᓪᓗ ᐊᑮᑦᑐᕆᔭᐅᔪᓂᑦ ᑭᒡᓕᓯᓂᐊᕐᓗᒋᓗ ᐊᑮᑦᑐᓕᐊᕕᓂᖏᑦ ᑎᑎᖅᑲᖁᑎᖏᓪᓗ ᐱᔭᕆᑐᔪᑦ ᐆᒻᒪᖅᑯᑎᖃᐅᑏᑦ ᓇᓗᓇᐃᖁᓪᓗᒋᑦ ᑕᒻᒪᖅᑕᖅᓯᒪᙱᑦᑐᒃᑯᑦ ᐊᑭᓕᐅᑕᐅᖃᑦᑕᕐᓂᕐᒪᖔᑦ ᓯᕗᓂᒃᓴᒥᓪᓗ ᐊᑭᓕᖅᓱᒐᒃᓴᖏᑦ.
- ᕿᒥᕐᕈᕙᒡᓗᒋᑦ ᐊᑐᕈᓐᓃᑦᑐᑦ ᖃᐅᒻᒪᖅᑯᑎᖃᐅᑏᑦ ᐃᓕᐅᖃᖅᐸᒡᓗᒋᑦ ᐊᑭᓕᐅᑕᐅᔪᑦ ᐊᑮᑦᑐᖃᕐᕕᐅᔪᓄᑦ, ᐱᖃᓯᐅᑎᓗᒋᑦ ᕿᒥᕐᕈᖃᑦᑕᕐᓂᖅ ᐊᑐᕈᓐᓃᖅᓯᒪᔪᑦ ᑭᖑᓂᑦᑎᓐᓂᓗ ᖃᐅᒻᒪᖅᑯᑎᖃᐅᑎᕕᓂᕐᓂᑦ ᐊᑮᑦᑐᑐᖃᕆᔭᐅᔪᑦ ᓴᖅᑭᑕᐅᑐᐃᓐᓇᕆᐊᓕᖕᓄᑦ.
- ᑐᓴᖅᑎᑦᑎᕙᒡᓗᓂ ᐊᐅᓚᑦᑎᔨ, ᐊᑮᑦᑐᓕᕆᔨᓄᑦ ᐊᑮᑦᑐᐃᔭᐃᑎᑦᑎᔨᓄᓪᓗ ᐊᑲᐅᙱᓕᐅᕈᑕᐅᔪᓂᒃ ᐅᕝᕙᓘᓐᓃᑦ ᒪᓕᑦᑎᐊᖏᑦᑐᓂᒃ ᑮᓇᐅᔭᖁᑎᖃᕐᕕᒃ ᐊᒻᒪᓗ ᐊᑐᓕᖁᔭᐅᔪᑦ ᐋᕿᒋᐊᕈᑎᓄᑦ ᓴᓕᒧᒌᓗᓂ ᖁᓪᓕᒃᑯ ᐆᒻᒪᖁᑎᓕᕆᔨᒃᑯᑦ ᑎᒥᖁᑖ ᒪᓕᒋᐊᖃᖅᑕᖏᓐᓂᑦ ᐱᔨᑦᑎᕋᕐᓂᕆᕙᒃᑕᖏᓐᓄᑦ.
ᐊᔪᙱᓐᓂᕆᔭᐅᔭᕆᐊᓖᑦ ᐅᑯᐊᖑᕗᑦ:
- ᓯᓚᑦᑐᖅᓴᕐᕕᖕᒥ ᐃᓱᓕᑦᑎᓯᒪᒋᐊᓕᒃ ᑮᓇᐅᔭᓕᕆᔨᐅᓂᕐᒥᑦ, ᓇᖕᒥᓂᖅ ᐊᐅᓚᑦᑎᔨᐅᓂᕐᒥᑦ, ᐊᒃᑐᐊᓂᓕᖕᓂᓪᓗ ᐋᖅᑭᒃᓱᐃᓂᕐᒥᒃ.
- ᐅᑭᐅᕐᓄᑦ ᑕᓪᓕᒪᓄᑦ ᐊᑭᓕᖅᓱᐃᔨᓂᒃ ᐱᔨᑦᑎᕋᖃᑦᑕᕐᓂᑰᓗᓂ;
- ᐊᕐᕌᒍᓄᑦ ᒪᕐᕉᓐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
ᐱᔪᓐᓇᖅᑕᖏᑦ:
- ᐱᓕᕆᔨᒻᒪᕆᐅᓗᓂ ᐃᓕᓴᕆᔭᐅᓯᒪᓗᓂ ᑮᓇᐅᔭᓕᕆᔨᒻᒪᕆᐅᓂᕐᒧᑦ, ᐅᕝᕙᓘᓐᓃᑦ ᐊᔾᔨᑲᓴᖓᓂ ᐱᓕᕆᔨᒻᒪᕆᐅᓂᕐᒧᑦ ᐃᓕᓴᕆᔭᐅᔾᔪᑎᖃᕐᓂᕐᒧᑦ, ᓂᕈᐊᕆᔭᐅᓂᖅᓴᐅᕗᑦ.
- • ᖃᐅᔨᒪᓗᓂ ᓄᓇᕗᒻᒥ, ᓄᓇᖓᓂ, ᐅᖃᐅᓯᖏᓐᓂᑦ ᐊᒻᒪ ᐱᖅᑯᓯᖏᓐᓂᑦ.
- ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $87,204.00−ᒥ $108,088.50−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $18,517.00−ᓂᒃ ᐊᕐᕌᒍᒧᑦ, ᓈᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᒍᑦ ᐅᑯᓂᖓᓗ ᓇᓗᓇᐃᖅᓯᒪᔪᓂᒃ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ ᐃᑲᔪᖅᑕᐅᔾᔪᑎᑕᖃᖅᖢᓂ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐱᖃᑕᐅᙱᑦᑐᖅ.
ᓄᓇᕗᒻᒥᐅᑦ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.
ᐱᓇᔪᒍᒪᒍᕕᑦ ᓇᒃᓯᐅᑎᓗᒍ ᐱᓇᔪᒍᑎᒋᔭᐃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᕗᖓ careers@qec.nu.ca ᑎᑎᖅᑲᑎᒍᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᐃᓐᓄᒐᓱᖕᓂᖓᓂᒃ ᒪᒃᐲᖓᓂᐊᖅᑐᖅ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᕗᒍᑦ ᐃᖅᑲᓇᐃᔮᖅᑖᕋᓱᒃᑐᓕᒫᓂᒃ; ᑭᓯᐊᓂ, ᓂᕈᐊᖅᑕᐅᔪᑐᐊᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓂᐊᖅᑐᓄᑦ ᑐᓴᖅᑎᑕᐅᓂᐊᖅᐳᑦ.