ᓄᒃᑭᒃᓴᕈᒃ ᐃᖅᑲᓇᐃᔮᕆᔪᓐᓇᖅᑕᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐱᓕᕆᐊᒃᓴᑦᑎᐊᕙᒃ ᐃᓕᖕᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ! ᐃᓚᐅᕝᕕᒋᑎᒍᑦ ᐆᒻᒪᕆᒃᑎᐊᖅᑐᑦ ᐱᓕᕆᖃᑦᑕᖅᓯᒪᓂᑰᑦᑎᐊᖅᑐᑦ ᐱᓕᕆᕝᕕᖕᒥ ᐱᓕᕆᔨᒻᒪᕇᑦ ᐊᑐᐃᓐᓇᐅᑎᑦᑎᑎᓪᓗᑕ ᐊᑦᑕᕐᓇᙱᑦᑐᒥ, ᐊᑐᕈᓐᓇᑦᑎᐊᖅᑐᒥ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᓂᒃ ᓄᓇᕗᓕᒫᒥ.
ᐱᓕᕆᖃᑎᒌᖕᓂᖅ ᓄᓇᕗᒻᒥ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᕐᒥᒡᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒍᓱᑦᑎᐊᕐᓂᐊᖅᐳᑎᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᕕᒃᓴᖃᑦᑎᐊᖅᑎᓪᓗᑎᓪᓗ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᑲᑕᒡᓗᑎᑦ, ᐃᖃᓗᑲᑕᒡᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᒨᖓᑦᑎᐊᖅᑐᓂ ᓴᓇᙳᐊᖅᑕᐅᔪᓂ ᓂᔾᔭᐅᓯᔭᖅᑕᐅᔪᓂᒡᓗ, ᓄᓇᕗᑦ ᐃᓂᐅᕗᖅ ᐃᓕᖕᓄᑦ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᖏᑦᑐᒥᑦ, ᑕᑎᒋᔭᒃᓴᐅᔪᓐᓇᖅᑐᒥ ᐆᒻᒪᖁᑎᒥ ᑕᒪᐃᓐᓄᑦ ᐊᑭᓕᖅᓱᐃᕙᒃᑐᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᒻᒪᓗ ᐊᐅᓚᑕᐅᓪᓗᓂ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᓄᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᔾᔨᒌᖕᓂᖏᑦ ᐊᓯᖏᓐᓄᑦ ᐆᒻᒪᖁᑎᓕᕆᓂᕐᒧᑦ ᑲᓇᑕᒥ, ᖁᓪᓕᖅ ᐆᒻᒪᖁᑎᓕᕆᔨᒃᑯᑦ ᐊᔾᔨᒌᙱᑦᑐᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᑐᑦ ᐊᐅᓚᑦᑎᖃᑦᑕᕐᓂᖏᓐᓄᑦ 25-ᓂᑦ ᐃᓛᒃᑰᖅᑐᓂᑦ ᐅᖅᓱᐊᓗᖕᒨᖅᑐᓂᑦ ᐊᐅᓚᐅᑎᖃᕐᕕᒡᔪᐊᕐᓂ ᐊᒻᒪ ᖃᐅᒻᒪᖅᑯᑎᖃᖅᑎᑦᑎᔾᔪᑎᓂᑦ ᓄᓇᕗᓕᒫᒥ ᓄᓇᓕᖏᓐᓂ.
ᐊᑭᓕᒐᒃᓴᓕᕆᔨ - ᐃᖃᓗᐃᑦ, ᐃᖃᓇᐃᔭᓚᐅᑲᖕᓂᖅ
(ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᐅᓄᑦ ᐃᓄᖕᓄᑐᐊᖅ ᑐᕌᖓᕗᖅ.)
ᐱᓕᕆᖃᑦᑕᕐᓗᓂ ᐃᖃᓗᖕᓂ ᓄᓇᓄᑦ ᐊᕕᒃᑐᖅᓯᒪᔪᓄᑦ ᐊᖓᔪᖅᑳᖃᕐᕕᖕᒥ, ᐊᑭᓕᒐᒃᓴᓕᕆᔨ ᑲᒪᒋᔭᖃᕐᓂᐊᖅᑐᖅ ᐱᔨᑦᑎᕋᐃᓐᓇᕐᓂᕐᒥᒃ ᑎᒥᐅᔫᑉ ᐊᑭᓕᖅᓱᐃᔪᖁᑎᖏᓐᓂᒃ. ᑕᒪᓐᓇ ᐃᓚᖃᖅᑐᖅ ᑭᐅᖃᑦᑕᕐᓂᕐᒥᒃ ᐊᑭᓕᖅᓱᐃᔪᑦ ᐊᐱᖅᑯᑎᖏᓐᓂᒃ, ᐱᓕᕆᕙᓪᓕᐊᓂᕐᒥᒃ ᓂᐅᕕᖅᐸᒃᑐᑦ ᐊᑭᓕᐅᑎᖏᓐᓂᒃ, ᑲᒪᒋᔭᖃᕐᓂᕐᒥᒃ ᓂᐅᕕᖅᐸᒃᑐᑦ ᓇᓕᖅᑲᖏᓐᓂᒃ ᐱᓕᕆᕙᓪᓕᐊᓂᕐᒥᒡᓗ ᐱᓕᕆᐊᕆᔭᐅᔭᕆᐊᓕᖕᓂᒃ.
ᐱᔭᒃᓴᕆᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ:
- ᑎᑎᕋᖅᐸᓪᓕᐊᓂᕐᒥᒃ ᐱᓕᕆᐊᕆᔭᐅᔭᕆᐊᓕᖕᓂᒃ ᐊᑭᓕᖅᓱᐃᔪᑦ ᐊᑕᖃᑦᑕᐅᑎᓂᕆᔭᐅᔪᓂᒃ, ᓇᑲᑎᕆᓂᕐᒥᒃ ᑮᓇᐅᔭᖁᑎᖃᕐᕖᓪᓗ ᓅᑕᐅᓂᖏᓐᓂᒃ.
- ᐋᖅᑭᒃᓱᐃᕙᒡᓗᓂ, ᓇᓗᓇᐃᖅᓯᕙᒡᓗᓂ, ᑲᔪᓯᑎᑦᑎᕙᒡᓗᓂᓗ ᑕᖅᑭᑕᒫᖅᓯᐅᑎᓂᒃ ᐊᑭᓕᖅᑕᐅᔪᒪᔾᔪᑎᓂᒃ ᑎᑎᖅᑲᒃᑯᕕᖕᒧᐊᖅᑕᐅᔪᒃᓴᓂᒃ.
- ᐊᑐᓕᖅᑎᑦᑎᕙᒡᓗᓂ ᐊᑭᓕᐅᑕᐅᔭᕆᐊᓕᖕᓂᒃ ᐊᑭᓕᖅᓱᐃᔪᑦ ᑮᓇᐅᔭᖁᑎᖃᕐᕕᖏᓐᓄᑦ ᓇᑲᑕᐅᓂᐊᕐᓂᖏᓐᓄᑦ ᓇᓗᓇᐃᖅᓯᕙᒡᓗᓂᓗ ᐊᑭᓕᖅᓱᐃᔪᓂ ᐊᑐᖅᑕᐅᔪᓐᓇᖅᑐᓂ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᑮᓇᐅᔭᒃᑯᕕᖕᒨᖅᓯᓂᕐᓂᒃ ᐊᑦᑕᑕᖅᑎᑕᐅᔾᔪᑕᐅᓂᐊᖅᑐᓄᑦ.
- ᐊᑭᓕᐅᑕᐅᔪᓂ ᐱᕙᓪᓕᐊᑎᑦᑎᕙᒡᓗᓂ ᓄᑖᓄᑦ ᐊᑭᓕᖅᓱᐃᔪᓄᑦ ᐊᑭᓕᖅᓱᐃᕌᓂᒃᑐᓄᓪᓗ.
- ᑭᐅᕙᒡᓗᓂ ᐊᑭᓕᖅᓱᐃᔪᑦ ᐱᔭᕆᐊᖃᖅᑕᖏᓐᓂᒃ ᐱᔾᔪᑎᖃᖅᑐᓂ ᐊᑭᓕᖅᑕᐅᔪᒪᔾᔪᑎᓂᒃ ᐆᒃᑐᕋᐅᓪᓗ ᐅᖃᓕᒫᕐᓂᖏᓐᓂᒃ.
- ᐊᐅᓚᑦᑎᔨᐅᖃᑕᐅᖢᓂ ᐊᐅᓚᑦᑎᔨᐅᔪᓂ ᓇᓗᓇᐃᔭᐃᓂᕐᒧᑦ ᓈᒻᒪᒃᑐᓂ ᑕᖅᑭᑕᒫᑦ ᐅᖃᓕᒫᖅᑕᐅᔪᓂ ᐅᓂᒃᑳᓕᐊᓂᒃ.
ᐊᔪᙱᑕᕆᐊᖃᕐᒥᔭᖏᑦ ᐅᑯᐊᖑᒋᕗᑦ:
- ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎ.
- ᐊᕐᕌᒍᓕᒫᒥ ᐊᑭᓕᖅᓱᐃᔪᓂ ᐱᔨᑦᑎᕋᕐᓂᑰᓗᓂ.
- ᓇᓗᓇᐃᔭᐃᓯᒪᔪᒥ ᐱᓕᕆᔪᓐᓇᕐᓂᖃᕐᓗᓂ ᑐᓴᐅᒪᖃᑎᒌᖕᓂᕐᒥᒃ ᐊᑭᓕᖅᓱᐃᔪᓂᑦ ᓈᓚᑦᑎᐊᕈᓐᓇᕐᓗᓂ ᐊᑲᐅᔪᒃᑯᓪᓗ ᐃᒃᐱᒍᓱᖕᓂᖃᑦᑎᐊᕐᓗᓂ.
- ᓇᓗᓇᐃᔭᐃᓯᒪᔪᒥ ᐱᓕᕆᔪᓐᓇᕐᓂᖃᕐᓗᓂ ᐊᑐᓕᖅᑎᑦᑎᓂᕐᒧᑦ ᑲᔪᓯᑎᑦᑎᓂᕐᒧᓪᓗ ᐱᓕᕆᖃᑎᒌᑦᑎᐊᕐᓂᕐᓂᒃ ᐃᖅᑲᓇᐃᔭᖅᑎᖁᑎᓂᒃ ᓇᐅᒃᑯᓕᒫᖅ ᐱᓕᕆᕝᕕᖕᒥ, ᐃᖅᑲᓇᐃᔭᕐᕕᐅᑉ ᓯᓚᑖᓂᑦ ᐊᖏᖃᑎᒌᒍᑎᒃᑰᖅᓯᒪᔪᓂ, ᑭᒃᑯᑐᐃᓇᕐᓂ, ᐃᓚᒋᔭᐅᓪᓗᓂᓗ ᐃᖅᑲᓇᐃᔭᖃᑎᒌᖕᓂᒃ ᐊᖓᔪᖅᑳᕐᓂᓗ.
ᐊᑑᑎᓇᔭᖅᑐᑦ:
- ᐃᓕᓐᓂᐊᒃᑲᓐᓂᖅᓯᒪᓗᓂ ᑎᑎᕋᕐᕕᖕᒥ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒥᒃ ᐊᐅᓚᑦᑎᓂᕐᒥᒃ.
- ᖃᐅᔨᒪᓗᓂ ᓄᓇᕗᒻᒥᒃ, ᓄᓇᖓᓂᒃ, ᐅᖃᐅᓯᖏᓐᓂᒃ ᐊᒻᒪ ᐱᖅᑯᓯᖏᓐᓂᒃ.
- ᐃᓄᒃᑐ/ᐃᓄᐃᓐᓇᖅᑐᓐ ᐅᖃᕈᓐᓇᕐᓗᓂ ᐊᒻᒪ/ᐅᕝᕙᓘᓐᓃᑦ ᐅᐃᕖᑎᑐᑦ.
ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᕐᓂᖓ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
ᐊᑭᓕᖅᓱᐃᑦᑎᐊᖃᑦᑕᖅᐳᒍᑦ $65,383−ᒥᑦ $73,690−ᒧᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᑎᑦᑎᕙᒃᖢᑕ $15,016−ᓂᒃ ᐊᕐᕌᒍᒧᑦ, ᐃᖅᑲᓇᐃᔭᕐᓇᐅᙱᑦᑐᒃᑯᑦ ᐃᑲᕐᕋᓕᐅᕈᓐᓇᖅᑎᑕᐅᓪᓗᓂ, ᓈᒻᒪᔪᒥᑦ ᐃᑲᔫᓯᐊᖅᑖᖅᑎᑦᑎᕙᒃᑐᑦ ᐅᑯᓂᖓᓗ ᓇᓗᓇᐃᖅᓯᒪᔪᒥᑦ ᐃᑲᔫᓯᐊᒃᓴᓂᒃ ᐃᓐᓇᖅᓯᐅᑎᒃᓴᓄᑦ. ᑖᓐᓇ ᐃᖅᑲᓇᐃᔮᒃᓴᖅ ᐃᓚᓕᐅᔾᔭᐅᓯᒪᕗᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.
ᐃᕐᙲᓐᓈᖅᑕᐅᒃᑯᑦ ᐱᓇᔪᒍᓐᓇᖅᑐᑦ ᐅᕗᖓ hr@qec.nu.ca ᑎᑎᖅᑲᒃᑯᕕᒃᑯᓪᓘᓐᓃᑦ ᐅᕗᖓ: Human Resources, Qulliq Energy Corporation, P.O. Box 420, Baker Lake, NU X0C 0A0
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ.